عيادة الدكتور محمد مجدي لطب الأطفال وحديثي الولادة

03/04/2022

كل عام وحضراتكم بخير 🌺
مبارك عليكم الشهر 🌙
مواعيد العياده من ٢ ظهرا إلى ٦ مساء يوميا إن شاء الله ماعدا الجمعه
للاستفسار 01028911368

14/07/2020

13/07/2020

#

مشكلة متكررة مع كل البيبيهات.. مفيش أم إلا لما اشتكت ان ابنها او بنتها بتعاني من المشكله دي.

#أسباب التهابات الحفاضة :

1) وجود البلل لفترة طويلة بدون تغيير الحفاضة.

2) ممكن نوع الحفاضة بسبب بعض المكونات اللي بتتعمل منها الحفاضة.

3) حالات الإسهال.

4)حالات حساسية الالبان : وده سبب ممكن يكون كتير من الناس متعرفوش.

الالتهابات دي ممكن تكون مجرد احمرار في منطقة الحفاضة
وممكن تتطور لعدوي فطرية أو بكتيرية وده لازم نروح لطبيب الاطفال.

طيب إيه الحل؟؟؟؟؟؟؟؟

#اول حاجة نستعمل كريم يحتوي علي اكسيد الزنك قبل
ماتحصل الالتهابات مع كل تغيير حفاضة أو على الأقل 3 مرات يوميا لعمل طبقه حمايه وعزل علي الجلد من البراز او البول.

#نغير نوع الحفاضة لانه ممكن ده حساسيه من نوع معين

#تغيير الحفاضة بشكل مستمر والحفاضة ماتستناش وقت طويل علي جلد البيبي

#نغسل منطقة الحفاضة بمية قبل التغییر وننشف كويس
ونحط کریم زنك اوليف مع كل تغيير حفاضة.

*******المفروض نعمل ايه؟؟؟؟؟؟

هانروح لطبيب الأطفال عشان يشخص الالتهابات دى سببها ايه .....
هل فيه عدوى بكتيريه أو عدوى فطريه؟

#خلاصة الموضوع الوقاية خير من العلاج يعني نتعلم نغير الحفاضة ازاي والحفاضة مانسيبهاش وقت طويل علي جلد البيبي مع كل مرة تغيير هانغسل المكان بالميةوننشف البيبي كويس ونحط دايما طبقة رقيقة من كريم زنك اوليف

09/07/2020

#

*بعض التساؤلات المتكرره:

#لون الاطراف أزرق:
اهتمي بتدفئه الطفل واطرافه فقط

#جلده بيقشر:
وده طبيعي وبيروح مع الوقت

#شعر الجسم كثيف:
وده بيروح لوحده أيضا

#راسه طريه من فوق:
وده طبيعي وبتنشف مع الوقت وفتحه راسه بتقفل علي سنه لسنه ونص

#حبوب الوجه :
وده بسبب هرومانات بيكتسبها من الام اثناء فتره الحمل وده بردوه بيروح لوحده بدون اي علاج نهتم فقط بحموم الطفل ونظافته

#خنفره الانف اثناء التنفس والرضاعه:
طبيعي فاول شهور للطفل وعلاجها مجرد تنظيفها بمحلول ملح زي otrivin baby saline

#صدر الطفل مورم:
وده طبيعي بسبب ايضا الهرومانات ممنوع منعا باتا تعصير صدر الطفل ويروح لوحده

#الطفل بيتحزء ولونه بيتغير:
ده طبيعي فى البدايه مش معناه انه تعبان

#الطفل بيتنفض مع اي صوت وبيتخض:
ده معناه انه طبيعي وجهازه العصبي طبيعي
وده ريفليكس احنا بنختبره للاطمئان علي الطفل اسمه moro reflex

#الطفل رجله او ايده بتترعش ودى حاجه تانيه غير التشنجات:
بتروح مع اكتمال نمو الجهاز العصبي للطفل ونطمن فقط من نسبه الكالسيوم في الدم وبندي فيتامين د من اول يوم ولاده ٤ نقط يوميا ( vi drop)

#دم فى الحفاضه:
احيانا بسبب الهرومانات ايضا او بلع دم من جروح في صدر مامته اثناء الرضاعه

#فتاء فى السره:
وده غالبا بيروح مع الوقت مع اول سنه لما تقوي عضلات بطنه وبنتابع فقط الطفل ولا داعي لحزام السره

#الترجيع والقشط المستمر:
بنتابع حاله الطفل ووزنه لو بيزيد وكويس بيبقي شويه ارتجاع طبيعي وبيروح مع اكتمال نمو الجهاز الهضمي للطفل عند ٦ شهور او سنه بالكتير

#المغص والانتفاخات:
طبيعي فى اول شهور للطفل نهتم بالرضاعه وتكريع الطفل في منتصف الرضاعه وبعد الانتهاء من الرضاعه

#بياض لسان الطفل:
بيكون غالبا بسبب طبقه اللبن من الرضاعه مش كل بياض بيبقي فطريات ونهتم بتنظيف اللسان برفق بعد الرضاعه

#براز الطفل سايب اخضر او اصفر
كميته طبعيه عمل مره كل ٣ ايام او ٥ ٦ مرات في اليوم كل ده طبيعي مش امساك ولا إسهال

⁦⁦⁦⁦🩺⁦🌡️⁩

06/07/2020

(salk)

باختصار كده يا جماعه كل الاشاعات اللى سمعناها عن التطعيم ده ليس لها أساس علمى ودى كلها اشاعات ليس لها أساس من الصحه.

التطعيم ده بيتاخد من عشرات السنين فى اوروبا .

باختصار نعطى أطفالنا التطعيم ومنقلقش.

⁦⁦⁦⁦🩺⁦🌡️⁩

03/07/2020

#الصفرا عند الأطفال حديثى الولاده #

أكتر من 50% من الأطفال بيظهر عليهم الصفرا بعد الولاده.

طب ازاي نتصرف ونعمل ايه وايه علاجها وازاي ننتبه لعلامات الخطورة........

اولا الصفرا نوعان صفراء فسيولوجية وصفراء مرضية:

#الصفرا الفيسيولوجية ودي بتظهر غالبا علي اليوم التاني او التالت بتلاقي الام عين الطفل بدات تصفر بعدين ممكن تزيد حتي جلد الصدر البطن والاطراف.

#الصفرا المرضيه ودى غالبا بتظهر فى أول 24 ساعه من حياة الطفل.

طب نعمل ايه؟؟؟؟

لازم نطمن عن طريق قياس نسبة الصفراءعن طريق تحليل بالدم للتاكيد حسب كل حالة.
الوقاية ازاي؟؟

اهم واحسن طريقة عشان نسبة الصفرا متزدش هي الرضاعة الطبيعية.. الرضاعة من اول ساعة ف ولادة الطفل مهمة جدا وبتساعد ان الجسم ينزل الصفراء.
قلة الرضاعة بتكون في اوقات كتير سبب من اسباب ارتفاع الصفراء.

طيب كتير من الامهات لما بتيجي تسأل علي نسبة الصفراء دي كدا عالية ولا كويسة وهيحتاج حجز بالحضانة ولا لا؟؟

عشان نبسط الموضوع
اولا نعرف انه دا بيعتمد علي عوامل كتير اولا وزن الطفل عامل مهم .
طفل مبتسر ولا كامل النمو؟ . فيه اي اعراض تانية مقلقة عند الطفل . الصفرا كرقم في حد ذاته لازم بنحطها علي منحني خاص وكل حالة مختلفة حسب العمر وهل النسبة دي في اول يوم ولا بعد كدا. كل دي عوامل بتفرق في علاج الصفراء.......

عند وصولها لحد معين ممكن الصفرا تحتاج علاج ضوئي ودا يستدعي دخول الطفل للحضانة مع استمرار طبعا الرضاعة لانها بتساعد ف نزولها زي مااتفقنا

#طيب ايه هي الصفرا المرضية او الصفراء التكسيرية؟

دي اللي بنلاقي فيها ان الصفراء بتكون مرتفعة او بتزيد بمعدل سريع في اول ايام من عمر الطفل و من اهم اسبابها اللي بنشوفها في الحالات اللي بتكون فيها الام فصيلتها O والطفل A او B او ABمثلا
او تكون معامل الريسيس بتاعها (RH) سالب والطفل موجب فبيحصل تكسير زائد لكرات الدم الحمراء وبالتالي ترتفع نسبة الصفراء بالدم.

في الحالة دي لازم ناخد بالنا ونتابع النسبة كويس ونلاحظ لو الطفل بقي فيه خمول زائد او مش بيرضع كويس ونسبة الصفراء بتزيد. فلازم يفحص جيدا لان كتير من الاوقات ممكن يحتاج الطفل للحجز بالحضانة وعلاج ضوئي مكثف من البداية لتلافي حدوث اي مشاكل.

#الاطفال اللي مهم جدا ناخد بالنا من ارتفاع الصفراء عندهم...

1.الطفل عند ارتفاع الصفراء في اول 24 ساعة من الولادة
2.الطفل المبتسر
3.الطفل اللي فصيلة امه O او ال RHسالب او ظهر عليه اعراض مرضية اخري
4.الطفل اللي كان ليه اخ اتحجز قبل كدا في الحضانة بارتفاع بالصفراء التكسيرية او احتاج تغيير دم بسبب الصفراء.

... الصفراء اول مكان بتظهر فيه العين ولما بتزيد بتزيد بالتدريج من اعلي لاسفل ممكن لحتي الاطراف يعنى احنا بنلاحظها أول ما بتظهر فى عين الطفل منستناش لما جسمه كله يصفر وبعدين نروح نسال الطبيب.

لكن لما بتقل الصفراء بتختفي من اسفل لاعلي بمعني ان ممكن اصفرار العين يطول شوية لانه اخرحاجة بتروح منها الصفراء بعد نزول نسبتها بالدم. فمنقلقش لان دا طبيعي طول ماالتحليل كويس واصفرار العين هيروح بالتدريج...

#خطورة الصفرا ايه؟

أكثر حالات الصفرا عند الأطفال حديثي الولادة هي حالات سليمة و تزول لوحدها و لكن أحيانا إذا حدث إرتفاع شديد في قيم البيليروبين يمكن أن تكون الصفرا خطيره جدا و يؤدي الى تراكم هذه المادة في دماغ الطفل وتأذي الدماغ و إصابة الطفل بحالة خطيرة و قد يصاب نتيجة لذلك بالتخلف العقلي والشلل الحركي.

#علاج الصفرا :

الحالات الخفيفة والمتوسطة من الصفرا تزول لوحدها دون علاج أما حالات الصفرا الشديده فتحتاج للعلاج في المستشفى بواسطة لمبات نيون خاصة أو بتبديل دم الطفل و يجب #التأكيد هنا أن ضوء النيون العادي في المنزل لا يفيد في العلاج و كذلك اعطاء الماء و السكر للطفل، و من الأمور التي تساعد على سرعة زوال اليرقان هو #التأكيد على الإكثار من الرضاعة سواء كانت طبيعية او صناعية.

.

⁦⁦⁦⁦🩺⁦🌡️⁩

24/06/2020

تكملة للحديث عن فى أول #1000يوم

اتكلمنا المره اللى فاتت عن الجزء الاول من ال 1000 يوم وهو فترة الحمل وكيفية الاستعداد لها.

هنتكلم عن ما بعد الولاده :

#اول 6 شهور فى حياة الطفل: يكفى فيهم للطفل الرضاعه الطبيعيه ودى كلها فوائد من اهمها انها بتقلل نسبة حدوث العديد من الامراض المعديه مثل التهاب الاذن الوسطى والتهاب الجهاز التنفسى والتهاب المسالك البوليه وكذلك حدوث الالتهابات البكتيريه المتأخره وغيرها من الامراض .
أما بالنسبه للام : الرضاعه الطبيعيه تلعب دورا هاما فى انخفاض نسبة حدوث النزيف الذى يلى الولاده وذلك بسبب ارتفاع هرمون الاكسيتوسين وتقى ايضا من حدوث سرطان الثدى والمبيض وكذلك التقليل من حدوث هشاشه العظام فى الفتره التى تلى سن اليأس.

#بعض الااشياء يجب التنبيه عليها :
ممنوع اعطاء الطفل ماء أو جلوكوز أو أعشاب بعد الولاده ويمكن ان ينتظر الطفل حتى ساعتين بعد الولاده بدون رضاعه وان كان هناك مانع من الرضاعه لظروف لدى الام فيتم اعطاء الطفل لبن صناعى فى الضروره القصوى والا فالرضاعه الطبيعيه هى الأفضل للمولود على الاطلاق الا اذا كان هناك مانع يخص الطفل أو الام.

بعد أن يتم الطفل ال 6 شهور الأولى يعتبر لبن الأم وحده لايكفى الطفل لأنه يفتقر الى الحديد وبالتالى يجب ادخال الطعام الى الطفل كالتالى:

#الخضار

نبدأ بالجزر 4 أيام ......ثم البطاطا...... ثم البطاطس .......ثم الكوسا........ثم البسله. بنجرب صنف واحد فقط لمدة اربع أيام.
بعد ما نتأكد ان الطفل أكل كل صنف لوحده ممكن نخلط نوعين على بعض
بنحب ندخل الخضار الاول قبل الفاكهه علشان نضمن انه الطفل ميتعودش من البدايه على الطعم المسكر اللى يخليه يرفض الخضار بأنواعه بعد كده.

#الفاكهه

لازم نراعى انه تتقدم الفاكهه بكميات محدده بعد الوجبه الرئيسيه من الخضار لأن مينفعش اننا نتعود ناكل فاكهه بس على انها وجبه رئيسيه ونعانى بعد كده علشان ناكل خضار.
الفاكه المسموح بيها قبل سنه: التفاح .....الكمثرى.......البرقوق...... الخوخ......الاناناس......المشمش......الكانتلوب......البطيخ.....الموز.
مع مع ملاحظة الطفل لمدة أربع أيام بعد كل صنف علشان لو حصل حساسيه من حاجه نكون عارفين المشكله فين.

#البروتين

مثل الدجاج ....واللحم .....وبعض أنواع السمك
ودول لازم نبدأ تقديمهم من منتصف الشهر الثامن أو أول التاسع من عمر الطفل وفى حالة رفضها ممكن نقدم شربتهم لحد ما يبدأ الطفل يحب طعمهم.
واحذرى انك تأخرى تقديمهم لبعد سنه لأن البروتين ده بيساعد على نمو عضلات الطفل ودا اللى بيساعده على الحركه والمشى.



* ان بداية ادخال الطعام والمياه بتكون من الشهر السادس.

* ومراعاة اختبار حساسيه الطعام لجسم الطفل بتكون بتقديم نوع واحد فى البدايه
وبكميه قليله تسمحلنا بمعرفة الاطعمه المسببه للحساسيه.

* وانتبهى انك لازم تقدمى نوع خضار أو فاكه جديد كل 4 ايام عشان تكسرى التعود.

* ومتنسيش ان الرفض ممكن يستمر لعشر مرات او اكتر لحد ما الطفل بيعتاد الطعم وده مش معناه انه مش بيحب النوع دا.

* ممنوع اعطاء اللبن البقرى او الجاموسى اوبياض البيض قبل سن عام.

* واهم حاجه الاكل مش بالغصب ولا الزعيق ولا العقاب.

مع تمنياتنا بحياه سعيده مليئه بالصحه والعافيه.
دمتم فى خير.

⁦⁦⁦⁦🩺⁦🌡️⁩

19/06/2020

الوضع الصحيح لكمادات #الأطفال

⁦⁦⁦⁦🩺⁦🌡️⁩

19/06/2020

اعتقادات خاطئة مع #الأطفال

⁦⁦⁦⁦🩺⁦🌡️⁩

09/06/2020

فى أول #1000يوم

أثبتت الدراسات أن العنايه بتغذية الطفل تبدأ من لحظة تكوينه فى رحمك وحتى السنتين الأوليين من حياته أى أول ١٠٠٠ يوم من تكوين طفلك.

فقد أوصت الجمعيه الأمريكيه للتغذيه أن تبدأ الأم العنايه بصحة جنينها من خلال العنايه بوزنها وتغذيتها قبل الحمل لتقليل المخاطر الصحيه التى من الممكن أن يتعرض لها الجنين كالولاده المبكره والأمراض الخلقيه والأمراض المزمنه مستقبلا كأمراض السكرى والقلب،
فالعوامل البيئيه التى تتعرض لها البويضه المخصبه فى الرحم كالتغذيه السيئه والتدخين والضغط النفسى كفيله بإحداث تغيرات سلبيه على مستوى الجينات لدى طفلك تجعله مصابا بالأمراض المزمنه عند بلوغه مثل السمنه والسكرى وأمراض القلب وحتى الأمراض النفسيه.
فكيف نبدأ بالتحضير لاستقبال طفلك منذ لحظة تكوينه،إليك التوصيات:

#تجنبى الحمل بوزن زائد؛
لأن ذلك يعرض الطفل للإصابه بالسمنه ومقاومة الإنسولين والسكرى وأمراض القلب خلال سنوات الطفوله وعندما يصبح شخصا بالغا ولذلك عليك بنظام غذائى صحى وممارسة الرياضه.

#إكسبى وزنا معقولا أثنا الحمل ، وذلك مايقارب من١٢ كيلوجرام.

#خذى كفايتك من المعادن وبالأخص الحديد والكالسيوم والماغنيسيوم والزنك،
فقد وجد أن نقصها فى جسم الأم أثناء الحمل مرتبط بزيادة الدهون والدهون الثلاثيه لدى طفلها.
وللحديد أهميه كبيره حيث يدخل فى عملية بناء وتطور الأعصاب والمخ فى المرحله الجنينيه وخلال عمر ٦ أشهر إلى ٣ سنوات من عمر الطفل،. ولذلك يجب أن تتناول الحامل كفايتها من الحديد ويأخذ الطفل حاجته من الحديد خلال ٦أشهر إلى ٣سنوات من عمره ولذلك يجب إدخال الأطعمه الصلبه إلى غذا الطفل ابتداء من الشهر السادس لأن لبن الأم يفتقر إلى الحديد إبتداء من الشهر السادس.

#قللى تناول الدهون المشبعه مثل الأطعمه الدسمه والمقليه والأجبان الصفراء والزبده والسمنه.

#تناولى جرعات حمض الفوليك أسيد ؛
وذلك يقلل خطر الإصابه بتشوهات العمود الفقرى وينصح البدء بتناولها قبل الحمل بثلاثة أشهر وأيضا الثلاث أشهر الأولى من الحمل .

#إجعلى الرضاعه الطبيعيه من الأولويات ؛
من المهم جدا عند الحديث عن تغذية الطفل فى مراحل حياته الأولى التطرق إلى أهمية الرضاعه الطبيعيه فحليب الأم يعتبر طعاما مثاليا للطفل عند ولادته من حيث تكوينه وتعقيمه.
وللحديث بقيه إن شاء الله عن التغذيه فى أول ألف يوم والتى تعتبر مرحله هامه جدا فى حياة الطفل.

⁦⁦⁦⁦🩺⁦🌡️⁩

05/06/2020

إن شاء الله يبدأ العمل بالعيادة اليوم،
من الساعة 3 عصراً وحتي 8 مساءً.

ربنا يحفظ أطفالنا ، ونكون سبب في شفاهم بإذن الله.

30/05/2020

احمي نفسك واحمي غيرك. 😷😷

#كورونا