31/01/2026
👶الجلد المرقط (Mottling) عند الرضع… طبيعي ولا يقلق؟
كتير من الأمهات بتلاحظ إن جلد البيبي بيبقى شكله مرقط أو رخامي (أحمر مع أبيض أو أزرق)، وده غالبًا حاجة طبيعية 👌
✔️ إمتى يكون طبيعي؟
🔹 يظهر مع البرد ويختفي أول ما البيبي يدفى
🔹 شائع جدًا في حديثي الولادة وأول 6 شهور
🔹 يختفي خلال دقايق بعد اللف أو الرضاعة أو skin to skin
🔹 البيبي شكله كويس، بيرضع وبيتحرك طبيعي
🔹 بييجي ويروح، مش ثابت
🔹 غالبًا بيكون متماثل في الرجلين أو الإيدين
📌 ده بيحصل لأن الدورة الدموية لسه مش ناضجة كفايه.
🚨 إمتى نقلق ونكشف؟
❌ لو الجلد المرقط مكمل رغم إن البيبي دافي
❌ لو معاه أعراض زي:
• خمول شديد
• رفض الرضاعة
• حرارة عالية أو واطية
• عصبية غير معتادة�❌ لو لون البيبي كله باهت أو أزرق�❌ لو في زرقة حوالين الفم أو الوجه (دي مش mottling وعايزة تدخل فوري)
⚠️ الإيدين والرجلين ممكن يزرقوا شوية مع البرد (acrocynosis) وده طبيعي
لكن الزرقة في الوجه أو الجسم كله خطر.
🩺 الخلاصة
لو الجلد المرقط بيروح لوحده والبيبي تمام → غالبًا طبيعي
لو ثابت أو مع أعراض → لازم تقييم طبي فورًا
