Dr. Essam Sheir د. عصام شعير

22/09/2025

حوامل اليومين دول بيتدلعوا 🫣
فين لما كنا بنحمل و بنولد و لا كأن فيه حاجة 🤰....
متسمحيش لحد يقولك كدا .. الحمل تعب و إرهاق و جهد و مشقة .. و الولادة وجعها ربنا وحده بيعينك عليه سواء طييعي أو قيصرية .. و الرضاعة سهر و اضطراب نوم و مسؤولية جديدة عليكي
رحلة تحملي فيها طفلك هونا على هون .. اصبري و احتسبي و تحملي .. ربنا يكرمك و يكملك على خير .. و تسري عينك و قلبك بذريتك 🤲❤️

لكنها بعون الله مرت ❤️

19/09/2025

يا صباح الخيرات 🤲❤️
اللهم آمين .. ربنا يرزق كل محتاج .. و كلنا محتاجين لفضل الله و رحمته 🤲

18/09/2025

الفترة دي مناسبة جدا لو بتفكري تاخدي تطعيم الانفلونزا الموسمية .. علشان المفعول بتاعه قبل بداية فصل الشتاء
التطعيم آمن جدا للحامل .. خاصة اللي بتشتكي من الإصابة المتكررة بأعراض الانفلونزا
حقنة بسيطة و التكلفة مش عالية مقارنة بتكرار علاج أعراض البرد
ممكن تسألي عليه في الصيدليات أو المصل و اللقاح أو بعض أطباء الأطفال

16/09/2025

مش كلنا ولاد تسعة 🫣.

ولادات الليل و آخره 😴😴
.. دايما الطبيعي ملهاش ميعاد بس في حالة مدام سهيله أنا كنت شاكك مع إني كنت متأكد 😁 هتعملها ف الوقت دا
الأستاذة فرحة كانت مصممة تتولد في العاشر ..
علشان لما حد يقولها : مالك ما احنا كلنا ولاد تسعة 🤔
تقوله هي : اتكلم عن نفسك 🤣🤣

15/09/2025

إحنا جايين نثير الجدل 😁😎

أكل البلح / التمر / الرطب مبيجيبش طلق و مش هيسقطك و لا تولدي ف السابع بسببه 😲 ... دا كلام بلح 😁
آه و الله زمبقولك كدا 🤫

البلح مغذي.. مفيد بعناصر كتير .. مصدر سريع للطاقة المطلوبة وقت الولادة .. علشان كدا كلي بلح بانواعه في أي شهر من الحمل بكميات معتدلة .. ٧ تمرات يوميا حلو قوي
.. إلا النوع دا 🤣
البلح البرحي دا دحلاب دحلاااااب .. تبقى نيتك تاكلي بلحتين هتخلصي ٢ كيلو 😋😋

14/09/2025

أ. أنس(مدام شروق) و الآنسة بيسان(ابنة إيمان)
.. اللي نزلونا من العيادة علشان
ولادة طوارىء ليست في الحسبان
أنس بيه ربنا كرمنا فيه و كانت ولادته طبيعية ميسرة لأقصى درجة بفضل الله🤲
بيسان هانم حبت تتلائم و خلت نبض الجنين غير ملائم ف كان لازم ولادة طارئة و تخرج بالسلامة من الحضانه بإذن الله 🤲

حمد لله على سلامتهم و ربنا يكرمهم فيهم ❤️

بنعتذر للحالات اللي رجعت .. و الحالات اللي تواصلنا معاها قبل ما تيجي و غيرنا الميعاد ✅️

13/09/2025

موضوع مهم جدا.. نسبة مش قليلة من الحوامل بتعاني منه بدرجة أو بأخرى بعد الولادة .. لازم تفهم و دعم نفسي و مساعدة صادقة بدون تهوين من الأسرة 🤲❤️

فرحتك بعد الولادة اتحولت لدموع؟ 👶💔
لو المزاج متقلب، والنوم قليل، وحاسّة إنك لوحدك وسط الزحمة.. ده ممكن يكون اكتئاب ما بعد الولادة، وبيتغلّب عليه بالعلاج الصح والدعم المناسب. ما تسكتيش على الشعور ده، لأن سلامتك النفسية أهم حاجة ليكِ ولبيبيك.

العيادة النفسية – د. ضياء توفيق يونس

تشخيص دقيق

علاج دوائي وسلوكي آمن

متابعة مستمرة للمريضة

دعم نفسي للأسرة والمريض

المواعيد: الأحد – الثلاثاء – الأربعاء | ٣م–٦:٣٠م
العنوان: شبين القناطر – بجوار سوبر ماركت أبو رقية ومدرسة النصر
للحجز: 01066101965 | واتساب: 01000657418

12/09/2025

آنسة مسك اللي كانت مصممة تستنى رجوعي من السفر قبل ما تنور الدنيا بالسلامة .. حمد لله على سلامتكم يا مدام أمنية
ربنا يباركلكم فيها و يحفظها .. متشكر جدا على السبوع تسلم ايديكم كتر خيركم 🤲🌸

06/09/2025

بمناسبة جدال الولادة الطبيعية و القيصرية

ما شاء الله و الحمد و الفضل لله ❤️
اللي لابس طقم عريس دا أحمد محمد ف*ج .. شرف الدنيا بعد ولادة قيصرية طوارىء .. حمد لله على سلامتهم

في نفس اليوم بنت مدام أمينة تبقى ولادة طوارىء بردوا بس طبيعية الحمد لله و ربنا ييسر لها الأمر

مدام هبة بقى اللي كانت حكاية .. بردوا في نفس اليوم تيجي اخر التاسع و شكوتها نقص في حركة الجنين .. تم عمل رسم نبض للجنين و لم يكن مطمئنا .. يعني لازم ولادة بدون تأخير و مفيش أي بوادر للولادة الطبيعية فكان القرار قيصرية .. و بالفعل دخلنا العمليات و خدت البنج النصفي .. و كالعادة ف الحالات المشابهه فحصتها مهبلي مرة أخرى لأن ارتخاء العضلات و الاربطة في منطقة الحوض مع البنج النصفي ممكن يكون سبب للولادة.. و فعلا مع الفحص ابتدى يحصل اتساع ف عنق الرحم .. و كان قرار ندي فرصة للطبيعي " و لكن بحذر " مع الطلق الصناعي .. و بفضل الله ولدت بعد ٤ ساعات تقريبا انتظار و متابعة و إلغاء للعيادة .. ربنا كرمها بالولادة الطبيعي .. و بصراحة it was very satisfying for both of us 🤲

إلحق 🫣

05/09/2025

!!


التفاصيل في التعليقات 🫣

30/08/2025

سلام عليكم
بإذن الله بداية العمل بعيادة شبين غدا الأحد و عيادة العرب الأثنين .. معذرة العيادة الأسبوع الحالي و بسبب ضغط الحالات ف الأولوية لمتابعات الحمل فقط .. و يرجى من الحالات اللي أمورها مستقرة .. تدع يوم الأحد و الأثنين للحالات التي لا تستطيع الإنتظار
بنعتذر عن استقبال أي كشف جديد أو غير متابعات الحمل هذا الأسبوع

توضيح: أي رسالة واتس تم ارسالها خلال الايام السابقة و لا تزال الشكوى قائمة .. يرجى إرسالها مرة أخرى.. لصعوبة الرد على كل هذه الرسائل 🫣

شكرا لحضراتكم.. دمتم بخير ❤️🤲