https://www.facebook.com/103675648929070/

Ph . Elsabbagh, ش مصلحة الضرائب عمارات حمدي قنديل متفرع من صبرى ابو علم, Shebin al-Kom (2025)

29/05/2022

تعالو نقول معلومه كدا قبل ما ننام 💤

فيه أدوية لايجب اخدها مساءً ،أو قبل النوم وهي:
💊 الفيتامينات Vitamins ..
💊 مدرات البول Diuretics ،،
💊 المسكنات،، مسكنات الصداع ،، التي تحتوي على باراسيتامول مع كافيين (paracetamol+caffeine)
زي بنادول إكسترا ،ابيمول إكسترا، ادول إكسترا ،

والسبب 🤔❗

🔥 أن الفيتامينات Vitamins :
بتعمل على تنشيط خلايا الجسم والجهاز العصبي ،فتقلل من إمكانية النوم، وتسبب الأرق .🌚

🔥 مدارات البول Diuretics:
بطبيعتها لن تدع المريض ينام بشكل طبيعي وهادئ بسبب كثره اخراج البول من الاخر هتبات في الحمام 🙂

🔥والمسكنات :
فهي ليلاً تسبب الأرق نظراً لمفعول الكافيين لانها منشطة للجهاز العصبي. 🥲

يلا تصبحوا علي خير

د.علياء محمد الصباغ

28/05/2022

جربت مره تصحي من النوم تشرب كدا كوبايه عسل و مايه دافيه و عليهم نقطتين ليمون او فيتامين سي 🙊 تعالي اقولك فوائدهم، عد معايا يا سيدي 🌝🌝

👈 المساعدة على خسارة الوزن ، علشان فيه فيتامين سي اللي بيساعد علي الحرق .
👈توفير الكثير من العناصر الغذائية المهمة للجسم
👈المساعدة فى الهضم
👈إدرار البول و بالتالى التخلص من السوائل
👈تخليص الجسم من السموم
👈رفع المناعة
👈تعزيز صفاء البشرة

خلي بالك ❌❌❌❌
🥛المايه تكون دافيه مش سخنه يعني لو مسكتها بين ايدك تستحملها طيب دا ليه بقا 🤔
-لان معدتك بتكون فاضيه
-فيتامين سي او الليمون (اللي بيحتوي علي فيتامين سي) بيتكسر مع درجه الحراره اعلي من ٦٠ ْم
🥛الفيتامين او الليمون مش اكتر من ٢-٣ نقطه لانه عباره عن حمض و دا طبعا يزود الاحساس بالحموضه

وبس كدا 😂♥️

د.علياء محمد الصباغ

27/05/2022

تعرف انك لو قربت من مرآة وأخرجت الزفير من أنفك، هيظهر الضباب عليها، وهتتجمع علامتان من بخار الماء على السطح، واحدة لكل فتحة أنف.

ولكن علامة واحدة هتكون أكبر من الأخرى🙂 ايه الكلام الغريب دا 🤔🤔
لأن الناس يتنفسون في الغالب من فتحة أنف واحدة في كل مرة. طيب ليه نادرا ما نتنفس من فتحتي الأنف معا؟. 👃

يقول الدكتور مايكل بينينغر، طبيب الرأس والرقبة في عيادة كليفلاند، إنه في أي وقت، يقوم الناس بحوالي 75٪ من تنفسهم من إحدى فتحتي الأنف و25٪ من فتحة الأنف الأخرى. ويجري تبديل فتحة الأنف تلقائيا على مدار اليوم، و يسمى بالدورة الأنفية.🌝
ايون زمبقولك كدا والله 😂

بالرغم من أننا مش بنلاحظ دا ، الا ان إحدى فتحتي الأنف بتكون محتقنة أثناء الدورة الأنفية علشان كدا بتدخل شويه هواء اقل ، بينما تتخلص الأخرى من الاحتقان.

طيب الكلام دا بيحصل كل اد ايه ؟🤔

وفي المتوسط، يتغير نمط الاحتقان كل ساعتين تقريبا، وفقا لدراسة صغيرة نُشرت في مجلة PLOS One.

تفتكر ايه سبب دا ؟

للاسف مفيش نظريه بتفسر دا و لكن يعتقد بعض الناس أن الأمر يتعلق بالسماح للرطوبة بالتراكم على جانب واحد حتى لا تجف كثيرا". مقنعه من كدا 😂

وعادة، يلاحظ الناس الدورة فقط إذا كان لديهم انسداد ثابت في جانب واحد من أنفهم، وعلى الرغم من أن أنفك قد يصاب بالاحتقان عند إصابتك بنزلة برد، إلا أن دا مش بسبب دورة الأنف. وبشكل عام، بيتم احتقان فتحتي الأنف عندما تكون مريضا، لذلك ستواجه صعوبة في التنفس من خلال أنفك بغض النظر عن الدورة.

د.علياء محمد الصباغ

25/05/2022

〰" الأمــراض الجـلديـة " الأكثر شـيوعـاً فـي فصـل الصـــيف↡
طيب تعرف ليه بتظخر اكتر في فصل الصيف 🤔
تعالي اقولك تعرف ان شدة الحرارة في فصل الصيف بتؤدي إلى الإصابة بالفطريات والكثير من الأمراض الجلدية تابع معايا 👇👇 .

ومن أكثر هذه الأمراض شيوعاً:

☀️تصبغ البشرة و حروق الجلد 🌚: ودا نتيجة التعرض إلى أشعة الشمس لفترات طويلة ، يؤدي للإصابةبحروق شديدة في الجلد وكمان يؤدي هذا إلى تقشر البشرة.

☀️التينيا.الملونة :
هي إصابات فطرية بتكون نتيجة التعرق الشديد في درجات الحرارة المرتفعة، شكلها ايه 🤔 بتكون على هيئة بقع صغيرة باللون الأبيض أو البني الفاتح أو الوردي.

☀️العـدوى البكتيرية :
شدة التزاحم في الأماكن العامة تزيد من فرص انتقال العدوى البكتيرية بين الناس وخاصةً اصحاب البشرة الحساسة .

☀️حمـو.النيـل :
هو نوع من أنواع الطفح الجلدي، ويظهر على هيئة حبوب صغيرة باللون الأحمر ينتج بسبب زيادة التعرق والحرارة و ممكن يصاحب حمو النيل حكة ، طيب احمي نفسي منه ازاي 🤔👀 و هو ان يفضل
إرتداء ملابس خفيفة وقطنية.
والتهوية الجيدة في المنزل.
والإبتعاد عن درجات الحرارة المرتفعة.
و الإستحمام بالماء البارد لترطيب الجسم.

☀️الطفح الجلدي و الإكزيما : سببه بردو التعرق والحرارة ونزول الماء، يتعرض الجلد للطفح وبينتشر في أماكن مختلفة، وأكثر الأماكن للإصابة به تكون على المرفقين واليدين و في مناطق طيات الجلد.

☀️الدمامل العرقية:
هي إلتهابات حادة بتصيب بصيلات الشعر والمناطق التي تحيط به.

☀️حــب الشــباب .
غني عن التعريف 😂♥️

تابعوا معايا و هينزل بوستات مفصله بتشرح كل حاله و اسبابها و طريق علاجها

د. علياء محمد الصباغ.

24/05/2022

ازاي احسب عدد امبولات الحديد المطلوب لعلاج انيميا نقص الحديد ( iron deficiency anemia) بمعلوميه الهيموجلوبين HB فقط ؟ ايون زي ما قرأت كدا 🤭🤝
- المعادله اهي 👇👇
(فرق الهيوجلوبين*150 ) +500 =كميه الحديد المطلوبه
تعالي اقولك مثال
بص ياباشا شخص ال HB بتاعه 8 وانا عايز اوصله 13 يبقي الفرق كام؟ 5 صح كده 👀
يبقا الناتج 1250
♦️ملحوظه مهمه
امبول الحديد الي في السوق 100 مجم /5مل
يبقي الشخص محتاج
1250/100= 12 امبول
ياخدهم بحد أقصى 2 امبول في اليوم طبقا لاخر توصيات
ا💊امثلة لامبولات حديد
Ampofer 100mg/5 ml
Sacrofer 100mg/5ml
Cosmofer 100mg/5ml
Enuremia 100 mg/5 ml

بيتحط علي محاليل ملح فقط ماينفعش رينجر خالص خالص (الامبول يتحط علي 100 مل سلاين)
هتحط امبول واحد الاول وتمشي المحلول ببطء شديد جدا لمده ربع ساعه وتتابع المريض لو ظهرت عليه اي اعراض حساسيه توقف فورا ❌
لو ماظهرش حاجه هتحط الامبول التاني وتمشي المحلول ببطء علي مدار حوالي 3 ساعات 🕡

خلي بالك
حساسية الحديد صعبه لذلك يفضل يتركب في مستشفي او انت تكون بتعرف تتعامل مع ال anaphylaxis ومعاك ادويه

د.علياء محمد الصباغ

13/05/2022

عارفة انها فتره صعبه علينا جميعا 🤍 اسأل الله ان ييسرها علينا جميعا ♥️♥️

15/04/2022

تعالي اقولك علي نصيحة سريعه قبل الفطار وهي انك لو لو عايز تبقى سهله الحركه بعد الفطار وتبتعد عن الم المعده وضيقه التنفس 😮‍💨 وكمان تقدر تصلي التراويح 🕌 وتسجد في خشوع🛐🙏لازم تبعد وقت الفطار عن الوصول لمرحله الشبع 🍛🍖وكمان دي عاده صحيه وسنه رسولنا الكريم عليه افضل الصلاه والسلام ♥️♥️

صوما مقبولا و إفطارا شهيا

د.علياء محمد الصباغ

07/04/2022

صوما مقبولا و افطارا شهيا
تعالي كدا اقولك عاده غلط بنعملها في رمضان و اقولك هؤ غلط ليه هيا بنا 👇👇👇

💠 في رمضان بنشرب كميات كبيرة من الماء قبل أذان الفجر و دا غير صحي ليه بقا 🤔🤔

لان جسمك مش زي جسم الجمل بالتالي مش بتخزين الماء الزائد عن حاجته يقوم جسمك يتخلص منها خلال 2-3 ساعات.😱

بالتالي مش هتقدر تنام تاني بعد كدا علشان هتدخل الحمام كتير يا معلم 😂🌝

علشان كدا بنصحك بشرب الماء باستمرار في كل ساعة في الليل مش بس قبل أذان الفجر مباشرة علشان الدماغ بيرسل اشارات للتخلص من الماء الزائد عن حاجة الجسم...🔚

د.علياء محمد الصباغ

03/04/2022

تعرف التقدم في العمر من أهم المراحل المقلقة لأي شخص في العالم😱، فالخوف من ظهور التجاعيد، والترهلات، وعلامات الكبر في السن تسيطر على الإنسان بشكل عام اه والله زي ما بقولك كدا
و من هنا نيجي للسؤال المهم و هو :-👇👇👇👇

💟كيف أحافظ على شبابي ؟🧖

عارفه ان اكتر ناس مهتمه بالموضوع دا هي البنات و السيدات و لكن النصائح للشباب و الرجال كمان

يلا معايا بقا هقول لكم شويه نصائح لتقليل علامات التقدم في السن🤔🤭
✨شرب الماء دي اهم حاجه و كتير بقا 🤭
الماء عنده قدرة خارقة على التخلص من جفاف البشرة،ومنع ترهلها وتقشيرها، لذلك يُنصح بشرب الكثير من الماء لكافة المراحل العمرية.

✨نيجي بقا للاكل و اهم حاجه تناول الأطعمة الغنية بمضادات الأكسدة لانها تعمل على مكافحة المرض والشيخوخة ودا عن طريق الحد من الأضرار والالتهابات، لان الالتهابات هي السبب الرئيسي لظهور التجاعيد.
🧠تفتكر ايه هي الاطعمه التي تحتوي على المضادات الأكسدة؟🤔
تعالي اقول لكم بقا ايه هي :👇👇👇👇
🍒التوت.
🥤الرمان.
🥬السبانخ.
🥜الجوز.
🥑البذور.
🍫الشوكولاتة الداكنة، خصوصا التي تحتوي على 70% من الكاكاو.
🍵الشاي الأخضر.

✨ التعرض للشمس

على الرغم من أن التعرض لأشعة الشمس لفترات قصيرة يفيد الجسم في إنتاج فيتامين د (vitamin K) إلا أن التعرض لفترات طويلة لهذه الأشعة يلحق الضرر 🔥🌡️والحروق بالبشرة.
طيب يا دكتور احمي نفسي منها ازاي ؟
هقولك انك ممكن تلبس النظارات الشمسة، واستخدام واقي الشمس الغني الزنك أو التيتانيوم.

✨اختيار منتجات الجلد الطبيعية 🧖💆

يجب ان تختار المرطبات ومنتجات العناية بالبشرة التي تحتوي على مواد طبيعية، وتجنب الغنية بالمواد الكيميائية،

✨زرع النباتات في المنزل أو حوله اه والله زي ما بقولك كدا 🌱🪴
تزيد احتماليات التلوث في الأماكن المغلقة عن التلوث في الهواء الطلق، علشان كدا وجود بعض النباتات في المنزل، أو المكتب تعمل كفلتر للهواء.

✨تناول فيتامين سي

للمحافظة على بشرة أقل تجاعيد، وجسم أكثر حيوية. 😎🫂
لان فيتامين سي يضاعف إنتاج البشرة لمادة الكولاجين لثمانية أضعاف 🌝.

✨ اخيرا متنساش علشان تحافط يبقا رياضه و دايت دايت و رياضه

تساعد التمارين الرياضية على التخلص من السموم من خلال العرق، وبالتالي الحفاظ على الجلد صافٍ من الشوائب.

اتمسوا بالخير 🌝🌝♥️

د.علياء محمد الصباغ

02/04/2022

هالو يا حلووين رمضان كريم علينا جميعا ♥️♥️
النهارده هكلمكم عن مشكله بتواجهنا الفتره دي و هي عدم التركيز

🟣 تعرف ان زيادة التركيز بيؤدي الي زيادة الإنتاجية، بمعني أنّ التركيز أمرٌ ضروريّ جداااا ، لكن فيه كتير من الأشخاص بيعانون من قلّة التركيز أو فقدانه في اوقات كثيرة.

(📋) علشان كدا هقدم لكم بعض المعلومات و النصائح الّتي تساعد على زيادة وتحسين التركيز 🤔.

🟣 علاج عـــــدم التركيز

👈 التأمل🧘 عن طريق تخصيص ساعة مثلا على الأقل لممارسة التأمّل عن طريق التركيز على التنفّس وكيفيّة دخول الهواء وخروجه،و دا بيكون له دور مهمّ في تهدئة الدورة الدموية، و بيزود الشعور من السلام.

👈التقليل من الأهداف الضخّمة📈، ومحاولة التدرّج بالأهداف🧾، لان الأهداف الصغيرة بتساعدك في الحصول على نتائج أفضل.

👈اختيار الوقت الّافضل ليك وأكثر راحة لك ، وتشعر بأنّه الوقت الّذي يستطيع الإنتاج فيه بشكل أكبر⏱️.

👈 أخذ القسط الكافي من النوم خصوصا في الليل🛏️💤.

👈عدم تناول كميه كبيره من الطعام؛ دا بيقلّل من التركيز، لانك ستشعر بالتخمة وصعوبة الهضم، أمّا تناول كميّات قليلة من الطعام هتعمل علي التسريع من عمليّات الهضم دون الشعور بالانزعاج أو التخمة .

👈تجنّب إجبار نفسك على القيام بأمور معيّنة أكثر من اللازم، علشان عقلك يرفض ذلك وسيزيد من عدم التّركيز.

👈البس الملابس الخفيفة قدر المستطاع؛ دا يساعد على الشّعور بالراحة.

👈اجلس في الأجواء المريحة لك مثلا في أجواء الطبيعة⛰️؛ فهذا يساعدك على الشعور بالسلام والهدوء والراحة.

👈اجلس كمان بعزلة بعض الوقت دا كمان بيساعدك في زيادة التركيز والشعور بالراحة.

👈عدم المماطلة في أداء المهمّات بداعي الكسل، سيزيد من الشعور بالتّعب .

👈ممارسة بعض التمارين العقليّة اللي بتزيد من التركيز، مثل حلّ الألغاز، اوالكلمات المتقاطعة، أو تشارك في بعض النّقاشات الحماسيّة.

👈مارس التمارين الرياضيّة اليوميّة الّتي تتناسب مع الوضع الصحّي لك .

👈 ممكن كمان تستخدم التدوين أول بأول خصوصا في تحديد المهام والأمور الّتي يجب عليك القيام بها، و دا علشان تتجنّب الشعور بالضياع بين الأفكار وفقدان التركيز.

👈خذ استراحة سريعة أثناء العمل.

👈تناول التوت سيساعدك في زيادة التركيز، لانه يحتوي علي مواد مضادّة للأكسدة الّتي تحفّز من تدفّق الدم والأكسجين إلى الدماغ🧠.

👈تناول الشاي الأخضر يساعدك على التركيز حيث انه يحتوي علي مادّة الكافيين والثيانين.

👈تناول الخضروات الورقيّة الخضراء؛ فهي تحفّز من قدرات الدماغ وذلك لانها تكتوي علي كميه كبيره من المواد المضادّة للأكسدة والكاروتينات.

👈اخيرا و اهم نقطه و هي شرب كميّة كافية من الماء؛ لانه يعطي الدماغ الطّاقة الكهربائيّة الجيّدة الّتي تحسّن من وظائف المخ، بما في ذلك عمليّات التفكير والذاكرة

د.علياء محمد الصباغ

02/04/2022

🌙 الأحكام الشرعية المتعلقة بمفطرات الصيام 🌙

تطهير اليدين بالكحول : لا يفطر

الفحوصات المهبلية ومسحات الرحم والمهبل : لا يفطر

تقبيل المرأة ومداعبتها ومباشرتها فيما دون الفرج مالم يحصل الإنزال: لا يفطر

الإستمناء ومداعبة العضو الذكري بدون إنزال : لا يفطر

ممارسة العادة السرية وحصول القذف : يفطر

الأكل والشرب ناسيا: لا يفطر

العطور والروائح: لا تفطر

الغسيل الكلوي : لا يفطر

القىء عن غير عمد: لا يفطر

المراهم والكريمات: لا تفطر

الحقن "عضل أو وريد": لا تفطر ما لم تكن حقن مغذيه

مرطبات البشرة: لا تفطر

نقل الدم: لا يفطر

بلع الريق: لا يفطر

تذوق الطعام باللسان دون بلعه: لا يفطر

خلع الأسنان والأضراس إذا لم يدخل شيء إلى الجوف: لا يفطر

استخدام فرشاة ومعجون الأسنان من دون أن يتسرب شيء إلى الجوف: لا يفطر

بخاخة الربو: تفطر

وضع مرطب الشفاه: لا يفطر

غسول الأذن إذا لم يكن بها ثقب: لا يفطر

قطرة الأذن إذا لم يكن بها ثقب: لا تفطر

قطرة الأنف إذا تجاوزت الخياشيم: تفطر

دم الحيض والنفاس: يفطر

إفطار المرأة فى نهار رمضان لإكمال عملية الحقن المجهري بناء على وصية الطبيب بذلك: جائز

الإفطار للعجوز الذي لا يقوى على الصوم: جائز مع الفدية

الإفطار لمريض السكر الذى يتضرر بصومه ولا يرجى شفاؤه: جائز مع الفدية

الإفطار للمسافر مسافة القصر: جائز مع وجوب قضاء هذه الأيام

أخذ الأدوية لمنع دم الحيض لصيام رمضان كله: جائز بشرط عدم الضرر

انقطاع دم الحيض أو النفاس للمرأة قبل الفجر بوقت لا يسع الغسل: يجب عليها صوم اليوم وصيامها صحيح

من كان جنبًا قبل الفجر بوقت لا يسع الغسل: يجب عليه صوم اليوم وصيامه صحيح

د.علياء محمد الصباغ

18/03/2022

💉| فطريات اصابع القدم 🦶

👈الفطريات دي بقا من الكائنات الحية الدقيقة جداً 🔬،مالها بقا بتتكاثر في البيئات الرطبة قليلة التهوية علشان كدا بتكون موجوده بين أصابع القدمين بسبب قلّة سماكة الجلد، و كمان سهولة إيجاد مكان تعيش فيها وتبدأ بقتل الخلايا الضعيفة الاول ،علشان بتعتمد في غذائها على الخلايا الميتة. 🦶

👈 طيب اعرفها ازاي 🤔

🔗 بقدر احددها لما الاحظ سماكه وجفاف في جلد القدمين واحمرار وحكة بين الأصابع فهذا يدل على بداية وجود الفطريات

🔗وبعدين تظهر تشققات بين الأصابع وتقرحات تسبب ألم وحرقه وقد تتطور الإصابة لظهور جروح أو فقاقيع تزيد من تواجد الخلايا الميتة التي تتغذى عليها الفطريات ويصاحب هذه العمليات ظهور رائحة كريهة للقدمين.🥴 وقد تصل الإصابة إلى أظافر القدمين وتزيد من حدة الألم .🤏

👈 تفتكر ايه الاسباب بقا ؟🤔

🔺من المسبب الرئيسية لتكاثر الفطريات هو وجود الرطوبة وقلة التهوية ويمكن ملاحظة ذلك في منازلنا خلال فصل الشتاء

🔺و في الإنسان تتكاثر في الأماكن شديدة التعرق لذلك نلاحظ بأن ما بين أصابع القدمين هي أكثر عرضةً للإصابة بالفطريات دون غيرها ،هذا التعرق يكون ناتج عن ارتداء حذاء ضيق أو لبسه لمدة طويلة .

🔺و كمان الأشخاص المصابين بمرض السكريّ تتعرض أقدامهم للإصابة بالفطريات و دا بيكون الموضوع أكثر خطورة كونَ الجروح لا تلتئم .

🔺تنقل الفطريات من شخص إلى آخر بالعدوى ،فعند لبسك حذاءَ حد مصاب تنتقل إليك الإصابة مباشرة .

👈يا دكتور و ايه العلاج 💊

🔹يمكن علاج الفطريات في القدمين باستخدام الكريمات التي يوصي بها الطبيب والمداومة على استخدامها لمدّة لا تقل عن الشهر ؛حيث ان إعادة بناء الجلد بمكان التقرحات يحتاج إلى هذه المدة تقريباً.

🔹 تجفيف القدم ،و رش الحذاء بالبودرة لامتصاص الرطوبة و يجب أن نحرص على قص الأظافر حتي لا تصل العدوي إلى حوافها. 💅

🔹استخدام كميه من الملح مع الماء الدافئ وغسل القدمين يعمل على تقلّل من تكاثرها وتحد من نشاطها .

👈 احمي نفسي منها ازاي ؟

📎 المحافظة علي القدمين جافتين وتنشيف بين الأصابع عند غسل القدمين والابتعاد عن لبس الأحذية 👞الضيقة لأنّها تضغط على الأصابع وتسبّب التعرق 💦.

📎التقليل قدر الإمكان من مدة لبس الحذاء لتوفير التهوية المناسبة لهما كما يمكن لبس الصندل👡 خلال فصـل الصيف🏜️

د.علياء محمد الصباغ

Ph . Elsabbagh

29/05/2022

28/05/2022

27/05/2022

25/05/2022

24/05/2022

13/05/2022

15/04/2022

07/04/2022

03/04/2022

02/04/2022

02/04/2022

18/03/2022

Address

Telephone

Website

Alerts

Contact The Practice

Shortcuts

Share

Category