24/05/2026
مقال مفصل عن هرمون الترنبولون من أقوي الستيرويدز الموجودة بيتميز أنة ينفع لكل حاجة يعني ممتاز للزيادة العضلية الصافية و ممتاز لحرق الدهون و التنشيف و ممتاز أنة يخلي الجسم قاسي جداً و في غاية الصلابة زي الطوب. لما نيجي نقارن بين القوة البنائية (الأنابوليك) للترين و التيست هنلاقي أن الترين قوتة تفوق التيست بخمس أضعاف بنسبة 100:500 يعني لو عاوز تأثير 100 ملجم ترين هتكون محتاج 500 ملجم تيست و لو عاوز تأثير 500 ملجم ترين هتكون محتاج 2.500 ملجم تيست عشان تلاقي نفس القوة و التأثير و هكذا. أنا مش بفضل خالص أن الترين يتاخد بجرعات عالية زيادة عن اللزوم و خصوصاً لو دي أول مرة تتعامل معاة, الناس الي بتاخد الترين و بيتبهدلوا من أعراضة الجانبية بيبقوا بياخدوة بجرعات كبيرة بيتعاملوا معاة زي ما بيتعاملوا مع التيست أو أي عقارات أخري. لازم تكون فاهم كويس أن كل الستيرويدز حمادة و الترين حمادة تاني خالص يعني لما تتعامل معاة لازم تتعامل بحرص شديد, أنت مش محتاج تاخد أكثر من 300-400 ملجم في الأسبوع و دة هيحققلك نتائج رهيبة و في نفس الوقت مش لازم لما تستخدم الترين فيما بعد أنك تزود الجرعة في كل كورس جديد لأن الترين في غاية القوة فأنت هتفضل تحقق زيادة مع الجرعة دي في حالة التغذية الجيدة طبعاً. الترين مش بيتحول لأستروجين عشان كدة مش هيكون في أحتباس ماء و لا جينو عشان كدة توقع أنك تحقق حجم عضلي صافي جداً و في غاية الصلابة, لكن الترين بينتمي لفئة (19-Nor) زي الديكا و من مساوء الفئة دي من الستيرويدات أنها بروجستينية يعني بتسبب أرتفاع في هرمون البرولاكتين في الجسم و دة هيسبب حدوث جينو بطريقة غير مباشرة. خلينا نشرح الموضوع بتعمق شوية, البروجستين هو هرمون موجود عند السيدات بيشارك أثناء دورتهم الشهرية و أثناء الحمل و هو حاجة مش المفروض تكون موجودة عند الرجالة, البروجستين عند السيدات بيبعت أشارات للغدة النخامية عشان تبدأ تفرز هرمون بروتيني أسمة البرولاكتين بيبدأ هرمون البرولاكتين يرتبط بمستقبلات في أنسجة ث*ي المرأة عشان تحدث عملية الرضاعة, هرمون البرولاكتين بيسبب مشكلتين للرجالة الأمر الي بيترتب علية أثار جانبية من الترين بما أنة بروجستيني. أول مشكلة هي الترين ديك (Tren Dick) و دي معناها عدم القدرة علي الأنتصاب الناتجة من تأثير البروجستين و أفراز البرولاكتين حيث أن البرولاكتين عندة قدرة كبيرة جداً علي قمع الشهوة الجنسية يعني حتي لو خدت أدوية علاجية تساعد علي حدوث أنتصاب فيكون الموضوع عديم الفائدة لأنك مش هتقدر تحقق النشوة ال(عفوا كلمة ممنوعة)ية, المشكلة الثانية هي حدوث الجينو (علي الرغم من أن الترين مش بيتحول لأستروجين) و دة هيكون بسبب البرولاكتين عشان زي ما قولنا أن البرولاكتين هو المسؤل عن عملية الرضاعة عند السيدات فلما يكون موجود عند الراجل هيبدأ يعمل علي تشكيل نسيج الث*ي ليشابة المرأة يعني حدوث الجينو. و عشان نقدر نحل المشكلة دي لازم نستخدم مضاد للبرولاكتين أثناء أستخدام الترين أمثلة (Dostinex-Bromocriptine-Cabergoline) و أيضاً فيتامين B6 أستخدامة هيكون عامل مساعد جيد لأنة مضاد قوي لصفات البرولاكتين.
* أسئلة يتكرر طرحها عن الترين *
- أنا سمعت أن الترين من أغبي الستيرويدات, يعني أية الكلام دة و المفروض أعمل أية لما أستخدمة ؟
الترين يعتبر من أغبي الستيرويدات عشان كمية الأعراض الجانبية الكثيرة الي مش هتشوفها من أي ستيرويد آخر أمثلة التعرق الليلي و الآرق و أضطرابات النوم و زيادة درجة حرارة الجسم و التقليل من قدرة القلب و الأوعية الدموية. و مش بس قوتة البنائية هي الي كبيرة جداً قوتة الأندروجينية هي كمان كبيرة جداً جداً جداً و دة معناة أنة يتسبب في زيادة معدلات العنف و العصبية بس دة مش قانون ثابت يعني فية بعض الأشخاص ممكن يستخدموا الترين و ميلاحظوش المشكلة دي فلو أنت بطبيعتك عصبي و هتستخدم الترين لازم تاخد بالك كويس من تصرفاتك و ردود فعلك طول الوقت و تتحكم في نفسك تحكم كامل عشان متتسببش في مشاكل لنفسك. لازم تاخد بالك أن جرعتك للترين متكونش كبيرة خليك دايماً في المتوسط عشان متكونش الأعراض الجانبية زيادة عن اللزوم و يكون من الصعب تحملها.
- هل الترين يقلل من قدرتك علي آداء الكارديو, التعامل يكون أزاي مع المشكلة دي ؟
دي حقيقة و هي أن الترين بيخليك مش بنفس قدرة تحملك للعب الكارديو الي كانت قبل أستخدامة و دي بتكون نتيجة لأن الترين بيسبب أنقباضات في الشعب الهوائية بس الكلام دة كلة بيكون في الجرعات الكبيرة يعني الناس الي بيكون أجمالي جرعتهم في الأسبوع من 400 ملجم و أنت طالع هما دول الي هيحسوا بالمشكلة دي فهيكون حاجة كويسة لو أستخدموا كلن أو أفيدرين بجرعات مش كبيرة لأنهم بيساعدوا علي تفتيح الشعب الهوائية و في الأول و الأخر كل واحد طبيعة جسمة و تحملة مختلفة عن التاني يعني الي يحصل معاك مش لازم يحصل مع غيرك.
- ينفع أستخدم الترين وحيداً ؟
لا, لازم يكون في تيست و دة يكون قاعدة ثابتة في أي كورس حتي لو هتستخدم التيست بجرعة صغيرة فقط لمجرد أنة يحافظ علي الوظائف الحيوية داخل الجسم الي التيست بيكون مسؤل عنها لأن الترين من أقوي العقارات الي بتقمع التيست الطبيعي فلازم يكون في بديل عشان وظائف الجسم لأن الترين عمرة ما هيكون بديل للتيست لأستمرار وظائف الجسم الحيوية فبالتالي لازم يكون التيست ثابت معاك في أي حاجة.
- ينفع أستخدم الترين في أول كورس ليا ؟
أنت تقدر تعمل أي حاجة أنت عاوزها, بس أنا ضد دة جداً علي الرغم أن في ناس بتستخدموا في أول كورس بدون أي مشاكل بس دي بتكون حالات أستثنائية مش قاعدة ثابتة لأن زي ما شرحت فوق أن الترين بيسبب أعراض جانبية كثيرة ملهاش أول من آخر فلما يجي واحد لسة مبتدأ في أستخدام الستيرويدز وياخد ترين و تبدأ أعراضة الجانبية في الظهور هيكون من الصعب علية التعامل معاها و هيكون مش عارف أية الي بيحصل و لية و في الأخر هيوقف الكورس وهيكون كل الي عملة أنة ضر نفسة علي الفاضي. الترين لأصحاب الخبرة المتوسطة و المحترفين فقط, عشان تغامر و تستخدم الترين فدي حاجة ترجعلك أولاً و لخبرتك و فهمك ثانياً و القاعدة العامة و هي عدد الكورسات الي عملتها قبل ما تفكر في الترين ثالثاً, أنا برضو أعرف ناس أصحاب خبرة أستخدموة من تاني كورس و عرفوا يتعاملوا معاة بشكل كويس بس برضو دي مش قاعدة ثابتة ناخد بيها. الناس دلوقتي بقت بتشوف أن التيست دة ضعيف و كلام فارغ و أن لازم ندخل علي الحجات الكبيرة زي الترين عشان نحقق النتيجة المطلوبة بشكل أسرع مع أن جميع الستيرويدز مشتقة من التيست في الأساسا يعني هو الأصل و لو هنتكلم كلام صح يبقي أنت المفروض أول 2-3 كورس تيست فقط.
- ينفع أخلي جرعة الترين المستخدمة أعلي من جرعة التيست ولا هيكون في مشاكل ؟
في الحقيقة أن وجهة نظري الشخصية مؤيدة جداً للموضوع دة لأن الترين قوي جداً جداً يعني أصلاً أنت مش هتكون محتاج حاجة تانية جمبة أقوي من كدة عشان تشوف نتائج فكجرد أنك هتستخدم تيست بجرعة صغيرة عشان زي ما قولنا يحافظ علي وظائف الجسم الحيوية. و من مميزات الموضوع دة أنك هتتفادي تماماً مشاكل زيادة الأستروجين يعني مفيش أحتباس ماء ولا جينو و الزيادة هتكون صافية تماماً. في ناس هتلاقيها معترضة بشدة علي الموضوع دة بس لما تيجي تسألهم لية مش هتلاقي عندهم أجابة, بس دة مش معناة أن لو واحد هيستخدم التيست أعلي من الترين أنة يكون غلطان.
- أية هي أنواع الترين, و أية أفضلهم ؟
الترين بينقسم لــ 3 أنواع و هم:
1. ترين أسيتات
2. ترين أينانثات (غير متوفر في مصر)
3. ترين هيكسا
بأختصار مفيش حاجة أفضل من حاجة لأن الفرق بينهم مجرد أختلاف الآسترات.
- أية موضوع الكحة الشديدة الي بتحصل بعد حقن الترين, و أزاي أتفادي المشكلة دي ؟
كثير من الناس بيجلهم كحة شديدة جداً بعد حقن الترين مباشراً و دة بيكون ناتج من خدش آحد الأوردة أثناء عملية الحقن بيترتب علي كدة أن الزيت بيدخل للوريد (أي لمجري الدم علطول) و هو دة السبب في الكحة الشديدة الي بتحصل بس دي حاجة مش مرتبطة بالترين لوحدة لأنها ممكن تحصل مع أي عقار أخر في حالة خدش الوريد برضو بس الفكرة هي أن الترين بيسبب أسوء كحة ممكن تتخيلها مقارنتاً بأي حاجة تانية. بعد ما بتخدش الوريد و الزيت يدخل لمجري الدم بيوصل مباشرتاً للرئتين من هنا بتبدأ الكحة الشديدة لأنك بتحس أن في حاجة جوة الرئة أنت مش مستحملها نهائي مسببالك حكة و ضيق تنفس و جفاف شديد في الحلق بأختصار بتحس أن روح خلاص بتتسحب, بس متخافش مش هتموت زي ما أنت فاكر الموضوع فقط بيستمر 1-3 دقيقة و بتلاقي نفسك بقيت طبيعي جداً و مفيش أي حاجة, شدة الكحة و باقي الأعراض المصاحبة ليها هتكون متوقفة علي كمية الزيت الي دخلت للوريد و وصلت للرئة. للأسف مفيش رد علمي قاطع لتفادي المشكلة دي بس الرد العملي هو أنك تحقن الترين براحة.
- هل الترين سام علي الكبد ؟
الترين مش بيعمل ضغط كبير علي الكبد زي ما الناس فاكرة لأن في الأول و الأخر الترين مش من فئة (C17AA) يعني مش بنفس سمية الدينابول و الأنادرول مثلاً, و في كل الأحول عشان تكون مطمن علي نفسك فأستخدام داعم للكبد زي ليجالون 70 هيكون شيئ كويس.
- هل الترين بيسبب تدمير الكلي و تغير في لون البول ؟
الضغط علي الكلي من الأعراض الشائعة للترين بس دة مش معناة أن الترين لوحدة هو الي بيسبب كدة في الواقع أن باقي الستيرويدز ممكن تسبب ضغط علي الكلي عند بعض الناس أثناء فترة الأستخدام وبالفعل عند بعض الناس بيلاقوا أن لون البول أصبح داكن جداً شبة الصدئ بس دة مش معناة أن الكلي بقت في خطر أنما دة بيكون نتيجة لعمية الأيض الي بتحصل للترين داخل الجسم بسبب أنة بيتأكسد بسهولة جداً للون الداكن الي بتشوفة في البول, للمرة الثانية بقول أن دة ملوش علاقة بأن الكلي فيها مشكلة. الترين لسة حتي الوقت الحالي بيستخدم مع الحيوانات عشان يحصلهم زيادة في الوزن و أتعمل أبحاث كثير علي كدة و طلعت نتيجة الكلي سليمة و مفيش مشاكل.
- بما أن الترين بيقلل من أفراز هرمون الــ T3 الي بينتجة الجسم فهل من الضروري أستخدام T3 ؟
مش شيئ ضروري أنك تستخدم T3 أثناء أستخدام الترين. في حالة لو هدفك هو التنشيف ممكن يكون الــ T3 عامل مساعد لقوة حرق الدهون بس مش حاجة ضرورية, أغلبية الناس الي بيستخدموا الترين سواء للتضخيم أو التنشيف مش بيستخدموا T3 وبتكون نتائجهم قوية جداً و في ناس بتعمل تحليل بعد الكورس و بتلاقي أن محصلش تأثير بالسلب علي عمل الغدة الدرقية يعني الموضوع بيختلف من شخص لآخر.
- هل من الضروري أستخدام أتش سي جي (HCG) بعد كورس يحتوي علي الترين ؟
الأتش سي جي ركن مهم من أركان البي سي تي بعد أي كورس عموماً علي الرغم أن في ناس بتعتمد فقط علي النولفا و الكلوميد و لما يحللوا بيلاقوا أن الأمور بقت طبيعية جداً بس دة مش معناة أننا نقلدهم و خلاص لأن الموضوع مش محتاج أي مجازفة ولا أنك تجرب علي نفسك لأن في أجسام بتكون حساسة جداً من ناحية الــ Shut Down و بيحتاجوا فترات كبيرة بعد الكورس عشان يبدأ الوضع يتحسن معاهم و الي لازم تكون عارفة أنة الترين من أقوي العقارات الي بتقمع التيست الطبيعي فالأفضل أن البي سي تي يحتوي علي أتش سي جي. و عشان تكون فاهم مش مجرد ما تخلص البي سي تي يبقي أنت كدة الدنيا عندك أتظبطت تاني فترة البي سي تي مجرد كيك ستارت لمرحلة الريكفري بعد أي كورس يعني الموضوع بياخد شوية وقت بعد البي سي تي كمان.
- بما أن الترين قوتة الأندروجينية عالية جداً, هل أستخدامة هيؤدي لتساقط الشعر و أية حل المشكلة دي ؟
أول حاجة لازم تكون عارفها كويس هي أن تساقط الشعر مرتبط أولاً و أخيراً بجيناتك الوراثية يعني لو واحد معندوش جينات الصلع و أستخدم الترين و بجرعات مش زيادة عن اللزوم مش هيواجة مشاكل في تساقط الشعر أنما لو واحد عند وراثة الصلع و عندة القابلية لكدة يبقي و بكل أسف هيتبهدل من أستخدام الترين و مش هينفع معاة أي مضادات للدي أتش تي (DHT) زي البروسكار و الفيناستريد. مضادات الدي أتش تي بتعمل علي منع تكوين أنزيم (5-Alpha Reductase) المسؤل عن تحول التيست للدي أتش تي و في الأساس الترين مش بيتحول للدي أتش تي أصلاً يعني يعني أنت بتاخد مضاد لحاجة مش موجودة أصلاً, أنما سبب تساقط الشعر هو أن قوة الترين الأندروجينية عالية جداً جداً. في شمبوهات مستوردة بتقلل من تساقط الشعر بس دي طبعاً مش موجودة غير في الهايبرات الكبيرة.
- أية هو أفضل شكل للبي سي تي (PCT) بعد كورس الترين ؟
في الواقع مفيش أجابة مباشرة علي السؤال لأن تحديد شكل البي سي تي بيكون علي حسب مدة الكورس و المواد المستخدمة و الجرعات. بس في الأصل لازم تكون أنت قارء كويس عن البي سي تي و عن المواد المستخدمة فية و بما أن الترين مش للمبتدأين فدة معناة أنك هتكون دخلت كذا كورس قبلية فبالتالي هيكون من الطبيعي أنك عارف طبيعة جسمك كويس عن طريق خبرتك الي أكتسبتها من الكورسات السابقة و دي حاجة هتساعدك.
