عيادة التغذية العلاجية . د/ مصطفى محمود

07/11/2025

🚨

بمناسبة بداية التوقيت الشتوي ❄️
حابين نبلغكم إن مواعيد العيادة اتعدّلت 🌙

📅 مواعيد العيادة بالتوقيت الشتوي:

‏‎📍عيادة المحلة الكبرى :
‏‎موقف طلعت حرب - برج الأطباء - الدور الثالث
‎ السبت ، الإثنين ، الأربعاء من 3 حتى 5 عصراً
و يوم الخميس من 5 حتى 7.30 مساءً

‏‎📍عيادة محلة زياد :
‏‎ميدان المحطة - عمارة التوحيد - الدور الرابع
‎ السبت ، الإثنين ، الأربعاء من 7 حتى 10 مساءً

للتواصل و الاستفسار
010 66523234

13/10/2025

من حضور مؤتمر خبراء السمنة والتغذية
Obesity & Nutrition Experts Scientific (ONES) Meeting 2025
بالتعاون مع EGSPEN وEMASO

واحد من أقوى مؤتمرات التغذية بإشراف نخبة من أساتذة التغذية العلاجية في مصر

و بالأخص أستاذي و معلمي الفاضل أ.د. عمرو مطر
Amr Mattar
اللي ليا كل الشرف اني على مدار سنة كاملة اتعلمت منه كتير في دبلومة تغذية ال ESPEN
( European Society for Clinical Nutrition and Metabolism) Enteral and Parenteral Nutrition.

و اتشرفت بمقابلة أستاذتي المميزه عَلَم تغذية الأطفال في مصر أ.د. جيهان فؤاد .
Gihan Fouad Ahmad
اللي بتشرف بالتعلم منها كل يوم في دبلومة تغذية الأطفال

مؤتمر مميز كالعاده غني بالمواضيع المميزة بأحدث الأبحاث العلمية في مجال التغذية و السمنة
من المواضيع المهمة في أجندة المؤتمر :

• السمنة كأزمة صحية عالمية وإزاي مصر بتتعامل معاها بخطة وطنية.
• حالة ملهمة: من شخص قليل النشاط لرياضي محترف – رحلة تغيير كاملة بالتغذية.
• الأدوية وجراحات السمنة: اختيار العلاج الأنسب والمحافظة على النتايج.
• التغذية والمناعة: الجديد في الـ Immunonutrition.
• أحدث العلاجات الدوائية للسمنة زي الـ Semaglutide والـ Tirzepatide.
• تأثير السمنة على الجسم: ارتجاع المريء، حصوات المرارة، و الكبد الدهني .
• فقدان العضلات مع أدوية الـ GLP1: وازاي نمنع ده بالتغذية السليمة.
• سلامة المريض في التغذية العلاجية: “No Harm Nutrition”.
• ابتكارات جديدة في الجهاز الهضمي والعلاج الدوائي.

• إدارة السمنة عند الأطفال بطرق عملية وواقعية (ورشة عمل قوية جدًا).
• تأثير السمنة على الجلد والبشرة.
• الأكل العاطفي وصورة الجسم بعد عمليات السمنة: تنظيم التفكير والمشاعر.
• التغذية أثناء الصيام الديني.
• السمنة مع الأمراض المزمنة زي الكلى والمفاصل (نهج الفريق المتكامل).
• السمنة والخصوبة عند السيدات.
• الذكاء الصناعي في الطب والسمنة: المستقبل بدأ فعلاً

————

I was honored to attend the Obesity & Nutrition Experts Scientific (ONES) Meeting 2025, held in collaboration with EGSPEN and EMASO.

It was a truly inspiring two-day conference, rich with the latest evidence-based updates in clinical nutrition, obesity management, and metabolic health.
Specially Enteral and Parenteral Nutrition .

Grateful for the opportunity to learn, connect with leading experts, and share ideas that will definitely enhance my clinical practice and patient care.

Continuous education is the foundation of excellence in healthcare.

Topics discussed in the conference:

Obesity as a global health crisis and Egypt’s national response.
• Inspiring case: From sedentary to athlete – a real-life nutrition transformation.
• Drugs, bariatric surgery, and long-term maintenance: choosing the right path.
• Immunonutrition updates: new hope for immune health.
• Latest obesity treatments like Semaglutide and Tirzepatide.
• Obesity complications: GERD, gallstones, and fatty liver.
• GLP-1 drugs and muscle loss: how nutrition can prevent it.
• Patient safety in clinical nutrition: “No Harm Nutrition.”
• New innovations in gut health and pharmacotherapy.

• Childhood obesity management workshop.
• Skin and dermatological aspects in obesity.
• Emotional eating and body image after bariatric surgery.
• Nutrition during religious fasting.
• Managing obesity with other diseases (kidney & joint health).

31/07/2025

هل النزول السريع في الوزن ممكن يسبب حصوات؟
الإجابة: للأسف أيوه!
والمشكلة الأكبر؟ إنها بتحصل في المرارة والكلى… وكتير ما بياخدوش بالهم غير بعد ما الألم يبدأ!
تعالوا نفهم مع بعض ليه ده بيحصل، ونتجنبه إزاي👇

⸻

🟡 أولًا: حصوات المرارة – Gallstones

أثناء النزول السريع، خاصة بعد جراحات زي التكميم، الجسم بيكسر الدهون بسرعة ➤ ده بيرفع تركيز الكوليسترول في العصارة الصفراوية، واللي ممكن يترسب ويتحول لحصوات.

كمان قلة الدهون في الأكل ➤ تخلي المرارة ما تنقبضش كويس ➤ العصارة تركن ➤ تتكوّن الحصوات

🎯 أعراضها؟
• مغص بعد الأكل، خصوصًا الأكلات الدسمة
• ألم في الجانب الأيمن العلوي من البطن
• غثيان أو إحساس بعدم راحة في الهضم

🛡️ نتجنبها إزاي؟
• خليك على معدل نزول آمن (ما بين 0.5–1 كجم في الأسبوع)
• حافظ على وجود دهون صحية في وجباتك (زيت زيتون، مكسرات…)
• اشرب مياه كتير
• وبعض الحالات ممكن تحتاج دواء يخفف تركيز الكوليسترول في العصارة خصوصاً بعد جراحات السمنة .

⸻

🔵 ثانيًا: حصوات الكلى – Kidney Stones

النزول السريع في الوزن بيأثر على توازن الأملاح والمعادن في الجسم
مع قلة شرب المياه أو دايت غني بالبروتين ➤ البول يتركز ➤ وتترسب الأملاح ➤ وتكوّن الحصوات.

🎯 أعراضها؟
• ألم شديد في الجنب أو الضهر
• حرقان أو دم في البول
• مغص كلوي مفاجئ
• غثيان وترجيع

🛡️ نتجنبها إزاي؟
• اشرب 2.5–3 لتر مياه في اليوم
• قلل كمية البروتين الحيواني
• بلاش أنظمة تغذية قاسية من غير إشراف
• حافظ على الكالسيوم الطبيعي في أكلك (مش تمنعه تمامًا!)

⸻

✨ الخلاصة:

✅ النزول في الوزن مفيد… بس يكون ببطء وبذكاء
⛔ النزول السريع ممكن يسببلك مشاكل مرارة وكلى أنت في غنى عنها

🎯 اختار دايمًا طريق الصحة مش السرعة
وتابع مع أخصائي تغذية فاهم جسمك كويس

16/07/2025

تغذية الأطفال الرياضيين: ازاي تصنع بطل صحي وقوي ؟ ⚽🥗

⸻

✳️ أول حاجة: ليه التغذية مهمة للطفل اللي بيلعب رياضة؟
• بتديله طاقة يتحرك بيها طول التمرين
• بتساعد في نموه البدني والعضلي
• بتقوي مناعته وتقلل فرص الإصابة
• بتأثر على تركيزه وأداءه الدراسي كمان
• بتحافظ على وزنه في المعدل الصحي

⸻

🍽️ تاني حاجة: شكل الأكل اليومي لازم يكون عامل إزاي؟

✅ 3 وجبات رئيسية (فطار – غدا – عشا)
✅ 2 سناك صحي بين الوجبات
✅ شرب مياه كفاية طول اليوم
✅ طبق متوازن فيه كل المكونات الغذائية:

🥦 نصف الطبق: خضار وفاكهة

غنية بالفيتامينات والمعادن، وبتحسن الهضم والمناعة

🍗 ربع الطبق: بروتين عالي الجودة

بيض – فراخ – لحمة – تونة – عدس – فول
البروتين أساسي لبناء العضلات والتعافي بعد التمرين

🍞 ربع الطبق: نشويات

عيش – رز – شوفان – بطاطس – مكرونة
الكربوهيدرات مصدر الطاقة الأساسي في التمرين

🥜 دهون صحية بكميات صغيرة

زيت زيتون – مكسرات – أفوكادو – طحينة
بتدعم النمو العصبي والهرموني

⸻

🕒 قبل التمرين – يأكل إمتى وإيه؟

✅ قبل التمرين بـ 1.5 – 2 ساعة:

وجبة خفيفة عالية الكربوهيدرات، قليلة الدهون والألياف، سهلة الهضم:

🍌 موزة + كوب زبادي
🍞 توست بالعسل
🥣 شوفان خفيف باللبن

⸻

🕒 بعد التمرين – التعويض السريع

✅ خلال 30 – 60 دقيقة بعد التمرين:

لازم وجبة فيها بروتين + كربوهيدرات لتعويض الجهد:

🥪 ساندويتش تونة أو بيض
🍶 زبادي + فاكهة
🍗 فراخ مشوية + بطاطس
🍛 رز + عدس + سلطة

⸻

❌ حاجات لازم نقللها أو نبعد عنها:
• الأكل المقلي والدسم قبل التمرين
• الحلويات والمشروبات الغازية
• الشيبسي والوجبات السريعة
• التمرين على معدة فاضية أو بدون أكل
• الإفراط في السكريات بعد التمرين

⸻

💧 الترطيب = طاقة وتركيز
• الطفل يشرب مياه قبل التمرين، وأثناءه لو طويل، وبعده
• العصاير الطبيعية كويسة، بس المية أهم

⸻

🧠 مفيش مكملات!

طول ما الطفل بياكل كويس ومتنوع، مش محتاج مكملات
لو في شك في فيتامين د أو أنيميا، بنعمل تحاليل وبنحدد بناءً عليها
بعد الكشف السليم عند طبيب متخصص في التغذية العلاجية
⸻

🎯 خلاصة الكلام:

ابنك لو بيلعب رياضة… التغذية الصح هي سر استمراره وتفوقه.

مش لازم يكون في منتخب علشان نهتم بأكله،
اهتمامك بأكله دلوقتي = بطل أقوى ونمو صحي على المدى البعيد.

07/07/2025

🎯 “مش باكل عشان ما أزيدش تاني بعد التكميم!”
لو دايماً بتفكري كده … البوست ده ليكي 💬

كتير من البنات بعد عملية التكميم أو التحويل، بيخافوا من الأكل خوف شديد،
خصوصاً لما يبدأ الميزان يثبت أو يزيد شوية…
فتلاقيها تبدأ تدور على حاجه تسد الشهية و ترفع الحرق
و تقول:
🔸 “هقلل الأكل أكتر”
🔸 “هشرب قهوة بس”
🔸 “مش هاكل عشا”
🔸 “هكتفي بعلبة زبادي طول اليوم”

لكن الحقيقة؟
الحرمان والخوف بيخلوكي ترجعي تاني لنقطة الصفر، ويمكن أسوأ كمان!

⸻

🧠 إيه اللي بيحصل لما تخافي من الأكل وتمتنعي عنه؟
1. معدل الحرق يقل
جسمك يحس إنه في “مجاعة” فيبطّأ الحرق ويحوش دهون أكتر!
2. ضعف وتعب دائم
مفيش طاقة… مفيش تركيز… دايخة طول اليوم… وممكن توصلي لأنيميا حادة.
3. تساقط شعر شديد ومشاكل في البشرة
لأن جسمك مش بياخد بروتين كفاية، ولا فيتامينات زي الحديد، الزنك، البيوتين وغيره.
4. ترهلات أكتر
لما الجسم يخسر عضلات بدل دهون، الجلد بيرخي والترهلات بتزيد.
5. ثبات الوزن أو زيادته
الجسم يدخل في “مود دفاعي” ويبدأ يخزن كل حاجة بتاكليها حتى لو بسيطة.
6. اضطراب الأكل والنفسية
الخوف المبالغ فيه من الأكل ممكن يسبب نوبات نهم (binge) أو اكتئاب.
7. إمساك مزمن.
و كل توابعه المؤذيه للجسم من خمول و إجهاد و معاناة و شرخ أو بواسير
⸻

🥗 الحل؟ مش في الحرمان… الحل في الوعي!

✔ كلي كويس… بس كلي صح!
✔ ركزي على البروتين في كل وجبة
✔ خدي فيتاميناتك بانتظام
✔ اشربي مياه كفاية
✔ امشي أو اتحركي حتى لو 15 دقيقة
✔ راقبي جسمك، مش بس الميزان

⸻

❤️ أهم خطوة؟ المتابعة مع أخصائي تغذية فاهم مرحلة ما بعد الجراحة
عشان يطمنك، يوجهك، ويطمنك إن الأكل مش عدوك… بالعكس، ده أمانك

عيادة طبية متخصصة في التغذية العلاجية، وهدفنا هو نشر الوعي بالتغذية الصحية بشكل علمي.
بنقدّم استشارات وبرامج غذائية مخصصة لحالات طبية مختلفة بأسلوب بسيط.
د. مصطفى محمود . أخصائي التغذية العلاجية ( الجامعة الأمريكية ) - كلية الطب. جامعة المنصورة.

03/07/2025

🧒💉 ابني بياخد هرمون نمو… هل التغذية فعلاً تفرق؟!

الإجابة باختصار: أيوه، جدًا!
حقن هرمون النمو (Growth Hormone) من غير تغذية علاجية مناسبة زي العربية اللي محتاجه بنزين 95 و بتحط لها بنزين 80 … مش هتوصل للمكان اللي عايزاه إلا بصعوبه و معاناه أو هتعطل في نص الطريق 🚗💨

⸻

🧠 يعني إيه؟

الهرمون لوحده مش بيخلق عضل أو عضم! هو بس بيحفّز الجسم ينمو، بس علشان الجسم يستجيب لازم يكون فيه مواد خام = أكل صحي ومغذي بكميه مظبوطه و من كل العناصر الغذائية الضرورية

يعني إحنا محتاجين نغذّي الطفل صح علشان نساعد العلاج يشتغل بأعلى كفاءة 💪

⸻

🍽️ التغذية الصح بتعمل إيه؟

✅ 1. بتوفّر طاقة كفاية:
• الجسم محتاج سعرات علشان يقدر “يبني”.
• الطفل اللي أكله ضعيف، جسمه هيستغل الهرمون عشان يعيش مش عشان ينمو.

✅ 2. بتوفّر بروتين عالي الجودة:
• زي اللحوم، البيض، الجبن، منتجات الألبان ، العدس، الفول ، البقوليات
• البروتين بيزوّد إفراز هرمون مهم اسمه IGF-1، وده العامل اللي بيخلي الهرمون يشتغل.

✅ 3. بتوفّر معادن وفيتامينات مهمة للنمو:
• 🦴 كالسيوم + فيتامين D → عظام قوية.
• 🔋 حديد → طاقة ونشاط ونمو عضلي.
• ⚙️ زنك → ضروري جدًا للطول و النمو و بناء البروتين .
• 🥕 فيتامين A وC → مناعة وتجديد خلايا.

✅ 4. بتنظّم الوجبات:
• 3 وجبات أساسية + 2 أو 3 سناكس خفيفة مغذية.
• وجبة الفطار مهمة جدًا لأن فيها إفراز طبيعي لهرمون النمو الصبح.

⸻

🚫 إيه اللي لازم نمنعه؟
• الحلويات والمشروبات الغازية الكتير 🍬🥤
• استهلاك كميات كبيره من الشيبسي و الأغذية المصنعة
• الاعتماد على أكلات سريعة خالية من القيمة الغذائية و التنوع في البروتين الصحي و الخضروات

⸻

🧑‍⚕️ إزاي أساعد ابني بشكل عملي؟
• تابع مع أخصائي تغذية علاجية يتابع الوزن والطول والتحاليل . و يعمل له خطة غذائية مظبوطه على سنه و وزنه ، تحتوي على كل العناصر الأساسية للنمو و تحسن الصحة . مع الاهتمام بالفيتامينات و الأملاح المعدنيه الأساسية للبناء و النمو .
• لو فيه فقدان شهية أو نحافة، لازم نشتغل على تحسين الشهية وزيادة السعرات بطريقة صحية.

⸻

📌 وأهم نقطة:

“هرمون النمو مش سحر، التغذية هي المفتاح اللي بيشغّله!”

ابنك يستحق فرصة كاملة للنمو… ومفيش علاج كامل من غير أكل صح 🌱

26/06/2025

💥 عملتي تكميم أو تحويل مسار؟ المتابعة التغذوية بعد العملية مش اختيار… دي ضرورة لحماية صحتك و نزول وزنك بدون أضرار !

❌ عدم المتابعة ممكن يسبب لك :

• 🩸 أنيميا حادة ونقص في الحديد وفيتامين B12
• 🦴 هشاشة عظام بسبب نقص الكالسيوم وفيتامين D
• 🧠 تعب، دوخة، نسيان، اكتئاب
• 🍽️ ثبات أو رجوع الوزن تاني
• 💇‍♀️ تساقط شعر ملحوظ وضعف في النمو
• 😣 بشرة مجهدة، جافة، وظهور تجاعيد مبكرة
• 😔 ترهلات مزعجة بسبب فقدان الوزن السريع من غير تغذية صح

✅ المتابعة التغذوية المنتظمة بتضمن لك :

• نظام غذائي متوازن في كل مرحلة بعد العملية
• مكملات محسوبة بدقة تعوّض أي نقص
• وقاية من الترهلات ومشاكل الشعر والبشرة
• تثبيت الوزن والحفاظ على النتيجة المثالية
• دعم مستمر في أوقات التحديات النفسية والجسمانية بعد الجراحة

🎯 النتيجة مش بس ميزان أقل… النتيجة الحقيقية هي صحة، نشاط، ثقة، وجمال!

📞 احجزي متابعتك دلوقتي وخلي صحتك دايمًا في أمان

24/06/2025

🎯 طبق فول / حمص / عدس كل يوم ممكن تحمي قلبك وتحسن صحتك !

في دراسة جديدة اتعرضت في مؤتمر NUTRITION 2025 ، الباحثين لقوا إن تناول كوباية واحدة يوميًا من الحمص أو الفاصوليا أو البقوليات لمدة 12 أسبوع بس، ممكن يكون ليه تأثير إيجابي كبير على الصحة، خاصةً عند الناس اللي عندهم ما قبل السكري (Prediabetes).

👩‍🔬 الدراسة كانت على 72 شخص عندهم prediabetes، وتم تقسيمهم تلات مجموعات:
1. مجموعة كلت حمص يوميًا.
2. مجموعة كلت فاصوليا يوميًا.
3. مجموعة ثالثة (كنترول) كانت بتاكل رز.

⏳ بعد 12 أسبوع، النتائج كانت كالتالي:

✅ الحمص:
• قلل الكوليسترول الكلي من 200.4 mg/dL لـ 185.8 mg/dL.
• ده معناه تقليل خطر الإصابة بأمراض القلب.

✅ الفاصوليا:
• قللت مستويات الـ IL-6 (مؤشر للالتهاب المزمن) من 2.57 لـ 1.88 بيكوغرام/مل.
• يعني التهابات أقل، وده مهم جدًا للوقاية من أمراض مزمنة زي السكر والضغط وتصلب الشرايين.

❌ مفيش تغييرات كبيرة حصلت في مستويات السكر في الدم خلال الفترة دي، لكن ده مش معناه إن مفيش فوايد… الكوليسترول والالتهاب أهم عوامل خطر بنواجهها مع أمراض القلب والسكر.

‏“Our study found that bean consumption helped significantly lower cholesterol and reduce inflammation in people with prediabetes, although glucose levels were not changed."

🔬 الدراسة كمان اتعملت في ظروف “حياة طبيعية”، يعني الناس كانت بتعيش حياتها بشكل عادي مش في معمل أو مستشفى، وده يدي قوة وواقعية أكتر للنتائج.

💡 الباحثين أكدوا إن:
• البقوليات زي الفول والحمص والفاصوليا و العدس سعرها رخيص وموجودة في كل بيت.
• تقدر تضيفها على السلطة، في الشوربة، أو مع الرز / العيش .
• سواء كانت معلبة، مجمدة أو ناشفة، كله ينفع.. بس خد بالك من الملح أو السكر المضاف.

‏“Our study showed the benefits of consuming beans in adults with pre-diabetes, but they are a great option for everyone,”

🥦 وكمان البقوليات دي غنية جدًا بالألياف، وخصوصًا الألياف القابلة للذوبان، اللي:
• بتساعد في تقليل امتصاص الكوليسترول.
• بتحسّن حركة الأمعاء وتقلل الإمساك.
• وبتغذي البكتيريا النافعة في القولون، وده بيقوّي المناعة وبيقلل الالتهابات في الجسم كله.

✅ يعني غير إنها بتحسّن الكوليسترول والالتهابات، كمان بتدعم صحة الجهاز الهضمي والقولون وبتساعد في الحفاظ على توازن ميكروبيوم الأمعاء.

🎯 رسالة مهمة: لو انت مريض ما قبل السكري، أو حتى سليم وعايز تحافظ على صحتك، إدخال البقوليات في أكلك اليومي ممكن يكون خطوة بسيطة لكن فعالة جدًا.

📌 الدراسة لسه ما اتنشرتش في مجلة علمية، لكن تم اختيارها للعرض من لجنة متخصصة في مؤتمر NUTRITION 2025.. وده يعتبر خطوة مهمة قبل النشر الرسمي

20/06/2025

🔴 المكملات المجهولة… تخسيس ولا تدمير؟

في سباق الوصول للجسم المثالي، ناس كتير بتلجأ لحبوب “تسد الشهية” أو “تحرق الدهون” من مصادر غير موثوقة…
لكن اللي ميعرفهوش كتير، إن بعض المكملات دي بتحتوي على مادة خطيرة اسمها “سيبوترامين – Sibutramine”
📛 مادة محظورة دوليًا من سنين بسبب مخاطرها الصحية الجسيمة.

مادة سيبوترامين (Sibutramine) كانت بتُستخدم زمان كدواء للتخسيس، لكنها اتمنعت دوليًا بسبب آثارها الجانبية الخطيرة.

🧠 إزاي بتشتغل السيبوترامين؟
• بتشتغل على الجهاز العصبي المركزي.
• بتمنع إعادة امتصاص 3 نواقل عصبية:
السيروتونين، النورأدرينالين، والدوبامين.
• وده بيخلّي المريض يحس بالشبع بسرعة، ويقلل الرغبة في الأكل.

يعني ببساطة:
بتلعب على كيمياء المخ عشان تسد الشهية بالقوة.

⸻

⚠️ ليه سيبوترامين اتمنع في العالم كله؟
• بترفع ضغط الدم بشكل خطير
• بتزوّد فرص الإصابة بجلطات وسكتات قلبية
• بتأثر على الحالة النفسية: توتر، اكتئاب، نوبات هلع
• وفي بعض الحالات: سببت وفيات.

⸻

❗مشكلتها مش بس في الآثار الجانبية…

المصيبة الحقيقة بتحصل لما تبطّل الكبسولات دي:
1. معدل الحرق بيقف تمامًا
الجسم بيكون اتبرمج على “أكل قليل = نجاة”، فـ يقلل كل العمليات الحيوية.
والنتيجة؟
👈 توقف نزول الوزن، رغم إنك بتاكل أقل.
2. الوزن بيرتد بسرعة
أول ما الشهية ترجع، الجسم يعوّض بسرعة…
👈 وتلاقي نفسك رجعت أضعاف اللي خسيته.
3. العضلات بتتآكل مش الدهون
وده معناه إن الحرق بيضعف أكتر وأكتر حتى بعد الريجيم . ده غير فقدان الجسم لكتير من العناصر المهمه زي الزنك و الماغنسيوم و المعادن الحيويه
4. حالة نفسية متدمرة
من قلق دائم، لخوف من الأكل، لاكتئاب بسبب “الفشل المتكرر”.

⸻

✅ الحل مش في حرمان ولا كبسولة تحت بير السلم…

الحل في تغذية واعية، خطة علمية، ومتابعة طبية محترمة مع طبيب متخصص في التغذية العلاجية .

جسمك محتاج دعم مش صدمة،
ومحتاج علاج حقيقي مش مسكّن مؤقت!


‎📍عيادة المحلة الكبرى :
‎موقف طلعت حرب - برج الأطباء - الدور الثالث
‎ السبت ، الإثنين ، الأربعاء من ٤ حتى ٦ مساءً

‎📍عيادة محلة زياد :
‎ميدان المحطة - عمارة التوحيد - الدور الرابع
‎ السبت ، الإثنين ، الأربعاء من ٨ حتى ١١ مساءً

‎للتواصل و الاستفسار ☎️
https://wa.me/+201066523234

https://link.gettap.co/Dr.MostafaMahmoud

18/06/2025

🍼 هل البروتين الكتير في أكل الأطفال غلط؟

ناس كتير فاكرة إن البروتين الكتير = نمو أفضل… لكن الحقيقة إن البروتين الزيادة، خصوصًا في أول 5 سنين من عمر الطفل (وخاصة من اللحوم ومنتجات الألبان)، ممكن تزود من خطر السمنة وأمراض زي السكر والضغط لما الطفل يكبر!

👶 البروتين الزيادة في السن الصغير بيزود هرمونات زي الإنسولين و IGF-1 اللي بتحفز تكوين الدهون في الجسم، وده ممكن يسبب سمنة مبكرة.

🥩 البروتين الحيواني (زي اللحوم واللبن والجبنة) هو اللي عليه الخطر الأكبر.
🌱 لكن البروتين النباتي (زي الفول والعدس والمكسرات) آمن، وأحيانًا بيكون مفيد كمان!

⸻

🍼 طيب والأطفال اللي بياخدوا لبن صناعي؟

✅ الرضاعة الطبيعية بتوفر نسبة بروتين معتدلة ومناسبة لنمو الطفل.
❌ لكن معظم أنواع اللبن الصناعي فيها بروتين بنسبة أعلى من الطبيعي، وده بيخلي الأطفال اللي بيعتمدوا عليه أكتر عرضة لزيادة الوزن والسمنة في الطفولة.

📊 دراسات أوروبية أثبتت إن الأطفال اللي شربوا لبن صناعي عالي البروتين زاد وزنهم أكتر من اللي شربوا لبن طبيعي أو صناعي منخفض البروتين.

⸻

✅ علشان كده بننصح:
• ما نعتمدش على اللبن الصناعي إلا للضرورة وتحت إشراف طبيب.
• نختار أنواع اللبن الصناعي اللي فيها محتوى بروتين معتدل.
• نقلل من اللحوم ومنتجات الألبان الزيادة في أول 5 سنين.
• ننوّع مصادر البروتين وندخل مصادر نباتية صحية.
• نعود الطفل على أكل متوازن من مصادر طبيعية .
• نركز على النشويات الصحيه مع البروتين و ضروري الخضار في كل وجبة .
• نهتم بالفواكه باعتدال بدون مبالغة .
• و طبعاً مش محتاجين نأكد على أهمية المياه واللعب لضمان نمو سليم لأطفالنا .

⸻

📌 ملحوظة مهمة: البروتين مهم جدًا، بس الزيادة عن الحد – خصوصًا من اللبن الصناعي واللحوم – ممكن تضر الطفل أكتر ما تفيده.


هخلي لكم في التعليقات تحت 👇لينك الدراسات و
المقالات العملية

‎📍عيادة المحلة الكبرى :
‎موقف طلعت حرب - برج الأطباء - الدور الثالث
‎ السبت ، الإثنين ، الأربعاء من ٤ حتى ٦ مساءً

‎📍عيادة محلة زياد :
‎ميدان المحطة - عمارة التوحيد - الدور الرابع
‎ السبت ، الإثنين ، الأربعاء من ٨ حتى ١١ مساءً

‎للتواصل و الاستفسار ☎️
https://wa.me/+201066523234

https://link.gettap.co/Dr.MostafaMahmoud

14/06/2025

🎉 كل سنة وأنتم طيبين!
عدنا إليكم النهاردة بعد أجازة عيد الأضحى المبارك، ومستمرين في استقبالكم في العيادة .
تنورونا دايمًا، وبنتمنى لكم دوام الصحة والعافية 🌿💚

📍عيادة المحلة الكبرى :
موقف طلعت حرب - برج الأطباء - الدور الثالث
السبت ، الإثنين ، الأربعاء من ٤ حتى ٦ مساءً

📍عيادة محلة زياد :
ميدان المحطة - عمارة التوحيد - الدور الرابع
السبت ، الإثنين ، الأربعاء من ٨ حتى ١١ مساءً

للتواصل و الاستفسار ☎️
https://wa.me/+201066523234

https://link.gettap.co/Dr.MostafaMahmoud
كل عام أنتم بخير و صحة و عافية ☺️

13/06/2025

🔥 ليه الحرق بيقف رغم إنك بتاكل قليل؟!
(وإزاي قلة الأكل والنشويات ممكن تبوّظلك هرمونات الحرق؟)

كتير من الناس عشان تحاول تخس بتبدأ رجيم قاسي:
🍽️ أكل قليل جدًا
🚫 تقطع نشويات ( عيش و رز و مكرونه و سكر )
😩 وتلاقي الجسم مش بيخس… بالعكس، بيقف!

وده مش بسبب “عناد الجسم” زي ما بيقولوا،
ده بسبب إنك دخلت جسمك في وضع طوارئ! 🚨

💡 تعالى نفهم ببساطة ليه ده بيحصل :

جسمك بيعتمد على هرمون مهم اسمه T3 (من الغدة الدرقية) علشان يشغّل الحرق.
بس الهرمون ده مش بيتصنّع على طول…
الغدة الدرقية بتطلع T4 ( و ده النسخه اللي مش متفعله ) ، وجسمك (خصوصًا الكبد والأمعاء) بيحوّله لـ T3.

لما تقلل الأكل والنشويات جداً :
❌ الكبد والأمعاء مش بيلاقوا طاقة كفاية
❌ التحويل لـ T3 بيقل جداً
❌ وبداله الجسم يزود حاجة اسمها rT3 (شكل خامل من الهرمون)
= الحرق يقف ، الجسم يدخل وضع “توفير الطاقة” ⚠️

🎯 النتيجة:
• خمول وتعب
• تساقط شعر
• بروده في الأطراف
• إمساك
• وزن ثابت رغم الأكل القليل

❗يعني مشكلتك مش في جسمك…
مشكلتك في إنك بتحرمه من الوقود اللي محتاجه عشان يشتغل!

✅ الحل؟
مش تحرم… لكن تنظّم :
• كربوهيدرات معقدة (شوفان – بطاطا – بقوليات – خضار)
• بروتين كفاية
• دهون صحية
• ألياف ومياه
• وسعرات محسوبة بشكل علمي

💬 الخلاصة:
لو عايز تحرق دهون، لازم تغذّي الحرق مش توقفه!


‎📍عيادة المحلة الكبرى :
‎موقف طلعت حرب - برج الأطباء - الدور الثالث
‎ السبت ، الإثنين ، الأربعاء من ٤ حتى ٦ مساءً

‎📍عيادة محلة زياد :
‎ميدان المحطة - عمارة التوحيد - الدور الرابع
‎ السبت ، الإثنين ، الأربعاء من ٨ حتى ١١ مساءً

‎للتواصل و الاستفسار ☎️
https://wa.me/+201066523234

https://link.gettap.co/Dr.MostafaMahmoud