Dr. Tarek El-Shanawany

12/09/2020

الذكرى السنوية الأولى لوفاة د. طارق الشنواني

الرجاء الدعاء له بالرحمة والمغفرة

اللهم ارحمه واغفر له وعافه واعف عنه...
اللهم ارزقه الفردوس الأعلى بين النبيين والصديقين والشهداء.. وحسن أولئك رفيقا...
اللهـم آمين...

07/05/2019

كل عام وأنتم بخير بمناسبة شهر رمضان المبارك...مواعيد العمل خلال شهر رمضان ان شاء الله...
الفترة الصباحية من ١٠ص الى ١ م، الفترة المسائية من ٩ م الى ١١ م
الرجاء التواصل مع السكرتيرة...
للاستعلام 0482225088 -01017855813

09/03/2019

يستكمل د. طارق الشنواني العمل بالعيادة في الفترة الصباحية... الرجاء التواصل مع السكرتيرة... الحضور بالحجز...

05/02/2019

يعتذر د. طارق الشنواني عن العمل بالعيادة خلال الأسبوع القادم نظرا لظروف طارئة...
مع معاودة العمل في القريب العاجل ان شاء الله...

03/11/2017

فيلم أنيميشن قصير عن القراءة... لازم نرجع نقرأ تاني...
شير

06/09/2017

بداية من الجمعة القادمة وكل جمعة ان شاء الله...
د. طارق هيتواجد على الجروب ده عشان يجاوب على أسئلتكم.. ولمدة ساعة...
اعملوا طلب إضافة للجروب... وابعتوا أسئلتكم للأدمن...

https://m.facebook.com/groups/167744673626203?tsid=0.1541804060984715&source=result

20/06/2017

كلام بالبلدي في ارتفاع الحرارة (منقول من احدي الصفحات الطبيه)
======================================
الطفل اللي عنده سخونيه دلوقت
الام مطلوب منها
تقلع البييي ملابسه
تغسل النصف السفلي مره واتنين و تلاته و
لو كانت الحراره عاليه جدا
الطفل يستحمي بماء فاتر مائل للبروده
لمده خمس دقائق
وتتكرر عند اللزوم مره واتنين وتلاته..
محدش يقولي ابني عمره شهر و مينفعش وحرام
محدش يقول الجو برد
محدش يقول انا خايف ييجي للطفل برد او نزله معويه او التهابات علي الصدر ......
محدش يقول مجبش ميه علي راسه اصلي خايفه علي مخه
محدش يقول هدي الطفل لبوسه و استني الحراره تنزل
محدش يقولي ادي الطفل حقنه سخونيه او مضاد حيوي....
الحراره لازم تنزل
حموم و شاور اول مرتين
و الكمادات بعدها تشتغل حتي لو طول الليل
لكمادات ..
الحد الادني عند الرقبه و تحت الابط و تحت السره لحاد الفخذين
و اللي عاوز يعمل اكتر مفيش مشكله
اقل من كدا يبقي احنا بنقصر و بنعمل شغل ناقص مع الطفل..
الحراره مش مهم نعرف السبب ايه دلوقت
المهم عندنا نار ولازم نطفيها...
شرب الماء ضروري
و محلول الجفاف احسن
وممكن العصائر
بس الرضاعه اساسى
المهم منبطلش نعطي للطفل اي سوائل
لان الحراره ممكن تتسبب في جفاف....
مقبول ان الطفل يتقيء يعني يرجع مرتين مش مشكله
او يعمل حمام بول او براز كتير
المهم ياخد اللي يعوضه
الاكل عادي بس بكميات قليله
بنحس الحراره من تحت الباط او عند البطن بالايد
او بالترمومتر دا للي حابب يطمن لكن انا بحس الحراره باطراف اصابعي.
اللصقه بتاعه الحراره ممكن تتحط لكن بعد عمل الكمادات بالماء
الخل او الكحول كمادات تحصيل حاصل
خوافض الحراره مينفعش تتاخد الا بعد الكمادات اما تتعمل و الحراره تنزل
قبل كدا غير مستحب لان ساعات كتيره متجبش فايده لاننا مستخدمناش الخوافض صح.
الحراره
بعرفها في وقت الليل لما الاقي الطفل
ابتدا يتنفس بطريقه مش متنظمه
او ابتدا يرتعش
او يعمل اصوات اثناء التنفس....
متأخرش في عمل الكمادات
و مزهقش
و اصبر
و اكررها للصبح
وشرب الماء
الحموم
و تقليل الملابس وبلاش الهدوم الكتير اللي بنشوفها دلوقت...
ربنا يستر
انا قولت الحد الادني
اللي عاوز يعمل اكتر
مفيش مشكله لكن يعمل اللي قولته الاول.....
وناخد بالنا
ان الحراره ممكن تعمل تشنجات لو مخدماش بالنا او كانت حراره داخليه ودي مشكله اصعب بكتير من نزله البرد او الاسهال اللي ممكن تعمله الكمادات
ربنا يحفظ اولادنا كلهم يارب...
نسيت اقول
الباراسيتامول امان من عمر يوم
ويفضل ان
البروفين ميتاخدش اقل من 6 شهور
الدولفين ميتاخدش اقل من سنه
الكتافلاي ميتاخدش اقل من 5 سنوات
او على حسب تقدير الطبيب المعالج
الاسبرين ميتاخدش اقل من ٦ سنوات نهائيا ...
بلاش حقن الفولتارين لتنزيل الحراره لانها غير مستحبه
بلاااااااش النوفالجين نهائي
وبلاش السوليد البرشام ف الاطفال...
المضادات الحيويه غير مستحبه حتي لو الحراره عاليه
الا عن طريق الدكتور.
اي شويه حراره او برد بيكون معاها احتقان في الزور وده طبيعى.
اي حراره اقل من سنتين ممكن نعمل للطفل تحليل بول
اي حراره اكتر من ٥ ايام ممكن نعمل تحليل تيفود
اي حراره في طفل من ٥ الي ١٥ سنه نعمل صوره دم وسرعه ترسيب و نسبه ميكروب سبحي..كل ده بناء على رأى الطبيب المعالج فى المقام الرئيسى
للعلم
اي سخونيه بيكون مصاحب ليها وجع في البطن و الام في الجسم
بلااااش حقن عمال علي بطال او من دماغنا.
الا عن طريق دكتور فقط
مش من ممرض او صيدلى
ابداااااااااااااا..
اي حراره ان شاء الله اخرها ٣ ايام
الصبر و الكمادات و السوائل هم العلاج
الحراره بعد ٣٨ ونص
الطفل اطرافه بتكون ساقعه و بيرتعش..
ف رجااااء بلاش نغطي الطفل ونقول الطفل بيرتعش ف نغطيه
ابدا
حراره يبقي لازم نعمل كمادات
=====================
نتمنى الشفاء للجميع

28/05/2017

الأكاديمية الأمريكية لطب الأطفال تقدم مبادئ لاستخدام الموبايل والتليفزيون
============================================
نسبة كبيرة من الآباء يعتمدون على الأجهزة الإلكترونية فى تربية الأطفال بدلاً من المربيات، للسيطرة عليهم ومنع التخريب والشقاوة التى تحدث فى المنزل وخارجه.

وفقاً للموقع الطبى الأمريكى “Health day News”، قالت الدكتورة "سارة لى"، من مستشفى الأطفال في كليفلاند، إن معظمنا يستخدم وسائل الإعلام الاجتماعية كل يوم مثل فيس بوك والواتس آب، مضيفة أن الأطفال بحاجة إلى معرفة كيفية استخدام هذه النماذج بطرق صحية وفعالة.

وأوضحت "لى" أنه يجب إعطاء الآباء الكثير من التوجيه بشأن كيفية استخدام وسائل الإعلام مع أطفالهم فى المنزل.

وتوصى الأكاديمية بما يلى:

1. الأطفال الصغار الذين تقل أعمارهم عن 18 شهرًا من العمر يجب عليهم تجنب وسائل الإعلام تمامًا ما لم تكن مع الأقارب.

2. يجب على الآباء مساعدة الأطفال الذين تتراوح أعمارهم بين 18 شهرًا إلى 24 شهرًا على مشاهدة البرامج التعليمية والتطبيقات مع أطفالهم.

3. يجب أن تحصل الأطفال الذين تتراوح أعمارهم بين 2 و5 سنوات من العمر على ساعة واحدة من الوقت أمام الشاشة كل يوم.

4. أطفال فى سن 6 فما فوق يجب مراقبتهم أثناء استخدام الأجهزة الإلكترونية.
·يجب على الآباء التأكد من أن وقت استخدام الشاشة لا يؤثر على نوم الأطفال، أو الأنشطة الاجتماعية والجسدية.

5. ينبغى اختيار أوقات معينة من اليوم، ومواقع فى المنزل كمناطق "خالية من وسائل الإعلام"، حيث إن جميع الأجهزة الإلكترونية يجب أن تكون فى الخارج أو لا تستخدم في هذه الأماكن.

6. يجب أن يكون الآباء على حوار مستمر مع أطفالهم حول الأمان عبر الإنترنت.
===========================================
نقلاً عن اليوم السابع

17/05/2017

27/10/2016

16/07/2016

أصدرت الأكاديمية الأمريكية لطب الأطفال بياناً لدعم الأكاديمية الأميركية لطب النوم والتي أصدرت بدورها مبادئ توجيهية توصي بمدة النوم للأطفال من الرضع إلى سن المراهقة.
التوصيات كالآتي:
1- يجب أن ينام الرضع (٤ أشهر إلى ١٢ شهر) من ١٢ الى ١٦ ساعة يوميا (بما في ذلك الغفوات) على أساس منتظم لتعزيز الصحة المثلى.
2- يجب أن ينام الأطفال (١-٢ سنوات من العمر) من ١١ الى ١٤ ساعة يوميا(بما في ذلك الغفوات) على أساس منتظم لتعزيز الصحة المثلى.
3- يجب أن ينام الأطفال (٣-٥ سنوات من العمر) من ١٠ الى ١٣ ساعة يوميا (بما في ذلك الغفوات) على أساس منتظم لتعزيز الصحة المثلى.
4- يجب أن ينام الأطفال (٦-١٢ سنوات من العمر) من ٩ الى ١٢ ساعة يوميا على أساس منتظم لتعزيز الصحة المثلى.
5- يجب أن ينام المراهقين (١٣- ١٨ سنة من العمر) من ٨ الى ١٠ ساعات يوميا على أساس منتظم لتعزيز الصحة المثلى.