عيادة الأطفال وحديثي الولادة والمبتسرين. د . مأمون عمرو منصور

11/07/2025

11/07/2025

✨ هو فيه لسه أم متعرفش؟!

(الجزء التالت - مسك الختام)
📌 التطعيمات المهمة – اللبن الصناعي – الأكل – المبتسرين – النمو

⸻

☝️هو فيه لسه أم متعرفش !!
💉 التطعيمات اللي بيقولوا عليها “اختيارية” في مصر…
🌍 هي “إجبارية” في كل العالم 😏
📍 تطعيم الروتا: ضد النزلات المعوية الشرسة
• نوعين: “روتاركس” (جرعتين) أو “روتاتك” (٣ جرعات)
📍 تطعيم المكورات الرئوية:
• بيحمي من: التهاب رئوي – التهاب سحائي – التهاب أذن – تسمم دم
• نوعين: “بريفنار” أو “سينفلوريكس”

☝️هو فيه لسه أم متعرفش !!
💊 سيتال قبل التطعيم؟ ❌
اتلغى تمامًا لأنه بيأثر على فاعلية التطعيم
✅ استخدميه بس بعد التطعيم لو الحرارة عليت أو الطفل بقى بيتألم جدًا

⸻

☝️هو فيه لسه أم متعرفش !!
🍼 مش كل بكا معناه جعان = لبن صناعي!
📌 قبل ما تدخلي الصناعي لازم:
✅ نتأكد إن الطفل مش بيزيد وزنه
✅ نزبط تغذيتك
✅ نحسّن وضع الرضاعة
✅ نجرّب مدرات طبيعية
لو كل ده ما نفعش… ساعتها بنختار اللبن الصح
💡 مش لازم أغلى نوع! أهم حاجة يناسب الطفل ويزوده وزن ويريّحه

⸻

☝️هو فيه لسه أم متعرفش !!
🥣 إدخال الأكل:
• من ٤ لـ ٦ شهور
• لازم يكون بالطبق والملعقة مش في الببرونة
• ميكونش فيه ملح ولا سكر
• كل صنف جديد نجربه ٤ أيام ونتابع التحسس
✅ الزبادي مش ممنوع.. لكن بشروط
✅ مع بداية الأكل: يشرب مية
❌ قبل الأكل: مفيش مية

⸻

☝️هو فيه لسه أم متعرفش !!
👶 المبتسرين = أطفال استثنائيين
• بيتولدوا قبل ٣٧ أسبوع
• وزنهم أقل من ٢.٥ كجم
• محتاجين تدفئة، لبن مخصوص، ورضعات مدروسة
🍼 اللبن بيبدأ بكميات قليلة وبنزود تدريجي
💊 لازم ياخدوا فيتامينات من أول يوم: A – D – E – K – حديد

⸻

☝️هو فيه لسه أم متعرفش !!
📏 النمو الطبيعي للطفل:
🔹 الوزن:
• عند الولادة: من ٢.٥ – ٣.٥ كجم
• أول ٤ شهور: بيزيد ٧٥٠ جم شهريًا
• تاني ٤ شهور: ٥٠٠ جم شهريًا
• تالت ٤ شهور: ٢٥٠ جم شهريًا

🔹 الطول:
• عند الولادة: ٥٠ سم
• أول ٦ شهور: بيزيد ١٢ – ١٥ سم
• تاني ٦ شهور: بيزيد ٩ سم

🔹 محيط الرأس:
• ولادة: ٣٤ – ٣٥ سم
• عند ٦ شهور: ٤٤ سم
• عند سنة: ٤٧ سم
📉 بنحدد كل ده حسب منحنى النمو… مش أي فرق معناه مشكلة!

⸻

🎯 وافتكري دايمًا:
اللي تعرفه غيرها، تنفع بيه غيرها
شيريه، ابعتيه، خلي أي أم حوالِك تستفيد 🙏

⸻

✍️ د. مأمون عمرو منصور
أخصائي طب الأطفال وحديثي الولادة والمبتسرين
📍 شبين القناطر – فوق صيدلية د. ابتسام – بجوار موقف مسطرد
📍 كفر شبين – بجوار المدرسة الإعدادي بنات
📞 01093588864 – 01099932589

10/07/2025

💬 هو فيه لسه أم متعرفش؟!

(الجزء التاني)
📌 عن الرضاعة، الفيتامينات، والتطور الطبيعي للطفل

⸻

☝️هو فيه لسه أم متعرفش !!
🕐 وقت الرضاعة من ١٠ لـ ٢٠ دقيقة من نفس الثدي
✅ علشان يوصل للبن الدسم اللي في آخر الرضعة
✅ لازم يتكرع كويس
❌ مش لازم صوت الكرعة يسمّع الجيران 😅
✅ ناميه على ضهره ومن غير مخدة = أحسن وضع

⸻

☝️هو فيه لسه أم متعرفش !!
💊 الفيتامينات الأساسية:
🔹 فيتامين د (ڤيدروب)
• أول سنة: ٤ نقط يومياً
• تاني وتالت سنة: ٦ نقط يومياً

🔹 الحديد
• من ٦ شهور: ١١ مجم يومياً = ربع قطارة هيدروفرين أو إنريتش

🔹 فيتامين أ
• عند ٩ شهور: ٢ كبسولة (١٠٠ ألف وحدة)
• عند سنة ونص: ٤ كبسولات (٢٠٠ ألف وحدة)
📌 بيتكرر كل ٦ لـ ١٢ شهر لحد سن ٥ سنين

🔹 الكالسيوم
• لو الطفل بيرضع ٣٠٠ سم لبن يومياً → ده كافي
• غير كده بنضيفه حسب الحاجة

⸻

☝️هو فيه لسه أم متعرفش !!
📈 التطور الحركي الطبيعي للطفل:
👶 ٣ شهور → يثبت راسه
🪑 ٦ شهور → يقعد مسنود
🧍‍♂️ ٧ شهور → يقعد لوحده
🚶‍♂️ سنة → يقف
👣 من ١٣ لـ ١٨ شهر → يبدأ يمشي

⚠️ الزحف مش شرط ومش مقياس
لو اتأخر عن الفترة دي → نروح للدكتور

⸻

☝️هو فيه لسه أم متعرفش !!
🦷 التسنين الطبيعي:
• من ٦ شهور لسنة
• مفيش ولا سنة طلعت لحد ١٣ شهر؟
➡️ نعمل تحليل كالسيوم + فيتامين د
ونطمن على الجهاز العصبي

⸻

✍️ د. مأمون عمرو منصور
أخصائي طب الأطفال وحديثي الولادة والمبتسرين
📍 شبين القناطر – فوق صيدلية د. ابتسام – بجوار موقف مسطرد
📍 كفر شبين – بجوار المدرسة الإعدادي بنات
📞 01093588864 – 01099932589

10/07/2025

في بداية الحريق، الشغل وقف، فقررت أنزل اتغدى في واحد من المطاعم الموجودة في الدقي، وأنا مش مدرك أني عادي زي كل يوم، مش ماشي بفلوس كاش، وطلبت اللي أنا عايزه، وقعدت كلت، ثم جالي تليفون من واحد صاحبي بيقولي ان كل البنوك السيستم فيها واقع ومفيش مكن شغال.

دخان الحريق اللي في رمسيس، كان وصل الدقي، وكنت قادر أشوفه بعيني كأنه قريب جدًا، فـ بدأت أدرك أن فيه تقريبًا مشكلة هتحصل، وخلصت أكل، ولاحظت ان فيه كذا حد في المطعم عايز يحاسب بالفيزا زي ما متعودين كل يوم، لكن المكن كله مش شغال، وكمان الـ ATM، في الشارع مفيش ولا واحدة فيهم شغاله.

وبعد نصف ساعة تقريبًا من المحاولات، قرر مدير المطعم، أنه يتحمل المسؤولية، ويقولنا اتفضلوا ولما المشكلة تتحل ابقوا حولولنا الفلوس "الدنيا مطارتش"، ورغم اعتراض كام واحد من اللي شغالين معاه، لكن الراجل كمل في قراره وفعلًا مشيت وأنا حتى معرفش اسمه ولا هو يعرفني.

وفضلت قاعد في الشغل، وبعدها رحت أجتماع شغل تاني، ثم طلعت على القهوة قعدت مع أصحابي اللي كلهم بيعانوا من نفس المشكلة، فـ اللي معاه كاش حاسب لنا، ومشينا وقلنا أكيد أكيد المشكلة اتحلت، ولأن معييش العربية اليومين دول والوقت اتأخر قلت أطلب اندرايف، وأروح أسحب فلوس على ما العربية توصل.

مفيش ولا ماكينة ATM في المنطقة شغاله، والعربية كانت وصلت، فقلت للسواق ثواني بحاول اسحب فلوس، وبردو مفيش أي حاجة شغاله، مكن البنك الأهلي كله على سبيل المثال جايب ERROR، فقلت للسواق تعالى نجرب انستاباي قبل ما نتحرك، بردو مش شغال!!.

فقلت للراجل خلاص أنا آسف جدًا لكن مش هعرف اكمل المشوار، أنا معيش فلوس كاش خالص، فتفاجئت بالرد، وقالي، وهتروح ازاي مشوارك بعيد واحنا الفجر؟، فعشان اخليه يمشي وكفاية إحراج لحد كده، قلتله كتر خيرك، أنا هتصرف، فـ قالي هتتصرف ازاي؟، قلتله هشوف توكل أنت على الله، فقالي طب أركب بس، ووالله قالي نفس الكلمة اللي قالها لي الراجل بتاع المطعم "الدنيا مطارتش.. بس مينفعش أسيبك متسوح كده ابقى ابعتلي الفلوس لما الدنيا ترجع تشتغل".

لما كنت بقابل حد سوري، من الناس اللي جت مصر بعد الحـ ر.ب عندهم، ويقعد يقول شعر في تعامل المصريين معاهم، كنت بقول بيأفور، بيجاملني عشان أنا مصري، لكن ده طلع حقيقي، أنا النهاردة كلت وشربت وركبت علشان أروح زي الباشا، ومدفعتش جنية، علشان عايش في بلد شعبها محترم، وفيها بني أدمين بيقدروا بعض، وبيقفوا جنب بعض حقيقي في الأزمات.

Ahmed Shaarany

03/07/2025

🎯 ٤٠ قاعدة ذهبية للتعامل مع حديثي الولادة… دليل الأم الذكية من أول يوم 👶❤️
مش لازم تتعلمي من الغلط… خديها كده من دكتور أطفال بيشوف كل يوم عيال داخلة العيادة ضحية نصيحة ع الواتساب 😅

⸻

١. الرضاعة الطبيعية هي الأصل… أول ٦ شهور بدون مياه ولا أعشاب ولا حاجات “من عند خالتي”.
٢. الأعشاب = مشاكل في الهضم، وتقل دم على الفاضي.
٣. بيبي درينك؟ اتمنع رسميًا… يعني حتى لو مكتوب عليه “طبيعي”، ما تثقيش.
٤. جلوكوز؟ ده للمحاليل مش للأطفال.
٥. ڤيتامين د مهم من أول يوم (٤ نقط V-DROP يوميًا).
٦. تطعيم فيروس بي خلال ٢٤ ساعة… حتى في الجمعة والسبت والأجازات، بلاش أعذار.
٧. ما تربطيش حاجة على السرة… مش حزام أمان!
٨. الحفاضة ما تغطيش السرة… عشان ما تعملش التهابات.
٩. كحول أبيض على السرار ٤–٧ مرات في اليوم… مش “مية بس”.
١٠. الرضاعة الطبيعية؟ آه قلتها تاني، علشان مهمة.

١١. تحليل الكعب؟ من اليوم الثالث للسابع، ويُفضّل ما ننسهوش مع الزغاريط.
١٢. الاستحمام مش ممنوع، بالعكس… الطفل بيستاهل يبقى نضيف زي أي بني آدم.
١٣. بلاش بوس… البوس مش حب، أحيانًا بيبقى عدوى.
١٤. تطعيم الدرن (حقنة الكتف) خلال أول شهر… ماتأخريش.
١٥. لو سمحتِ… بلاش تكحّلي الطفل بالبصل! دي مش وصفة فتة.
١٦. لازم نقط مطهّرة للعين في أول أسبوع.
١٧. كراسة التطعيمات = وثيقة تاريخية… حافظي عليها كويس.
١٨. وزن الطفل أول ما يتولد مهم جدًا… الطبيعي ٢.٥ إلى ٣.٥ كجم.
١٩. ٦٠٪ من المواليد بيصفروا… والصفرا ليها علاج ومتابعة مش نيون في البيت!
٢٠. التكييف والحر مش هزار… ابنك مش بيتحرّك، فبيسخن أسرع.

٢١. الزغطة، الحزقة، الخنفرة… حاجات شائعة وهتروح لوحدها.
٢٢. لو ابنك بيرفض الرضاعة أو لونه بيزرق أو نايم خالص… على المستشفى فورًا.
٢٣. الأم كمان محتاجة أكل كويس ونوم ولو ساعتين… انتي الأساس.
٢٤. النوم هيبقى متقطّع… نامي لما البيبي ينام، حتى لو الدنيا وراكي بتولّع.
٢٥. الطفل بيسمع كويس من وهو في بطنك… بس ما بيتحملش الأصوات العالية.
٢٦. لازم يعمل براز أول ٢٤ ساعة… مفيش؟ نكلم الدكتور.
٢٧. مفيش “عدد مثالي” للبراز… المهم حالته ونشاطه.
٢٨. النوم على البطن ممنوع تمامًا… إلا وإنتِ صاحية وبتكرّعيه.
٢٩. غيري الحفاض من ٣ لـ ٥ مرات في اليوم… والنشّافة أهم من الكريم.
٣٠. زيت الزيتون نعمة… لو بيتحط صح.

٣١. السخونية في حديثي الولادة مش طبيعية… لازم كشف.
٣٢. الكحة؟ نفس الكلام… ده مش دور برد موسمي.
٣٣. بلاش “السبوع” يبقى سباق مواهب… مفيش غربلة ولا ترويش بالبصل.
٣٤. لو البيبي بيعيط طول الوقت، افتكري: ده لغته… مش نكد.
٣٥. شبعان؟ كركّعيه. جعان؟ ارضعيه. زهقان؟ شليه.
٣٦. الطفل بيتعود على الحنية مش على الشيل… ومتقلقيش مش هيبقى مدلّع.
٣٧. أي علامات على الجلد؟ صورّي واستشيري الطبيب، مش جوجل.
٣٨. اختاري وسيلة منع حمل مناسبة بعد النفاس… استراحة المحارب 👏
٣٩. شاركي الأب حتى لو هو بيحط البامبرز بالمقلوب… المهم يشارك!
٤٠. أول ضحكة هتشوفيها هتنسيك تعب الشهر كله… صدقيني ❤️

⸻

🍼 الخلاصة؟
حديث الولادة مش كائن فضائي… ده إنسان صغير محتاج حب، تغذية، نظافة، وناس تفهمه قبل ما تحكم عليه.

28/06/2025

التشنجات

18/06/2025

20/05/2025

0 نصايح لأي أب وأم لسه جايبين بيبي… وبيفكروا يناموا تاني في حياتهم!
1. البيبي مش بينام، هو بيشحن!
وكل شحنة بتفكرك إن النوم كان زمان.
2. الريحة دي مش من برفانك!
لو شمّيت حاجة غريبة… 99% حفاضة، 1% قهوة محروقة.
3. لو البيبي سكت فجأة… إلحق!
يا إما نايم… يا إما بيحضّرلك كارثة!
4. التيتينة دي مش أكسسوار!
دي ريموت الكنترول بتاع الصريخ، ماتتهورش وتسيبها.
5. الهدوم اللي كنت بتحب تلبسها؟ انسَ.
دلوقتي الزي الرسمي: بيچامة وعليها بقعة لبن.
6. الناس هتقولك: استمتع باللحظة…
وانت شايل البيبي في إيد، والحفاضة في التانية، والببرونة في بقك!
7. كل ما تلاقي نفسك فاضي…
اعرف إنك نسيت حاجة مهمة… زي البيبي مثلاً.
8. القعدة في الحمام بقت فسحة.
بس غالبًا مش هتعرف تكملها.
9. لو لقيت نفسك بتكلم الببرونة… متخضّش.
ده طبيعي، انت بقيت في مرحلة “بابا اللي مابيردش”.
10. وأخيرًا… لما البيبي يضحكلك وانت نايم على الأرض من التعب؟
كل حاجة بتروح… وبتستعد للجولة اللي بعدها!

06/05/2025

المذاكرة

27/04/2025