د. عامر ابراهيم - جراحة الصدر

16/02/2026

كل عام وانتم بخير - رمضان مبارك 😍

16/01/2026

ألم الصدر… أسبابه كتير ومش كلها بسيطة

ألم الصدر ممكن يكون له أسباب مختلفة، بعضها خطير ويحتاج تدخل سريع:

أسباب شائعة:
• قلبية: ذبحة صدرية أو جلطة قلبية.
• رئوية: جلطة رئوية، التهاب رئة، أو استرواح الصدر.
• هضمية: ارتجاع المريء، تشنج/تمزق المريء، قرحة.
• عضلية: شدّ عضلي أو التهاب غضاريف الصدر.
• نفسية: قلق ونوبات هلع.
• أخرى: الحزام الناري، أنيميا شديدة.

مهم: لو الألم مفاجئ أو مع ضيق نفس، عرق، دوخة أو إغماء—لا تتأخر وراجع طبيب فورًا.

11/01/2026

09/01/2026

متى نحتاج إلى استئصال الغدة الزعترية (التيموس)؟

الغدة الزعترية جزء من جهاز المناعة، ومكانها خلف عظمة القص في الصدر.
عادةً بتصغر مع العمر، لكن في حالات معينة بيكون استئصالها ضروري.

أهم الحالات اللي تحتاج جراحة:

▪️ الوهن العضلي الوبيل
مرض مناعي يسبب ضعف في العضلات، تدلي الجفون، وصعوبة في البلع أو التنفس.
استئصال الغدة ممكن يحسّن الأعراض بشكل واضح عند عدد كبير من المرضى.

▪️ أورام الغدة الزعترية
• الثايموما: غالبًا ورم حميد، لكن ممكن يضغط على القلب أو الرئتين، وبالتالي يحتاج استئصال.
• الأورام الخبيثة: تحتاج جراحة وغالبًا علاج تكميلي مثل العلاج الكيماوي أو الإشعاعي.

▪️ تضخم الغدة الزعترية
في بعض الحالات تضخم الغدة يسبب ضيق تنفس أو ضغط على الأوعية الدموية، وساعتها يكون الحل هو الجراحة.

طرق استئصال الغدة:

▪️ جراحة مفتوحة عن طريق عظمة القص
▪️ جراحة بالمنظار من فتحات صغيرة في الصدر (ألم أقل وتعافي أسرع)
▪️ جراحة روبوتية (دقة أعلى لكنها غير متاحة حاليًا في مصر)

بعد الجراحة:

▪️ فترة التعافي غالبًا من أسبوع إلى شهر حسب نوع الجراحة
▪️ ممكن يحصل ألم بسيط أو ضيق تنفس مؤقت وبيتحسن مع الوقت
▪️ المتابعة المنتظمة مهمة جدًا خاصة في حالات الأورام

لو عندك أعراض أو تشخيص مرتبط بالغدة الزعترية، التقييم المبكر بيصنع فرق كبير في العلاج.

07/01/2026

كيفية تجنّب حوادث السيارات والمرور
سلامتك تبدأ بقرار بسيط منك:

✔️ اربط حزام الأمان
✔️ ما تستخدمش الموبايل وانت سايق
✔️ التزم بالسرعة المقررة
✔️ سيب مسافة أمان بينك وبين العربية اللي قدامك
✔️ ما تسوقش وانت تعبان أو نعسان
✔️ تجنّب السواقة تحت تأثير اي أدوية مهدئة
✔️ راجع فرامل وكاوتش ونور العربية باستمرار
✔️ التزم بالإشارات وقواعد المرور

افتكر دايمًا: السرعة لحظة… والندم عمر.
سوق على مهلك… عشان توصل بسلام.
د عامر ابراهيم

07/01/2026

🫁 أشهر أعراض الصدر

لو حسّيت بأي من الأعراض دي، ما تستهونش بيها:

▪️ ضيق نفس
▪️ كحة مستمرة
▪️ بلغم (خصوصًا لو لونه متغير)
▪️ كحة بدم
▪️ ألم في الصدر
▪️ صفير أو أزيز في النفس
▪️ إحساس بثِقل أو ضغط على الصدر
▪️ تعب سريع مع أقل مجهود

⚠️ امتى تروح للدكتور فورًا؟
❗ ألم شديد في الصدر
❗ ضيق نفس مفاجئ
❗ كحة بدم
❗ زرقة في الشفايف أو الأطراف

🩺 صحتك أهم… الكشف بدري بيفرق.

07/01/2026

توقف الآن

30/12/2025

كل عام وانتم بخير
بمناسبة العام الجديد 2026

27/12/2025

إعرف طبيبك

26/12/2025

نواع ارتشاح البلورا (Pleural Effusion) – ببساطة 👇

ارتشاح البلورا يعني وجود سائل حوالين الرئة، وده ممكن يسبب كحة، نهجان، أو وجع في الصدر.
الأنواع بتختلف حسب سبب السائل:

1️⃣ Transudative Effusion
بيحصل غالبًا بسبب مشاكل عامة في الجسم، مش في الرئة نفسها، زي:
• هبوط القلب
• تليف الكبد
• الفشل الكلوي
السائل هنا بيبقى خفيف ومفيهوش التهابات.

2️⃣ Exudative Effusion
وده أخطر شوية، وبيكون سببه مشكلة مباشرة في الصدر أو الرئة، زي:
• الالتهاب الرئوي
• الدرن
• الأورام
• الجلطات الرئوية
السائل بيبقى تقيل وغني بالبروتين وخلايا التهابية.

3️⃣ Empyema
وده صديد حوالين الرئة
غالبًا بييجي بعد التهاب رئوي شديد
وحالته طارئة وبيحتاج تدخل سريع.

4️⃣ Hemothorax
يعني دم في البلورا
بيحصل بعد حادثة، إصابة، أو جراحة صدر.

5️⃣ Chylothorax
سائل لبني الشكل
سببه إصابة أو انسداد في القناة الليمفاوية
ونادر نسبيًا.

📌 التشخيص مش بالأشعة بس
تحليل السائل هو الأساس لمعرفة النوع والعلاج الصح.

لو حابب تعرف أكتر أو عندك أعراض مستمرة، الكشف بدري بيفرق كتير.

22/12/2025

https://www.facebook.com/share/p/177zSjZgyG/?mibextid=wwXIfr

تٌقدم عيادة جراحة الصدر بمستشفى السلامة العديد من الخدمات والجراحات الطبية المتخصصة
ومن أهم هذه الجراحات:
▪️ جراحات تقشير الغشاء البلوري
▪️ جراحات زيادة تعرق اليدين بالمنظار
▪️ جراحات الغدة الثيموسية
▪️ جراحات الغدد الليمفاوية بالصدر
▪️ جراحات اورام الرئة
▪️ جراحات خراج الرئة واكياس الهواء
▪️ جراحات الحجاب الحاجز
▪️ جراحات القفص الصدري
▪️ مناظير الشعب الهوائية

كما تعلن عن التعامل مع حوادث واصابات وطوارئ جراحات الصدر علي مدار الساعة كحالات الانسكاب البلورى والتجمع الدموي و التجمع الهوائي بالصدر

💥الدكتور / عامر إبراهيم💥
إستشاري جراحات ومناظير الصدر
عضو كلية الجراحين الملكية ( إنجلترا )



-----------------------------------------------------------------------------
شرفنا في العنوان📍 : سيدي سالم - التفتيش - بجوار مدرسة الثانوية بنات - أمام نادى المعلمين
https://maps.app.goo.gl/paTt9pUAEYaEug7F9
أو كلمنا علي :
رقم الواتس 📲 (للإقتراحات والشكاوي):
https://wa.me/201090951617
رقم العيادات 📱 :
01050350886
01090069898
أرقام مستشفى السلامة ☎️
01050350883
0472404050
0472404080