09/09/2025
وقفت على خشبة مسرح قاعة المؤتمرات الكبرى ✨
وسط لفيف من سفراء وقيادات الدول العربية يوم تكريمي سنة 2019، لما تم اختياري ضمن أفضل الشخصيات على مستوى الوطن العربي في تنمية المرأة والأسرة.
وقتها ما قلتش بس “أنا فخورة إني مصرية”، لكن قلتها من قلبي:
“أنا فخورة إني فلاحة من المنوفية.”
ليه؟
لأن كلمة “فلاح” مش سُبة، دي وسام شرف.
والمنوفية مش مجرد محافظة، دي أرض القادة والعلماء والفنانين والمفكرين.
📌 من المنوفية خرج:
– أنور السادات بطل الحرب والسلام
– الرئيس عبد الفتاح السيسي
– المفكر الكبير مصطفى محمود
– الفنان محمود المليجي وصلاح السعدني وسعيد صالح
– كبار المقرئين: عبد الفتاح الشعشاعي ومحمد محمود الطبلاوي
… وغيرهم كتير من رموز مصر اللي صنعوا تاريخها وفنها وعلمها.
🎯 ومن منظور علم النفس:
اللي يستخدم كلمات وصميّة زي “فلاح” كإهانة، هو في الحقيقة بيوصف نفسه قبل ما يصف غيره.
التنمر عمره ما قلل من قيمة المُستهدف، لكنه دايمًا بيكشف هشاشة المُتنمر وضعفه الداخلي.
القيمة الحقيقية مش في اللقب ولا الشكل، لكن في العمل، في الأخلاق، وفي الأثر اللي الإنسان بيسبيه.
والفلاح… هو اللي زرع الأرض، أطعم الناس، علم الأجيال، وأنجب القادة.
👩⚖️ كابنة لهذه الأرض، وعضو في المجلس القومي للمرأة، واستشارية في علم النفس، رسالتي واضحة:
فخور بانتماءك… وردّك مش بكلمة، ردّك بتاريخك وإنجازك.
المنوفية مش محتاجة دفاع… تاريخها وأولادها أكبر رد
فاللي يقول “فلاح منوفي”…
يا يقف احترامًا 👏
يا يتعلم يعني إيه تاريخ
#المنوفية
#فلاح
