Dr\Mai Sabet دكتور/مي ثابت

01/06/2022

اكتئاب مابعد الولادة ، ازاى نحمى اى سيدة لسه والدة منه😔😔😔

20/03/2022

كل سنة وكل ام سعيدة ، لكل ام عيشت معاها اول لحظة امومة ، ولكل ام عشت معاها ايام وليالى صعبه لحد ما ربنا كرمنا، ولكل ام نزلتنى فى نص الليل وعز البرد ، لكل ام فرحت بعد انتظار سنين، عيد سعيد علينا كلنا ❤❤❤

29/01/2022

البنوتة الجميلة "سيدره" ،طلعتى عينى انا ومامتك يومين كاملين بنولد بس فداكى طالما جتيلنا بالسلامة يا حبيبتى ، أطول ولادة طبيعية ، بجد مامتك بطلة ❤❤❤

23/01/2022

﴿وما توفيقي إلا بالله﴾

الحمد لله وبفضله، تم تكريمى من قبل جمعية سيدات مصر ، كسيدة وطبيبة مصرية لها دور فعال فى خدمة المجتمع ، والارتقاء بالمستوى الصحى والمعيشى لسيدات مصر ، من خلال عملى كمستشار طبى لحملة " امان" للصحة الانجابية وتنظيم الأسرة.

د. مي ثابت، المستشارة الطبية لحملة امان، للصحة الإنجابية وتنظيم الأسرة

Dr. Mai Sabet, Medical Advisor for "Aman" Campaign for Reproductive Health & Family Planning

د.مي ثابت طبيبة مصرية تعمل في تخصص النساء والتوليد، على مدار عدة سنوات قامت بالاهتمام بتقديم أعلى مستوى من الخدمة الطبية المجانية والتوعية الصحية للسيدات، من خلال التطوع والمشاركة في عدة قوافل طبية تغطي جميع محافظات مصر.

Dr. Mai Sabet, MD.,Obstetrician-Gynecologist. Over the course of several years, she has provided the highest level of free medical service and health awareness for women, through volunteering and participating in several medical convoys in all Egyptian governorates.

كما أنها تعمل أيضًا كمستشار طبي لحملة "أمان" وهي حملة توعية لسيدات مصر والوطن العربي بالصحة الإنجابية وتنظيم الأسرة والوسائل المختلفة لتحقيق هذا التنظيم، من أجل الارتقاء بمستوى صحي ومعيشى أفضل للسيدات.

She also works as a medical advisor for the "Aman" campaign, which is an awareness campaign for women in Egypt and the Arab world in reproductive health and family planning and the various methods to achieve this, in order to raise a better health and living standards for women.

يتم من خلال هذه الحملة توضيح مدى أهمية التنظيم لارتقاء السيدات بمستوى معيشي أفضل وللحفاظ على الصحة للقدرة على الموازنة بين العمل والتربية والمسؤوليات المختلفة وللحفاظ على حياة زوجية سعيدة.

تقوم د. مي ثابت من خلال الحملة أيضًا بتقديم معلومات طبية عن وسائل منع الحمل المختلفة وتقوم بالرد مجانًا على جميع الاستفسارات التي تخص الصحة الإنجابية ووسائل منع الحمل.

للمزيد عن حملة أمان، اللينك في نهاية البوست

the campaign explains to women the importance of family planning in elevating the women’s standard of living, maintaining health, balancing between work, education and various responsibilities, and leading to a happy married life.

Through out the campaign, Dr. Mai also provides medical information on various contraceptive methods, and answers all questions related to reproductive health and contraceptives, free of charge.

View more on Aman here
https://m.facebook.com/944107832279255/

18/01/2022

البوست ده عن دور البرد اللى ماشى فى البلد اليومين دول "كورونا" اه والهى كورونا ودى الحقيقه 😏😏😏

اللى خلانى اكتب البوست ده ان عدد السيدات الحوامل المصابين بالكورونا زاد اوى الفترة دى ، وطبعا مش عايزة احكلكم صدمه السيدات بعد ما أعملهم المسحه وتطلع اجابيه،

كفايه انى اقولكم انى ولدت حالتين فى العزل الاسبوع اللى فات ، وللأسف البيبيهات كمان طلعوا مصابين واتعزلوا زى الام ، ده طبعا غير ان فى مستشفيات كتير بتمنع الولادة للسيدات المصابين، واللى بيسمحوا اسعارهم بتكون غاليه اوى ، فليه نوصل للمرحله دى 🤔🤔🤔

دى شوية حاجات لو عملناها هنقدر نحمى نفسنا من فيروس كورونا أثناء الحمل، خصوصا ان السيدة الحامل بتكون مناعتها ضعيفه جدا أثناء الحمل :

١. عدم الخروج من المنزل إلا في الضرورة القصوى أو المتابعة مع الطبيب فقط، وذلك لمنع اختلاطهم وانتقال العدوى.

٢. الاهتمام بغسل اليدين باستمرار لمدة 20 ثانية بالمياه والصابون، مع تجفيفهما جيدا.

٣. تقوية الجهاز المناعي بالاهتمام بتناول الخضراوات والفواكه الغنية بالفيتامينات، وخصوصا فيتامين "سي"، حيث إنه يعزز صحة الجهاز المناعي ويحد من خطر الإصابة بالعدوى.

٤. تجنب لمس الأسطح في الأماكن العامة والحرص على ارتداء الأقنعة، والقفازات الطبية وتطهير اليدين باستمرار.

٥. الحفاظ على المسافة الآمنة التي لا تقل عن متر بينك وبين أي شخص آخر، والحرص على اتباع احتياطات خاصة بالتباعد الاجتماعي.

٦. تجنب لمس الوجه والعين والأنف دون غسل اليدين جيدا، حيث تنتقل العدوى عن طريق التلامس.

٧. استشارة طبيبك عن الفيتامينات والمكملات الغذائية الضرورية للحامل أثناء فترة الحمل، بهدف تعزيز صحة الجنين وحمايته من الأمراض والعدوى.

٨. الابتعاد عن المصابين بأعراض الأنفلونزا حتى لو كان دور برد بسيط لحماية جهازك المناعي من خطر الإصابة بالعدوى.

انا دايما بحب انزل صور البيبيهات بعد الولادة عشان بفرح بيهم بس المره ده للاسف منزله صورة كارتون، عشان البيبيهات طلعوا كورونا و اتعزلوا ،

ليه كام تحرمى نفسك من اللحظه اللى تحضنى فيها البيبى بعد الولادة وتفرحي بيه، اللحظة اللى قعدتى مستنياها شهور ، ليه بيبى مكملش يوم من عمره اخده اعزله بعيد عن امه بسبب العدوى اللى اتنقلتله من امه ، 😔😔😔

شويه خطوات بسيطه لو عملتوها هتوفروا على نفسكم مشاكل كتير اوى ، وهتفرحوا بولادكم ، وربنا هيحفظكم بإذن الله ❤❤❤

17/01/2022

شايفين القمر ده 😍😍😍

الكتكوت ده انا اول مرة اشوف مامته جاتلى على الطوارئ و كانت متحوله من مستشفى تانيه فى حاله تسمم حمل من الدرجه الاولى، انا مهما اوصفلكم الحاله الصحيه الحرجه للأم عمركم ما هتقدروا تتخيلوا ، ضغط ١٨٠ على ١٢٠ ، تورم وارتشاح كامل فى الجسم، ارتفاع فى انزيمات الكبد،

اول مره بجد احس انى بحارب الموت والثانيه هتفرق فى حياتهم هما الاتنين،

الام دخلتها العناية المركزة بسرعه اول ماوصلت عشان انزل الضغط، وبعد ما نزل، عملتلها قيصريه عشان انقذ البيبى،

الحمد لله وبفضله هما الاتنين قاموا بالسلامة، وسموه "عمر" على اسم ابنى ❤❤❤

احب اشكر دكاتره الطوارئ والعنايه اللى كانوا فى انتظار الام، وسرعتهم فى نقلها للعنايه المركزة ، واشكر كمان دكاترة التخدير والأطفال وطاقم التمريض اللى كانوا وجاهزين ومنتظرنا فى العمليات، بجد لولاكم بعد ربنا سبحانه وتعالى كانت الام والجنين لا قدر الله اتوفوا،

طولت عليكم بس كانت حابه اشاركم حاله من أصعب الحالات اللى عدت عليا ، والحمد لله وبفضله ربنا كرمنا ❤❤❤

08/01/2022

بيبى " انس" سيبك انت بس الاوصه حلوه 😍😍😍

08/01/2022

اخيرا بنت ، بيبى "رهف" قعدت ساعة عشان أقنعها تتصور معايا مش راضية 🥰🥰🥰

08/01/2022

بيبى "عمر" ، طبعا مش هقولكم مين اللى سماه 👼👼👼

08/01/2022

بيبي "فهد" ، الام مريضة سكر من النوع الأول، الحمد لله ظبطنا السكر طول الحمل لحد ما القمر ده جالنا بالسلامة ❤❤❤

02/01/2022

بيبى "ادم" اه انت نزلتنى وقت المطره فى ولادة طبيعيه بس فداك طالما لابسين زى بعض، ما شاء الله ربنا يحفظك 😍😍😍

02/01/2022

بيبى "ريان" ولادة قيصريه الفجر، يعنى مش كفايه منزلنى فى البرد ده وقت الفجر ، لا وكمان مش عجبك وبتشد شعرى وتاكله 😂😂😂

02/01/2022

القمر الجميل ده "طارق" من أصعب الولادات الطبيعيه، عشان مامته عندها نقص شديد فى الصفائح الدمويه، يعنى الدم مابيتجلتش واى جرح صغير تفضل تنزف، الحمد لله قامت بالسلامه هى والبيبي ونقلنلها صفائح دمويه عشان ما تنزفش بعد الولادة ❤❤❤

29/12/2021

القمر الصغير " عمر " اللى جه بعد ١١ سنه اخيرا الحمد لله وانا اللى سميته كمان ❤❤❤

29/12/2021

اخيرا بنوته بعد اليوم اللى كان كله ولاد " حبيبه" اسرع وأسهل ولادة طبيعى الحمد لله، ربنا يحفظك ❤❤❤

29/12/2021

يوم ونص بنولد انا ومامته، وبتقولى مش قادرة وقولها استحملى ليكى فرصه طبيعى مضيعيهاش وانا جنبك ، لحد ما " سليم " ،جالنا بالسلامه بولادة طبيعيه ❤❤❤

29/12/2021

القمر ده "غيث" ولادة طبيعيه الفجر، كنت تستنى يا حبيبى للصبح، بس فداك انزلك فى البرد ده يا جميل، طالما هتلبسلى لبس الكريسماس ❤❤❤