https://www.facebook.com/2251728601729834/

مركز د/ أيمن النمس لطب الأطفال, مستشفى السلامة/التفتيش/مدينة سيدي سالم/محافظة كفر الشيخ/مصر, Sidi Salim (2026)

31/05/2024

https://www.facebook.com/share/v/sFx5aGPyVuKiCoNz/?mibextid=jmPrMh

عشان بس عيالنا تفضل قاعدة ع الموبايلات وعايشة داخل فقاعات العالم الافتراضي

29/05/2024

لأن صحة طفلك تعني لنــا الكثير .. يسرنا أن نعلن عن انضمام عيادات ( المخ والأعصاب - والقلب ) لقسم الاطفال
نهتم بكل مايعتني بصحه اطفالكم وسخرنا كل إمكانيتنا لينعموا بتجربة صحية مثالية ومتفردة ورعاية طبية فائقة وخدمات تشخيصية وطبية وجراحية متكاملة .. 🌷

08/03/2024

رمضان علي الأبواب والخير معاه جاب
وعشان صحه طفلك تهمنا وسلامته اهم شئ عندنا عملناله العيادة الاقتصادية

ودي بتكون اول فترة صباحا عند كل طبيب اطفال
وسعر الكشف فيها 60 جنيه وبس
والمواعيد يوميا صباحا ماعدا الخميس الجمعه
وهنبدا ان شاء الله من الاثنين 11 مارس وحتى نهاية رمضان

وخلي بالك العدد محدود
بادر بالحجز ٧ص صباحا

مع الدكتور/ أحمد أغا
💥 اخصائي طب الأطفال والمبتسرين 💥
مع الدكتور/ عبد اللطيف
💥 اخصائي طب الأطفال والمبتسرين 💥

كل العيادات بالحجز مقدما
يبدا الحجز ٧ص كل يوم
للحجز والاستعلام 01000453309

وكل عام وانتم بخير

29/10/2023

تقديرا لحضراتكم وحبا لاطفالي

لكن لضيق الوقت وظروف الحياة
ايهما انفع لكم بالنسبة لحضوري العيادة :

١/ يوم واحد اسبوعيا ونقبل اي عدد
او
٢/ عدد اربعة ايام اسبوعيا لكن هتكون فترة واحدة غالبا صباحا ونقبل عدد محدد
؟؟؟

اشيروا عليا
مع اعتبار طبعا ان فيه اسبوع شهري بكون فيه مسافر

22/07/2023

يا ترى ايه الحكاية

خليني أنقل تجربتي الشخصية .. لأني - زي ما اتفقنا مع بعض قبل كده كتير - مبحبش أنقل رأيي من كراسي التنظير، ولكن من واقع التجربة .. التجربة هي اللي هتخليني أتكلم بقلب جامد، وأعرف أرد كويس على أي حد يقولي: مش هينفع .. حاولنا وفشلنا .. أصل مش عارف إيه .. إلخ إلخ إلخ

من حوالي 10 أيام مامت الأولاد أخدت قرار حاسم .. مفيش موبايلات تاني .. ولا حتى للاتصالات .. طلبت مني عدتين تليفون زراير من القدام .. وحصل

النتيجة بعد 10 أيام فقط مبهرة بكل المقاييس ..

نبدأ برقية الأكبر سنًا، واللي اتضايقت جدًا في البداية، بس قدام قهر السلطة معندهاش بديل .. بدأت تتجه للقراءة .. وطبعًا دي جي عليا أنا بالخراب، لأنها بدأت تطلب مني ننزل نشتري شوية كتب .. وكلمة (شوية كتب) دي بتخش لها في ألف ألفين جنيه بالحنين، ومن سور الأزبكية كمان مش بالأسعار الرسمية .. بس قشطة يعني .. على قلبي زي العسل ..

ده غير اهتمامها بالمشغولات اليدوية اللي زاد وبقى أكثر احترافية من الأول بشكل ملفت ..

ده بالنسبة لرقية .. بس رقية في الأساس بتحب القراءة .. معندهاش مشكلة في إنها تقرأ .. لكن المشكلة الحقيقية في سلمى (الوسطى) الملولة جدًا واللي بتزهق من أي نشاط بدني أو عقلي يستغرق أكثر من ربع ساعة ..

الحاجة الوحيدة اللي مش بتمل منها هي الموبايل والريلز والshorts وطبعًا ده سبب كافي جدًا يوضح خطورة النوعية دي من المحتوى على عقول أبنائنا ..

فسلمى كانت لازم تسيب الموبايل بأي شكل قبل ما تتحول لبقرة استرالي أو ذبابة مستنقع من قلة التركيز والانتباه وسرعة الملل ..

الجميل بقى إن سلمى لسه مبشراني من يومين - وهي الملولة اللي مش بتحب تقرا - إنها خلصت الجزء الأول من كتاب (كوابيس) لصديقي حسن الحلبي واللي مضى على الكتاب بإيده ليها في معرض الكتاب اللي فات، ولقيتها بتسألني عن الجزء الثاني .. :D (يااااااه يا عبد الصمد)

نيجي بقى لمستر عاصم الأصغر، واللي شغله الشاغل من الموبايل هو لعبة ماينكرافت .. رغم إني منزلتهاش له عشان مش عايزه يغرق في النوعية دي من الألعاب اللي ملهاش نهاية، لكن البيه اكتشفت إنه يعرف عن ماينكرافت أكتر من اللي بيلعبوها من كتر الفيديوهات اللي بيتفرج عليها عن اللعبة ..

فكان لازم القرار الحاسم بترك الموبايل ..

النتيجة: عاصم بدأ يراجع دروس اللغة والقرآن وبيستجيب أحسن من الأول، وبدأ نمط أنشطته في اللعب يتغير للألعاب العقلية واليدوية (بيحب ألعاب الفك والتركيب .. بس اللي بيعمله فعليًا هو: فك وتخريب) .. وبدأنا نجيب كتاب معلم القراءة القديم العتيق وبدأت أعلمه القراءة تاني بنفسي ..

واستجابته ما شاء الله كانت رائعة ..

أما آخر ما رأيته منه فإنه كان لسه قاعد بياكل معايا من ساعة ولقيته وهو على الأكل ماسك مجلة ميكي عمال يقلب فيها وهو بياكل .. آه هو لسه بيتعلم القراءة، بس هو شافني بعمل السلوك ده بشكل شبه دائم، ودي أجمل حاجة أحب عيالي يقلدوني فيها .. إني مش بسيب الكتاب من إيده حتى وأنا باكل ..

لو اتكلمنا عن السلبيات اللي كان مسببها استخدام الجوال الذكي للأولاد الكلام مش هيخلص .. ولكن مثلاً خد عندك أشياء زي:

- تضييع الوقت في كلام فارغ

- البلادة الذهنية وبطء التفكير

- اضطراب مواعيد النوم والنوم نفسه

- كسل في تنفيذ المهام

- خلل في المفاهيم القيمية والأخلاقية

- التأثر الثقافي الغربي برموز تافهة لا تمثلنا (اسأل ولادك عن BTS)

- ارتفاع احتمالية تعرض الأولاد لمحتوى غير لائق، وبالأخص في حالة غياب الرقابة عليهم (ولو لدقائق معدودة) ..مامتهم كانت بتقولي: الحاجات اللي بيشوفها عاصم على موبايله تدخلني أنا ونت جهنم

- احتمالية تعرضهم للمحتوى العنيف غير المناسب لسنهم ولا لأي حد أساسًا (زي حادثة مدينتي اللي انتشرت زي النار على الفيسبوك)

- خوارزميات الذكاء الاصطناعي (الغباء الاصطناعي) اللي بتعرض المحتوى المشابه .. فلو البنت مثلا اتفرجت على حادثة بالغلط من باب الفضول، خوارزميات الغباء الاصطناعي هتعرض لها مشاهد حوادث أكتر .. فكر بقى إيه اللي ممكن يحصل مثلا لو اتفرجت على (..........18...........)

- هوس التصوير وحب الذات والرغبة في الظهور بمظهر معين قدام الآخرين

- ................... وغيره .. متعدش

الخطوة القادمة بالنسبة لنا: تحديد استخدام الجوالات بشكل صارم، وتحديد البرامج والقنوات اللي هيتم الاطلاع عليها، وهيكون في متابعة على تطوير الأداء في اكتساب مهارات معينة، ومناقشات بشأن محتوى معين بيتم الاطلاع عليه بإشرافنا للتأكد من الفهم والاستيعاب .. وكمان هنبدأ نرغبهم أكتر في استخدام الكمبيوتر بشكله الكلاسيكي بعيدًا عن الجوال عشان نجهزهم علميًا ومهنيًا لما هو قادم ..

والأهم من ده كله، نقل أنشطة الأولاد الرقمية لأرض الواقع أكثر .. يعني دروس القرآن، كتب القراءة، الأنشطة الرياضية، المهارات اليدوية، دراسة اللغات، إلخ

القصد: يعني مش هناخد منهم الموبايلات ونسيبهم يموتوا من الزهق .. لازم نوجد بديل يساعدهم على استغلال وقتهم ..

نصيحتي ليك: سيبك من المظاهر الاجتماعية الفارغة بتاعت إن ابني لازم يمسك أحسن موبايل عشان ميبقاش شكله وحش أو محرج أو يحس إنه محروم أو أقل من حد وهو شايف أصحابه وولاد خالته وولاد عمته ماسكين موبايلات .. تؤ تؤ تؤ .. ارمي كل ده ورا ضهرك .. وربي ابنك صح .. حافظ عليه بدل ما يضيع منك، وساعتها مش هتعرف تلاقيه تاني ..

حافظ على ابنك .. وحط أمر النبي - صلى الله عليه وسلم - بين عنيك:

"كلُّكم راعٍ ومسؤولٌ عن رعِيَّتِه"

24/04/2023

يا بُنيّ: كلنا بنغلط وأنا عايزك ما تسقطش بسبب الغلط، اتعلم منه ومتكرروش، وإن كررته اتعلم تاني وتالت لغاية ما تفوق من اللي انت فيه!

يا بُنيّ: كنت بأقوم وأقع، وأقوم تاني وأقع، المهم إني عايز أقوم، وبعد فترة هتلاقي نفسك قايم ومكمل وناجح، المهم أوعى تستسلم!

الخلاصة: توجيهك لابنك بيوفر عليك وعليه سنوات، وسكوتك أو شتيمتك ليه أو تقليلك منه مش مفيد، بل يُسقطه ويدفعه للمزيد من الغلط والمزيد من الإحباط!

22/03/2023

كل عام وانتم بخير
مواعيد رمضان
٠١٠٠٠٤٥٣٣٠٩

08/10/2022

في اكتوبر الحالي الدكتور ايمن النمس متواجد يومي الاتنين والجمعه
وباقي الايام مع دكتور احمد اغا

08/07/2022

كل سنة وانتم جميعا بخير
ربنا يسعدكم في الدنيا والآخرة

03/07/2022

❇️ معظمنا بيعاني من قاعدة الأطفال بالليل والنهار علي الموبايل وبيجي في بالنا شوية أسئلة .......

"" "" "" "" "" "" "" "" "" "
▪️هل دا هيأثر علي دماغهم ⁉️
▪️ هل هيأثر علي علاقتهم بينا كأب وأم وعلاقتهم بباقي الناس⁉️
▪️هل دا سبب في إن ابني اتأخر في الكلام ⁉️

ايوه‼️

"" "" "" "" "" "" "" "" "" "
⬅️ الموبايل دا ليه تأثير خطير جداً علي صحة طفلك سواء جسدياً أو نفسياً.

⏺️ تعرفي إن الموبايل دا سبب يخلي طفلك يبقي عنده توحد ⁉️
⏺️ كمان هيبقي عنده صعوبة في التعلم وقلة الحركة والنشاط ،ودا هيأثر علي الطفل وممكن يصيبه بسمنة مفرطة.
⏺️ غير ضعف البصر ،وقلة التركيز.
⏺️ مشاكل في الذاكرة والعصبية الزائدة .

"" "" "" "" "" "" "" "" "" "
نيجي لحتة تأخر الكلام دي طبعاً له تأثير كل ما تزيد ساعات استخدام الطفل للموبايل بين سن "ستة اشهر لـ سنتين " كل ما بيزيد تعرض الطفل للتأخر في الكلام.
"" "" "" "" "" "" "" "" "" "
حــــــــــــــافظـــــــــــــــــــــوا علي أطفالكم ....

✅ قللي ساعات إستخدامه للموبايل والقاعدة قدام الكرتون بتبقي مبسوطة انه مبيزنش بس انتي كدا بتدمري طفلك .
✅ اشتركيله في الأنشطة البدنية هتساعدة في تفريغ طاقته وهتقوي صحته وعقله .

دامت أطفالكم بصحة✨

"" "" "" "" "" "" "" "" ""
العنوان 👇 👇
مركز د// أيمن النمس
مستشفي السلامة
الدور الثالث
نسعد باستفساراتك
علي رسائل البيدج
للحجز لطواريء الأطفال 24س
📞01000453309

28/06/2022

📌 سألناكم البوست اللي فات ابنك اتكلم امتي؟

📌 النهاردة هتعرفي مع دكتور أيمن السن الطبيعي للكلام عند الأطفال. ✨

❇️ يعتبر متوسط العمر اللي بينطق فيه الأطفال بالكلمة الأولي لهم بشكل واضح عادة في "الشهر الثاني عشر" .

❇️ يبدأ الطفل في السن ده بنطق جمل مكونة من كلمتين، وطبعاً فيه فروقات في وقت النطق بين طفل والثاني.

❇️ يمكن أن يبدأ اطفال بالنطق بالكلمات قبل اطفال بنفس العمر ولكنهم بيتعثروا في بعض الكلمات لشهور ويسبقهم الأطفال اللي كانوا متأخرين في النطق.

🔴 علشان كده متقلقيش وبلاش المقارنة بين الأطفال..... كل طفل هيتكلم لما يكون جاهز للكلام.

------------
العنوان 👇 👇
مركز د// أيمن النمس
مستشفي السلامة
الدور الثالث
نسعد باستفساراتك
علي رسائل البيدج
للحجز لطواريء الأطفال 24س
📞01000453309

26/06/2022

📌 ابنك اتكلم امتي؟
وإيه أول حاجة قالها ماما ولا بابا؟
📌 شاركينا بتتصرفي إزاي في المواقف دي وإستنينا البوست الجاي هقولك التصرف الصيحيح ✨
------------
العنوان 👇 👇
مركز د// أيمن النمس
مستشفي السلامة
الدور الثالث
نسعد باستفساراتك
علي رسائل البيدج
للحجز لطواريء الأطفال 24س
📞01000453309

مركز د/ أيمن النمس لطب الأطفال

31/05/2024

29/05/2024

08/03/2024

29/10/2023

22/07/2023

24/04/2023

22/03/2023

08/10/2022

08/07/2022

03/07/2022

28/06/2022

26/06/2022

Address

Website

Alerts

Shortcuts

Share

Category