11/05/2026
أم بعتتلي الأسبوع اللي فات:
"كنت برضع طبيعي 100% اديت ببرونة ماركة (معروفة) عشان مشوار… بنتي بقالها 3 أيام بترفض الثدي وبتصرخ" 😭
على فكرة بقى الببرونة دي شريرة وهي عاملة نفسها غلبانة 🤡🍼
"Natural"
"أقرب حاجة لثدي الأم"
"مضادة للمغص"
بس الحقيقة اللي الإعلانات مش بتحب تقولها:
أي ببرونة = ح**ة صناعية
والبيبي ممكن يتلخبط بينها وبين الثدي بسهولة… خصوصًا في أول أسابيع 😶
وده اللي بنسميه التباس الحلمات
وللأسف ممكن يعمل:
❌ رفض مفاجئ للثدي
❌ رضعات كلها عصبية وصريخ
❌ ألم وتشقق للأم
❌ نقل لبن أقل
❌ وزيادة وزن مش مستقرة
والصدمة؟
مفيش ببرونة سحرية تمنع ده 100%
حتى لو غالية… حتى لو مكتوب عليها "Natural" 👀
طب نعمل إيه بقى لو مضطرة ادي لبن للطفل؟؟؟؟
البدايل بقى:
✔️ كوباية
✔️ سرنجة او قطارة
✔️ معلقة
✔️ SNS
حسب كل حالة و عمر الطفل وكمية اللبن
ولو مفيش ضرورة حقيقية للببرونة؟
الأفضل نأجلها 6–8 أسابيع لحد ما الرضاعة تتثبت كويس 💛
مين حصل معاها كدة فعلًا؟
اكتبي "حصل" في الكومنتات 👇
📩 ولو حاسة إن الرضاعة اتلخبطت بعد إدخال الببرونة ابعتيلي، نلحق المشكلة بدري قبل ما تكبر.
