02/05/2026
حاجة بسيطة زي الأكل ممكن تكون سبب في تعب مزمن عند بعض الناس ..
السيلياك 🌾
بمناسبة إن شهر مايو هو شهر التوعية بمرض السيلياك
(Celiac Awareness Month) 🎗️
خليني أشارككم بسرعة وبأسلوب بسيط شوية معلومات مهمة عن:
السيلياك مش حساسية عادية من القمح…
ده اضطراب مناعي مزمن، الجسم فيه بيهاجم بطانة الأمعاء الدقيقة لما يتعرض للـ gluten الموجود في القمح والشعير .
النتيجة؟ أعراض هضمية مزعجة… لكن ممكن كمان:
أنيميا متكررة بدون سبب واضح
انتفاخ وإسهال أو إمساك مزمن
نقص وزن أو ضعف نمو عند الأطفال
إرهاق شديد غير مفسر
نقص في الفيتامينات والمعادن (حديد – B12 – فيتامين D)
المهم جدًا إن التشخيص بيتأخر عند ناس كتير لأن الأعراض بتتشابه مع مشاكل تانية.
التشخيص المبكر بيغير حياة المريض … وبيمنع مضاعفات ممكن تبقى طويلة المدى على العظام، الدم، والمناعة.
لو عندك أعراض متكررة ومش لاقي لها تفسير… ما تستهونش 👩⚕️
#صحة
