19/06/2025
🥷🏻
يُطلق على هشاشة العظام اسم "اللص الصامت" 🥷🏻
ودا لإنها بتقلل من كثافة العظام بالتدريج
وبالتالي دا من أكتر الأمراض اللي بينطبق عليها مقولة "الوقاية خير من العلاج"
وبالتالي مش لازم نستنى ظهور علامات المرض عشان نبدأ علاج الهشاشه ولكن الأفضل أننا ناخد خطوات استباقيه عشان نحمي عظامنا من الهشاشة ومضاعفاتها
في بوست النهارده هنعرف،،، 🤔 مين هم الأشخاص الأكثر عرضه للإصابة بهشاشة العظام واللى محتاجين إننا نركز معاهم اكتر ونبدأ لهم علاج الهشاشه بدري‼️
ألا وهم،،،،
⛔ الأشخاص بعمر 65 عام فأكثر👵🏼👴🏻.
⛔ السيدات 👩🏼🦳 بعد انقطاع الطمث خصوصاً إذا حدث انقطاع الطمث بسن مبكر او لو تعرضت لجراحة إستئصال المبايض.
⛔ المدخنون 🚬 والأشخاص اللى بيشربوا كحوليات🥂 باستمرار.
⛔ الخمول وقلة الحركه وعدم ممارسة أى نشاط بدني او حركي🙇🏻.
⛔ وجود تاريخ عائلي 👥 لهشاشة العظام خاصة إذا تعرض أحد والديك 👫 لكسر بعنق عظمة الفخذ.
⛔ المرضى المصابون ببعض الأمراض المزمنة مثل:
👈مرضى الروماتويد المفصلي والذئبه الحمراء وأمراض المناعة الذاتية بصفة عامة.
👈مرضى الأورام السرطانيه.
👈مرضى السكر ومرضى الكلى.
👈خلل الغدة الدرقية أو الجار درقية أو الغدة الكظرية.
👈أمراض الجهاز الهضمي (مثل داء كرون أو السيلياك) التي تؤثر على امتصاص العناصر الغذائية.
👈المرضى قليلي الحركة 🛋️والملازمون للفراش 🛌🏻 بصفة دائمة.
⛔ المرضى الذين يتناولون بعض الأدوية 💊 لفترات طويلة مثل:
👈 الكورتيزون.
👈 العلاجات الكيميائية لورم الثدي.
👈 العلاج الهرموني لورم البروستاتا.
👈 الادويه المثبطة للمناعة.
👈بعض أدوية الاكتئاب ومضادات التشنجات.
🛑 الأشخاص دول هم أكثر ناس عرضه للإصابة بهشاشة العظام،،، وطبعاً كل ما إجتمع أكثر من عامل من العوامل السابقه فى نفس الشخص (مثلا مريض سكر فوق ال65 سنه ومدخن شره حركته قليله وملازم للفراش) كل ما كانت احتمالية إصابته بالهشاشه اكبر 📈 وكل ما كان عنده قابليه اكبر للإصابة بكسور في العظام أو العمود الفقري مع الحركات اليوميه البسيطه(قابل للكسر 🥹).
🎯 وعشان كده بننصح كل شخص بيتوفر فيه عامل او اكتر من العوامل السابقه بضرورة المتابعه الدوريه مع طبيب أمراض العظام 👩🏻⚕️🩺🥼 للتدخل في الوقت المناسب وتحديد العلاج المناسب للحفاظ على قوة وكثافة العظام🦴💪 وتفادي خطر الهشاشة ومضاعفاتها.
ودمتم بصحة وعافية 🤗
------------------------------------------------------------------------------------
د. محمد ضيف
أخصائي طب وجراحة العظام والمفاصل والعمود الفقري وإصابات الملاعب
للتواصل واتساب ٠١١٥٧٤٩٨٨٠٤
