مستشفى بداية المتكامل Bedaya Integrated Hospital

Home
Egypt
Shebin al-Kom
مستشفى بداية المتكامل Bedaya Integrated Hospital

أكبر استثمار طبي بشبين الكوم

بداية مستشفى تقدم خدمات طبية متكاملة في مدينة شبين الكوم تنافس المستشفيات الموجودة في جميع التخصصات الطبية على مستويات متقدمة من الجودة الطبية والإدارة الاحترافية , من خلال تجهيزات عالية من الانشاءات و التشطيبات والمعدات والأجهزة و الكوادر الطبية بما يسمح بفتح تخصصات جديدة يلجأ إليها المرضى في مستشفيات القاهرة و أن تنافس ليس فقط على مستوى المحافظة ولكن على مستوى محافظات الدلتا ككل

- المستشفى الو

حيدة بشبين الكوم الحاصلة على ترخيص المركز القومي لبحوث الاسكان والبناء وهو مايؤهلها للعمل مع الحكومة في منظومة التأمين الصحي الشامل

تابعونا على :-

Instagram

https://www.instagram.com/bedayahospitaleg/

LinkedIn

https://www.linkedin.com/company/bedayahospitaleg/

Twitter

https://twitter.com/BedayaHospital

01/04/2023

لسه مش عارف تظبط نومك ؟ 😴

مواعيد النوم بتتغير في رمضان ودا بيأثر على شغلك ومذاكرتك وبتفضل تسأل نفسك كل يوم نفس السؤال
" أنام بدري واصحى الفجر ؟
ولا اسهر لحد الفجر وبعدين انام ؟ "🤔

الحقيقة ان مفيش اجابة واحدة لكل الناس ودا لأننا بنتقسم على حسب الساعة البيولوجية بتاعتنا لنصين :-
١- ال Early Birds او العصافير 🦜
- ناس نشاطها وتركيزها بيزيدوا جداً الصبح

٢- ال Night Owls أو البوم🦉
- النص التاني من الناس بقى تركيزهم ونشاطهم بيكون بليل أفضل
والفرق دا في طبيعة النوم بترجع لأن أجدادنا ورثونا الساعة البيولوجية بتاعتهم
فكان نصهم زمان بيصحى الصبح يصطاد ويوفر الأكل وينام بليل
وكان النص التاني يسهر طول الليل لحماية المجموعة الأولى من أي خطر
فلو انت من المجموعة الأولى من الأحسن انك تنام بدري وتصحى تبدأ يومك من الفجر ☀️
ولو انت من المجموعة التانية فالأحسن انك تقضي وقت شغلك ومذاكرتك كلو بليل🌌

ومتنسوش تشاركونا أنتوا من أنهي مجموعة ؟

23/03/2023

مستشفى بداية المتكامل تتمنى لكم صوماً مقبولاً وإفطاراً شهياً 🌙

كل عام وأنتم بخير 💚

31/12/2022

ساعتين على بداية سنة جديدة ⏱🧨

كل سنة وأنتم طيبين 💚
بنتمنالكم سنة سعيدة تحققوا فيها كل اللي بتتمنوه ✨

ومتنسوش تشاركونا في الكومنتات إيه هي أكتر حاجة بتتمنوها السنة دي ؟🤔

؟

06/12/2022

مع دخول فصل الشتا فيه فيروس منتشر في الجو اسمه الفيروس المخلوي التنفسي 🦠اللي بيسبب عدوى في الجهاز التنفسي وبينتقل عن طريق الكحة والعطس 🤧

الفيروس هدفه الأساسي هو الشعب الهوائية في الرئة واللي بيدخل يتكاثر جواها 🫁
وعشان كدة الخلايا المناعية بتيجي تسبب التهاب وموت للخلايا المصابة وتفرز مخاط كتير
ودا اللي بيسبب ضيق في التنفس ولأن الأطفال الممرات الهوائية عندهم أصلا ضيقة فهم أكتر ناس بيتأثروا بالفيروس 👶

وعشان كدة لو حسينا بأعراض ضيق التنفس عند الاطفال من المهم اننا نرجع للطبيب المختص

سيبولنا كومنت وهنقولكم ازاي تعرفوا أعراض ضيق التنفس عند الأطفال 👌

23/11/2022

أكد الدكتور خالد عبدالغفار وزير الصحة والسكان، أن فيروس المخلوي التنفسي مش جديد ، ودا لأن تم اكتشافه من سنة 1956، وهو أحد الفيروسات اللي بتصيب الجهاز التنفسي وبيزيد نشاطه مع فصل الشتاء والأعراض المرضية للفيروس بسيطة إلى متوسطة لكن نسب انتشاره عالية

غالباً بيصيب الأطفال وبالذات الأقل من 6 شهور و
وحوالي كل الأطفال بيكونوا اتصابوا مرة واحدة على الأقل قبل ما يتموا 4 سنين

بس مكانش منتشر خلال السنتين اللي فاتوا ، بسبب الإجراءات الاحترازية اللي كانت مُتبعة عشان كورونا ، لأنه بينتقل بردو من خلال العطس أو الكحة من شخص مصاب وكمان ممكن يفضل على الأسطح لساعات

تابعونا عشان تعرفوا تفاصيل أكتر عن الفيروس المخلوى التنفسي وازاي تتعاملوا معاه

26/10/2022

من قلب منطقة الخدمات الصحية في شبين الكوم 📍
كل يوم فيه فريق كامل بيشتغل بجهد عشان ينفذ الخطة👌

عشان في أقرب وقت يبقى عندنا صرح طبي متكامل الخدمات الصحية بإجمالي مساحة 6500 م وبارتفاع 13 دور 🏨

و بننقل لكم آخر تطورات العمل بمستشفى بداية المتكامل حيث انتهينا من :-
-الهيكل الخرساني 🏗
-تقفيل الواجهة بالطوب🧱
-تصميمات شبكة الغاز الطبيعي
-تصميمات الأعمال الكهربائية
-تصميمات شبكات الكهرباء
-تصميمات شبكات الحريق
-تصميمات الأعمال الميكانيكية

وجاري العمل في :-
-تأسيس الأعمال الصحية
-تأسيس الأعمال الكهربية
-أعمال المحارة الداخلية

وعشان تعرفوا تفاصيل أكتر عن المشروع و الإستثمار فيه
تقدروا تتواصلوا مع إدارة علاقات المستثمرين من خلال الواتس آب ودا اللينك 👇
https://wa.me/0201004251425

📞 أو من خلال رقم 01004251425

22/10/2022

اليوم الدراسي طويل ومرهق
والوقت الباقي للمذاكرة في البيت بيكون قليل 🤏
والأطفال بيكونوا تعبانين ومش قادرين يذاكروا😪

وعشان كدة فيه عادات لو اتعلمتوها هتساعدكم تستغلوا الوقت الصغير دا وتاخدوا منه أقصى استفادة👌
وتحلوا 3 مشاكل كبار زي ان :-

1- المذاكرة مملة بالنسبة لأغلب الأطفال وعشان كدة :-

-ادي لطفلك راحة من وقت للتاني
بعد كل ٢٥ دقيقة مذاكرة ممكن ياخد ٥ دقايق راحة
او بعد كل ٥٠ دقيقة ١٠ دقايق راحة عشان المخ يستعيد نشاطه

2- التشتيت
-شيلي كل مصادر التشتيت
خصوصاً الموبايل والتابلت والتلفزيون أثناء وقت المذاكرة وخلي ليهم وقت خاص

-خصصي مكان للمذاكرة
ويكون هادي وبعيد عن كل المشتتات

3-القلق والتوتر

-ساعديه ينام كويس وياكل كويس
-شجعيه دايماً لما يجاوب صح أو يخلص كل اللي وراه

ولو ساعتدم أطفالكم انهم يبقى عندهم العادات ديه هتفضل معاهم لحد مايكبروا وتساعدهم في شغلهم كمان👌

07/10/2022

طلع البدر علينا 🌕

كل عام وأنتم بخير بمناسبة المولد النبوي الشريف💚

24/09/2022

افرد ضهرك !

من أحد أخطر العادات اللي بتسبب تقوس وانحناء ظهر الأطفال هي استخدام شنطة المدرسة بشكل مش صحيح

وعشان كدة فيه مواصفات معينة لشنطة المدرسة مهم تتأكدي منها وانتي بتشتريها زي :-
-ان طولها مش أعلى من مستوى الكتف ولا نازلة أوي على الظهر
-ان الأكتاف بتاعتها عريضة ومبطنة ومُريحة
-ان طول مقبض الشنطة ( لو بعجلات ) يكون مناسب لطول طفلِك عشان ميفضلش موطي عشان يقدر يجرها

و كمان تتأكدي وانتي بتساعدي طفلِك في ترتيب الشنطة من:-
-ان محتويات الشنطة متوزعة بالتساوي عشان وزنها يكون كويس بالنسبة لكل أجزاء الجسم مع مراعاة ان الجزء الاتقل يكون في قاعدة الشنطة قُرب العمود الفقري
-اثناء شيل الشنطة متخليش طفلك يوطي خليه يثني ركبتيه ويشيلها ويقوم يقف وكمان يتجنب انه يشيلها على كتف واحد
-ويتجنب انه يشيلها في الأوقات اللي هو مش مضطر يشيلها فيها زي انه منتظر اتوبيس المدرسة مثلاً

وأهم من كل دا انه يكون دايما بيمارس نشاط بدني لأن صحة أطفالنا أهم من أي شئ💚

شاركينا في الكومنتات ازاي بتحافظي على ظهر طفلك من شنطة المدرسة ؟

21/09/2022

كل أم بتقعد تختار ال Lunch box وهتحط فيه أكل ايه
بس كتير بينسوا ان دا اسمه " Lunch box " ودا مش مُخصص لوجبة الفطار ✋

وجبة الفطار المفروض تكون في البيت قبل ما الأطفال يروحوا المدرسة ومينفعش يفوتوها لأنها أهم وجبة لتحصيل دراسي سليم ودا لأنها :-
-بتيجي بعد فترة طويلة من اخر وجبة
- بتساعد على تنظيم ال3 وجبات اليومية
-بتساعد على زيادة التركيز وتقوية الذاكرة

وعشان نحافظ عليها و ناخد أقصى استفادة منها :-
- نحافظ على النوم بدري عشان نصحى بدري عشان يكون فيه وقت لوجبة الفطار
-أول ماتصحي الأولاد من النوم من الافضل انهم يشربوا كوب مياة
-الفطار من المهم انه يبقى متوازن و فيه بروتينات ونشويات وخضروات

وافتكروا دايماً ان أفضل شئ تقدموه لأطفالكم خصوصا ًوقت الدراسة هو وجبة فطار متوازنة

شاركونا في الكومنتات بتفطروا أطفالكم قبل المدرسة ولا بتكتفوا بالLunch box ؟

20/09/2022

الولادة الطبيعية ولا القيصرية ؟

مصر بتحتل رقم ١ في إجراء الولادات القيصرية
في حين ان في أوروبا و الولايات المتحدة حوالي من ٢٥-٣٠% بس من السيدات هم اللي بيلجأوا للولادة القيصرية

ودا لأن كتير من الأطباء والسيدات بيلجأوا ليها للقدرة على التحكم في وقت الولادة بس في المقابل الولادة القيصرية بتعرض الأم والجنين لمخاطر زي :-
-مخاطر الجراحة من (نزيف - استئصال الرحم أثناء الولادة )
-تقليل اكتمال رئة الجنين واللي بيستدعي دخوله الحضانة
- تعرض الأطفال لمضاعفات مع الوقت زي (زيادة في الجراثيم المعوية - الحساسية - التوحد - أمراض المناعة )

بس فيه بعض الأسباب الضرورية التي بضطر الدكتور انه يلجأ للولادة قيصرية زي :-

1- المخاض المطول أو الولادة المتوقفة، هو سبب حوالي ثلث الولادات القيصرية، وبيحصل لما يستمر المخاض لمدة 20 ساعة أو أكتر
2- في حالة ان الطفل مش قادر ياخد كمية كفاية من الأكسجين.
3- العيوب اللي بيتولد بيها الطفل زي السوائل الزائدة في الدماغ، أو أمراض القلب، عشان يقلل مضاعفاتها
4- ان الأم تكون بتعاني من أمراض مزمنة زي القلب وسكر الحمل وارتفاع ضغط الدم.
5- التعرض لمشاكل في المشيمة، خصوصاً مع تغطيتها لعنق الرحم بشكل جزئي أو كلي

فصحِتك وصحة طفلك أهم من أي شئ ومُتابعتك الدورية مع الدكتور هتحدد حالتك الأفضل ليها تولد طبيعي ولا قيصري

وشاركونا تجربتكم أثناء الولادة

12/09/2022

صدر بيان مؤخراً عن وزارة الصحة والسكان بعزل أول حالة مصابة بجدري القرود لمصري من الحاصلين على الإقامة بإحدى الدول الأوربية

و تم اكتشاف إصابته من خلال إجراءات الترصد الوبائي اللي بتقوم بيها الوزارة وتم عزله في إحدى المستشفيات المخصصة للعزل

و بتؤكد أن المريض حالته العامة مستقرة، وتم اتخاذ جميع الإجراءات الصحية والوقائية مع مخالطيه وفقا لبروتوكولات العلاج والمتابعة التي أقرتها منظمة الصحة العالمية

بنتمنالكم الحفظ والسلامة من كل مكروه 💚

Address

Https://goo. Gl/maps/DcriLmsG4BHS6nCBA
Shebin Al-Kom

Telephone

+201004251425

Website

https://www.bedayahospitaleg.com/

Alerts

Be the first to know and let us send you an email when مستشفى بداية المتكامل Bedaya Integrated Hospital posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to مستشفى بداية المتكامل Bedaya Integrated Hospital: