د/رشا منير Dr.Rasha Moner l

28/01/2026

10/05/2024

السلام عليكم متابعيني النهارده هنتكلم عن الحاله دي.دي مريضه٥٠ سنه بتشتكي من ألم في البطن و كشفت قبل كده و تم تشخيصها ان عندها كيس علي المبيض فجايه تشوف اخبار الكيس ايه .بعد ما كشفت عليها مفيش عندها اي اكياس علي المبيض لكن عندها حاجه تشبه الكيس في البطن و لكن مع عمل موجات الدوبلر وجد انه شريان كبير بالبطن و تم تحويلها لعمل اشعه علي البطن و عرفنا ان دا اتساع و تمدد في الشريان الاورطي اكبر شريان في الجسم و طبعا اخدت طريقها الصحيح و تم تحويلها لمعهد القلب. دا معناه ان مش اي شئ نقول عليه كيس علي المبيض و السلام لازم نفحص المبيض نفسه.و دمتم بخير وصحة

19/09/2023

بوست النهارده مش طبي خالص
بوست النهارده شكر لكل مريضاتي و مرافقينهم اللي لما عرفوا اني مسافره قعدوا يدعولي اني اوصل بالسلامه و طريقي يبقي سهل و ميسر و تحس ان الدعوه طالعه من القلب .شكرا جدا ليكم بحبكم

19/07/2023

السلام عليكم متابعي الصفحه
النهارده هنتكلم عن اهميه فحص الجنين زي ما كلنا شايفين في الصوره دا جنين يعاني من فتق سري و غالبا بيبقي في تشوهات كروموسوميه مصاحبه ليه و فحص الجنين دا ضروري علشان نحدد حالته علي حسب الأعضاء الموجوده داخل الفتق و اذا ما كان يوجد تشوهات اخري بالجسم ام لا. دمتم سالمين.

22/06/2023

مبرووووك يا ف.م.
الحمد لله بعد تعب طويل و علاج اكتر من ٣ شهور و كل مره تيجي تعيطي لما اختبار الحمل يطلع سلبي و احاول اصبر فيكي علشان ناخد العلاج.يلا الحمد لله النبض ظهر و عقبال الولاده ان شاءالله و تفرحي بعد تعب سنين كتير

20/05/2023

ما شاءالله البنوته القمر دي شرفت لمامتها بعد تأخر حمل دام اكتر من ١٣ سنه والصراحه تعبنا جدا في تنشيط الحمل لفتره طويله مع وجود كيس علي المبيض حجمه ١١ سم و الحمد لله كمل الحمل علي خير و شرفتنا القمر دي و تم استئصال الكيس اللي علي المبيض و الحمد لله ربنا يخليها و يرزقكم جميعا

01/03/2023

الطفل الجميل دا شوفناه النهارده صحيح مامته كانت خايفه جدا لأن السائل حول الطفل زائد بشكل كبير لكن الحمد لله بعد فحص الاشعه رباعيه الأبعاد لقينا الطفل سليم و مفيش اي تشوهات او عيوب خلقيه

31/12/2022

عام سعيد عليكم حبايبي و متابعيني ربنا يكتب لنا جميعا الصحه والخير في الأعوام
القادمه

16/11/2022

Baby of the day.شبه اخوه بالضبط