04/09/2025
كل سنة وانتوا طيبين ❤️
🔸لو مقدرتش تقاوم حلويات المولد ولخبطت فى الدايت... فصحيت تانى يوم حاسس بزيادة كبيرة فى الوزن ومتضايق.. فتقرر انك توقف الدايت فحابة ألحقك و أطمنك .......
🔸 علميا مستحيل الوزن يزيد دهون بالسرعة دى لكن الزيادة فى الوقت ده بتكون وهمية نتيجة لزيادة السوائل بالجسم والحل بسيط ....
1️⃣خليها قاعدة فى حياتك( ما لا يدرك كله.. لا يترك كله ) بمعنى انك تعمل اللى تقدر عليه مش لازم تكمله بنسبة ١٠٠٪ لو اخدت وجبة كبيرة وغير صحية مش لازم تبوظ باقى اليوم وتفضل تاكل بشكل مرضى وتزود إحساسك الداخلى بالذنب والفشل ...خلاص اخدنا وجبة غلط وسعراتها عاليه جدا وغير صحية نكمل باقى اليوم صيام متقطع ..طيب اليوم كله لخبطنا يبقى تانى يوم نكمل وكأن شيئا لم يكن مش لازم الإسبوع كله نكمله غلط .
2️⃣ منقللش من شرب الماية اطلاقا فى الحالة دى وناخد احتياجنا اليومى كامل .
3️⃣نبعد عن الميزان ونستنى ٣ او ٤ ايام علشان ناخد قياس مظبوط
4️⃣نقلل كمية الكربوهيدرات ونظبط كميات الصوديوم باقى الأيام
5️⃣ندخل مشروبات مدرة للبول فى يومنا زى القهوة والشاى الأخضر ومغلى البقدونس والكرفس.
وكمل نظامك عادى أيا كان نوعه وإن شاء الله هتوصل للنتيجة اللى بتتمناها 💪
____________________
# عضو الجمعية المصرية للتغذية والإرشاد الصحى ENHCA
# عضو الجمعية المصرية العربية للتغذية الصحية والعلاجية EASHTN
# عضو الجمعية المصرية لمرضى السيلياك EAOCP
-------------------
#مستشفى #التوعية
