27/11/2023
الشتا خلاص دخل علينا 🌧️❄️☔☃️ و كمان معاه المدارس
وطبعا كل الامهات شايلين هم ادوار الشتا وازاى نزود مناعة الاطفال🤔
🧐 طيب مبدأيا كدا لازم نفهم ان الادوار المعتادة اللى بتيجي فى الشتا واللى بتكون اغلبها حرارة رشح كحة اسهال .....طبيعية جدا فى اول 5 سنوات من عمر الطفل وبتساعد جهازه المناعى انه يتطور بشكل سليم و يحميه طول العمر ان شاء الله.....وممكن تتكرر شهريا بالذات فى اول 3 سنوات ودا مش معناه ابدا ابدا ان طفلك مناعته ضعيفة ....بالعكس الادوار دى بتكسب جهازه المناعى الخبرة لعمر كله...
يعنى مفيش قلق خالص ؟ 🫣
ايوه ان شاء الله مفيش 👍 ...الا اذا بقى....
كان طفلك لسه مولود او فى الفترة الاولى من حياته خصوصا اول تلات شهور.... دا بيحتاج متابعة دقيقة وتعامل خاص مع اي عدوى فى السن دا
أو كان لاقدر الله مريض بمرض مزمن او بياخد ادوية بتقلل المناعة اشهرها طبعا الكورتيزون
وجود اعراض او علامات انه مريض حساسية سواء انف او صدر...هيحتاج برضه اهتمام ومتابعة خاصة عشان الدور يعدى بسلام و ميتكررش كتير
أو كان فى اعراض غير معتادة مع الادوار دى زى مثلا ....رفض تام للاكل او جفاف شديد او صعوبة فى التنفس أو صوت غير معتاد للكحة او مصحوبة بترجيع او تغير فى درجة الوعي وغيرها ....
طيب في حاجة ممكن اعملها تقلل من الادوار دى عند ابنى او تساعده يخف بسرعة؟؟
اكيد طبعا....اول حاجة الوقاية خير من العلاج ....يعنى اتأكد ان ابنى فى المدرسة او الحضانة فى مكان جيد التهوية والطفل التعبان يستريح فى البيت عشان ميعديش الباقى وطبعا لازم فحص طبيب الاطفال
ناخد تطعيم الانفلونزا الموسمية وياريت كمان المكورات الرؤيةو تطعيم الميكروب السحائى
لو ابنك عنده حساسية انف 🤥 او صدر دا اهم وقت يلتزم بعلاجه الوقائى خصوصا البخاخات
نعالج الانيميا ونقص الحديد و فيتامين د
نأكل الولاد اكل صحى معمول فى البيت ....و نحاول يكون فى اكلهم كل يوم اى نوع خضار او فاكهه او لو متاح مكسرات 🍑🍒🍓🍊🍇🍉ومننساش شرب المياه كويس طول اليوم
دمتم واطفالكم بخير ..🌺🌺
🔹شرفونا في العيادة علي عنوان :
▪️شبين الكوم - مركز طفلي - شارع باريس - أمام اديداس
▪️للحجز عن طريق رقم :
📞01272808013
▪️ للتواصل مع الطبيب على رقم :
📞 1022773645
