دكتور عبدالرحمن يوسف لطب وجراحة العظام

  • Home
  • Egypt
  • Sidi Bishr
  • دكتور عبدالرحمن يوسف لطب وجراحة العظام

دكتور عبدالرحمن يوسف لطب وجراحة العظام دكتور / عبد الرحمن يوسف.
عيادة ميامي
العنوان : 270 شارع جمال عبدالناصر - أمام حلواني شهد الملكة

الحمد لله 🤍تم نشر بحثنا العلمي بعنوان:“Comparative Study between Endoscopic Plantar Fascia Release and Proximal Medial H...
12/05/2026

الحمد لله 🤍

تم نشر بحثنا العلمي بعنوان:

“Comparative Study between Endoscopic Plantar Fascia Release and Proximal Medial Head Gastrocnemius Release in Treatment of Recalcitrant Plantar Fasciopathy: A Pilot Study”

في مجلة
Journal of Musculoskeletal Surgery and Research
وهي مجلة جراحية دولية مُفهرسة على Scopus، وتُعد من المجلات العلمية المعترف بها دولياً في مجال جراحات العظام والمناظير.

البحث يناقش مقارنة بين تقنيتين جراحيتين لعلاج الحالات المزمنة من التهاب بطانة القدم أو اللفافة الأخمصية (Plantar Fasciopathy) غير المستجيبة للعلاج التحفظي، بهدف الوصول لأفضل نتائج وظيفية وأسرع عودة للحياة الطبيعية بأقل مضاعفات ممكنة.

البحث العلمي بالنسبة لنا ليس مجرد نشر أكاديمي، لكنه جزء أساسي من تطوير مستوى التشخيص والعلاج، وتقديم أحدث ما وصل إليه العلم لمرضانا.

نسأل الله التوفيق دائماً 🤍

11/05/2026

أحمد عيد من مركز أبو المطامير بمحافظة البحيرة، بعد إجراء جراحة إصلاح جذر غضروف الركبة بالمنظار.
إصابة جذر غضروف الركبة من الإصابات الصعبة والمهمة جدًا، لأن الغضروف في الحالة دي بيفقد جزء كبير بل يعتبر بيفقد كل وظيفته الطبيعية في توزيع الأحمال وحماية مفصل الركبة، وده يؤدي مع الوقت إلى تآكل وخشونة مبكرة بالمفصل إذا لم يتم علاجها بشكل صحيح.

الحمد لله الحالة اتحسنت بصورة كويسة جدًا، وأحمد قدر يرجع لحياته الطبيعية وشغله بعد فترة كان متوقف فيها بسبب الإصابة.

الجراحة تمت بمستشفى سهلا – محرم بك،
مع خالص الشكر والتقدير للفريق المساعد، وفريق التخدير، والتمريض على المجهود الكبير والتعاون. �

محمد أشرف كلموني عليه من حوالي ٦ شهور بعد إصابة طلق ناري شديدة جدًا أدت إلى تهتك واسع في أنسجة وأربطة الركبة، مع كسور وت...
09/05/2026

محمد أشرف كلموني عليه من حوالي ٦ شهور بعد إصابة طلق ناري شديدة جدًا أدت إلى تهتك واسع في أنسجة وأربطة الركبة، مع كسور وتهشم بعظام الركبة وأسفل عظمة الفخذ.
من البداية كانت الحالة معقدة جدًا، والجراحة لازم تتم على مراحل، ومفيش أي حاجة كانت مضمونة.

في أول عملية قمنا بتنظيف الجروح بصورة كاملة، وإزالة كمية كبيرة من الشوائب والأنسجة التالفة، مع عمل تثبيت مبدئي للحفاظ على الطرف.
ولأن الصورة وقتها كانت صعبة جدًا حتى بالنسبة لي شخصيًا، كلمته بعد العملية الأولى وقلت له بكل وضوح:
“أنا عملت اللي أقدر عليه حاليًا، وليك كامل الحرية تكمل معايا أو مع أي دكتور تاني، لأني مقدرش أضمن النتيجة أو عدد العمليات أو حتى مدة العلاج… لكن الحاجة الوحيدة اللي أقدر أوعدك بيها إني هعمل كل اللي أقدر عليه كدكتور وربنا يقدرني على ده.”

بفضل الله، قرر يكمل الرحلة معانا…
وخلال الشهور اللي فاتت عملنا أكثر من جراحة، وتم تركيب جهاز إليزاروف، واستخدام الـ Vacuum therapy للمساعدة على التئام الجروح والحفاظ على الأنسجة.

والصورة النهارده… بعد إزالة الجهاز… وهو واقف وماشي على رجليه بفضل الله، كانت من اللحظات اللي فرحتني بجد.

النجاح في الحالات المعقدة عمره ما بيكون مجهود شخص واحد.
الصورة دي نتيجة تعب فريق كامل:
د محمد طعيمة استشاري التخدير والي دايما معانا في الحالات الصعبة والأطباء المساعدين ، ودكاترة التجميل اللي كنت أستعين بيهم مخصوص للمساعدة في غلق الجروح أو حتى أخذ رأيهم أثناء المتابعة والغيارات، والتمريض اللي تابع الحالة يوميًا، والصيادلة الإكلينيكيين اللي كانوا بيضبطوا العلاج والمضادات الحيوية بدقة.

العمل الجماعي الحقيقي والمتناغم هو مفتاح النجاح في الحالات الصعبة، وعمره ما كان عيب إنك تستعين بأي خبرة ممكن تفيد المريض، حتى لو كنت تقدر تعمل الحاجة بنفسك.

أكثر حاجة أسعدتني… إنه رجع يقف على رجله ويمشي ويرجع لحياته من جديد.

حمد الله على سلامتك يا صديقي… وربنا يتم شفاءك على خير

قابلت النهارده موظف في الشغل… راجل بسيط، تعبان جدًا من ألم شديد في ضهره ورجله بسبب انزلاق غضروفي، لدرجة إنه كان موقف حيا...
06/05/2026

قابلت النهارده موظف في الشغل… راجل بسيط، تعبان جدًا من ألم شديد في ضهره ورجله بسبب انزلاق غضروفي، لدرجة إنه كان موقف حياته كلها.

شرحت له إن طالما مفيش أعراض خطورة زي سقوط القدم أو مشاكل في التحكم في البول، يبقى نبدأ بالعلاج التحفظي ونصبر شوية… لأن في نسبة كبيرة من الحالات الجسم بيبدأ يتحسن لوحده مع الوقت.

بعد كام يوم… رجعلي تاني، لكن المرة دي كان عنده جرحين كبار في رجله!

سألته: إيه ده؟
قال لي: "رحت لواحدة بتعالج الغضروف… عملتلي الجرحين دول وقالتلي ممنوع أي مضاد حيوي أو أي حاجة تتحط عليهم… وناس كتير خفت على إيديها ومنهم الشخص الي أخذني ليها !"

المفاجأة؟
إنه بدأ يتحسن فعلًا…

بس الحقيقة الطبية المهمة هنا 👇

التحسن ده غالبًا مش بسبب الجرحين، لكن لأن:
الجسم في حالات كتير من الانزلاق الغضروفي بيبدأ يتحسن تدريجيًا لوحده مع الوقت.

اللي حصل إن:
الألم الجديد من الجرحين خلّى مخه ينسى ألم الغضروف
+ اقتناعه الشديد بالعلاج عمل تأثير نفسي (placebo) خلاه يحس بتحسن

فافتكر إن الجرح هو السبب… مع إنه مجرد “توقيت” مش أكتر.

⚠️ الخطورة بقى مش هنا…

الخطورة إن الطرق دي:
ممكن تعمل التهابات خطيرة
ممكن تأخر علاج حقيقي
وممكن تضيع وقت مهم لو الحالة فيها مشكلة أكبر

الفكرة ببساطة:
مش كل حاجة جابت نتيجة تبقى صح…
في أمراض كتير بتاخد وقتها وبتخف لوحدها
لكن العلاج الصح هو اللي:
✔️ يقلل الألم
✔️ يسرّع التحسن
✔️ والأهم… يحميك من المضاعفات

خد بالك… الفرق بين “التحسن” و”العلاج”

05/05/2026

جراحة إصلاح قطع أوتار الكتف بالمنظار باستخدام تقنية Double Row
من أحدث التقنيات اللي بتوفر تثبيت أقوى للوتر على العظمة، وبتساعد على تحسين نسب الالتئام والعودة للحركة بشكل أفضل.

🎯 مميزات التقنية:

* توزيع أفضل للتحميل على الوتر
* زيادة مساحة الالتئام (Footprint restoration)
* تقليل احتمالية إعادة القطع

👨‍⚕️ الجراحة بتتم من خلال فتحات صغيرة بالمنظار، مما يقلل الألم وفترة التعافي مقارنة بالجراحة التقليدية.

📩 للاستفسار أو الحجز، تواصل معنا

يتقدم فريق العيادة بخالص التهنئة إلى د. عبدالرحمن يوسف بمناسبة قبول رسالتة للحصول درجة الدكتوراه في جراحة العظام وجرا...
03/05/2026

يتقدم فريق العيادة بخالص التهنئة إلى
د. عبدالرحمن يوسف
بمناسبة قبول رسالتة للحصول درجة الدكتوراه في جراحة العظام وجراحات القدم والكاحل والمناظير – كلية الطب، جامعة الأزهر.

هذا الإنجاز يعكس رحلة من الاجتهاد والتخصص الدقيق، واهتماماً مستمراً بمواكبة أحدث الأساليب العلمية في تشخيص وعلاج مشكلات العظام، خاصة جراحات القدم والكاحل ومناظير المفاصل.

ثقة مرضانا كانت وستظل الدافع الحقيقي وراء التطور المستمر، ونسعى دائماً لتقديم رعاية طبية على أعلى مستوى.

مع خالص تمنياتنا بدوام التوفيق والتميز

مناقشة رسالة الدكتوراه للدكتور عبدالرحمن يوسف السبت القادم . بالتوفيق والسداد إن شاء الله
28/04/2026

مناقشة رسالة الدكتوراه للدكتور عبدالرحمن يوسف السبت القادم . بالتوفيق والسداد إن شاء الله

لكل أهالينا في محافظة البحيرة وكفر الشيخ👈د/ عبد الرحمن يوسف في ادكو 👨‍⚕️ د/ عبدالرحمـــــــن يوسف ✨استشاري جراحة العظام✨...
27/04/2026

لكل أهالينا في محافظة البحيرة وكفر الشيخ

👈د/ عبد الرحمن يوسف في ادكو

👨‍⚕️ د/ عبدالرحمـــــــن يوسف
✨استشاري جراحة العظام✨
✨️ عضـــــــو الجمعية المصرية لجراحة العظام
✨️ عضـــــــو الجمعية الأوروبية لجراحة القدم والكاحل (EFAS)
✨️ عضـــــــو الجمعية السويسرية للإصابات و الكسور (Ao)
✨️ عضـــــــو الجمعية المصرية للمناظير (EgAA)
✨خبـــــــرة متخصصة و رعايـــــــة طبية متكاملة✨

🔹عيادة ادكو : المحطة - عيادة د كمال خميس -أمام البوسطة القديمة - خلف محل السوري الجديد
ت الحجز : 01031188705 &0452850801
👈ت الطوارئ فقط 01204667330
👈يشترط الحجز المسبق بالتليفون للكشف والاستشارة

26/04/2026

فكرة ابداعية جدا الدكاترة الجراحيين الي بتجيب امتياز تفرجهم علي العمليات وتعمل انها بتعلمهم وتصورهم . في الآخر الامتياز عمره ما يستفيد من حاجة زي دي وده شغل دعائي ومش كويس . عاوز تعلم حق وحقيقي انته كدكتور عارف مين الي محتاج وحريص انه يتعلم وحيعرف يتعلم بحق وحقيقي مش منظرة وشو سواء في المستشفى الي انته فيها أو الي حواليك وده واجبك ودايما لما بتسهلها علي غيرك ربنا بيعلمك ويسهلها عليك
د عبدالرحمن يوسف

نرحب بالكشف من خلال التعاقد في عيادة ادكو🔹عيادة ادكو : المحطة - عيادة د كمال خميس -أمام البوسطة - خلف محل السوري الجديد☎...
25/04/2026

نرحب بالكشف من خلال التعاقد في عيادة ادكو

🔹عيادة ادكو : المحطة - عيادة د كمال خميس -أمام البوسطة - خلف محل السوري الجديد
☎️ ت الحجز : 01031188705 &0452850801

الحمد لله رب العالمين . بعد مرور ٥ شهور من اجراء جراحة لعلاج الفلات فوت المكتسب ( القدم المسطحة) وبعد فشل كل طرق العلاج...
24/04/2026

الحمد لله رب العالمين . بعد مرور ٥ شهور من اجراء جراحة لعلاج الفلات فوت المكتسب ( القدم المسطحة) وبعد فشل كل طرق العلاج التحفظي

Address

العنوان : 270 شارع جمال عبدالناصر/أمام حلواني شهد الملكة وبنك QNB/ميامي/الأسكندرية302668
Sidi Bishr
01010

Opening Hours

Monday 7pm - 9pm
Tuesday 7pm - 9pm
Wednesday 7pm - 9pm
Thursday 7pm - 9pm
Saturday 7pm - 9pm
Sunday 7pm - 9pm

Telephone

+201021717459

Website

Alerts

Be the first to know and let us send you an email when دكتور عبدالرحمن يوسف لطب وجراحة العظام posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتور عبدالرحمن يوسف لطب وجراحة العظام:

Shortcuts

Share

Category