د/ عبدالعزيز شاكرـ طبيب أطفالك

30/01/2026

ربنا ما يقهر أب قدام عياله في الأيام الصعبة دي ..
ويخلي كل البيوت عمرانة بالخير والستر والبركة 🤍

28/01/2026

❌ خرافات منتشرة بتضر أطفالنا… ولازم نوقفها 🚫👶

❎ مافيش حاجة اسمها نأخر الرضاعة بعد الولادة عشان قيصرية أو “مفيش لبن”
✔️ الرضاعة المبكرة خلال أول ساعة هي الأهم لتحفيز نزول اللبن

❎ مافيش حاجة اسمها كراوية او ينسون مع الرضاعة
🚫 كل ده خطر ومفيش أي فايدة

❎ مافيش حاجة اسمها نكحل عين الطفل أو نحط بصل
🚫 ممكن يعمل التهابات شديدة وتقرحات بالعين

❎ مافيش حاجة اسمها غربلة في السبوع
🚨 الغربلة = خطر نزيف بالمخ

❎ مافيش حاجة اسمها بوس الطفل من بوقه
🚫 بوسة من الفم = عدوى فيروسية وبكتيرية

❎ مافيش حاجة اسمها لبنك قليل والطفل بيزيد طبيعي
✔️ الزيادة الطبيعية = اللبن كفاية

❎ مافيش حاجة اسمها التسنين يعمل نزلة معوية أو نزلة شعبية
✔️ التسنين قد يعمل حرارة خفيفة أو زيادة لعاب فقط

❎ مافيش حاجة اسمها الطفل يتعود على جلسات البخار
✔️ الجلسات علاج مش إدمان

❎ مافيش حاجة اسمها الطفل بيعيط يبقى جعان بس
✔️ العياط له أسباب كتير (تعب – مغص – احتياج للطمأنة)

❎ مافيش حاجة اسمها لمبة النيون تعالج الصفرا
🚫 بتسخن الطفل وممكن تضره
✔️ الرضاعة المستمرة هي الحل

❎ مافيش حاجة اسمها الزبادي أو البيض أو السمك ممنوعين وقت البرد
✔️ الأكل المتوازن مهم للمناعة

❎ مافيش حاجة اسمها سخونية = مضاد حيوي
🚫 أغلب السخونية أدوار فيروسية

❎ مافيش حاجة اسمها لبن بقري أو جاموسي قبل سنة
🚫 خطر على الكُلى والهيموجلوبين

❎ مافيش حاجة اسمها الحمل يمنع الرضاعة الطبيعية
✔️ إلا في حالات طبية محددة فقط

❎ مافيش حاجة اسمها رفع سقف الحلق للمولود
🚫 خطر ومرفوض طبيًا

❎ مافيش حاجة اسمها ممنوع استحمام الطفل
✔️ النظافة مهمة… الطفل كائن حي

❎ مافيش حاجة اسمها تأخر مشي قبل سنة ونص
✔️ الطبيعي لحد 18 شهر

✅ الخلاصة
🔹 العلم غير العادات
🔹 مصلحة الطفل أهم من أي كلام متوارث ❤️

26/01/2026

اللى عنده عيل مش بيكح الايام دى ..
يخبيه و يطلعله صدقة 😅

25/01/2026

ابني بيكح… أعمل إيه؟ 🤔

🔹 الكحة عرض مش مرض
ممكن تكون بسيطة، وممكن أحيانًا تكون إنذار يحتاج كشف.

🔹 أحيانًا سببها رشح أو انسداد أنف
وتتحسن مع تنظيف الأنف بمحلول ملحي فقط.

🔹 وأحيانًا تكون علامة على مشكلة أكبر
زي نزلة شعبية أو التهاب رئوي، وده بيظهر مع علامات خطر 👇

🚨 لا تستهيني بالكحة لو معاها:
▪️ نهجان أو سرعة تنفس.
▪️ سخونية.
▪️ خمول أو رفض أكل.
▪️ صوت خشن أو صفير في الصدر.
▪️ سحب أو نِتّة في الصدر.

👈 أي علامة من دول = كشف طبي فوري 👌

✅ نصايح تحمي طفلك:
▪️ تنظيف الأنف عند اللزوم.
▪️ سوائل كفاية / رضاعة طبيعية.
▪️ الالتزام بالتطعيمات.
▪️ لو الرشح مستمر طول السنة ⬅️ غالبًا حساسية أنف.
▪️ لو الكحة مستمرة أو متكررة ⬅️ غالبًا حساسية صدر.

✨ الخلاصة:
الكحة مش دايمًا خطيرة…
بس الملاحظة الصح والتصرف في الوقت الصح هما الأمان الحقيقي.

20/01/2026

19/01/2026

خلي بالك
الرضاعة قبل السنة حسب رغبة الطفل ..
لكن بعد عمر سنة لازم تقللي الرضاعة سواء طبيعي أو صناعي وتعتمدي علي الاكل أكتر.

18/01/2026

👍💯

17/01/2026

ايه الأكل الممنوع لو طفلك عنده كحة 🤔

16/01/2026

💊 طوارئ السخونية عند الأطفال 💊
❓ إمتى لازم نكشف على الطفل اللي عنده ارتفاع في درجة الحرارة؟

🔥 السخونية من أكتر الأعراض الشائعة عند الأطفال،
وهي أكتر حاجة بتقلق الأهل…
لكن في حالات ما ينفعش نستنى فيها ولا نصبر 👇

📌 لازم طبيب أطفال يفحص الطفل فورًا إذا وُجد أي مما يلي:

✅ طفل عمره أقل من 3 شهور 👶🏻
أي ارتفاع حرارة (حتى لو بسيط ≥ 38°)
لازم كشف فوري لأن:
▪️المناعة ضعيفة
▪️وقد تكون السخونية العرض الوحيد لعدوى خطيرة لا قدر الله

✅ استمرار السخونية أكتر من 5 أيام
حتى لو بتنزل بالخوافض
👈 لازم تقييم طبي مهما كان عمر الطفل.

✅ إعياء شديد أو تغير في تصرف الطفل 🥵
زي:
▪️خمول غير معتاد
▪️قلة رضاعة
▪️قلة حركة
▪️أي حاجة الأم حاسة إنها “مش طبيعية”

✅ ترجيع مستمر 🤮 أو إسهال شديد
أو علامات جفاف واضحة.

✅ قلة البول 🚨
▪️رضيع: أقل من مرة كل 8 ساعات
▪️طفل أكبر: حفاظة ناشفة أكتر من 12 ساعة

✅ تشنجات أو فقدان وعي
🚑 دي طوارئ لا تحتمل انتظار.

💚 الخلاصة
السخونية عرض…
لكن التصرف الصح في الوقت الصح هو اللي بيحمي طفلنا.

15/01/2026

نوم طفلك الرضيع رزق..
وإقبال طفلك علي الطعام رزق..!

وشفاء ابنك رزق..
ومعافاتك أنتِ رزق..
وإلهام طبيب ابنك العلاج رزق..!

ونفس يدخل ونفس يخرج رزق..
وقضاء حاجتك بلا معاناة رزق..!

سبحانك ما أعظم نعمك...
وما أعظم غفلتنا عن شكرك...!
الحمد لله حمدا كثيرا طيبا مباركا فيه ❤️

13/01/2026

🚨 تطعيم ابنك وهو تعبان ممكن يضرّه 🤔
تعالي أقولك كل ما يخص تطعيمات الأطفال في كام نقطة مهمّة :

✔️ ينفع نأجل التطعيم لحد أسبوعين لو الطفل تعبان أو حرارته عالية.
✔️ ينفع يتاخد مع المضاد الحيوي بدون أي مشكلة.

✔️ ينفع يتاخد مع أدوية البرد والكحة.

✔️ مش ممنوع مع دور تعب بسيط (رشح – كحة خفيفة – حرارة بسيطة).

❌ ممنوع مع أدوار التعب الشديدة زي الالتهاب الرئوي، النزلات المعوية الشديدة، أو الالتهاب الشعبي الشديد.

✔️ لو التطعيم اتأجل، اللي بعده يتاخد في ميعاده بشرط يكون فيه شهر على الأقل بين الجرعتين.

✔️ السخونية بعد التطعيم طبيعية لمدة يومين فقط، ولو كملت بعدها لازم نبحث عن سبب تاني.

حافظوا على مواعيد التطعيمات… لأنها خط الدفاع الأول عن أولادنا 💙

12/01/2026

كل المشاريع لو فشلت ممكن يعوضها الإنسان، إلا تربيه الأطفال لو فشل فيها الإنسان للأسف سيجني ثمارا مرَّة.
أطفالكم هم أهم مشروع في حياتكم