20/06/2023
"أنا سامعك"
لما شخص يعاني من مشاعر سلبية معينة:
خوف ، قلق، توتر ،حزن،
أو بيمر بضغط نفسي معين
أكبر غلطة ممكن نعملها إننا نلوم عليه أو نقلل من مشاعره أو نخليه يتجاهلها...
( ياسيدي الموضوع بسيط انت مكبر الامور، كله هيعدي دا موضوع تافه لا متخفش لا متقلقش لا..................)
دا اكبر غلط أول حاجة أعملها إني أقر مشاعره دي واعرفه إني معاه وداعم ليه واطمنه
(أنا عارف انك مضغوط اليومين دول أنا حاسس بيك ياه دا احساس صعب قوي أنا معاك متخفش وابدء أسمع منه بدون أي تدخل مني أو تعليق سلبي ولا تتفيه للأمور ولا لوم عليه)
لإن ببساطة دي مشاعره هو واحساسه هو ...
استماعي ليه باهتمام، وتقدير مشاعره هيساعده يعدي المرحلة دي بأمان .....
"بلاش لوم، وعتاب، وتقليل"
