د محمد ابراهيم عبد المقصود

د محمد ابراهيم عبد المقصود خريج كلية الطب جامعة الاسكندرية عام 2005- حاصل على ماجيستير الأمراض الباطنية جامعة عين شمس -

استشاري الغدد الصماء والسكري والأمراض الباطنية
أقدّم رعاية طبية مبنية على الأدلة، تركّز على تمكين المريض وتغيير نمط الحياة بشكل واقعي ومستدام.
مهتم بتثقيف مرضى السكري النوع الأول، وعلاج السمنة، وتبسيط الطب للناس.

04/03/2026

حد قالك قبل كده
إن الشيخوخة مش مرض؟

القرآن وصفها بكلمة واحدة:

نُنَكِّسْهُ

يعني الاتجاه يتقلب.

بعد ما الجسم كان بيبني…
يبدأ يقلّ.

مش عشانك ضعفت.
لكن لأن ده قانون الحياة.

الحلقة الثالثة من شفاء ورحمة

02/03/2026

لو عايزة تخسي فعلا
لازم تصارحي نفسك الأول
هو ايه اللى مبوظلك الدنيا؟
قبل ما تلومى الهرمونات والحرق اللى مش شغال
اقعدى مع نفسك واسأليها فى جلسة مصارحة مرة واحدة
هل فعلا بتاكلى بشكل صحى؟
هل فعلا بتبقى جعانة وانتى قايمة تاكلى والا ده جوع علشان زهقانة ومضغوطة
والا علشان متعودة تاكلى وانتى بتعملى كذا او كذا
طيب جربتى تاكلى صح فعلا وبرضة جعانة
جلسة المصارحة دى هى البداية الحقيقية ليكى قبل ما تبدأى أى نظام

02/03/2026

أجمل أخبار اليوم
أنك استيقظت من نومك معافاً فى بدنك وأهلك وستبدأ فى المحاولة مرة أخرى

01/03/2026

-يا دكتور بيتنمروا عليا فى البيت وييقولولى يا تخينة.
- مين دول يا ست الكل؟
- عيالى.
- لا يا ستي دول بيهزروا معاكى بس.
- لا بجد ده يا دكتور الموضوع ده مضايقنى جدااا.
- طيب خلاص ها نخس إن شاء الله بس قولى لباباهم يخليهم ما يعملوش كدة.
- ما هو كمان بيتنمر عليا يا دكتور.
- لا لا ما يصحش قولى لاخواتك يكلموه المفروض يدعمك مش يتنمر عليكى.
- اخواتى كمان بيتنمروا عليا يا دكتور.
- لا حول ولا قوة الا بالله طيب خلاص انتى بقى ها تخسي وها تخليهم كلهم يبطلوا تنمر.
- بس انا عملت ريجيم ييجى عشر مرات وعملت تكميم وبارجع ازيد تانى يا دكتور .
- لا بس المرة دى مختلفة وها تلتزمى إن شاء الله .
- لا يا دكتور مفيش فايدة.
- طيب انتى عايزة ايه؟
- عايزاهم ما يتنمروش عليا يا دكتور 🥲
( فضفضة مريضة مصرية )

01/03/2026

تصبح الحياه أفضل عندما لا يعلم أحد عنك شيئاً قبل أن تنتج
( اصمت الى أن تنتج)

01/03/2026

البشر خُلقوا ليبتكروا ويصنعوا ولذلك يزيد الاكتئاب كلما تحولت الى مستهلك
مستهلك وحسب

01/03/2026

يعنى فى رمضان وعايزنا ما نشربش عصير يا دكتووور

في رمضان فجأة تلاقي إعلانات العصاير والمشروبات الغازية عاملة زحمة أكتر من زحمة قبل الأذان بخمس دقايق.

الموضوع مش صدفة.

هم مش بيبيعوا “انتعاش”…
هم بيبيعوا لك إحساس لحظي بالترطيب، وبعده بساعات بيبدأ العطش الحقيقي.

خلينا نتكلم علم شوية:

السكر لما يدخل الجسم بكميات كبيرة، يرفع سكر الدم بسرعة.
الكُلى تبتدي تشتغل أكتر علشان تتخلص من الزيادة.
النتيجة؟ فقد سوائل أكتر.
يعني ببساطة: شربت سكر كتير ، تبولت أكتر ، فقدت مية أكتر ، عطش بدري تاني يوم.

وده غير إن المشروبات المحلاة في السحور بتعمل قفزة إنسولين، وبعدها ساعات يحصل هبوط نسبي يخليك تصحى مرهق، ناشف، ومش فاهم إيه اللي حصل.

السؤال المهم:
إحنا عايزين نرتوي… ولا عايزين طعم حلو وخلاص؟

في بلانس، إحنا بنفكر لقدام.
إحنا بنحسبها صح.

أفضل مشروب يرويك 12–14 ساعة صيام؟

مياه كفاية + رشة أملاح بسيطة لو محتاج
مش عصير السوبيا والتمر هندى
مش عصير مانجا
مش مشروب غازي “خفيف”

المعادلة بسيطة جدًا:
الترطيب الحقيقي = ماء + توازن أملاح
مش ماء + سكر

ولو حد لسه مقتنع إن العصير “بيفك العطش”… جرب تبعد عنه 3 أيام في السحور وشوف الفرق في إحساسك في الضهر.

رمضان مش شهر سكر.
رمضان فرصة نعيد ضبط جسمنا.

اختار اللي يخدمك بكرة… مش اللي يعجبك دلوقتي.

01/03/2026

معدى على السوبر ماركت أجيب البيض والخل - اوامر الحكومة - لقيته هناك بيقولى يا دكتور كويس أنى لقيتك الزوايد الجلدية اللى رقبتى دى والكرش ده بيقولولى مقاومة انسولين - ده صحيح
- اه صحيح .
- طيب شكرا يا دكتور وقام واخد ال ٢ لتر بيبسي بتوع السحور وماشى
( حدث بالفعل)

بتاكل قليل ومش بتخس؟خلّينا نوضح الموضوع ده بشكل صح… لأن اللي حاصل على السوشيال ميديا عامل دوشة أكتر من الحقيقة نفسها.في...
28/02/2026

بتاكل قليل ومش بتخس؟
خلّينا نوضح الموضوع ده بشكل صح… لأن اللي حاصل على السوشيال ميديا عامل دوشة أكتر من الحقيقة نفسها.

في فرق كبير بين “استخدام طبي ممنهج” لأدوية السمنة والسكري… وبين “هوس اعلامي” هدفه رقم على الميزان وخلاص.
الطب هنا له دور مهم و مش بيبيع وهم…
الطب بيحل مشكلة فسيولوجية حقيقية عند ناس كتير.

تخيل معايا كدة:
عندك عربيتين شبه بعض 100%… الاتنين نفس الموتور ونفس البنزين.
بس واحدة بتحاول تتحرك وفرامل اليد مرفوعة!
الفرامل دي اسمها: هرمونات ملخبطة + مقاومة إنسولين عالية + إشارات جوع وشبع بايظة.

وده بالظبط نوعية الناس اللي تقولك: “والله باكل قليل ومش بخس”
ومش بيبقوا بيتهربوا… هما حرفيًا بيتحركوا ضد فرامل مشدودة.

هنا بقى دور الدواء:
مش “سحر”… هو بيشتغل كأنه بينزّل فرامل اليد، عشان اللي أنت بتعمله في الأكل والحركة يبدأ يبان له نتيجة.

مين اللي عادةً يبقى الدوا ده بالنسبة له حل رائع؟ (بشكل طبي مش بالمزاج)

1. مؤشر كتلة الجسم 30 أو أكتر
2. أو 27 وأكتر… ومعاه مشاكل مصاحبة زي: سكر، ضغط، دهون، كبد دهني، توقف تنفس أثناء النوم… إلخ

طيب الفايدة مش بس “خسسان وخلاص”
– تحسين السكر: نزول السكر التراكمي لدرجة أحيانًا تسمح بتقليل جرعات الأنسولين… وأحيانًا إيقافه حسب الحالة والمتابعة
– حماية القلب والكُلى: تقليل مخاطر قلبية وإبطاء تدهور وظائف الكُلى عند الفئات المناسبة
– في تكيس المبايض: تحسين مقاومة الإنسولين، وتحسين التبويض عند بعض الحالات

بس خد بالك من سطر مهم جدًا للبنات:
لو في تخطيط لحمل… الدواء لازم يتوقف قبلها بمدة كافية وبإشراف طبي. ماينفعش “نجرب ونشوف”.

طيب… فين الغلطة اللي بتبوّظ كل حاجة؟
إن حد ياخد الدواء لوحده… من غير خطة تغذية وتمارين.
ساعتها أنت ممكن تخس بسرعة… بس تخس “عضل” كمان.

والعضل ده مش شكل بس… ده موتور الحرق.
لو فقدته: معدل الحرق ينزل… وبعد ما توقف العلاج، رجوع الوزن وده اللي بنسميه ( ريجيم اليويو) يبقى شبه مضمون.

عشان كده البروتوكول اللى بنشتغل بيه فى “Balance 90” مهم:
– بروتين كفاية يوميًا (مش رفاهية)
– مقاومة/أوزان حتى لو بسيطة (عشان نحمي العضل)
– إدارة الأعراض الجانبية بالأكل وتقسيم الوجبات ومتابعة طبيب + أخصائي تغذية
– خطة واضحة قبل ما نبدأ… وخطة أوضح قبل ما نوقف

( مئات الأشخاص معانا قدروا يوصلوا لأهدافهم فى خلال 90 يوم بس )

الخلاصة اللي بجد:
الدواء مش بديل عن أسلوب الحياة… هو “مفتاح” يفتح الباب للناس اللي الباب مقفول عليهم هرمونيًا.
لكن اللي يمشي من غير توجيه… ممكن يخسر عضلاته في الطريق ويفتكر إنه كسب.

لو تحب تنضم لينا وتبدأ رحلتك اكتبلي:
سن/طول/وزن + هل في سكر/ضغط/دهون/كبد دهني + هل في تكيس/تخطيط حمل
وأقولك بشكل مبدئي: أنت/أنتِ داخل ضمن الناس اللى ممكن تستفيد معانا والا لا وهل ينفع معاك او معاكى الحقن ولا لأ…

سنين عدت وأنت مش موجود ويظل السؤالكنت بتعملها ازاى؟ازاى كنت قادر تجمع حب الناس حواليك بالشكل دهانا وأخواتى عايشين فى ظل ...
27/02/2026

سنين عدت وأنت مش موجود
ويظل السؤال
كنت بتعملها ازاى؟
ازاى كنت قادر تجمع حب الناس حواليك بالشكل ده
انا وأخواتى عايشين فى ظل محبة الناس ليك اللى لسة باقية لينا لحد اللحظة
لما حد بيفتكرك ويذكرك بالخير رقبتى بتطول السما وبحس بفخر ما بعده الا الغرور انى كان ليا أب زيك
( ابراهيم عبد المقصود)
ربنا يرحمك ويغفر لك يا حبيبى ويجمعنا بيك فى جنة الرحمن

الصراحة عمرها ما كانت الوقاحة والتقليل من الشخصالصراحة لازمة لكن تكون محترمة ومحددة.مش بتدوس على كرامة حد، ولا بتقلّل من...
27/02/2026

الصراحة عمرها ما كانت الوقاحة والتقليل من الشخص
الصراحة لازمة لكن تكون محترمة ومحددة.
مش بتدوس على كرامة حد، ولا بتقلّل منه.
لأنك لما تكسّر الشخص… غالبًا بتخسر الرسالة.
الفكرة مش إننا نزوّق الكلام.
الفكرة إننا نوصل نفس الرسالة… من غير ما نجرح الشخص اللي قدامنا.
بدل “أه” اللى بترد بيها على سؤال
خليها “أيوة”
بدل “وحش”
خليها “مش حلو”
بدل “لا”
خليها “صعب بالنسبة ليا”
بدل “إنت ما بتفهمش / إنت ما تعرفش” بالأخص لما بتتكلم مع صاحب صنعة بيكسب منها عيشه
خليها “إنت كويس… بس ده ما يناسبنيش”
بدل “إنت غلطان”
خليها “ممكن نشوفها من زاوية تانية؟”
بدل “مش فاضي”
خليها “وقتي الأيام دي مضغوط… نحدد وقت أنسب”
بدل “إنت فاشل”
خليها “حاول مرة تانية… واضح إنك بتتعلم، بس محتاج خطوة مختلفة.”
بدل “إنت تخين أوي”
خليها “إنت مش واخد بالك من صحتك زي الأول….”
بدل “درجاتك زي الزفت / تقييمك هباب”
خليها “ما تيجي نشوف إيه اللي شاغلك اليومين دول… لأن مستواك الطبيعي أعلى.”
بدل “الموضوع ده ما ينفعش غير كده”
خليها “إنت قلتلي قبل كده إن فيه حلول تانية… ما تيجي نفكر فيها سوا.”

جرّب تغيّر جملة واحدة بس النهارده… وشوف فرق رد الفعل.
رمضان كريم

26/02/2026

عارف أسوأ كذبة بنعملها لنفسنا؟
“أنا كويس… بس شوية ضغط.”
والحقيقة إن “شوية الضغط” دول بيبقوا زرار بيشغّل جسمك على وضع الطوارئ.

الضغط النفسي مش إحساس بس… ده حالة فسيولوجية:
نومك يتلخبط، أكلك يبقى عشوائي، أعصابك منهارة، وتركيزك يقع… وبعدها تستغرب: “هو أنا مالي؟”

في فيديو الحلقة دي، بنتكلم عن الفكرة من الآخر:
إزاي تفرّق بين ضغط طبيعي وضغط بيأكلك من جوّه…
وإزاي تتعامل معاه عمليًا قبل ما يبان في جسمك.

لو حاسس إنك “مشدود” طول الوقت… الفيديو ده ليك.
اكتبلي في كومنت: أكتر حاجة بتضغطك الفترة دي؟

Address

مستشفى السلامة/سيدى سالم/كفر الشيخ
Sidi Salim

Telephone

+201142133307

Website

Alerts

Be the first to know and let us send you an email when د محمد ابراهيم عبد المقصود posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د محمد ابراهيم عبد المقصود:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category