What are the opening hours?

Monday 9am - 9pm Tuesday 9am - 9pm Wednesday 9am - 9pm Thursday 9am - 9pm Saturday 9am - 9pm Sunday 9am - 9pm

https://www.facebook.com/102547899340195/

Little Minds

Home
Egypt
Shebin al-Kom
Little Minds

فريق متخصص في الطب النفسي للأطفال والمراهقين 🧡
التجمع الخامس - مدينة نصر - شبين الكوم
(1)

06/04/2026

لو غلطت تاني هتتعاقب! جمله بنقولها كتير بس هل فكّرنا الطفل بيسمعها إزاي؟
طفل كسر حاجة
أو اتصرف غلط
فاتعاقب وسكت من بره المشكلة انتهت لكن من جواه؟ خاف واتلخبط أو حس إنه غلط ومع الوقت ممكن يتعلم يخبي أو يقول اللي يرضّي اللي قدامه مش اللي حقيقي حاسس بيه
العقاب ممكن يوقف الموقف لكن مش دايمًا بيعلّم الطفل إيه الصح

شاركونا ف الكومنتات إيه أكتر حاجة لاحظتيها على طفلك بعد العقاب؟

05/04/2026

مش بس مذاكرة وامتحان لكن أفكار كتير شغالة في دماغ الطفل لازم أنجح و مينفعش أغلط لو نسيت هعمل إيه؟ الضغط ده ممكن يخليه:
يتوتر زيادة
يفقد تركيزه
أو حتى يبعد عن المذاكرة خالص مش لأنه مش عايز لكن لأنه مش قادر يستحمل الإحساس ده

🎙️ في اللايف ده مع د/ محمد الشريف و ا/ سيد جمال هيتكلموا عن:
ازاي ضغط الامتحانات بيأثر على الطفل
وازاي نقدر نساعده يعدي الفترة دي بهدوء
📅 الخميس 9 أبريل
⏰ الساعة 7 مساءً

02/04/2026

كتير بنفتكر إن وجع الطفل دلع
لكن الحقيقة إن الطفل أوقات مش بيعرف يعبّر غير بجسمه
صداع متكرر وجع بطن تعب مفاجئ نروح للدكتور ومفيش سبب عضوي وساعتها بنحتار الوجع النفسي عند الأطفال ممكن يطلع في شكل أعراض جسديه
ومحتاج حد يسمعه ويفهمه قبل ما يحاسبه
في Little Minds بنشتغل مع الطفل والأهل سوا علشان نفهم الرسالة اللي ورا الوجع ونقدّم دعم حقيقي يحسّس الطفل بالأمان
📍 متواجدين في:
▪︎ المنوفية ، شبين الكوم
▪︎ التجمع الخامس
▪︎ مدينة نصر
📩 التواصل :01031085986

01/04/2026

كل يوم سؤال شكل ومش عارفين نرد عليه ولا نسكته 😅

لو عندك طفل بيسأل كتير ومابتعرفيش تردي عليه
أسئلة زي ليه ربنا خلقنا؟
إزاي جينا الدنيا؟
إزاي الطيور بتطير؟

الأسئلة الكتير دي جزء من فضول طفلك وحبه انه يفهم العالم حواليه بس في أسألة تانية بتبقي مؤشرات علي حاجات مهمة بتدور في عقله 🗣️

شاركينا ف الكومنتات أغرب أسئلة طفلك سألها وهنساعدك تعدي الموقف ده ازاي

📍فروعنا

• المنوفية ، شبين الكوم
• التجمع الخامس
• مدينة نصر

📩 للتواصل: 01031085986

🧡

28/03/2026

شقاوة الطفل طبيعية… بس إمتى نقول لأ؟ 🤔
مش كل شقاوة محتاجة قلق لكن في علامات ممكن تقول إن الموضوع محتاج ننتبه له:
• لو الشقاوة بقت عنيفة أو فيها أذى لنفسه أو لغيره
• لو مستمرة طول الوقت من غير ما يهدى
• لو بتأثر على علاقاته أو يومه بشكل واضح
ساعتها مهم نقف ونفهم مش بس نقول "بلاش" لكن نسأل: هو ليه بيعمل كده؟ 🤍
الفهم هو أول خطوة للدعم الصح. 🌱
📍 متواجدين في:
▪︎ شبين الكوم: أمام سيتي كلوب - برج التعمير ٩ الدور الخامس
▪︎ التجمع الخامس: اوزون ميديكال سنتر - عيادة D016
▪︎ مدينة نصر: ٣شارع شريف السرساوي من مصطفي النحاس - الدور الاول
📞 للتواصل 01031085986

26/03/2026

في Little Minds… إحنا مش بس بنشتغل مع أطفال
إحنا بنشارك في تكوين عالمهم 🤍

بنؤمن إن كل طفل محتاج مساحة آمنة
يتشاف فيها… يتفهم… ويكبر بطريقته

ولو أنت/ي عندك شغف حقيقي بالشغل مع الأطفال و المراهقين
وحابب تكون جزء من مكان بيكبر وبيتطور كل يوم…

فممكن تكون دي خطوتك الجاية 👇

📌 We’re hiring:
• Psychiatrist
• Psychologist

هتكون جزء من كيان بيهتم بالدعم النفسي والسلوكي بشكل متكامل
وفريق بيؤمن إن الرحلة أهم من النتيجة

جاهز/ة تكون جزء من الرحلة؟

🔸 اللينك في أول كومنت

22/03/2026

الصورة دي وسط أجواء فرحة وبهجة عملوها الأطفال مع المُعالجين والأطباء قبل العيد بيوم في little minds 🧡

اجتمعنا علشان نخلي الأطفال يعملوا التوزيعات بنفسهم معانا واليوم حقيقي كان مُبهج بمشاركتهم ومشاركة ال Team كله ✨

ضمن أحد الطرق اللي بتأثر في نفسية الأطفال هي إنك تشركهم في نشاطات تطلع منهم الروح والبهجة والتعبيرت الصادقة بتاعتهم علشان كده فيlittle minds مش بنعتمد بس علي الجلسات النفسية ما بين المُعالج والطفل وبنحاول نخلق ليه مساحة مناسبة يقدر يطبق اللي اتعلمه فيها ✨

شكراً كل اللي شاركونا
وشكراً لكل طبيب ومعالج حضروا من بداية اليوم لأخره بكل حب علشان يفرحوا الأطفال 🌸

( تم معالجة الصورة بالـ Ai حِفاظاً علي خصوصية الأطفال )

🌱

20/03/2026

محتاجين نفتكر إن أول يوم العيد رغم جماله وبهجته إلا إننا ممكن ننسي حاجات مهمة بالنسبة للأطفال ⚠️

- زى إننا نسيبهم يشتروا حلويات كتير بدون حساب

- أو إن نومهم يتلخبط تاني بسبب السهر وصلاة العيد الصبح

- أو إننا نسمعهم كلام يحفز في عقلهم المقارنات زي
أخدت عيدية كام أو مين أخد عيدية أكتر ؟

- في الأيام اللي زي دي الأطفال نفسيتهم بتأثر جداً بالمقارنات وبـ مين لابس أجمل ومين معاه أكتر ❗

خلال ال ٣ أيام دول هننزل محتوي ليه علاقة بنفسية الأطفال في العيد وبأكتر تحديات بتقابلوها معاهم 💚

🌱

19/03/2026

فرحة العيد في عيون الأطفال بتبقي مختلفة فعلاً ♥️
عفويتهم وتعبيراتهم الصادقة علي كل حاجة ، بتوصل للكبار كمان وبتحسسهم هما كمان بفرحة

علشان كده لو عندك طفل ركز في تعبيراته وفرحته اليومين دول هيجيلك منه مشاعر تلقائية بالبهجة والونس ✨

كل سنة وانتو فرحانين مع أطفالكم ومتونيسن بيهم

شاركنا إيه أكتر حاجة بتحسسك بفرحة طفلك في العيد؟

واقرأ الكومنتات علشان تعرف غيرك قال إيه لما سألناه 💌

🌱

18/03/2026

فاضل يومين بس ونرجع لنظامنا الطبيعي في النوم واللي كُنا متعودين عليه قبل رمضان هيبقي صعب نرجعله فجأة ❗

علشان كده مُهم جداً لو عندنا طفل نبدأ نمهدله من دلوقتي تغيير مواعيد النوم فـ مثلاً نخلي السحور بدري شوبة ونأقلم نظامه إنه هينام بدري كل يوم ساعة أو أكثر ، علشان يقدر يصحي بدري أول يوم العيد ويشارك أصحابه التجمع واللعب ويرجع علي ميعاد نومه الطبيعي ⏱️

كـ أطباء نفسيين بنوصي دايماً الأهل إنهم يهتموا بتنظيم نوم الطفل وبـ الـ Life style بتاعه عموماً
لأن ده بيفرق بشكل ملحوظ جداً في صحته النفسية
وفي تحسن حالته لو بيعاني من أي مشاكل ✅

🌱

💚

17/03/2026

أول لقاء عِلمي لأطباء ومُعالجين Little Minds في المقر الجديد ليها ♥️
مناقشة حالات الأطفال وازاي نوصل بيهم لأكتر نقطة آمنة وتقديم أحسن خدمة ليهم هدفنا كلنا ✨
هنا ناس اتجمعت علشان بتحب تخدم الأطفال بجد ، ومؤمنة إن صحتهم النفسية تستحق مننا ومن الأهل جُهد كبير 🌱

🌱

💚

Address

شبين الكوم أمام سيتي كلوب/, برج التعمير ٩ الدور الخامس
Shebin Al-Kom

Opening Hours

Monday	9am - 9pm
Tuesday	9am - 9pm
Wednesday	9am - 9pm
Thursday	9am - 9pm
Saturday	9am - 9pm
Sunday	9am - 9pm

Telephone

+201068746461

Website

facebook.com

Alerts

Be the first to know and let us send you an email when Little Minds posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Shebin al-Kom?