رضوي أحمد - Radwa Ahmed

14/02/2026

انتِ قماصة أوي،
انتي بتفهمي الكلام على مزاجك،
سيئة الظن أوي…
كل دي أمثلة لجمل ممكن كتير مننا سمعها في يوم من الأيام،
أو يمكن كمان يكون قالها لحد.
الفكرة هنا إن مش شرط عشان كلمة إنت شايفها عادية ومتوجعش، إنها متزعلنيش؛
الي يوجعك ممكن ما يوجعش غيرك، والعكس.
كل واحد بيسمع الكلام من خلال تجاربه، مش ودانه بس.
يعني ممكن كلمة تكون عادية بالنسبة لك، بس جرحت غيرك لأنها فكرته بذكرى مؤلمة أو موقف وحش.
في ناس حساسة عشان عندهم مشاعر لسه وجعاهم ومش قادرين ينسوها.
الفكرة مش إننا نتعامل مع بعض على قشر بيض،
لكن نحترم ردود الأفعال لأنها نتيجة تراكمات،
ونفكر في الكلام قبل ما نقوله، عشان ممكن جدًا نجرح غيرنا بدون قصد.

02/02/2026

لو إنت عطشان ومحتاج تشرب
وأنا جبتلك شيكولاتة غالية بدل المايه وإنت برضه طلبت مايه
جبتلك شوية مكسرات حلوين خدتهم بس إنت برضه عطشان
جبتلك أكل حلو وأصناف كتير بس إنت برضه طلبت المايه
أنا استغربت !! إني عمالة أُكبّر العطايا وأكترها وبرضه مش عاجبك
لأني ببساطة أنا مسمعتش إنت طالب إيه أنا عوضتك
بحاجات يمكن إنت مش محتاجها أصلا في الوقت الحالي ،
الفكرة مش في تمن العطايا الفكرة في الاحتياج
أنا محتاج إيه؟
مش إنت عندك إيه!
الاهتمام ساعات كتير بيطلب عادي
الفكرة إننا نسمع اللي قدامنا ونفهم احتياجاته
مش كل العطايا ملموسة.

#العلاقات

30/01/2026

أنتَ مش متأخِّر، ولا حدّ سبقك، ولا أنتَ في سباقٍ مع حدّ أصلًا.
أنتَ في سباقٍ مع نفسِك، ومقارنةٌ بينك وبين نفسِك القديمة، هي دي اللي المفروض تقارن نفسَك بها كلّ فترة، وتشوف وصلتَ لحدّ فين: بترجع ولا بتتقدّم.
ولازم تحطّ خطّ تحت كلّ حاجة بتعملها وأنتَ حاسس إنها بلا قيمة، بالعكس أوقات كتير بنكون بنعمل إنجاز عظيم وإحنا مش واخدين بالنا منه.
جهودُك غير المرئيّة في حدّ ذاتها شيءٌ عظيم، وتضحياتُك من أجل غيرك شيءٌ عظيم، ونهوضُك كلّ يوم حتى لو هتكرّر نفس الشيء هو شيءٌ عظيم.
بلاش نجلد نفسَنا ونفضل نتهمها بالتقصير، عشان عجلة الحياة تمشي.
#أنتَ_بطل_في_روايتك
#حبّ_نفسك

24/04/2025

10/01/2025

أنا لستُ نادمه..
فلم يكن هجري لكَ من فراغ؛ كان عن عمد، نعم.. قصدته وكنتُ أرتب له منذ فترة بعيدة..

لعلكَ تتعجب مِن كلامي الآن! ولعلك ظننت الصبر لم يعتصرني فتراتٍ وفترات، لقد التمستُ لك جميع الأعذار، وأرغمتُ قلبي على الأذى من أجلك، وقلت:
غدًا سيعرف قدري، أو بعد غدٍ ربما، مرَّ الغد وبعد الغد، وأنتَ أنت.. لم تتغير، ولم تنتبه أنني في أشد لحظاتي ألمًا ووجعًا منك، ولكنك ما رأيت!

أنا ما طلبت منك شيئًا فوق طاقتك، ولا تمنيت أكثر من حقي معك، كنتَ قاسيًا غليظًا مُهمِلًا، وأنا -واللهِ- كنتُ فقط أود أن أهدأ أو أطمئن.. أكان كثيرًا عليَّ أن أطمئن؟!

لا سامح الله خرابًا زرعتهُ يداك بداخلي، وضياعًا لروحي، وجُرحًا أصابني منك، لو عشتُ ألفَ عامٍ.. ما بَرِئَ وما طاب.

لم أتكبَّر عليك.. ولكنك تستحق.. كنت لطيفًا معي في البداية، كأني آخر شربةِ ماء لظمئك وارتويت.

لا أنكر.. عاملتني برفق، وكانت بداياتك معي مذهلة، قلت: هذا عوضي عما فقدت، ومكسبي لما خسرت، ووعدت نفسي أن أعطيكَ لا أمنع، وأن أكرمكَ لا أبخل، وأن أحبك فوق الحب حبًّا.

رأيتَ مني كل خير، ومنحتك كل ود، وكنت لك كأم بحضورك، وكأب إن أنت غبت، قدَّمت وقدَّمت، ما شكوت ولا مللت.. حتى لا حظت أنك لم تعد أنت، لم تعد كما كنت، لا تسأل، لا تشتاق، لا تعطي، لا تهتم.

صبرتُ وصبرت، قلتُ: عساها كبوة وتمر! لم تمر، قلت: عساها لحظات ضيق.. طالت اللحظات ورافقتُكَ كصديق، يوما، شهرًا.. أوشك عمري أن ينقضي.. وما لصوابك عدت.

عاتبتك.. تضجرت، سألتك.. امتنعت، هجرتك.. ما انتبهت، بذلتُ قُصارى جُهدي معك.. وما وعيت ولا دريت، أبشرٌ أم جمادٌ.. أنا عاشرت؟!

أين لهفة البدايات، وكلامك عن لوعة المسافات؟! أين التَّبتُّل من أجلي والدعوات؟! أين الذي أقسم على حزني أنه لو تسبب فيه سيموت؟!

اليوم.. نادمٌ على ما فرَّطت، وتسأل لِمَ تغير ودي، وقلَّ حبي وتغيرت! سل نفسك، ودَعها عنك تدافع إن أتت بِرَدّ، سل قلبك الصخري عن الهجر، عن الوجع، عن الرفض والصد.

والله ما تكبَّرتُ.. ولكنَّ عزَّة نفسي تأبىٰ الركود في ردك البارد، وذهنك الشارد؛ نفدت طاقتي في تحملك، ونفرت من عِنادك وجحودك، أقسم لك: لو كان جبلًا.. للانَ ورَقّ، أنا لم أتكبَّر عليك؛ أنا عن الأذى ترفعتُ، وأنت بدون أسفٍ تستحق.

وحتمًا.. سيأتي اليوم الذي تمُر فيه أمامي ولن ألتفت، أنتَ تُطيل النظر لي؛ وأنا أغضُّ الطرفَ عنك، ستأتي لحظةٌ أقولُ فيها لقلبي: حذارِ أن تهتز؛ ، لقد شُفيتُ .
#التعافي

05/10/2024

الكلمه تنور الدروب وتلمس الروح بصدقها والفعل الي من القلب بيوصل القلب.. النظره ليها معاني كتير ..الإنصات للشخص بيحسسك انه بيقولك اتكلم انا سمعك وفهمك مش مجرد مستمع وبس..
ان الواحد يدور علي الي يفرح الي قدامه ويقدمه ولو بأبسط الأشياء هتفرق كتير
قلوبنا بسيطه ..محتاجه شوية طبطبه .
#مقتطفات

20/09/2024

لستُ بالضرورة إلقاء اللوم علي الأخرين
أنتَ ليس مسؤول عن ماضي ليس لك فيه حق الأختيار ولكنك مسؤول عن حاضرك ومستقبلك واختيارتك فأما ان تسلك طريقًا مستقيمًا او تتبع طريق من ألقيت عليهم اللوم يومًا ما .
#مقتطفات

16/09/2024

لو انتِ ام متنسيش تحضني بنتك وتقوليلها انك بتحبيها مهما كان سنها ومهما كانت شقاوتها
ولو انت أب متنساش تخصص وقت لأبنك وتتكلم معاه وتنزل انت وهو مع بعض
الأم مش هي الي بتقوم بمطالب البيت وبس والأب مش بنك للفلوس وبس
وقت بسيط في اليوم تقدر تعمل معاهم ذكريات ونصنع أجيال أسوياء.

13/09/2024

أصعب امتحان أخلاقي هو امتحانُ الإنصاف؛ أن تبغض شخصًا وتعترف بفضله، وتُجرح ولا تخلع الخير كله عمن جرحك، وألا تمنعك إساءة امرئ إليك أن تُقرَّ إذا أخطأت في حقه أنك أخطأت في حقه.

01/09/2024

اوقات كتير بيجلنا احساس اننا مش كفايه محتاجين نبذل مجهود عشان نرضي الي قدامنا محتاجين نشوف نفسنا بعيونهم ونشوفهم شايفنا ازاي ياتري بيحبونا زي مابنحبهم؟ ، ياتري شايفنا حلوين وروحنا حلوه؟ ياتري مقدرين الي بنعمله عشانهم ايًا كان هو ايه ؟
تساؤلات كتير وعلامات استفهام كتير
بس الي لازم نفهمه هنا ان احنا محتاجين نحب نفسنا الأول بعيوبها ومميزاتها محتاجين شعور الرضا عن نفسنا قبل شعور الرضا من الاَخرين محتاجين نعرف اننا بشر وطبيعي جدا بنغلط ونُدرك اننا مش كاملين احنا بنكمل بعض وبنتغاضي ونصبر ونحاول ونكمل .