د نهى عاشور استشارى طب الأطفال و حديثى الولاده

12/02/2026

امتى اعرف ان البيبي جاهز لدخول الاكل ❓
احنا بنحاول امتى 🤔
🔶️لو البيبي بيرضع طبيعي ووزنه بيزيد حلو يبقى نبدا عند ٦ شهور
🔶️لو بيرضع صناعى و وزنه بيزيد حلو ممكن نحاول من ٤ الى٦ شهور
طيب امتى بالضبط ❓
لما الاقى ابنى فيه العلامات دى 👇
اولا: بيسند راسه كويس جدا جدا ✔
ثانيا: بيعرف يقعد لوحده او مسنود عادى ✔
ثالثا: بيعرف يبلع كويس ✔
رابعا: بيبدى اهتمام باكل الكبار لما بيتحط قدامه و بيبقى ملهوف عليه و يشاور و ساعات ممكن يخطف الاكل بايده لو قريب منه

استشارى طب الاطفال و حديثى الولاده
مدرس طب الاطفال بكليه الطب شبين الكوم-

12/02/2026

21/09/2024

#اسوان
بمناسبه الاحداث فى اسوان ووجود حالات نزله معويه شديده لازم ننبه اى كان سبب النزله المعويه اول حاجه لازم نعملها فى حاله وجود اسهال هو محلول الجفاف فورا و بدون تفكير الا لو الطفل فى ترجيع كمان و مش عارف ياخده ساعتها لازم التوجه لاقرب طبيب يقيم الوضع و يوقف الترجيع علشان نقدر نعوض لان اخطر مافى النزله المعويه هو الجفاف حفظ الله الجميع 🤲

20/09/2024

شوربه فراخ باللمون و الخضار اى خضار جزر او كوسه كترو منها قوىىىى للعيال العيانه و عندها برد و ادعولى 👌

15/09/2024

الموعد الرسمى لتطعيم الانفلونزا الموسمى 👌
احنا داخلين على ادوار برد شديده معادها كده كل سنه 😔
الوقت ده شهر ٩ و ١٠ المفروض بقه اولادنا نطعمهم بمصل الانفلونزا الموسمى من سن ست شهور 👌
الجرعه من سن ٦ شهور لعمر ٩ سنين بياخد جرعتين الفرق بينهم شهر لو اول مره ياخده
لو اخدناه السنه الى فاتت هناخد جرعه واحده بس 👌
لو العمر اكتر من ٩ سنوات برده جرعه واحده بس
المصل بيتجدد كل سنه و بيضاف اليه لقاحات السنه الى قبلها علشان كده بيتجدد لان فيرس للانفلونزا فيرس متجدد بيغير شكله باستمرار كل سنه
🔸️موعد الاصابه بفيرس الانفلونزا اصلا بتبقى فى شهر ١٢ و ١
🔸️التطعيم بلقاح الانفلونزا الموسمى هيحمينا باذن الله من ادوار البرد المميته للى بتحصل فى شهر ١٢ و ١
🔸️ بس مالوش علاقه قوى باى دور برد ناتج عن اى فيرس تانى لان مش كل دور برد بيكون سببه فيرس الانفلونزا فيه فيروسات كتير جدا بس الانفلونزا اخطرهم 👌
🔸️ماينفعش يتاخد لاى حد عنده حساسيه من البيض ❌️

17/08/2024

مواعيدنا الجديده👈👈السبت و الاتنين و الاربعاء من ٧ الى ٩ مساءا
مكانا الجديد 👈👈مجمع الرازى الطبى شارع صبري ابو علم
حجزنا على تليفون 01129992470
واتس 01020738000

20/04/2024

ناخد بالنا بقه الموعد السنوى للنزله المعويه بتاعة البطيخ و الخوخ و الكانتلوب مش هناكل منهم قبل شهر ٦

09/04/2024

09/03/2024

كل عام و حضراتكو طيبين رمضان كريم 🌙🌙
مواعيدنا فى شهر رمضان ان شاء الله من ٩ الى ١١ مساءا فى مجمع الرازى الطبى بصبري ابو علم ايام السبت و الاربعاء من كل اسبوع فى شهر رمضان المبارك اعاده الله عليناو على الامه الاسلاميه باليمن و البركات و نصر اخواننا و هدأ روعتهم 🤲

21/02/2024

موسم الفول الاخضر ابتدى
يبقى ناخد بالنا ممنوع تماما للاطفال الى عندهم انيميا الفول و لو ابنك اول مره ياكله و فجأه لقيتى وشه اصفر و لون البول غامق اجرى جرى جرى على اقرب مستشفى 🏃🏃🏃