Dr.Sara Ashraf - د. سارة أشرف أخصائية النساء و التوليد و تأخر الإنجاب

18/09/2025

09/09/2025

انا خايفة يا دكتور أصل سمعت إنهم منعوا الولادة القيصري

07/09/2025

جوزك قبل الولاده: هنربي الطفل سوا وهسهر معاكي وكل واحد يشيله شويه
بعد الولاده::ماتاخدي البتاع ده واطلعوا بره عايز انااااااام!!!

04/09/2025

حر ..حمل ف السابع ..ضيق تنفس ..دروس ..حاجات المدارس..حاجات الولاده..نقص فيتامين د
شايفين 👇

04/09/2025

في يوم مولد الرسول :

صلوا علي من يأتي منادياً يوم القيامة أُمتي أُمتي♥️

26/08/2025

نعلن عن بدء العمل بعيادة مدينة السادات بدءا من اليوم الثلاثاء من الساعة ٤ ل ٧ مساءا
للحجز ٠١٠٢٦٩٣٣٤٥٥

28/05/2025

في واقعة طبية نادرة توصف بأنها من "عجائب الطب"، شهدت بريطانيا حالة حمل غريبة من نوعها، حيث حملت سيدة تُدعى ريبيكا روبرتس، تبلغ من العمر 39 عامًا، بطفلين ليس في نفس اللحظة، بل بفارق زمني قدره ثلاثة أسابيع! هذه الظاهرة الاستثنائية تُعرف علميًا باسم "Superfetation"، أو ما يُطلق عليه بالعربية "الحمل الإضافي"، وهي تحدث عندما تُخصب بويضة ثانية وتزرع في الرحم بينما لا تزال المرأة حاملًا بالفعل.

القصة بدأت عندما كانت ريبيكا تخضع لعلاج لتعزيز الخصوبة، وهو ما قد يكون ساهم في هذا الحدث النادر. وفي أثناء حملها الأول، حدث ما لم يكن في الحسبان: أطلق جسدها بويضة جديدة تم تخصيبها، لتبدأ رحلة حمل ثانية فوق الحمل الأول!

الجنين الأول، نواه، بدأ نموه أولًا، وتلته شقيقته روزالي بعد نحو ثلاثة أسابيع. وعلى الرغم من الفارق الزمني بين الحملين، إلا أن الأطباء قرروا إجراء عملية ولادة قيصرية مبكرة في الأسبوع الـ33 من الحمل، بسبب مشكلات في الحبل السري لروزالي.

عند الولادة، كان الفارق في الحجم بين الطفلين واضحًا للغاية: وزن نواه بلغ 1.5 كيلوجرام، بينما بلغ وزن روزالي 1.2 كيلوجرام فقط، ما جعل من الصعب تصديق أنهما توأمان. لكن الحقيقة أن هذين الطفلين يمثلان واحدة من أندر حالات الحمل المزدوج التي سُجلت في التاريخ الطبي الحديث.

إنها قصة تدهش الأطباء والعلماء حول العالم، وتُذكّرنا دومًا بأن جسد الإنسان لا يزال يحمل أسرارًا لم تُكتشف بالكامل بعد.

سبحان الله

01/04/2025

انا بشكر كل حالاتي الحلوين الي سيطروا علي نفسهم اول يوم العيد
وعدي بدون طوارئ الحمدلله 🤣🤣🤣
ومع تاني يوم مقدروش بقي 😅😅
#ولادة-طبيعي استمرت يوم كامل و اكتر من ١٢ ساعة بعد انفجار جيب الماء
#عيدـسعيد
#ياـصبر

31/03/2025

كل عام وأنتم بخير 🎉🎈
تقبل الله منا ومنكم ❤️

30/03/2025

مخاوف كل واحدة حامل 😭😂

30/03/2025

طب و بعدين بقى .. ده لسة الكحك 🤣🤣
#عيدـالفطر #عيدـسعيد #رمضان

16/02/2025

واحدة من ضيفاتي العزيزات ، بعد الكشف قالتلي انا متبعاكي و بحبك و بحس انك مبهجة و شعلة نشاط و اكتشفت كمان إن عندك اولاد .. انا نفسي اكون كده برضو اقدر اهتم بنفسي و اسعي و اعمل حاجات نفسي اعملها بس صحتي مش مساعداني..

لما عرفتها اني عندي نفس المرض اللي عندها اللي هو الفيبروميلجيا و باخد علاج من اكتر من اربع سنين ، و الحمد لله الحمد لله ، بقيت اقدر اتعايش مع الآلام المزمنة ..

اللي عنده نفس المرض ، فاهم يعني ايه الآلام الكتف المزمنة و كأن بجد فيه جبلين علي كتفي ..نار هادئة بس مستمرة ، يمكن اذكر ان بقالي فترة طويلة مفيش ساعة بتعدي بدون الآلام ...مرض لسه لحد دلوقتي لم يكتشف له علاج جذري ..بس الحمد لله تاني من كل قلبي ..

انا بكتب البوست دا ، و بتعمد كل فترة اتكلم عن هذا المرض..
لان مشكلته الاساسية..ان محدش بيحس بيكي غير اللي مر بنفس الآلام..هيجي وقت كلمة ( تعبانة ) هتبقي كلمة مستهلكة ، يمكن من كتر ما كررتيها و اللي حواليكي اخدوا عليها ، بقيتي محرجة تقوليها ، بتعيشي مع الالامك في صمت ..

سألتني بعد ما استغربت كتير ،
طيب ازاي يا دكتوره قدرتي تتعايشي ..؟

اول حاجه..بقول الحمد لله.. ربنا رحمان رحيم..
مريض الفيبروميلجيا..اكتر حاجه بتتعبه ..بما نفسيته بتتعب ..كل الآلام بتظهر فجأة...
بقيت ابعد عن اي اشخاص مزعجة..متعمدة تجرحني ..او وجودها مش مريح بالنسبالي ..مبقتش اروح اماكن مش برتاح فيها ..بقيت اقول لا ..لاي حاجه عارفه انها هتضايقني
بقيت مهتمش ب كلام حد .. نهائي....

حاولي تستغلي مجهودك ..في الحاجات اللي مينفعش حد يعملها غيرك ..و لو عندك المقدرة اطلبي المساعدة في شغل البيت الروتيني ...معندكيش ..اعملي اللي تقدري عليه و الباقي آجليه ..وقت ما تلاقي جسمك خلاص بيقولك كفاية ..ميهمكيش كلام الناس ..محدش بيمر بنفس ظروفك.

حاولي تعملي اي حاجه تخليكي مبسوطة... النفسية بتفرق كتير ..بتنسيكي الآلام.. الراحة النفسية افضل مسكن اقوي من البروفين و مش ييضر الكليتين.

انا مثلاً بحب شغلي جدا ، اجمل لحظات بمر بيها فعلا ..لما مريض عندي يتحسن ..و الله احساس بينسيني اي هموم ..و بحس ان ربنا سبحانه وتعالى كرمني و سخرني لهذة الوظيفة .

الاكل ...ابعدي عن السكريات و النشويات... دمار لاي حد عنده فيبرو ..لو كلتي منهم هتصحي تاني يوم جسمك كله الآلام ..

بس ...
و اهم حاجه الرضا و اننا نحمد ربنا من كل قلبنا ..الحمد لله بجد...و ندعي يكتشفوا علاج لهذا المرض المؤلم .