عيادة الدكتور عبدالكريم باهي حمزاوي لطب الأطفال وحديثي الولادة

13/11/2025

📎الخدمات المقدمة في عيادة الدكتور عبد الكريم باهي..
يوجد لدينا
✅ جهاز قياس نسبة الأكسجين في الدم ومعدل ضربات القلب
✅ جهاز تشفيط للأطفال وحديثي الولادة
✅ جهاز بخار لجلسات البخار الطارئة
✅ ميزان قياس الوزن للأطفال وميزان لحديثي الولادة

👈 يتم قياس الطول والوزن مجاناً مع الكشف.
👈 متابعة التغذية والوزن و معدلات النمو الطبيعية.
👈يتم متابعة وعلاج حالات الصفراء لحديثي الولادة
👈 علاج النزلات المعوية والجفاف عند الأطفال.
👈 علاج حالات الصدرية والحساسية وصعوبة التنفس.
👈 علاج حميات الأطفال.

دكتور/ عبد الكريم باهي حمزاوي
أخصائي طب الأطفال وحديثي الولادة والعناية المركزة بمستشفى سوهاج العام و مستشفى أبو الريش
ماجستير طب الأطفال وحديثي الولادة والمبتسرين جامعة القاهرة - القصر العيني

📞 للحجز تواصل معانا على الرقم التالي
01014852085

العنوان :
سوهاج جزيرة شندويل - أمام الكوبري القبلي - اعلي مخبوزات قاصد كريم عمارة العمدة أشرف عمر الشويخ

11/11/2025

في الجو المتقلب نلبّس ولادنا طبقات خفيفة قطنية، ونزود
أو نقلل حسب حرارة اليوم 🌡️ عشان نمنع جسمهم يسخن أو يعرق خلال اليوم ✅
👈لو جسم الطفل عرق أو سخن = نزلة برد فوراً⛔️⛔️

08/11/2025

⛔️ مع انتشار نسبة الإصابة بالسكر في الأطفال دايما بكرر إن الحفاظ على صحة الطفل وحمايته بيبدأ من السنين الأولى.

السكر الزايد بيأثر على تركيز الطفل، نومه، ومناعته، وبيخليه يتعب أسرع.
👈جربي تقللي السكر بالتدريج — قللي العصاير الجاهزة، قللي البسكوت والحلويات 🍭
واختاري له سناك طبيعي زي الفواكه أو الزبادي بالعسل 🍎🥣

✅ كل معلقة سكر أقل… هي خطوة لطفل أهدى، أنشط،
وأصحّ ❤

📞 للحجز تواصل معانا على الرقم التالي
01014852085
العنوان :
سوهاج- جزيرة شندويل أمام الكوبري القبلي - أعلى
مخبوزات قاصد كريم.

كما يمكنك الوصول بسهولة من خلال لوكيشن العيادة على خرائط جوجل من خلال الرابط الموضح في بالأسفل 👇

Pediatric clinic

05/11/2025

" أمهات كتير بتسأل.. إزاي أقوّي مناعة ابني من غير أدوية؟ 💉💊
الموضوع بسيط جدًا!

✅ ابدئي بالأكل الصح 🥦 خضار وفاكهة يوميًا، وبروتين
كويس زي البيض والفراخ والسمك.

✅ خليه يشرب مياه كفاية 💧 وينام بدري 😴 لأن النوم
بيقوّي المناعة أكتر مما تتخيلي.
👈الطفل اللي بينام كويس جسمه بيجدد خلاياه وبيكوّن
أجسام مضادة بشكل أفضل

✅ التعرض للشمس☀️ كمان مهم عشان الجسم ينتج فيتامين D.

✅ وأهم خطوة هي النظافة الشخصية 🧼 علميه يغسل إيده دايمًا ويهتم بنظافته.

المناعة القوية بتبدأ من البيت ❤️

شاركي البوست وعرفي كل أم إزاي تحافظ على صحة طفلها 👩‍👩‍👧‍👦✨

📞 للحجز تواصل معانا على الرقم التالي
01014852085
العنوان :
سوهاج- جزيرة شندويل أمام الكوبري القبلي - أعلى
مخبوزات قاصد كريم.

كما يمكنك الوصول بسهولة من خلال لوكيشن العيادة على خرائط جوجل
https://maps.app.goo.gl/CTAnmFbWFD99FJXF6

03/11/2025

غسيل الأيدي وتعقيم الأسطح للأطفال أساس لصحتهم و حمايتهم من العدوى ✅👌🦠🧼

01/11/2025

👣👶 متلازمة اليد والفم والقدم:

من أكتر أشكال العدوى المنتشرة بين الأطفال الفترة دي خصوصًا مع تغير الجو 🍂

💡 سبب الإصابة بمتلازمة اليد والفم والقدم هو فيروس Coxsackie virus.. بالتالي مش بنلجأ لاستخدام مضاد حيوي وبيتم استخدام أدوية تعالج الأعراض إللي بيعاني منها الطفل حسب درجة الإصابة 🤒
👈 من أشهر أعراض متلازمة اليد والفم والقدم :
🌡️ ارتفاع درجة حرارة الجسم
😣 قرح في الفم
👋 حبوب صغيرة في اليدين والقدمين
🍽️ فقدان الشهية

🚫 متودّيش الطفل الحضانة أو المدرسة لحد ما يخف لأنه معدي جدًا في أول أيام.

واحرصي على اتباع التعليمات التالية عشان نقلل فترة الإصابة:
✅ اغسلي إيدين الطفل دايمًا.
✅ ابعدي عن الأكل الحامضي أو الحار.
✅ السوائل والعصاير الباردة لتقليل الاحتقان بالفم.
✅ الراحة التااااامة للطفل خلال فترة الإصابة.

للحجز والاستفسار تواصل معنا على الرقم التالي.
0101 4852085

عنوان العيادة:
سوهاج - جزيرة شندويل أمام الكوبري القبلي - أعلى مخبوزات قاصد كريم

01/09/2025

🍼 الرضاعة الطبيعية.. البداية الصح لطفلك 🍼

أول 5 شهور من عمر الطفل لازم يكون غذاؤه الأساسي والوحيد هو الرضاعة الطبيعية فقط 💯
(اللبن الطبيعي بيحتوي علي كل العناصر إللي محتاجها الرضيع من ماء وعناصر غذائية فيتامينات ومناعة)
وده مش رفاهية.. ده حقه علشان:

✅ ياخد كل العناصر اللي محتاجها للنمو والمناعة.
✅ يقلل فرص إصابته بالأمراض.
✅ يقوّي الرابط العاطفي بين الأم والطفل.

👩‍⚕️ مهم تعرفي:
• اللبن الصناعي مينفعش يدخل إلا لو في سبب طبي واضح:
🔹 مشكلة صحية عند الطفل ⏪ يحددها دكتور الأطفال.
🔹 مشكلة عند الأم ⏪ يحددها دكتور أمراض
النسا.

• غير كده إدخال الصناعي من غير داعي ممكن يخلي الطفل يرفض الرضاعة الطبيعية بسهولة.

🎯 نصيحة: خلي قرار الرضاعة دايمًا معتمد على رأي طبي متخصص.. وحافظي على صحة طفلك بداية من لبن الأم ❤️.

28/06/2025

عنوان العيادة على خرائط جوجل لوصول اسهل.

شارك تقييمك لخدمات العيادة على جوجل ماب من الرابط التالي:

https://maps.app.goo.gl/CTAnmFbWFD99FJXF6

28/06/2025

✅ أول وأهم حاجه في علاج الاسهال هى تعويض الجسم بمحلول معالجة الجفاف👌

05/06/2025

الله أكبر، الله أكبر، الله أكبر،لا إله إلا الله،
الله أكبر، الله أكبر، ولله الحمد،

الله أكبر كبيرًا، والحمد لله كثيرًا،
وسبحان الله بكرة وأصيلا

كل عام وانتم بخير بمناسبة عيد الأضحى المبارك

16/02/2025

متى يكون التهاب اللوزتين عند الأطفال خطيراً؟ 🤔
تشكل اللوزتين أحد خطوط الدفاع الأولى للجهاز المناعي، عشان بتحمي الجسم من الجراثيم الموجودة في الطعام والهواء واللي ممكن تدخل عن طريق الفم والأنف.

👈يصاب الجسم في أي سن بالتهاب اللوزتين ولكنها شائعة أكتر في الأطفال فوق سن ال٣ سنوات، ويمكن أن يكون الالتهاب فيروسي أو بكتيري وده بنحدده بعد الفحص ومعرفة الأعراض الكاملة اللي بيعاني منها الطفل.

من أشهر أعراض التهاب اللوزتين عند الأطفال :
🟦 ورم في اللوزتين والتهاب الحلق.
🟦 صعوبة في البلع والتنفس.
🟦ارتفاع درجة حرارة الجسم.
🟦 صديد وبقع بيضاء على اللوزتين في حالة الالتهاب البكتيري.
🟦ألم في الأذن.
🟦رائحة الفم الكريهة.
🟦ضعف الشهية وعدم الإقبال على الأكل.

🚫 في حالة التهاب اللوز الناتج عن عدوى بكتيرية بيتم وصف مضاد حيوي وده بيساعد بيكون جزء أساسي من العلاج.. عشان كده بننبه بضرورة الالتزام بجرعة المضاد الحيوي كااااملة زي ما تم وصفها ومش بنوقفها حتى لو الأعراض بدأت تخف 🧐🚫

بعد تحديد العلاج المناسب للطفل ضروري نهتم ببعض النصائح اللي بتساعد على تخفيف الأعراض بشكل أسرع من أهم النصائح دي:
⬅️الراحة التامة للطفل وضرورة حصوله على ساعات النوم الكافيه.
⬅️شرب السوائل الدافئة باستمرار.
⬅️تجنب الطعام المالح والحار، بنفضل أكتر الطعام اللين لتسهيل البلع.
⬅️ مضمضة بمحلول ملحي، لو كان سن الطفل مناسب للمضمضة.

⛔ في حالة تكرار التهاب اللوز أكتر من ٧ مرات في السنة الواحدة أو ٥ مرات في السنة على مدار سنتين متاليتين بيتم استئصال اللوزتين لأن في الحالة دي اللوز بتضر الجسم أكتر ما بتنفعه 🤕.

عشان تعرفي معلومات أكتر عن الأمراض الشائعة في الأطفال وكيفية التعامل معها، تابعينا باستمرار على صفحة عيادة الدكتور عبد الكريم باهي حمزاوي .. وللحجز بيتم التواصل على الأرقام الخاصة بالعيادة 🌹 🍃

04/02/2025

كيف أعرف أن طفلي مصاب بحساسية الألبان؟

انتشرت حساسية الألبان بشكل كبير بين الأطفال في الفترة الأخيرة وبحسب آخر الدراسات يصاب ١ من كل ٥٠ طفل بحساسية الألبان في من هم أقل من ٣ سنوات.

حساسية الألبان من أكتر المشاكل اللي بتؤرق الأمهات خصوصا أن الأعراض بتبقي متداخلة وبيصاحبها نوبات بكاء مستمرة للطفل دون وجود سبب واضح. 😢

في البداية خليني أوضح ايه هي حساسية الألبان؟ وليه بتأثر على الطفل بأشكال متعددة بتختلف من طفل لآخر؟
حساسية الألبان هي عبارة عن ردود فعل مناعية بيقوم بيها جسم الطفل نتيجة تحسسه من مادة معينة في اللبن الصناعي اللي بياخده الطفل في حالة الرضاعة الصناعية أو أكل معين بتاكله الأم في حالة الرضاعة الطبيعية.

بيختلف تعامل الجهاز المناعي للطفل تجاه المواد دي فبتبدأ الأعراض تظهر بأشكال مختلفة من أشهرها:
◾طفح جلدي وده بيكون في مناطق معينه زي تحت الإبطين أو منطقة الحفاض أو البطن، وأوقات بيشمل مناطق أكتر للاسف 😥
◾تورم الشفتين واللسان وسقف الحلق.
◾ صعوبة في التنفس، سيلان أو احتقان الأنف.
◾مغص متكرر بعد الرضاعة، وانتفاخ البطن، وإسهال.
◾غثيان وقيء.

بعد فحص الطفل بشكل كامل والسؤال عن تاريخ المرض والأعراض المتكررة معاه، بيتم تحويل الطفل لعمل بعض التحاليل اللي هتبين كمية الأجسام المضادة اللي بتتكون نتيجة تعرض الطفل للمواد التحسسية👌

في النهاية نطمن الأمهات إن حساسية الألبان مش مستمرة معانا طول عمر الطفل، لأن الأعراض بتبدأ تختفي تدريجياً في الفترة بين ال٣ إلى ال٥ سنوات 👏

تابعينا بشكل مستمر على صفحة عيادة الدكتور عبد الكريم باهي حمزاوي🌹