د/ إسلام الخولي لأمراض العظام والعمود الفقري ومناظير المفاصل

21/11/2025

الحقيقة اللي لازم يعرفها المريض والطبيب، إن يد الله هي الشافيه
لازم يكون فيه إيمان كامل وتوكل على الله

مش هنسي المريض ده وهو متوكل على الله كامل التوكل، يحمد الله على الرغم من الإصابة الشديدة وهي (تهتك كامل بالساق mangled limb)
تم الاخذ بكل الاسباب العلمية والتفاصيل الطبية الموصى بها والحمد لله كان كرم كبير من ربنا
ومننساش مجهود جراحة التجميل وكل من ساعد داخل غرفة العمليات

10/11/2025

25/10/2025

من اكتر الحالات اللي ربنا كرمنا فيها بنتيجة جميله جدا
massive neglected RCT, diabetic, with concomitant frozen
تم تشخيص الحالة بعد معاناة شهور من عدم القدرة على تحريك مفصل الكتف، تم السير في خطوات إجراء التدخل الجراحي للإصلاح، لكن عند عمل التحاليل الطبية تبين وجود ارتفاع في تحليل السكر التراكمي ١١.٥، وتم التأجيل لحين استقراره
بعد استقرار التحاليل حدثت مشكلة أخري بالمفصل، وهو تيبس مصاحب للقطع المهمل بالاوتار، الامر الذي بدوره يجعل عملية الإصلاح بمنتهى الصعوبة
تم إجراء التدخل بالمنظار لازالة التيبس مع الفتح المحدود لتصليح الاوتار بعملية واحدة، مع الاهتمام بالتفاصيل الطبية والخطوات المتعددة داخل العملية والموصوفة بأحدث الدوريات العلمية، كانت النتيجة كما بالفيديو الموضح

06/10/2025

مواعيد عيادة شبين الكوم يومي السبت والاربعاء من كل أسبوع من الساعة الثانية والنصف

العنوان / مستشفى MOC اول طريق ميت خاقان امام قاعة ميراج للحجز 01008680878

14/11/2024

تم بحمد الله تعالى تحديث وحدة الإشعة بعيادة الحامول من التحميض اليدوي لوحدة إشاعات الديجيتال بأعلى جودة

عيادة د إسلام الخولي لأمراض العظام والعمود الفقري ومناظير المفاصل
الحامول، شارع مدرسة الخولي للحجز تليفون / 01066866923
شبين الكوم، مستشفى MOC اول طريق ميت خاقان امام قاعة ميراج للحجز تليفون او واتس/ 01012312446

15/09/2024

هوة فيه مادة تنفع علاج مع مشاكل الجسم كله؟؟
الاجابة نعم،. تعالوا نفهم سوا

اغلب أمراض الجسم بيدافع عنها الجسم نفسه، وتحسين الصحة العامة اهم وسيلة لعلاج أي مرض. وهنا دور مضادات الأكسدة.

خلايا الجسم بينتج منها سموم زي العادم للسيارات والمحركات، اسمها الfree radicals او الجذور الحرة. ودي سبب من اسباب شيخوخة الخلايا او نقص كفائتها ومنها نقص كفائة الجسم كله.
والخلايا دايما محتاجة دايما للي يخلصها من السموم ويرفع كفاءة التشغيل والنشاط، وهنا بيكون دور مضادات الأكسدة.
التأثير الايجابي لمضادات الاكسدة علشان يظهر محتاج مواظبة الحصول عليها لفترة طويلة شوية.
فيه مصادر في الاكل الخضروات والفواكه والبيض علشان كده التنوع مهم.
ومصادر في المشروبات مثل القهوة الخضراء، الليمون والعصائر الطبيعية.
ومصادر في الادوية، وهنا لازم نتكلم عن مادة مهمة جدا جدا بيفرزها الجسم وموجوده في صورة دواء، وهي مادة alpha lipoic acid
يتم استخدامها في بلاد كثيرة كدواء مضاد للأكسدة يتم صرفه بدون روشتة طبية، يتم استخدامها في ألمانيا في بروتكول علاج اعتلال الأعصاب الطرفية لمرضى السكر
الأبحاث العلمية الحديثة بتتكلم عن جرعات مختلفه يحددها الطبيب لإستخدام المادة في علاج التهابات الاعصاب الطرفية مع نتائج فعالة.
وزي مابنقول الوقاية خير من العلاج ودمتم أصحاء.

عيادة د د/ إسلام الخولي لأمراض العظام والعمود الفقري ومناظير المفاصل
للحجز 01012312446 - 01066866923

11/06/2024

مريض، ٤٥ سنة، حضر للعيادة بعد حادث، نتج عنه كسر بعظمة الفخذ ، عمل عمليه من شهرين وحدث مضاعفات
-ارتفاع في درجة الحرارة في الجسم من ٤ل٨ ساعات يوميا
- عدم القدرة على المشي مع ضعف شديد بالعضلة الرباعية الامامية
-التحاليل كلها تقول ان فيه التهاب شديد حول المسمار النخاعي CRP 72 / ESR 100

طبعا كان الرأي الطبي القديم هو عمل عملية على مرحلتين. وده اللي المريض جاي العيادة عارفه وعارف انه هيقضي ٣ شهور في معاناه من عدم المشي و صعوبة في ممارسة الحياة الطبيعية حتى في ابسط الامور.
لكن بعد التقييم الشامل للحالة، الحل الأفضل ليه كان عمل العمليات كلها في عملية واحدة single stage revision ، وهنا توفيق ربنا ان اقرر الافضل للمريض، وحسب اخر التوصيات العلمية المتبعه.

تم ازالة المسمار النخاعي، تنظيف الجرح وتجويف عظمة الفخذ، توسيع التجوييف، تنظيف مرة اخرى، تغيير طاقم الآلات بالكامل، ثم غسيل بكمية عالية من محاليل الملح والبيتادين، وتركيب نوعيه مسمار نخاعي افضل من النوع السابق.
عملية على مدى الساعتين ونصف، منهم ساعه ونصف غسيل وتنظيف، مع مضاد حيوي بمدة محددة بعد العملية حسب التوصيات العلمية.
كانت النتيجة جميلة جدا ومفرحة 💪👌👌
العيان مشي على رجله من تاني يوم، مفيش سخونية تاني ، بدأ في استعادة حياته الطبيعية، نفسيته احسن.
المشي الطبيعي في خلال شهر ، التحاليل كلها اتحسنت في ٦ أسابيع.
ودي صور الاشعه قبل العملية، وبعد ٦ شهور دلوقتي التآم شبه كامل بدون اي مضاعفات ولله الحمد 💪💪💪

عيادة د إسلام الخولي لأمراض العظام والعمود الفقري ومناظير المفاصل
شبين الكوم، ميدان شرف، برج الميدان الذهبي الدور الخامس
للحجز 1012312446

06/06/2024

يادكتور ،انا عندي خشونة في الركبتين، ناس قالولي المشي كويس وناس تانية خوفوني، اعمل ايه؟؟!!
الحقيقة دي من الاسئلة المتكررة لمرضى #الخشونة وهنجاوب عليها في نقط هامة
- التمارين مفيدة لزيادة قوة العضلات حول المفصل وبالتالي هتشيل الحمل عن المفصل المتآكل بفعل الخشونة.
- هتزود الدورة الدموية وده هيحسن صحة المفصل ويقلل الالتهاب على المدى الطويل.
- هتساعد في تقليل الوزن وزيادة معدل الحرق

** ايه التمارين ونعملها قد ايه؟؟!
-اهم تمرين هو المشي، يتعمل من مرتين ل ٣ مرات اسبوعيا ونزود لحد مانوصل لعدد مرات اكتر قدر المستطاع
-بنبدأ بمدة ١٠ دقايق ،ونزود لحد الوصول ل١٥٠ دقيقة في الأسبوع
- نبدأ بالطريقه الاسهل، الاسطح المستوية، بمساعدة ثم بدون مساعده، ثم في الطرق الخارجية، ببطء ثم نزود السرعه
- فرد الظهر ورفع القدم عن الارض اكتر فأكتر

نزود تمارين مهمة مع المشي هي
- القيام من وضع الجلوس (المريض يقوم من الكرسي يقف بإستقامة ثم يقعد ويكرر)
- الجلوس ع سطح عال سرير او كنبة (زي الجالس ع سور الشاطئ) ويتم فرد الساق والركبة ونعد لحد ٣ وبعدها نسيب الركب تنزل لوضع الثني، ويكرر

وزي مابنقول دايما نتحرك قدر المستطاع لان اي حركة افضل من عدم الحركة

عيادة د إسلام الخولي لأمراض العظام ومناظير المفاصل
ميدان شرف ،برج الميدان الذهبي الدور الخامس 01012312446

رئيس قسم العظام مستشفى شبين الكوم العسكري
ماجيستير جراحة العظام جامعة المنوفية
د. دكتوراه جراحة العظام القصر العيني

05/06/2024

عضمي كله بيوجعني يادكتور!!!

الحقيقة على الرغم من انها شكوى معتادة، بتحصل مع اسباب كتير، الا انها ممكن تكون علامة لأمور اكثر خطورة.

** الأسباب الشائعة :
هشاشة العظام، نقص فيتامين د، النقرس، تعتبر من اشهر واهم اسباب الام العظام العام. بتظهر في التحاليل والفحوصات. من اهمها نسبة الكالسيوم، فيتامين د، اليوريك اسيد، مع الاحتياج احيانا لعمل قياس الكثافه للعظام.

** اسباب اخرى :
وجود عدوى بالجسم، ارتفاع في درجة الحرارة للجسم، الإرهاق المزمن، ومع أمراض المناعة ( بيكون الالم مرتبط اكتر بالمفاصل عامة)

**علامات الخطر :
لو فيه الم بعظام الجسم كله معاه فقدان في الوزن والشهية، ارتفاع سرعة الترسيب لأول ساعة اعلى من 100
لازم استشارة طبيب مباشرة بدون تأخير.

عيادة د إسلام الخولي لجراحة العظام ومناظير المفاصل
شبين الكوم، ميدان شرف، برج الميدان الذهبي الدور الخامس
رقم الحجز / 01012312446

04/06/2024

السؤال المتكرر، هل ممكن استخدام منظار الركبة لعلاج حالات الخشونة؟؟!!
(يفضل قراءة المنشور السابق عن منظار الركبة)
الحقيقة كل حالة بيبقى ليها السيناريو الخاص بيها، واستفادة الحالة قايمة على البدائل المتاحة.
هنعرف الاجابة سوا بشرح حالة كمثال.
ست بيت، خشونة شديدة جدا في الركبتين، سنها 45 ووزنها حوالي 110 ( طبيا تغيير مفصل الركبة مينفعش)
للأسف الركبة اليسرى كان فيها فقد في الفرد بمقدار 15 درجة، ده خلى المشي يحصل مع انحناء ومع وجود الالم الشديد كان المشي بدون مساعده شبه مستحيل.
ثني الركبة في أقصى درجاته كان 85 ل 90 درجة.
المريضة فهمت الحلول المتاحة، واختارنا المنظار لازالة بعض الزوائد العظمية المسببة لتحديد المدى الحركي وعمل تثقيب لقرحة بالمفصل مع الالتزام ببرنامج تأهيل وفيتامينات بعد العملية . (طبعا لما قدرت تمشي كويس مكملتش الرجيم وقالت كله إلا حلة المحشي 😅)
دي صورة النتيجة النهائية الحمدلله قدرنا نوصل لنتيجة ممتازه

*عيادة د إسلام الخولي لأمراض العظام ومناظير المفاصل ، ميدان شرف ،برج الميدان الذهبي الدور الخامس 01012312446