09/08/2023
تنويه هام لجميع المرضى اللي بيستهونو باي اعراض بسيطة بتظهر عليهم ويقولك روح الصيدلية . المشكلة عندك بتكون بسيطة وعلاجها بسيط وتكلفته بسيطة ونسبة الشفاء بتكون عالية لو اكتشفنا المرض مبكرا .
الاعتماد على المسكنات والمضادات الحيوية التي يتم صرفها من الصيدلية دون استشارة الطبيب المختص هتكلفك كتيييير جدا لدرجة انها ممكن تكلفك حياتك.
و لزملائي أطباء الأسنان وخاصة شباب أطباء الأسنان أذكركم ونفسي رجاء لا تبخلوا في البحث والتدقيق في شكوى المريض ولا تبخلوا في عمل الفحوصات اللازمة سواء تحاليل او اشاعات .
عرّفوا مرضاكم أن الفحوصات دي مش رفاهية .
نحن نرى يوميا اورام وتكيسات وعدوى بالفكين بمختلف انواعها كلها تفاقمت نتيجة الاهمال والتقليل من أهمية المشكلة. بعضها أدى الى استئصال للفك او نصف الفك والاخر أودى بحياة المريض والبعض الآخر مستمر في العلاج الكيماوي والاشعاعي . والآخر ترك له ذكرى أليمة وعاهة مستديمة طوال حياته.
عذرا ؛ انا باكتب الكلام ده من كثرة القصص الحزينة التي اسمعها عندما أتقصى التاريخ المرضي للحالات . وبأحزن أكثر عندما أطالب بالفحوصات وارى المريض متضجر مما اطلب ظناً منه انها رفاهية وكان ممكن يروح ياخد علاج من الصيدلية .
اسأل الله لكم ولزويكم العافية والسلامة.
