Dr. Mostafa Kids Clinic د.مصطفي الشافعي

02/05/2026

من أول يوم في حياة طفلك، بنهتم بصحته خطوة بخطوة
- د/ مصطفى الشافعي
استشاري طب الأطفال وحديثي الولادة
ماجستير الأطفال جامعة المنوفية
الزمالة المصرية فى طب الأطفال
مستشفى الهلال للتأمين الصحي
بيقدملك رعاية وعلاج شامل لطفلك زى
• متابعة النمو والتطور
• التغذية العلاجية والنحافة وزيادة الوزن
• مشاكل الرضاعة والهضم عند الرضع
• تعزيز المناعة والوقاية من الأمراض
• علاج النزلات المعوية والجفاف
• حساسية الصدر
• التبول اللاإرادي الليلي
• التطعيمات الإضافية
📍 العنوان: ميدان شرف برج الديوان الدور السابع
📞 للحجز والاستعلام: 01095123232
لأن صحة طفلك تبدأ بمتابعة صحية سليمة

23/02/2026

متابعينا الكرام
تم إلغاء مواعيد اليوم للظروف الجوية مراعاة لصحة أولادنا على أن يتم العمل غداً إن شاء الله
للحجز: 01095123232

20/02/2026

الحلقة اللي كلنا كنا مستنيينها نزلت دلوقتي على يوتيوب بناءات! 📢🌙

لو محتارة:
❓ أصوّم ولادي السنة دي ولا لأ؟
❓ إمتى يبدأوا الصيام؟
❓ أظبط أكلهم إزاي مع المدارس والمذاكرة؟

كل الأسئلة دي وإجاباتها بشكل علمي وبسيط
مع د. مصطفى الشافعي في بودكاست بناءات 🤍

📌 اضغطي هنا وشوفي الحلقة كاملة على يوتيوب:
(حطي اللينك هنا)

مستنيين رأيك في التعليقات ✨
وشاركي الحلقة مع أي ماما محتاجة تسمعها 💛
#بناءات

صيام ولادنا في رمضان تحدي كبير لكل أم.. امتى يبدأوا؟ ياكلوا إيه؟ ويذاكروا امتى؟في الحلقة دي من بنجاوب على كل ده وأكتر مع الدكتور مصطفى الشافع...

18/02/2026

🌙 كل عام وأنتم بخير بمناسبة شهر رمضان المبارك
أعاده الله عليكم بالصحة والعافية.

🕒 مواعيد العيادة في رمضان:
من ١ ظهرًا إلى ٣ عصرًا.

مستنيينكم في عيادتنا 💙
📍 شبين الكوم | ميدان شرف | برج الديوان | الدور السابع
📞 احجزوا معانا على: 01095123232

مع بعض نطمن على صحة أولادنا ✨
— عيادة د. مصطفى الشافعي للأطفال وحديثي الولادة.

17/02/2026

مع اقتراب شهر رمضان 🌙
أسئلة كتير بتدور في بال كل أم:
▪️ إمتى الطفل يبدأ يصوم؟
▪️ هل الصيام يأثر على المذاكرة والتركيز؟
▪️ أعمل إيه لو ابني بيتعب بسرعة؟

الإجابة مش مجرد "ينفع أو ماينفعش"…
الإجابة هي إزاي نبني طفل سليم صحيًا ونفسيًا ❤️

في بودكاست صحة أولادنا في رمضان، بنفتح معاكم ملفات التربية بذكاء، وهنجاوب على كل أسئلة الأمهات.

استنونا… وشاركونا:لو عندك سؤال عن طفلك في رمضان…
اكتبيه في التعليقات
وخلينا نطمنك بالعلم والخبرة 🌙

09/02/2026

Soon..

21/12/2025

🔴 التحرش جريمة...
التحرش مش هزار، ومش ضعف.
التحرش جريمة كاملة، السكوت عنه بيشجعه،
والإبلاغ عنه حماية لينا ولأولادنا.

📌 علّم ابنك وبنتك:
جسمك ملكك ✔️
من حقك تقول لأ ✔️
احكي فورًا لو حد ضايقك ✔️

🛑 مع بعض نقدر نوقف التحرش
لأن مواجهة الغلط مسؤولية المجتمع كله.

شير لو متفق 🌱

20/12/2025

بمناسبة امتحانات نصف السنة اللي قربت، فيه قصة كنت عايز أحكيلكم عليها.

القصة دي قصها النبي صلى الله عليه وسلم على أصحابه: (كان فيه رجل في الأمم من قبلنا وكان بيبيع الخمر (والخمر كان حلال في شريعتهم)، لكنه كان بيخلط الخمر بالماء، في رواية أنه كان بيجعل نصفه خمر ونصفه ماء، يعني كان بيبيع خمر مغشوش، في يوم ركب سفينة ومعه كيس نقوده ومعه قرد، فالقرد خطف كيس النقود وصعد به على عمود السفينة وفتح الكيس وبدأ يرمي دينار في البحر و دينار في السفينة حتى جعله نصفين).

🟣للأسف فيه سلوك بيتكرر كل سنة لحد ما بقى ظاهرة وهو: الغش في الامتحانات.

🟣المؤلم إن بعض الأمهات – عن غير قصد – بتشجع أولادها على الغش، بحجج زي:
"الدنيا كلها كده"، "مفيش حد بيشتغل بشهادته"…
وهي في الحقيقة حجج بتخدّر الضمير.

🟣الغش حرام شرعًا، والنبي ﷺ قال:
«من غشنا فليس منا»
ونزلت سورة كاملة تحذر منه: {ويل للمطففين}.

🟣والغش في الامتحانات أخطر من الغش في البيع، لأنه بيطلع طبيب،مهندس، مدرس، مسؤول غير مؤهل… وده ضرره على المجتم كله.

🟣التربية تبدأ من البيت، من أم تربي، وأب يوجه:
✔️شجعيه يذاكر
✔️علميه إن ربنا شايفه
✔️علميه إن الغش بيمحق البركة
✔️وإن الشطارة الحقيقية في الحلال
✔️علميه أن الغش مش شطارة، والتغاضي عنه مش رحمة
✔️الامتحان يعدّي، إنما القيم تفضل.

🔴 اللي يزرع خير يحصد خير…
{والبلد الطيب يخرج نباته بإذن ربه}

شاركونا رأيكم، وشيروا الكلام يمكن نساهم في تربية جيل أنضف وأصدق 🌱
شير لو متفق 🌱

#امتحانات

16/12/2025

🔴خلال ال 48 ساعة اللي فاتو، أعلنت وزارة الصحة المصرية عن حملة تنشيطية تحت شعار «الألف يوم الذهبية تبدأ بخطوة» لتنظيم الأسرة والصحة الإنجابية ( 14 إلى 18 ديسمبر 2025)وهي حملة تثقيفية الهدف منها تعزيز صحة الأم والطفلة والتثقيف الصحي.

🔴لو عايزة تفهمي يعني إيه «الألف يوم الذهبية»، وهل الحملات دي ليها أهمية ولا لأ؟؟، فتابعي المقال للنهاية والخلاصة هتلاقيها عند العلامة دي ) 🟣🟣🟣)

🔴بصي ياست ماما..القصة بدأت في أوائل الألفينيات لما بدأ يظهر مصطلح «الألف يوم الذهبية» أو(The First 1000 Days) اعتمد فيها على أبحاث ودراسات بتقول أن الفترة دي هي الأكثر تأثيرًا على:
نمو المخ والجهاز العصبي 🧠
المناعة
النمو الجسدي
الصحة النفسية والسلوكية بعد كده
الوقاية من الأمراض المزمنة في الكِبر (زي السكر والضغط والسمنة)
من هنا اتبنت عدة جهات دولية المصطلح ده رسمياً أهمها:
منظمة الصحة العالمية (WHO)
اليونيسف (UNICEF)
ومصر بما أنها عضو في منظمة الصحة العالمية، فتلاقي بين فترة والتانية وزارة الصحة المصرية بتعمل حملات تنشيطية لنشر المفهوم ده بين الأمهات و المقبلين على الزواج.

🩺 المبادرات دي بتركّز على:
✔️ صحة وتغذية الأم الحامل
✔️ الرضاعة الطبيعية
✔️ التغذية السليمة للرضع
✔️ متابعة النمو والتطعيمات
✔️ التوعية الصحية للأسرة

🔴طيب ايه المقصود بالألف يوم وليه سموها "ذهبية"؟
مصطلح الألف يوم الذهبية (The First 1000 Days) المقصود به الفترة الممتدة من بداية الحمل (من أول يوم في الحمل) وحتى إتمام الطفل عامه الثاني.
وسموها ذهبية لأن:
أي تدخل إيجابي فيها (تغذية – رضاعة طبيعية – متابعة صحية – دعم نفسي)= مكاسب صحية مدى الحياة
وأي إهمال فيها= آثار سلبية صعب تعويضها بعد كده.

🟣🟣🟣 الخلاصة: أن الألف يوم الذهبية هو مفهوم حياة مش حملة وخلاص، الهدف منها الرعاية بالأم والطفل، لأن الاستثمار في الألف يوم الأولى هو استثمار في صحة جيل كامل

هتلاقي في الكومنتات المصادر للبوست ده 👇...وفي النهاية لو وصلتي لهنا ما تنسيش التفاعل والشير علشان الموضوع يوصل لغيرك

15/12/2025

> متابعينا الكرام 🌸

بعد فترة توقف ليست بالقليلة، قررنا نعود مرة أخرى للنشاط على الصفحة، وتقديم محتوى طبي وتربوي تثقيفي يهم كل أم وأب، ويساعدهم في رحلة تربية ورعاية أطفالهم، انطلاقًا من مسؤوليتنا في نشر الثقافة الطبية الصحيحة المبنية على العلم والخبرة.

يشرفنا دعمكم وتشجيعكم بالتفاعل مع الصفحة ومشاركة المحتوى، حتى يصل لأكبر عدد ممكن ويكون سببًا في طمأنة ومساعدة كل أسرة.

وجودكم يهمنا 🤍

25/12/2024

هل ابني عنده #حساسيةـصدر ؟! 🤔

ركزي معايا ياست ماما في الكلام ده؛ 👇

علشان أشخص حساسية صدر عند طفل لازم يكون عندي ٤ مواصفات:

1️⃣نوبات كحة ليلية متكررة، (ممكن يكون معاها ضيق في الصدر في صورة صفير أو تزييق في الصدر).
2️⃣بتحصل الكحة نتيجة التعرض لمثير من مثيرات الحساسية زي (نزلات البرد، الهواء البارد، التراب، الدخان.....)
3️⃣وبتتحسن الأعراض لما بنبدأ علاج حساسية الصدر (اللي غالباً بيكون عبارة عن جلسات استنشاق، وعلاجات تانية)
4️⃣ومع كل ده، بيكون فيه تاريخ مرضي في العيلة لوجود أمراض حساسية من أي نوع (حساسية أنف أو صدر أو إيكزيما أو حساسية طعام...).

❌ يعني مفيش حاجه اسمها ابني بيكح، يبقى عنده حساسية صدر🤓

تفتكروا؛ أن #حساسيةـصدر عند الأطفال مرض مزمن ولا ممكن تخف مع الوقت ؟! 🤔

20/12/2024