08/01/2026
🎯 قبل ما تبدأ دايت .... اسأل نفسك سؤال مهم جدا : إنت عايز تخس ليه؟
الدايت مش أسبوعين وخلاص، ومش رقم على الميزان وبس…
الدايت قرار وهدف، والهدف ده هو اللي هيخلّيك تكمل حتى لو ملّيت أو لخبطت.
خلّي السؤال قدامك:
عايز تخس علشان صحتك وآلام الركب؟
ولا علشان لبسك يبقى أريح وتختار اللي نفسك فيه؟
ولا علشان طاقتك ترجع وتتحرك من غير ما تتعب؟
ولا علشان تبقى راضي عن شكلك وثقتك في نفسك تزيد؟
✍️ اكتب سببك الحقيقي – على ورقة او في نوتة او علي موبايلك وخليه قدامك دايما
علشان في الأيام الصعبة تقول لنفسك: أنا بدأت علشان الهدف ده.
🔥 افتكر دايمًا:
اللي بيخليك تبدأ دايت هو الحماس .
واللي بيخلّيك تكمّل هو السبب الحقيقي جواك .
تِلخبط يوم؟ عادي
المهم تقوم وتكمل… وإحنا معاك خطوة بخطوة 💪
اكتب سببك ... وابدأ خطوه صغيره وهتشوف الفرق في شكلك وصحتك ونفسيتك كمان ❤️
