ساعة لقلبك د/مريم عبد القادر

23/07/2025

الاسكرينة دى خدتها امبارح من جروب لقطة خباثة

ودا تأثير الكورس ع القمر دى

اخدته الدفعة الل فاتت واشتغلت وتعبت على نفسها

وبتحضر معانا الدفعة دى كمان

الله يديم عليكى نعمته ويحفظها من الزوال

23/07/2025

خلاااص باقى ساعات قليلة ونبدأ

امهات كتير بتشتكي ..

من بناتها وسوء المعامله والقطيعه والارتباط الشديد بالاصحاب والعزله وقفل الفون بالباسورد ومشاكل كثير

وبيكونوا شايلين هم سوء المعامله جدا

80% من البنات دي بيكونوا اتعرضوا لمساوئ مع اهاليهم اكيد ما كانوش يقصدوا .. على راسي بس هما كمان البنات متضررين وعايزين حل وعايزين يعرفوا تفسيرات وتحليلات للتصرفات اللي بتصدر من الابوين

احيانا بيكون الاب هو الحنون والامهات القاسية والعكس الاتنين موجودين .. واحيانا القسوة بتكون من الاتنين

اخر حاله جاتلي .. بنوته اب وام منفصلين وعايشه مع مامتها وهتموت وتشوف باباها اللي انشغل في حياته وسابها هي واخوها مع مامتها

طبعا الام هنا قايمه بدور اب وام ومحتاجه تكون ATM كمان ومحتاجه تكون كل حاجه

بس هي حقيقي مش قادره لانها هية كمان كانت محتاجه احتياجات كتير ومتمليتش

المهم البنت اكتأبت جدا بقلها فتره كبيره ومامتها مش عارفه تعمل معاها ايه

والطلب الجميل اللي البنت عملته انها بكل صراحه طلبت من مامتها ان هي تروح لحد تخصص نفسي تتكلم معاه والاجمل ان الام استجابت رغم ضغوطها المادية الكتير لكنها كانت عايزة تساعدها لانها مش عارفة تعملها حاجة

وهنا بدات تفاصيل الحاله لما قعدت تحكي وتقول قد ايه نفسها تعاملها بطريقه معينه تهتم بطريقه معينه وغياب باباها مأزمها نفسيا جدا ومحتاجة تخرج وتجيب حاجات زى البنات

في نفس الوقت البنت مامتها ست عامله عندها ضغوط

فكان دوري هنا اني اوضح لها واتكلم معاها وافهمها أمور كانت فهماها غلط وشايلة من مامتها بسببها وعرفتها تتعامل ازاي بتوازن في الحال ده بحيث ان هي ما تجيش على مامتها وما تكتئبش ويكون عندها منافذ وتخرج فيها رغباتها بشكل صحيح

البنات حكايات طويله اوي للى يحب يسمعهم ويفهمهم ويساعدهم

ساعة لقلبك
كورس ملكة فى سن المراهقة
د/مريم عبد القادر

23/07/2025

عميلتي 😬😬

الكتكوته الجميله اتخانقت مع السيد المصون زوجها

يا ترى لييييه؟

عشان داخل من بره مخنوق

وحلفت يمين عظيم لازم تعرف ماله دخلت تساله
مالك يا حبيبي
فيك ايه
حد مزعلك
طب في مشكله في الشغل
طب طب طب طب طب طب
لغايه ما هَب في وشها لما هب في وشها اتقهرت قوي

جاية تعيط تقولي الحقيني انا جوزي ميتعاشرش

طبعا قعدت اسمع قصه حياتها بتاعه ميتعاشرش لقيتها مشكله هيفا والله

سامحيني ان بقول كدة بس انا ليه اروح احتك بيه وهو متضايق اصلا

شايفه الوش مقلوب اروح اكلمه اصلا ليه

مش لما يهدى

ازاي يا دكتوره مش جوزي وانا لازم اقف في ظهره وانا سنده وانا حمايته

الله الله الله هي الايه اتقلبت

حضرتك لو هو سندك اللي المفروض المفروض يعني يكون هو السند تمام هو اللي ياخد باله هو اللي يحتوي هو اللي يفهم .. ما علينا من دا

المهم اتخانقك وعملت مشكله كبيره بسبب ان هو زعقلها عشان هو مخنوق ومش عايز يتكلم في حاجه

وهي مصممه
طب ايه اللي مزعلك طب فيك ايه طب انت زعلان مني طب طب طب كلام فاضي طبعا ستات فارغه

متضايق ادعيله وقوليله ربنا يروق بالك يا نور عيني

شكرا ده دورك لا اكثر ولا اقل

انما شغل التقليل من نفسك والمحايله والزن والوش الل حضرتك عاملاه هيجيبلك المشاكل

ده انتى جايه عليا يا دكتورة . انتى كمان شايفه الل هو عمله صح !!

انا مقولتش ان هو يهزقك صح انا بتكلم ان انتى اللي جرجرتي الغلط .. راحاله ليه وهو مدخن ومتضايق وعلى اخره؟؟

في نار متروحيش تطفيها .. مش دورك مش حوارك مش مكانك دلوقتي لما يروق ويجي يقول لك 👇🏻👇🏻

ساعديني

ابقي روحي شمري ايديكي وروحي ساعديه يا ماما .. انما هو مقفول كده بيدخن بالطريقه دي يبقى لكم دينكم ولي دين واما يروق نبقى نشوف الموضوع ايه

المهم هي تسكت .. لاااا

بتقولي في العادي لما بتساله ما يردش مجرد ما بيفك ويروق بتفضل نازله عليه ون .. كان مالك .. كان في ايه .. كان ايه اللي مزعلك .. متخبيش عليا .. انا مراتك انت عامل حاجه غلط .. انت مش عارفه ايه .. انت ايه .. انت ايه .. انت ايه

الراجل طفح يا ماما اتهدي

لا صح ان انتى تروحي له وهو متضايق تقحميه بالاسئله

ولا صح ان انتى لما يفك تروحي تقحميه برده بالاسئله تعرفي كان ماله

هو راق .. الف هنا يادي النور ربنا يروق بالك يا روحي وخلصت

نظام المحقق كونان بتاعك ده هيجيبلك مشاكل كثير لان الراجل له طبيعه خلاف طبيعتك انتى مخنوقه بتجيبي الاعلام المصري وتحكي

سعادته (الراجل بشكل عام) بيكون عايز يبقى قاعد ساكت مع نفسه يحسب حساباته ويظبط حاجاته ويفكر تفكيراته وبعد كده يهدى ويفك لوحده

اروح احشر نفسي ليه ؟؟

وترجعي تندمي وتقولى مكلمنيش .. ده مردش عليا .. ده ماهتمش بكلامي .. ده ده ده ده وتعيطي والموضوع يكبر وتقولى جوزي ميتعاشرش

استهدي بالله
استهدي بالله يا حبيبتي

من واقع جلساتى

د/مريم عبد القادر

20/07/2025

الناس الل سمعوا المحاضرة من لقطة خباثة

لسه فى فرصة تشتركى فيه

مدته شهرين ونص

إلحقى واستغلى الفرصة

ساعة لقلبك
لقطة خباثة
د/مريم عبد القادر

20/07/2025

امهات كتير بتشتكي ..

من بناتها وسوء المعامله والقطيعه والارتباط الشديد بالاصحاب والعزله وقفل الفون بالباسورد ومشاكل كثير

وبيكونوا شايلين هم سوء المعامله جدا

80% من البنات دي بيكونوا اتعرضوا لمساوئ مع اهاليهم اكيد ما كانوش يقصدوا .. على راسي بس هما كمان البنات متضررين وعايزين حل وعايزين يعرفوا تفسيرات وتحليلات للتصرفات اللي بتصدر من الابوين

احيانا بيكون الاب هو الحنون والامهات القاسية والعكس الاتنين موجودين .. واحيانا القسوة بتكون من الاتنين

اخر حاله جاتلي .. بنوته اب وام منفصلين وعايشه مع مامتها وهتموت وتشوف باباها اللي انشغل في حياته وسابها هي واخوها مع مامتها

طبعا الام هنا قايمه بدور اب وام ومحتاجه تكون ATM كمان ومحتاجه تكون كل حاجه

بس هي حقيقي مش قادره لانها هية كمان كانت محتاجه احتياجات كتير ومتمليتش

المهم البنت اكتأبت جدا بقلها فتره كبيره ومامتها مش عارفه تعمل معاها ايه

والطلب الجميل اللي البنت عملته انها بكل صراحه طلبت من مامتها ان هي تروح لحد تخصص نفسي تتكلم معاه والاجمل ان الام استجابت رغم ضغوطها المادية الكتير لكنها كانت عايزة تساعدها لانها مش عارفة تعملها حاجة

وهنا بدات تفاصيل الحاله لما قعدت تحكي وتقول قد ايه نفسها تعاملها بطريقه معينه تهتم بطريقه معينه وغياب باباها مأزمها نفسيا جدا ومحتاجة تخرج وتجيب حاجات زى البنات

في نفس الوقت البنت مامتها ست عامله عندها ضغوط

فكان دوري هنا اني اوضح لها واتكلم معاها وافهمها أمور كانت فهماها غلط وشايلة من مامتها بسببها وعرفتها تتعامل ازاي بتوازن في الحال ده بحيث ان هي ما تجيش على مامتها وما تكتئبش ويكون عندها منافذ وتخرج فيها رغباتها بشكل صحيح

البنات حكايات طويله اوي للى يحب يسمعهم ويفهمهم ويساعدهم

ساعة لقلبك
كورس ملكة فى سن المراهقة
د/مريم عبد القادر

17/07/2025

باقى من الزمن يومان ونبدأ

خبر جدييييد وسعييييد جدااا

لمييين؟

لأمهات البنوووتات المراهقات وأولياء أمورهم وكل من يهمه امرهم

بتعانى من عدم القدرة على التواصل مع بنتك بداية من سن البلوغ .. اكتشفتى ان بنتك بتكلم ولد زميلها او جارها وبتحبه .. بنتك لازقة فى باباها من اول ما يقعد معاكم وتكره قربه منك .. بنتك قافلة لونها ب١٠٠ رمز وبتقولك مبعملش حاجة غلط وانتى قلبك مش مطمن .. بنتك مش بتبطل واقفة قدام المرايا وميكب اشكال وألوان ومش بتعمل معاكى حاجة فى البيت .. بنتك طول الوقت تسألك بتحبينى ،طب أنا حلوة،وعمالة تطلع انتقادات فى نفسها .. بنتك مش واثقة فى نفسها ولا بتسمع كلامك وفى نفس الوقت ملتصقة بصحباتها اوى وبتسمع كلامهم قبل كلامك ..

وغيرها كتير من المشكلات الل بتقابلك مع بنتك فى السن المهم ده

كل دا هناقشه مع بنتك واتكلم معاها ومع كل بنات سنها ونحل الخلاف القائم بينكم قبل قيام الساعة😂

*كورس ملكة فى سن المراهقة*

تقديم / د. مريم عبد القادر

كورس تفاعلى اونلاين و مباشر

التفاصيل فى المكتب واتساب مع 👇🏻👇🏻
https://wa.me/201069715474

التفاصيل اونلاين واتساب
👇🏻https://wa.me/201005754089

17/07/2025

جميلاتى عميلات الحضور الكرام

لكم منى كل الحب.

ساعة لقلبك
د/مريم عبد القادر

17/07/2025

عميلتي القمر الل بدات تطبق اللهم بارك وفي خطوات كويسه بسيطه جدا بس كويسه

اللي هي خدت جزء تقدر تطبقه وكانت جايه علشان ادعمها تطبق الجزء الل باقي

بس من اول لقطه طبقت الل فهمته والل وصل لها بدات فعلا تلاحظ الفرق

بدات ترفض حاجات هي مش ملزمه توافق عليها

بدات تبطل استهلاك في نفسها وعطايا كثير لغيرها

وبدات توجه الاهتمام ده لنفسها وبيتها وصحتها واولادها

وهنا حست بفرق طفيف جدا بس في فرق

كون ان هي سمعت الكلام ونفذت ولقت فرق اذا هي كده ماشيه على الطريق الصحيح

بس ايه .. ايه يا جماعه .. الل حواليها مش هيوافقوا .. لازم عند نقطه معينه اللي هو كمان تقدم خطوتين هتلاقي هجوم واعتراض

والكل هيبدأ يقول لها انتى بقيتي انانيه

بقيتي وحشه

بقيتي متتعاشريش

لانها بدات تفكر في نفسها وتخدم في مستوى قدراتها فقط لا غير

لكنها بامر الله مش هتستجيب لانى علمتها وعرفتها ان الل بيشتري نفسه وبيدوق حلاوه شراه لنفسه مش بيرجع تاني

لان نفسك دي غاليه اوي

نفسك دي اللي خلقها ربنا سبحانه وتعالى وكرمها ونبهك انك لا تُلقي بها الى التهلكة

عقبالك انتى كمان تقدرى تعملى ده .. كوررس لقطة خباثة هيساعدك كتير توصلى للحال.. لسه فى فرصة تشتركى فيه

د/مريم عبد القادر

16/07/2025

بفضل الله تعالى استقرار كبير جدا فى الحركة اللا إرادية

اللهم استعملنى ولا تستبدلى

شكرا لثقتكم فيا

شكرا لدكاترة المخ والاعصاب الل وثقوا
ربنا يجعلني أد الثقة دايما

توثيق الحالة بيكون عشان التشابة
بدل ما نستعمل الادوية وتأثر على حاجات تانية

ساعة لقلبك
د/مريم عبد القادر

16/07/2025

اول زيارة
5 مايو

الحالة

اهتزاز الاكتاف لا اراديا بشكل واضح اكتر من الفيديو

تحويل من دكتور مخ واعصاب

ساعة لقلبك

د/مريم عبد القادر

15/07/2025

لسه فى فررررررصة تلحقى تشتركى

اول امبااااااارح

ايييوة

بالليل

كااااانت بدايتنا لرحلة التغيير والرد واسترداد الحقوق المباحة من كل الل حواليكى

بدأنا اول درس بأمر الله فى كوووورس لقطة خباثة

لسه قدامك فرررصة تدخلى وتبقى من الل ربنا قال عنهم .. قد افلح من زكاها..

تواصلى مع شيماء الان وإلحقى اشتركى

https://wa.me/201005754089

15/07/2025

عميله جميلة ..
جايه تقولي انا عايزه احس ..

ممكن الكلمه تبقى غريبه بالنسبه لكم

بس انا فاهمه يعني ايه عايزه تحس

من كتر الضغوط والكتمان والتماسك وعارفين المكابره كده ان انتم موجوعين الوجع ده بيتكتم جواكم وبيعمل تجلطات شعوريه بتتكون في الجسم على المدى

وبعدين بتخلي منطقه الاحساس والشعور ميته فلما يحصل حاجه ما تعرفش تفرح ولما تمر بازمه ما تحسش بحزنها

هتقولولي ايه ده .. ده حاجه جميله جدا احنا عايزين كده

لا حضرتك هي مش بتحس بحزن هي بتحس بوجع جسدي

عميلتى دي ربنا يعافينا واياكم عندها مشكله في فقرات الرقبه عندها ربنا يعافيكم ورم هو حميد ولكنه من كتر الفرك .. من كتر الفرك جوه قلبها وجوه نفسها

هاريه نفسها محروقة جدا بس بتكتم بتكتم

يقوم يظهر في جسمها اه مش بتحس بالحزن لكن بتحس بالم شديد في رقبتها في ظهرها في مفاصلها او في او في او في ..

المهم انها ما بتحسش لا بالحلو ولا بالوحش .. لكن تتضغط تصرخ من وجع جسمها

جسمها ده عامل زي الكائن الحي اللي بيصرخ من الوجع

ويقول الحقوني

بس الحقوني بتاعه الجسم وجع وألم لا يحتمل

وهي كان الله في عونها عندها من الاوجاع ما يكفي

فالقصه هنا ان هي نفسها تحس لان هي ادركت ان الوجع عندها سببه المشاكل فمجرد ما يحصل مشكله او ضغط نفسي تلاقيها تعبت تعب جسدي مش شعوري

فطبعا جاية عشان نفعل منطقه الشعور عندها

طب دي بتبقى ازاي يا دكتوره لان انا فعلا معدتش قادره اعيط معدتش قادره احس لا بفرح ولا بوجع معدتش عارفه اعيش

ماقدرش اشرحها لك والله يا حبيبتي لكن اقدر اداويكى منها عن طريق الجلسات

نوريني وعيوني ليكي

من واقع جلساتى
د/مريم عبد القادر