معلومه × كبسوله

معلومه × كبسوله بيدج طبيه هدفها إفادة أكبر عدد م الناس بمعلومات مبسطه عن معظم الامراض الموجوده ف حياتنا وكيفية التعامل معاها وعلاجها بإذن الله

02/02/2020

هنتكلم النهارده عن #الحساسيه وانواعها👇👇
بس هيا ايه الحساسيه اصلا!؟
الحساسيه بتكون عباره ع م جهازنا المناعي نتيجة لوجود جسم غريب داخل الجسم زي مثلا التراب ، حبيبات اللقاح ، بعض انوع الأكل زي القمح والجوز والبندق السمك واللبن والبيض ، او سم حشره نتيجة لسع او لدغ ...الخ
ف الجسم هنا بيبدأ يفرز نوع معين م البروتينات عباره ع اجسام مضاده للاجسام الغريبه اللي دخلت واللي بتبدأ تتعامل معاها لما الجسم يتعرض للمواد دي تاني مره ونتيجة لذلك بيتم افراز #الهيستامين اللي بيسبب ظهور اعراض الحساسيه✋
*وأعراض الحساسيه دي #بتختلف باختلاف نوع الحساسيه نفسها وكمان الشخص المصاب بالاضافه الى انها بتظهر ف اماكن مختلفه م الجسم زي الجيوب الانفيه ، الجلد ، الجهاز التنفسي ، الجهاز الهضمي...الخ

**خلينا بقا نتكلم ع انواع الحساسيه..
1-حمى القش او الhay fever او حساسيه الانف واللي بتشبه نزلة البرد ف اعراضها واللي هيا:
-احتقان الانف والحكه -سيلان الانف -تورم العينين والادماع وممكن توصل لالتهاب ف الملتحمه conjunctivitis

2-التهاب الجلد او الاكزيما Eczyma
بيظهر ع شكل: -حكه ف الجلد -احمرار -تقشر الجلد

3-حساسية الأكل food allergy
بتظهر مع انواع معينه م الاكل زي اللي قولناهم فوق وبتكون ع هيئة: -تورم ف الشفتين واللسان الحلق والوجه -احساس تنميل او تقرض ف الفم -ارتكاريا

4-حساسيه ناتجه م لسعات الحشرات زي النحل والدبابير وبتظهر ع شكل: -تورم ف منطقه واسعه حول مكان اللسعه -حكه ف كل الجسم -كحه وانقباضات ف الصدر وضيق تنفس

5-الحساسية الدوائيه
واللي بتظهر نتيجة حساسيه م ماده فعاله معينه زي السلفا والبنيسيلين وغيرهم وبتكون ع شكل:
-حكه او ارتكاريا -طفح جلدي -تورم ف الوجه -غثيان وقيء -مغص واسهال -انخفاض ف ضغط الدم

6-حساسية الحيوانات الأليفه خاصة اللي ليها فرو زي القطط والكلاب وبتظهر ع شكل: -تورم ف اغشية العين والانف وحكه شديده فيهم -ادماع العينين -وجود بلغم او مخاط ف الانف -ضيق تنفس وربو -تهيج واحمرار وانتفاخ ف الجلد خاصة لو الشخص اتخدش م الحيوان او الحيوان لحسه بلسانه

7-Anaphylaxis
ودا اصعب واخطر نوع حساسيه واللي احيانا بيظهر مع حساسية لسعات الحشرات او حساسية الدوا او حتى حساسية الاكل ، والنوع دا بالذات بيحتاج تدخل طبي سريع *امبول ادرينالين او ابينفرين بسرعه لحد ما يوصل مستشفى* لانه ممكن يؤدي للموت لاقدر الله ودا بسبب انه بيأثر ع معظم اعضاء واجهزة الجسم✋
طب ايه اعراض ال anaphylaxis دي!؟👇
-دوخه وممكن توصل لفقدان الوعي -خفقان سريع وضعيف *ضربات القلب بتكون سريعه* -ضيق تنفس -طفح جلدي -غثيان وقيء -انتفاخ ف الحويصلات الهوائيه داخل الرئتين واللي ممكن يؤدي لتوقف التنفس تماما

*طب ازاي #نعالج الحساسيه بشكل عام!؟
1-عملا بمبدأ الوقايه خير م العلاج فاول حاجه هنعملها هيا #البعد ع مصادر الحساسيه اللي قولناها ف الاول (التراب ، حبيبات اللقاح ، بعض انوع الأكل زي القمح والجوز والبندق السمك واللبن والبيض ، او سم حشره نتيجة لسع او لدغ ، وانوع الادويه المعروفه انها بتعمل حساسيه زي البنيسيلين ...الخ)
2-استخدام أدويه لتخفيف اعراض الحساسيه
#يتبع..

31/01/2020

ازيكم يارب تكونوا بخير💜
حابه نغير نظامنا شويه ونخليكم انتو تقترحوا الموضوعات اللي نتكلم عنها ف ايه رأيكم!؟
اللي موافق يسيب كومنت بالموضوع اللي عايز يعرف عنه اي معلومه💜

جمعه مباركه💜
31/01/2020

جمعه مباركه💜

15/01/2020

كنا بدأنا كلام المره اللي فاتت ع وسائل منع الحمل وعرفنا اول نوع اللي هوا وقولنا ان في منها نوعين، اقراص واجهزه واتكلمنا بشكل مفصل ع انواع الاقراص وكيفية استخدامها✌
نيجي بقا للنوع التاني م الوسائل الهرمونيه وهوا الاجهزه اللي بتتركب ف الرحم intrauterine devices زي #اللولب واللي يا اما بيكون #هرموني بيفرز هرموني الاستروجين والبروجستيرون ، او انه يكون #نحاسي ويشتغل كقاتل للحيوانات المنويه اللي هتدخل الرحم
-يفضل جدا استخدام اللولب بعد سن 35 سنه خاصة لو في اي امراض تانيه زي الضغط مع الست دي *لان الاقراص بتتداخل مع انواع كتيره م الادويه فممكن تسبب اي ضرر* ويستحسن تركيب النوع النحاسي✋
ايه بقا باقي وسائل منع الحمل!؟👇👇
2-حقن كل 3 شهور بس دي مش مفضله قوي لانها ممكن تعمل نزيف وتضعف الرحم ، او حقن كل شهر ودي بتكون اكثر أمانا✌
3-implant او زرع كبسوله لمدة سنتين بتفرز الاستروجين والبروجستيرون
4-لبوس مهبلي اسمه -gravida بيشتغل كقاتل للحيوانات المنويه spermicidal
5-في باتشات او لزقه كدا اسمها وبتفرز برضه الاستروجين والبروجستيرون ، الواحده بتغطي اسبوع كامل وبيتم استخدام 3 باتشات لمدة 3 اسابيع واسبوع راحه وبعدها 3 اسابيع تانى وهكذا..
بكدا نكون غطينا كل او معظم وأهم وسائل منع الحمل اتمنى تكونوا استفادتوا💜

13/01/2020

هنتكلم النهارده ع موانع الحمل بس خلينا ف الاول نعرف ازاي بيحصل حمل وبعدين نقول ازاي نمنعه..
المفروض ان البويضه بتطلع م المبيض كل 28 يوم وتقابل الحيوان المنوي ف التلت الاول م قناة فالوب *اللي بتوصل بين الرحم والمبيض* ويحصل #اخصاب ثم تنغمس البويضه المخصبه داخل الرحم ، لكن قبل ما تطلع البويضه م المبيض بتمر بعدة مراحل عشان تتكون وتكون جاهزه للخروج م المبيض والدوره اللي بتحصل دي بتكون تحت تأثير هرمونين مهمين جدا هما ال وال يعني ببساطه لو مفيش الهرمونين دول=مفيش حمل✋
المهم البويضه دي ف الاول خالص بتكون عباره ع حويصله وبتفضل تكبر بمساعده هرمون ال FSH وتتحول لخليه اسمها thica cell اللي بتبدأ تفرز هرمون #الاستروجين *واللي بدوره بيأثر بالسلب ع افراز ال FSH عشان متتكونش بويضه تاني لحد ما تطلع الاولى دي* وبعد كدا ال thica cell دي بتكبر تاني لحد ما تتكون البويضه وجسم اصفر اسمه luteal body بمساعدة هرمون ال LH ، البويضه بتطلع م المبيض وتدخل قناة فالوب والجسم الاصفر بيفضل ويبدأ يفرز هرمون #البروجستيرون اللي بيساعد ف بناء بطانة الرحم وتجهيزه لاستقبال البويضه😊
-موقف البويضه م الاخصاب هيحدد اذا كان هيتم حمل وبالتالي يستمر افراز البروجستيرون ، ولا مش هيحصل اخصاب فيقل الافراز وطتبدأ تتهدم بطانه الرحم وتنزل الدورة الشهريه ف اليوم 28✋
-لنفترض ان حصل #اخصاب ف قناة فالوب والبويضه نزلت واستقرت ف الرحم بكدا هيكون في #حمل ويفضل البروجستيرون يفرز م المبيض بكميات كبيره اول 3 شهور حمل لحد ما تكون المشيمه اتكونت داخل الرحم وتتولى هيا مسئولية افراز هرمون البروجستيرون اللي بيحافظ ع سمك بطانة الرحم المسئول ع حمل الجنين😊

••نرجع بقا لموضوعنا المهم وهوا ازاي اقدر #امنع الحمل!؟
فكرة موانع الحمل هيا اني ادي للجسم هرمونات الحمل (الاستروجين والبروجستيرون) فيحصل زي #تمويه للجسم ويصدق ان في حمل طالما الهرمونات دي موجوده وبالتالي مفيش بويضات جديده هتطلع م المبيضين لان اصلا مفيش FSH,LH اللي تم تثبيط افرازهم بسبب وجود الاستروجين والبروجستيرون✌

طب ايه هيا موانع الحمل وانواعها!؟
الحقيقه هما كتر جدا بس خلينا نبدأ بالاهم
¤أول وأهم نوع ف وسائل منع الحمل هيا ودي في منها نوعين 1-اقراص 2-اجهزه
نبدأ بالوسائل اللي بتتاخد ع طريق الفم:-
في برضه منها نوعين..
1-أقراص ثنائيه تحتوي ع هرموني الاستروجين والبروجستيرون ودا النوع المناسب للستات اللي مش بترضع✋ زي جينيرا® تريوسبت® فيموجيسال® ياسمين® ...
2-أقراص أحاديه تحتوي بروجستيرون فقط ودا النوع الخاص بالامهات اللي بترضع✋ زي ميكرولوت® سيرازيت®...
طب ليه مفيش استروجين هنا!؟ 👈 لان الاستروجين بطبيعته بيأثر بالسلب ع افراز هرمون #البرولاكتين المسئول ع افراز اللبن عشان كدا مينفعش واحده بترضع تاخد اقراص بتحتوي ع استروجين✋
-الاقراص الثنائيه بتتاخد 21 يوم بس ونستنى يومين تنزل فيهم البيريود ، اما الاقراص الاحاديه بتكون 28 يوم وبيتكرر علطول م غير ما تقفي✋

****نقطه مهمه جدا جدا👇👇👇
لو نسيت قرص اعمل ايه!؟
ف الحبايه اللي تتنسي لازم تتعوض وتاخديها وقت ما تفتكري اثناء اليوم ، لكن لو عدى اليوم تاخديها مع حباية اليوم التاني ،
اما بقا لو نسيتي يومين ورا بعض تاخدي حبايه مع بتاعت النهارده وواحده مع بتاعت بكره يعني تاخدي اتنين ف اتنين ع مدار يومين مع حاجه اسمها
وهيا انه ميحصلش ج**ع لمدة اسبوع
ونسيتي قرص ففي هنا نفطتين
-لو ف اول 6 شهور تاخدي الحبايه اول ما تفتكري علطول
-لو بعد كدا تاخديها برضه مع الback up method
••نحاول نثبت معاد القرص ع قد ما نقدر *ف نفس الساعه كل يوم*
هنكمل باقي الوسايل ان شاء الله ف بوست جديد😊

08/01/2020

مكملين ف حالات وامراض الحمل وعلاجها..
**الامساك Constipation👇👇
بيحصل كتير جدا اثناء الحمل بسبب نقص او قلة الحركه الدوديه او حركة المعده والامعاء بسبب ضغط الرحم ع البطن ، وكمان بسبب التغيرات الهرمونيه✋
طب #هنعالج بايه!؟👇
1-لاكتيلوز® شراب ، ملعقتين كبار مساء ودا يعتبر اقوى ملين ،
2-جليسرين® لبوس ، لبوستين مساء ،
3-بيكولاكس® نقط ، 15 نقطه ع نص كوباية ميا ،
التلاته دول بس اللي مسموح بيهم اثناء الحمل✋
4-اقراص الرده bran ، قرصين مساء ومش اكتر م اتنين لانها ممكن تعمل انسداد ف الامعاء ،
5-الحلبه ملين حلو جدا *وكمان بيزود افراز اللبن* ،
6-تزود م الالياف ف أكلها يعني تاكل خضار وفاكهه كتير ،
7-تشرب ميا كتير ، 8 كبايات ف اليوم ،
8-تعمل تمارين بسيطه وتتمشى.

••ممنوع تماما انك تاخدي اي زيوت معدنيه اثناء الحمل زي زيت الخروع والبارافين والحاجات دي ، هيا اه تعتبر ملين رائع بس بتعمل انقباضات قويه ف الرحم ممكن تؤدي لإجهاض لاقدر الله.. فخلينا ف المضمون اللي قولنا عليه فوق✋

**البواسير Haemorrhoids👇👇
بيزيد حدوثها اثناء الحمل نظرا لوجود امساك بشكل كبير وكمان ضغط الرحم ، وللأسف ملهاش حل اثناء الحمل الا الملينات *اللي قولناهم فوق👆* أو ان الست الحامل تقعد ف ميا سخنه كل مساء وتشرب بقا ميا كتير وتاكل خضار وتزود الالياف ف أكلها بشكل عام😊
بكدا نكون غطينا معظم الحالات اللي بتواجه الحامل ، لو حد حابب يسأل ف اي حاجه يتفضل💜

06/01/2020

هنكمل كلامنا ع بعض الامراض وعلاجها اثناء الحمل ومعانا النهارده اصعب مرضين وحتى اخطر عامة مع اي شخص عادي..
**الضغط Hypertension👇👇
بنعتبر الام مريضة ضغط لما يكون ضغطها بعد قياس يومين ورا بعض اكبر م 90/140 وهنا الامر بيكون بسيط بس هيا تحافظ ع نفسها ،
-لو الضغط كان مستمر فوق ال90/140 وكان في كميه بروتين كتيره ف البول عدت ال300 (proteiuria>300) *دا هيظهر ف تحليل البول عشان كدا قولنا ان ضرورى جدا يتعمل تحليل بول ف اول الحمل* المهم ان الليله دي اصعب واخطر م الضغط العادي لانها بتشير لوجود فشل كلوي عشان كدا البروتين نازل بكميات كبيره ف البول وممكن تدخل ف تشنجات لاقدر الله ، الحاله دي معروفه ب 💔
#علاج الضغط ف الحمل دوا واحد بس اسمه ألدوميت® مينفعش ابدا تاخد اي نوع علاج تاني الا تحت أمر دكتور متخصص✋

**سكر الحمل Gestational diabetes👇👇
من بين كل 100 مريض سكر 14% بيجيلهم سكر اثناء الحمل ومن ال14 دول 4% بس السكر هيكمل معاهم بعد الولاده✋
#علاج السكر هنا انسولين® حتى لو الست كانت مريضة سكر م النوع التاني *اللي هوا ف الاساس بيتعالج بانواع تاني غير الانسولين بتكوم برشام مش حقن*
-ف حالات نادرة لو منفعش الانسولين الدكتور بيحول لنوع برشام معين معروف ان هوا بس اللي هعالج بيه اثناء الحمل لو منفعش الانسولين✋
-جرعة الانسولين بتكون ع حسب الوزن✌
-للاسف مضاعفات سكر الحمل كتيره وصعبه عشان كدا كل واحده لازم تخلي بالها وتعمل كل التحاليل اللي قولنا عليها م أول الحمل عشان تحمي نفسها وتحافظ ع طفلها😊
#يتبع..

05/01/2020

هنبدأ نتكلم ع كام حاله وازاي نعالجها ف الحمل..
**الصداع Headache👇👇
ف الغالب بيكون بسبب تغيرات ف الهرمونات
#بنعالج هنا بأي حاجه مادتها الفعاله باراسيتامول زي بنادول® أدول® بارامول® نوڤالدول®...الخ
-لو الالم شديد ممكن حاجه NSAIDs زي كتافلام® كيتوفان® وباقي الاسره الكريمه #دا ف اول 3 شهور حمل بس ، #ممنوع تماماا تاخدي اي حاجه غير الباراسيتامول بعد اول 3 شهور✋

**الغثيان وترجيع الصبح Morning sickeness👇👇
دا بيحصل ف اول فتره ف الحمل بس اللي هما اول 3 شهور
#بنعالج زي ما قولنا ف بوست الترجيع قبل كدا بحقن دانست® زوفران® بريمبران® او اقراص فوميبريك® فوميستوب® او اقراص ناڤيدوكسين® ديزيريست®...الخ
••بننصح الام هنا بانها تاكل قليل بس ع مرات كتيره يعني تحاول متملاش معدتها بالاكل مره واحده ، كمان تخلي جنبها البسكوت المملح دا وتاكل منه قبل ما تقوم م ع السرير *هيظبط معاها الضغط كمان* ، وتبعد ع الاكل السبايسي✋

**حرقان المعده او ارتجاع المريء👇👇
بيحصل غالبا بسبب حجم الرحم اللي بيكبر كل شويه فبيضغط ع المعده
#بنعالج بالظبط زي ما قولنا قبل كدا بس هنبدأ بأأمن حاجه اللي هيا مضادات الحموضه زي مالوكس® ابيكوجيل® وغيرهم
-لو منفعش هندخل ع اللاين اللي بعده وهوا H2 blockers زي فاموتاك® انتودين®...الخ ، او PPIs زي كونترولوك® اوميز® بانتولوك®...الخ وفترة العلاج بتكون اسبوعين بس مع النصايح اللي قولنا عليها برضه✋
••حاجه كمان مهمه جدا 👈 موتيليوم® بيستخدم بحذر جدا اثناء الحمل يعني متاخديهوش م نفسك ابدا الا اذا الدكتور كتبهولك لانه ممكن يأثر ع الجنين ويضره لا قدر الله

••دول لينكات بوستس المعده والارتجاع بصوا عليهم عشان تفتكروا الكلام دا
https://m.facebook.com/story.php?story_fbid=116002793216867&id=102566557893824

https://m.facebook.com/story.php?story_fbid=117953389688474&id=102566557893824
#يتبع..

03/01/2020

موضوع النهارده مهم جدا وخاص بالحوامل✌
هنقول كام معلومه كدا مهمين جدا لازم اي واحده حامل تكون عارفاهم كويس جدا وتعملهم✋
**خلينا ف الاول نقول ايه الحاجات اللي المفروض تتاخد اثناء الحمل👇👇
1- او حمض الفوليك ودا مهم جدا جدا جدا اول 3 شهور لانه بيساعد ف تكوين الجهاز العصبي والاعصاب بتاعت الجنين وبيتاخد قرص قبل الفطار والعشا او ع حسب الحاله وحسب ما يحدد الدكتور اللي حضرتك متابعه معاه✋، وممكن برضه يتاخد بدل الفوليك اسيد.

2- #فيروساك حقن حديد بداية م الشهر السابع او التامن ودول بيكونوا مخزون حديد للطفل مش للام *عشان حتى لو حضرتك معندكش انيميا نقص حديد مهم جدا انك تاخدى الحقن دى لانها للطفل مش ليكي*
طب ليه اصلا الطفل بيكون محتاج حديد ف آخر الحمل!؟
الطفل ف الآخر بيكون الهيموجلوبين بتاعته ف الدم حوالي 18 *الهيموجلوبين دا هوا المكون الاساسي لكرات الدم الحمرا واللي بيتكون م حديد وبروتين* ، وعند الولاده بتبدأ كرات الدم الحمرا تتكسر فينزل الهيموجلوبين ل 9 عشان كدا الام بتاخد حقن الحديد للطفل تساعده ف الانيميا اللي هتحصله ع الولاده✋
طب لو الطفل اتولد ف السابع! يعني قبل م الام تبدأ تاخد حقن الحديد اصلا هنعمل ايه!؟ هنضطر ندي الطفل حديد خارجي لمدة 6 شهور✋

3- #ڤيتامينات و #كالسيوم ودول برضه ع حسب حالة الام ومدى احتياجها ليهم..

**في كام تحليل مهمين لازم يتعملوا ف اول الحمل واللي م خلالهم الدكتور بيعرف حالة الام الصحيه عامله ازاي وهيتعامل معاها واهم التحاليل دي:-
¤(CBC) صورة دم كامله
وكمان فحص فصيلة الدم واللي منها هنعرف عامل ريساس Rh ودا مهم جدا وبيحدد مستقبل الحمل بشكل كبير خاصة الحمل التاني *لو الام كانت سالب والاب موجب* واصلا يفضل ان التحليل دا يتعمل م اول الزواج خالص قبل الحمل✋
¤(Sr ferretin) مخزون الحديد ف الجسم
¤تحليل سكر ومهم جدا تنظيم السكر اثناء الحمل
¤تحليل بول ، عشان لو في اي التهابات ف المسالك او اي حاجه ف الكليتين يتم التعامل معاها بدري قبل م تأثر ع الجنين✌
#يتبع..

Address

Sohag

Website

Alerts

Be the first to know and let us send you an email when معلومه × كبسوله posts news and promotions. Your email address will not be used for any other purpose, and you can unsubscribe at any time.

Shortcuts

Share

Category