عيادة أ .د هاجر العجيزي لعلاج الأورام

26/02/2025

💜🌷

هو إيه العلاقة بين تناول اللحوم والسرطان يادكتور 🤔
الإجابة : هقولكوا.. بس الأول تعالوا نفرق بين اللحوم الغير مصنعة واللحوم المصنعة 👇

1⃣ اللحوم المصنعة
هي اللحوم بيتضاف لها ملح أو خميرة أو أي إضافات تانية بهدف تعزيز النكهة .. أو حفظها لفترات طويلة زي البرجر والسجق والهوت دوج
والنوع ده من اللحوم فيه توصيات واضحة وصريحة بعدم الإفراط في تناولها ، لثبوت علاقة بين تناولها ونشوء بعض أنواع سرطانات زي سرطان القولون و المعدة لا قدر الله

2⃣ اللحوم الغير مصنعة
فيه قرائن ضعيفة ربطت بين تناولها والإصابة بالسرطان..
علشان كده كإجراء احترازي.. بننصح بعدم تعريضها لدرجات حرارة عالية ومباشرة زي الشواء أو القلي المباشر على سطح مقلاة شديدة السخونة مثلاً
لحد دلوقتي مافيش دليل علمي على إذا كانت اللحوم البيضاء تحمل خطورة أقل من اللحوم الحمراء ولا لأ.. ولكن القرائن وإن كانت ضعيفة بتقول إن تناول اللحوم بعد تسويتها أو طبخها بطرق خاطئة زي ما قولنا فوق.. بيغذي الخلايا السرطانية وبالتالي بسيبب تفاقم الورم أو ارتجاعه لا قدر الله ✋

🛑 بنصح دايماً إن اللحوم الحمراء أو البيضاء لها فوائد صحية كتيرة ماينفعش نعوضها بالغذاء النباتي.. علشان كده من المهم تناول اللحوم.. ولكن بدون إفراط وبدون تعريضها للحرارة العالية المباشرة.. ونحرص دايماً على عدم الإفراط في تناول اللحوم المصنعة أياً كان مصدرها والحرص علي تناول الخضروات بكثرة 👍

🛑 لو عندكم أي إستفسارات .. سيبوها في كومنت .. أو إبعتوا رسالة .. وأنا هرد عليكوا ❤

👩‍🔬 الدكتورة هاجر عبد المجيد العجيزي.. أستاذ علاج الأورام.. دكتوراه علاج الأورام والطب النووي.. كلية الطب جامعة المنوفية
♦ العنوان : برج الجندي _ بجوار تكنوسكان _ ش جمال عبد الناصر
♦ موبايل : 01096653397