عيادة الجهاز الهضمي والكبد والمناظير وأمراض الحميات - د.محمد سعد

  • Home
  • Egypt
  • Shebin al-Kom
  • عيادة الجهاز الهضمي والكبد والمناظير وأمراض الحميات - د.محمد سعد

عيادة الجهاز الهضمي والكبد والمناظير وأمراض الحميات - د.محمد سعد أخصائي الحميات والجهاز الهضمي والكبد والمناظير

د/ محمد سعد يهنئكم بعيد الأضحى المبارك 🕌متمنيا لكم دوام الصحة والعافية وعيد سعيد عليكم وعلى أسركم🤍
26/05/2026

د/ محمد سعد يهنئكم بعيد الأضحى المبارك 🕌
متمنيا لكم دوام الصحة والعافية وعيد سعيد عليكم وعلى أسركم🤍

زمان كان استئصال ورم في المعدة أو علاج مشاكل المريء الشديدة محتاج جراحة كبيرة وفتح جسم وفترة تعب طويلة 😓لكن دلوقتي الطب ...
20/05/2026

زمان كان استئصال ورم في المعدة أو علاج مشاكل المريء الشديدة محتاج جراحة كبيرة وفتح جسم وفترة تعب طويلة 😓

لكن دلوقتي الطب وصل لتقنيات أحدث وأدق من غير جروح كبيرة 👨🏼‍⚕️

وده من خلال مناظير الفراغ الثالث وهي تقنية بتخلي الدكتور يوصل للمشكلة من داخل الجهاز الهضمي بدقة شديدة جدًا🔬

🔹 تقنية الـ ESD
في حالات الأورام السطحية أو اللحميات الكبيرة بالمعدة والقولون، بنقدر نشيل الورم كامل بالمنظار من غير استئصال جزء من العضو

وده عن طريق رفع الورم وفصله عن طبقة العضلات، وبعدها يتم تقشيره ككتلة واحدة للحفاظ على الأنسجة السليمة وتقليل فرص رجوع المشكلة.

🔹 تقنية الـ POEM
وده مخصص لمرضى الأكالازيا وتشنجات المريء الشديدة بيتم علاجهم بمنظار يدخل عن طريق الفم بدون جراحة تقليدية
الدكتور بيوصل للعضلات المتشنجة ويفصلها بدقة عشان الأكل يرجع ينزل بشكل طبيعي والمريض يقدر يأكل ويرتاح من جديد.

تقنية الـ POEM بتتم من خلال طريقتين
👈🏻 أول خطوة “النفق السحري”
المنظار بيدخل من خلال الفم، ويعمل فتحة دقيقة جدًا يدخل منها بين طبقات المريء لحد ما يوصل للصمام المسبب المشكلة من غير أي جروح خارجية.

👈🏻 تاني خطوة “التحرير الفوري”
بيتم فصل العضلات المتشنجة بدقة شديدة عشان الأكل يرجع ينزل بشكل طبيعي مرة تانية
وبعدها يتم غلق المكان بمشابك ذكية بتذوب تلقائي مع الوقت، والمريض يقدر يرجع ياكل ويشرب براحة بعد معاناة استمرت سنين.

المهم إن المريض يحافظ على أعضائه الطبيعية، ونسبة الألم والمضاعفات بتكون أقل بكتير، وفترة التعافي أسرع وفي أوقات كتير يقدر يرجع بيته خلال يوم أو يومين فقط 👌🏻

طيب إيه مميزات التقنيات الحديثة⁉️🤔
▫️ هيحافظ على المعدة والقولون بدون استئصال.
▫️ ألم أقل وتعافي أسرع.
▫️ المريض غالبًا يخرج خلال 24 لـ 48 ساعة فقط.
▫️ نسبة مضاعفات أقل مقارنة بالجراحات المفتوحة.

في النهاية خليك عارف أن الطب الحديث مبقاش هدفه العلاج وبس لكن العلاج بأقل ألم وأعلى أمان للمريض✅

للإستفسارات الطبية التواصل مع العيادة على رقم 🪀
https://wa.me/+0201012939490…

📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار:01090713894

خالي بالك فيروس هانتا خطر صامت موجود حوالينا 🦠وسط انشغالنا بالأمراض التنفسية المنتشرة، يظهر فيروس هانتا كخطر صامت مش بين...
11/05/2026

خالي بالك فيروس هانتا خطر صامت موجود حوالينا 🦠

وسط انشغالنا بالأمراض التنفسية المنتشرة، يظهر فيروس هانتا كخطر صامت مش بينتقل بين البشر، لكن موجود في أماكن ممكن ما ناخدش بالنا منها ⚠️

والفيروس ده بيهاجم الجسم بطريقتين مختلفتين وده أهم حاجة تحتاج تعرفه عنه👇🏻

⭕إيه هو فيروس هانتا؟
فيروس جاي من القوارض زي الفئران خطورته إنه غالبًا مش بينتقل من شخص للتاني، لكن العدوى بتجي من البيئة الملوثة حوالينا.

طيب إزاي بتحصل الإصابة❓🤔
بتحصل من استنشاق تراب أو هواء فيه فضلات القوارض، وده بيحصل أثناء تنظيف أماكن مهجورة أو مخازن أو لمس أسطح ملوثة مش بس من عضة فار

طيب إزاي بيهاجم الجسم؟🧫
الفيروس ليه نوعين من التأثير حسب السلالة والمكان

أولاً: المتلازمة الرئوية 🫁
بتأثر على الرئة مباشرة، وتبدأ بأعراض شبه الإنفلونزا، وبعدها ممكن تتطور بسرعة لضيق تنفس شديد بسبب تجمع السوائل في الرئة.

ثانياً: المتلازمة النزفية مع الفشل الكلوي ❌
وده النوع الأكتر انتشار وبيمر بخمس مراحل

1️⃣ المرحلة الحمية: حرارة عالية مفاجئة، صداع شديد، ألم في الظهر والبطن، واحمرار في الوجه والعين.

2️⃣ مرحلة انخفاض الضغط: هبوط شديد في الضغط وممكن يوصل لصدمة.

3️⃣ مرحلة قلة البول: الكلى تبدأ تتأثر ويقل البول بشكل واضح، مع مشاكل في الضغط والنزيف.

4️⃣ مرحلة إدرار البول: الكلى تبدأ تتحسن ويزيد البول بشكل كبير جدًا.

5️⃣ مرحلة الاستشفاء: التعافي الكامل ممكن ياخد أسابيع أو شهور.

طيب وإزاي بيتم التشخيص والعلاج🔎

👈🏻 التشخيص: بيعتمد على التاريخ المرضي (التعرض للقوارض) وتحاليل دم زي ELISA أو PCR للكشف عن الفيروس.
👈🏻 العلاج: مفيش علاج مباشر للفيروس حاليًا، لكن العلاج بيكون في العناية المركزة لتنظيم السوائل ودعم الكلى، وأحيانًا غسيل كلوي مؤقت.

ودلوقتي هنقولك نصايح بسيطة تحافظ بيها على سلامتك👇🏻 🛡️
▫️تهوية المكان كويس قبل تنظيف أي مكان مقفول.
▫️ ترطيب الأرض قبل الكنس لتقليل تطاير الغبار.
▫️ مكافحة القوارض وسد الفتحات والتخلص من أسباب وجودها.

الخلاصة فيروس هانتا خطير لأنه بيبدأ بشكل بسيط لكنه ممكن يتطور بسرعة، والوعي بطريقة التعامل مع الأماكن الملوثة هو أهم وسيلة للحماية ✅

للإستفسارات الطبية التواصل مع العيادة على رقم 🪀
https://wa.me/+0201012939490…

📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار 01090713894

الدم الخفي مش مرعب بس برده مش حاجة تتجاهلها⚠️🩸ناس كتير بتقلق منه أو تتجاهله بس الحقيقة إنه إشارة محتاجة وعي مش خوف 👀طيب ...
05/05/2026

الدم الخفي مش مرعب بس برده مش حاجة تتجاهلها⚠️🩸

ناس كتير بتقلق منه أو تتجاهله بس الحقيقة إنه إشارة محتاجة وعي مش خوف 👀

طيب خلينا في الأول نعرف إيه هو الدم الخفي⁉️🤔
دم موجود في البراز بس مش ظاهر للعين وبيبان بس من خلال تحليل بسيط 🧪

وليه بيحصل من الأساس❗ممكن يكون بسبب حاجات بسيطة زي👇🏻
▫️ بواسير
▫️ التهابات في القولون
▫️ قرح الجهاز الهضمي

وأحيانًا بيكون علامة بدري لحاجات أهم محتاجة متابعة
👈🏻 زوائد في القولون ( Polyps )
👈🏻 أورام القوقون المبكرة

طيب وإيه أعراضه ❓🗒️
⭕تعب وإرهاق مستمر
⭕ أنيميا من غير سبب واضح
⭕ فقدان وزن بدون دايت
⭕ تغيير في شكل أو عدد مرات الإخراج
⭕ مغص متكرر

طيب وإيه الحالات اللي هتحتاج نعملها تحليل ؟؟ 🔎
▫️ كفحص دوري بعد سن 45
▫️ لو في أعراض أو أنيميا
▫️ لو عندك تاريخ عائلي لمشاكل القولون

📌 مهم تعرف
تحليل الدم الخفي هو وسيلة فحص وليس تشخيص نهائي ولو النتيجة إيجابية → لازم استكمال الفحوصات (زي المنظار)

في النهاية خلي بالك تقع في فخ العادات دي
✔️ لو انت مش شايف دم = يعني أنا تمام مش مستاهلة تحليل ❌
✔️ لو شفت دم أكيد حاجة خطيرة ❌
✔️ أكيد سرطان ❌

الخلاصة الدم الخفي مش حاجة تخوفك بس أهم حاجة متتجاهلوش
الكشف بدري = راحة بال + علاج أسهل كتير 👌🏻

للإستفسارات الطبية التواصل مع العيادة على رقم 🪀
https://wa.me/+0201012939490…
📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار 01090713894

إنا لله وإنا اليه راجعون
29/04/2026

إنا لله وإنا اليه راجعون

عمرك حسيت يوم إن بطنك بتفكر ؟😳أو لما تتوتر جامد بتحس بمغص أو مشاكل في الهضم🚨خالي بالك ده مش مجرد شعور بس ده حوار حقيقي ب...
18/04/2026

عمرك حسيت يوم إن بطنك بتفكر ؟😳
أو لما تتوتر جامد بتحس بمغص أو مشاكل في الهضم🚨

خالي بالك ده مش مجرد شعور بس ده حوار حقيقي بين جسمك ومخك🔁

خلينا نقولك إيه هو حديث العقل والأمعاء⁉️😵‍💫

الموضوع كله عبارة عن تواصل مستمر بين المخ والجهاز الهضمي والجهاز العصبي اللاإرادي وبكتيريا الأمعاء

👈🏻ماشي في اتجاهين: المخ بيأثر على الأمعاء والأمعاء كمان بتأثر على المخ

طيب إزاي المخ بيتكلم مع الأمعاء❗

⭕التوتر والضغط النفسي بيزود إفراز هرمون الكورتيزول وده ممكن يعمل تقلصات في القولون، إسهال أو إمساك، ويزود الإحساس بالألم عشان كده أعراض القولون العصبي بتزيد مع التوتر

⭕العصب الحائر (Vagus nerve) ده زي السلك اللي بيربط المخ بالأمعاء، وبينظم حركة الجهاز الهضمي، الإفرازات، وحتى الالتهاب

⭕تأثير المشاعر القلق ممكن يعمل اضطراب في الهضم، الخوف ممكن يسبب غثيان، والتوتر المزمن ممكن يسبب خلل في وظيفة الأمعاء

طيب وإزاي الأمعاء بترد على المخ؟🤔
من خلال الميكروبيوم (بكتيريا الأمعاء) البكتيريا دي بتنتج مواد زي السيروتونين وGABA بتأثر على المخ أكتر من 90% من السيروتونين بيتصنع في الأمعاء

الالتهاب لو البكتيريا إختلت، الالتهاب بيزيد وده بيأثر على المزاج، التركيز، وحتى صحتك النفسية

زيادة نفاذية الأمعاء لو السموم عدت للدم، ده بيأثر مباشرة على المخ والمناعة ⚠️

إيه الأمراض اللي ممكن تظهر لو اختل التواصل ده؟؟🧐
مشاكل مثل القولون العصبي، القلق والاكتئاب، السمنة، اضطرابات المناعة، بعض الأمراض العصبية

وإزاي نحافظ على التوازن ده؟✅

▫️غذاء صحي زي: ألياف، خضار، فواكه، وبروبيوتيك زي الزبادي أو الأطعمة المخمرة 🥗

▫️نمط حياة صحي: تقليل التوتر، نوم كافي، ونشاط بدني منتظم 🧘‍♂️

▫️ولو محتاج مكملات بروبيوتيك، علاج للقلق، ومتابعة طبية متخصصة 💊

📌 الخلاصة
حديث العقل والأمعاء ما بيقفش لما المخ يتعب، الأمعاء بتتأثر ولما الأمعاء تختل، المزاج بيتأثر

الصح انك تهتم بنفسك وبصحة أمعائك هتلاقي تحسن في صحتك النفسية والجسدية♻️

للإستفسارات الطبية التواصل مع العيادة على رقم 🪀
https://wa.me/+0201012939490…

📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار 01090713894

الحل مش دايمًا دواء جرب الـ Low FODMAP 🚨لو بتعاني من قولون عصبي أو انتفاخ مستمر والعلاج مش جايب نتيجة ممكن المشكلة تكون ...
10/04/2026

الحل مش دايمًا دواء جرب الـ Low FODMAP 🚨

لو بتعاني من قولون عصبي أو انتفاخ مستمر والعلاج مش جايب نتيجة ممكن المشكلة تكون في نوع أكل معين وأنت مش واخد بالك❗❌

طيب إيه هو الـ Low FODMAP ❓🤔
الـ Low FODMAP نظام بيعتمد إننا نقلل أنواع معينة من السكريات اللي الجسم مش بيهضمها كويس
فالنتيجة إنها بتتخمر جوه القولون وتعمل غازات وانتفاخ ومغص 💨

فكرته ببساطة
بنمنع أكلات معينة فترة صغيرة وبعد كده نرجعها واحدة واحدة عشان نعرف إيه اللي بيتعبك بالظبط

النظام بيكون على 3 مراحل👇🏻🤓

1️⃣ مرحلة المنع
بنبعد عن أكل عالي FODMAP زي اللبن العادي، البصل، الثوم، القمح، بعض الفواكه زي التفاح والمانجو والبطيخ، والبقوليات، والمحليات الصناعية

ونركز على أكل بسيط زي الرز، البطاطس، اللحوم، الفراخ، السمك، البيض، الخضار زي الكوسة والجزر والخيار، وفواكه زي الموز والبرتقال والفراولة، ولبن خالي لاكتوز 🥛

2️⃣ مرحلة إعادة الإدخال
بعد ما الأعراض تهدى
نرجع كل نوع لوحده فترة أسبوعية
مثلاً أسبوع نجرب لاكتوز، وأسبوع نجرب الفركتانز

والهدف منه نعرف إيه الأكل اللي جسمك بيتقبله وإيه اللي بيعملك مشاكل ⚠️

3️⃣ مرحلة التثبيت
آخر مرحلة وهي انك توصل لنظام مناسب ليك
تاكل فيه براحتك لكن تتجنب الحاجات اللي ثبت إنها بتتعبك ومش لازم تكمل في النظام بشكل صارم طول العمر

المهم تبقى عارف إن النظام ده مش دايت تمشي عليه طول حياتك هو مجرد طريقة نفهم بيها جسمك أكتر صح✅

لو هتجرب النظام ده
👈🏻قلل الأكل المصنع، ابدأ بكميات صغيرة، وتابع صحتك والأكل اللي بيضايقك

طيب امتى تتبع نظام الـ Low FODMAP ؟⛔
▫️لو عندك متلازمة قولون عصبي حساس
▫️انتفاخات متكررة بدون سبب عضوي
▫️أو بتعاني من زيادة بكتيريا في الأمعاء الدقيقة

ودي تحذيرات تاخد بالك منها لو هتتبع النظام⚠️
👈🏻النظام مش دائم
👈🏻ممكن يعمل نقص تغذية لو استمر فترة طويلة
👈🏻الأفضل يكون تحت إشراف دكتور أو أخصائي تغذية

في النهاية دي طريقة نفهم بيها جسمنا أكتر ونعرف إيه الأكل اللي بيزعج القولون وإيه اللي بيرتاح له، مع متابعة بسيطة وصبر هتحس بالفرق👌🏻

للإستفسارات الطبية التواصل مع العيادة على رقم 🪀
https://wa.me/+0201012939490…

📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار 01090713894

رجعت من السفر وحسيت بسخونية؟ 🤒خلي بالك مش كل سخونية " برد عادي"حمى السفر ممكن تكون بسبب فيروسات أو بكتيريا أو طفيليات، و...
30/03/2026

رجعت من السفر وحسيت بسخونية؟ 🤒
خلي بالك مش كل سخونية " برد عادي"

حمى السفر ممكن تكون بسبب فيروسات أو بكتيريا أو طفيليات، وكل نوع له أعراض تميزه.

أولا الأسباب الفيروسية🦠
غالبًا بتكون سخونية عالية مع تعب وتكسير وأحيانًا طفح.

▫️حمى الضنك أعراضها سخونية جامدة، ألم في الجسم، طفح، ونقص بالصفائح.
▫️شيكونجونيا أعراضها ألم مفاصل شديد ممكن يطول مع سخونية.
▫️الحمى الصفراء أعراضها سخونية واصفرار وممكن نزيف، حالة خطيرة!
▫️التهاب الكبد A و E: يبدأ بسخونية وتعب وبعدها يظهر اصفرار في العين والجلد.
▫️الإنفلونزا أو كورونا: أعراضها سخونية مع كحة وأعراض في التنفس.

ثانيا الأسباب البكتيرية🧫
عادة سخونية مستمرة مع مشاكل في البطن أو الجسم كله.

▫️حمّى التيفويد: سخونية مستمرة، ألم في البطن، إمساك أو إسهال، وأحيانًا طفح.
▫️الليبتوسبيرا: سخونية وألم في العضلات خصوصًا الرجل، واحمرار العين.
▫️البروسيلا: سخونية متقطعة، عرق بالليل، وآلام مفاصل.
▫️الريكيتسيا: سخونية وطفح، أحيانًا قرحة مكان اللدغة.
▫️العدوى المعوية: سخونية مع إسهال أو قيء.

ثالثا الأسباب الطفيلية 🦟
مهم جدًا خصوصًا بعد السفر أفريقيا أو آسيا.

▫️الملاريا: سخونية متكررة، رعشة قوية، عرق، أنيميا.
▫️البلهارسيا: سخونية بعد التعرض لمياه عذبة، ارتفاع الإيوزينوفيل.
▫️الأميبا: إسهال مزمن، أحيانًا خراج بالكبد، ألم في جنبك اليمين.
▫️الليشمانيا الحشوية: سخونية مزمنة، تضخم الطحال، فقدان وزن.

إمتى الحالة تبقى خطيرة؟⚠️
⭕سخونية مستمرة أكتر من ٣ أيام
⭕رعشة شديدة أو حرارة متكررة
⭕طفح جلدي أو اصفرار
⭕إسهال جامد أو دم في البراز
⭕تعب شديد أو فقدان وزن

الخلاصة المهمة🚨
أي سخونية بعد السفر لازم تتابعها كويس واستبعاد الملاريا يكون دايمًا أول خطوة ⚠️

في النهاية حتى لو الأعراض بسيطة ما تتأخريش على الكشف
التشخيص المبكر يعني علاج أسرع ونتايج أفضل ✅

للإستفسارات الطبية التواصل مع العيادة على رقم 🪀
https://wa.me/+0201012939490…

📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار 01090713894

مبارك علينا عيد الفطر المبارك🤍أعاده الله علينا وعليكم بالخير واليُمن والبركات وكل عام وأنتم بخير.🕌
19/03/2026

مبارك علينا عيد الفطر المبارك🤍
أعاده الله علينا وعليكم بالخير واليُمن والبركات وكل عام وأنتم بخير.🕌

غلطة بنعملها على الفطار في رمضان ومعدتك بتدفع تمنها طول الليل🚨😅خليني اقولك إيه هي وإزاي تتجنبها؟👇🏻اللي بيحصل اننا بنكون ...
20/02/2026

غلطة بنعملها على الفطار في رمضان ومعدتك بتدفع تمنها طول الليل🚨😅

خليني اقولك إيه هي وإزاي تتجنبها؟👇🏻

اللي بيحصل اننا بنكون طول اليوم صايمين وفجأة على المغرب عصير + شُربة + محشي + مقليات + حلويات والنتيجة؟ جهاز هضمي تعبان داخل في صدمة من اللي دخله😱

طيب إيه أكتر المشاكل بتحصلنا في رمضان؟🤔

▫️ حموضة وحرقان في المعدة
بسبب الأكل الدسم والمقليات وكميات كبيرة مرة واحدة.

▫️ انتفاخ وغازات
من السرعة في الأكل أو المشروبات الغازية بعد الفطار.

▫️ إمساك
قلة شرب الميه + ألياف قليلة + حركة أقل.

▫️ تقلصات ومغص
خصوصًا مع تغيير مواعيد الأكل والنوم.

▫️ ارتجاع المريء
ده لأننا بنفطر وندخل ننام على طول 😅

طب وإيه الحل ⁉️
✅ نبدأ الفطار بهدوء (تمر + شُربة خفيفة)
✅ نقلل مقليات وحلويات
✅ نشرب ميه كويس بين الفطار والسحور
✅ متنامش بعد الأكل مباشرة
✅ سحور خفيف ومفيهوش دهون تقيلة
✅ قسم أكلك على مرتين أو 3 بين الفطار والسحور بدل وجبة واحدة تقيلة

ده بيساعد المعدة تهضم براحة ويقلل الحموضة والانتفاخ بشكل كبير.🛡️

لكن لو حسيت بالأعراض دي مينفعش تتجاهلها 👇🏻
🔸 حموضة مستمرة يوميًا
🔸 ألم شديد في المعدة
🔸 إمساك مستمر أكتر من أسبوع
🔸 انتفاخ مؤلم باستمرار
🔸 إحساس إن الأكل واقف في الصدر

وفي النهاية رمضان عبادة وراحة مش موسم تعب للمعدة 🌙

لو بتعاني من أعراض مستمرة أو ألم قوي متستناش لما المشكلة تكبر استشارة بسيطة هتفرق جدًا💌

للإستفسارات الطبية التواصل مع العيادة على رقم 🪀
https://wa.me/+0201012939490…

📍العنوان
شبين الكوم - ميدان شرف - برج الكوثر - الدور الخامس
للحجز والاستفسار 01012939490
الباجور - الشارع الجديد - بجوار محلات السرور
للحجز والاستفسار 01090713894

Address

المنوفية/شبين الكوم/ميدان شرف/برج الكوثر/الدور الخامس
Shebin Al-Kom
32511

Opening Hours

Monday 1pm - 8pm
Tuesday 1pm - 8pm
Wednesday 1pm - 8pm
Thursday 1pm - 8pm
Friday 12pm - 5pm
Saturday 1pm - 8pm
Sunday 1pm - 8pm

Telephone

+201012939490

Website

Alerts

Be the first to know and let us send you an email when عيادة الجهاز الهضمي والكبد والمناظير وأمراض الحميات - د.محمد سعد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category