د/ محمد يحيى استشاري الحقن المجهري - Dr. Mohamed Yahya

18/05/2026

ليه الدكتور قرر يجمّد البويضات ويأجل النقل؟🤔

🩺 الإجابة باختصار أهي 👇

الفكرة مش رغبة في التأخير، بس أحياناً تأجيل نقل الجنين لشهر تاني بيكون القرار الأذكى والأكتر حماية

خصوصا في الحالات دي👇
🔸 لو فرط تحفيز للمبيض وجسمك محتاج يرتاح الأول
🔸 لو بطانة الرحم في نفس الشهر مكنتش في أحسن حالاتها
🔸 لو محتاجين نعمل فحص وراثي للأجنة قبل النقل
🔸 لو في أي سبب يخلي البيئة داخل الرحم مش مثالية دلوقتي

وعلى فكرة الجنين المجمد بيفضل سليم تماماً، الأبحاث بتقول إن نتائج الأجنة المجمدة في حالات كتير بتكون مماثلة أو حتى أحسن من الطازة.

أحياناً الانتظار الذكي أحسن من التسرع، فثقي في قرار الطبيب ومتقلقيش🤍

16/05/2026

كلام في في غاية الأهمية عن السكر والضغط وأمراض القلب في رحلة الحمل والانجاب

في اللقاء ده أ\د محمد يحيى استشاري النساء والتوليد وخبير الحقن المجهري يتناقش مع أ.د. أحمد العسكري أستاذ أمراض القلب والقسطرة بيتكلموا باستفاضة عن أمراض الضغط والسكري والقلب وعلاقتها بالنساء والتوليد من قبل الزواج للحمل والانجاب

15/05/2026

14/05/2026

متستعجليش! 🤫
اقري وهتعرفي ليه بنقولك كده👇🏻

لو - لا قدر الله - الحمل متمّش في المحاولة الأولى، فمش معنى كده إن لازم كل الحالات تستنى 3 شهور قبل المحاولة الجديدة.

الحقيقة إن الانتظار 3 شهور بعد فشل الحقن المجهري مش قاعدة ثابتة، وبيكون فقط لو الطبيب شايف إن حالتك محتاجة ده فعلًا 🤍

في حالات كتير ممكن تبدأ المحاولة الجديدة بسرعة، خصوصًا لو:
🔸 فيه أجنة مجمدة
🔸 ومفيش مضاعفات بعد التنشيط

لكن أحيانًا الطبيب يطلب الانتظار شوية علشان:
🔹 الجسم يرجع لطبيعته بعد أدوية التنشيط
🔹 بطانة الرحم تتحضر بشكل أفضل
🔹 مراجعة تفاصيل المحاولة السابقة
🔹 تحسين خطة العلاج أو جودة الاستجابة

🩺 علشان كده بقولك دائما اطمني وسيبي القرار لطبيبك لأنه بيختار الأنسب حسب جسمك وظروفك.

لو عندك أي سؤال عن الحقن المجهري، سيبيه في كومنت وهنرد عليكي 👇🏻💬

09/05/2026

بنعمل ايه لو المبيض ضعيف وعدد البويضات قليل؟ 🤔

ممكن نطبّق بروتوكول كاتو 👇

بمعنى ايه يا دكتور؟ 🤔

🩺 في البروتوكول دا بدل ما نضغط على المبيض بجرعات هرمونية عالية، بنشتغل على الجودة مش الكمية

1️⃣ ندي الحالة أقراص التحفيز بجرعة خفيفة جداً بدل الإبر المكثفة
2️⃣ نراقب نمو البويضات بالسونار والتحاليل عشان نضمن إنها بتكبر بجودة عالية
3️⃣ نسحب بويضة أو اتنتين جودتهم عالية

وبكده نقدر نحسن النتائج من غير ما يحصل فرط تحفيز للمبيض وكمان بتكلفة أدوية أقل بكتير

مشكلة البروتوكول ده الوحيدة أنه محتاج خبرة عالية من الطبيب ومعمل أجنة متميز، عشان التعامل مع بويضة أو اثنتين يختلف تماماً عن التعامل مع ١٠ بويضات.

لكن بشكل عام البرتوكول يعتبر مثالي خصوصا لحالات ضعف التبويض

لو عندك أي سؤال عن الحقن المجهري محتاجه تعرفي إجابته سيبيه في كومنت ونجيبلك رد أ/د محمد يحيى استشاري النساء والتوليد وخبير الحقن المجهري 👇🏻

05/05/2026

لو المبيض ضعيف وعدد البويضات قليل..
هل ينفع نحفزه مرتين في نفس الشهر؟ 🤔

الموضوع مش بالبساطة دي!

في بروتوكول اسمه DuoStim بيعتمد على تحفيز المبيض مرتين في نفس الشهر بدل مرة واحدة بحيث ناخد أعلى عدد بويضات ممكن في أسرع وقت، وجربنا نطبقه من 5 سنين فعلا هنا في سوهاج، ولكن كان غير مجدي فبمفضّلش نشتغل بيه.

طب ليه غير مجدي بقا يا دكتور؟ 🤔

لأن على أرض الواقع المريض بيدفع تكلفة عالية جدا من الأدوية والإجراءات في شهر واحد — ممكن تتعدى ١٠٠ ألف جنيه! — قصاد نسبة نجاح في الحالات الصعبة قد لا تتجاوز ١٠٪ أصلا! ..

يعني كده حالات المبيض الضعيف خاصة لو سن الزوجة كبير ملهاش حل؟🥹

لا .. الحمد لله ليها

في بروتوكول طوّره البروفيسور كاتو الياباني ودا ممكن نعتبره ثورة في حالات ضعف المبيض .. هنتكلم عنه البوست الجاي بإذن الله

لو عندك أي سؤال سيبيه في كومنت ونجيبلك رد د محمد يحيى عليه👇🏻

ولو منتظرة تعرفي البرتوكول اكتبي "كاتو" ف كومنت🤝🏻🤍

🩺 لحجز استشارتك مع استشاري النساء والتوليد وخبير الحقن المجهري دكتور محمد يحيى، تواصل معانا على الأرقام التالية:
📲 مستشفى أمشاج: 01029807060
📲 مستشفى الرحمة: 01002406084 - 01120822498
📲 مستشفى أجيال: 01016700304 - 01126055469
_

04/05/2026

حالة حمل بتوأم أحدهما مكان القيصرية السابق .. اعرف ماذا سيحدث إذا اكتمل الحمل وما القرار الذي تم اتخاذه

🩺 لحجز استشارتك مع استشاري النساء والتوليد وخبير الحقن المجهري دكتور محمد يحيى، تواصل معانا على الأرقام التالية:
📲 مستشفى أمشاج: 01029807060
📲 مستشفى الرحمة: 01002406084 - 01120822498
📲 مستشفى أجيال: 01016700304 - 01126055469
_

02/05/2026

"لسه فترة التبويض خلصانة وعندي ألم في الصدر ... ده بداية حمل؟" 🤔

🩺 الحقيقة لسه بدري نحكم إنه حمل 👀

ألم الصدر من الأعراض الشائعة
بعد التبويض مباشرة، وده بيحصل بسبب تغيرات هرمونية طبيعية في الجسم، خصوصًا هرمون البروجستيرون.

يعني الألم ده سببه إيه؟🤔

🩺 تأثير هرمونات ما بعد التبويض
🩺 استجابة الجسم الطبيعية للدورة
🩺 أحيانًا بيكون نفس إحساس بداية الحمل

🩶 هل ممكن يكون حمل؟
✔️ ممكن طبعا … لكن مش دليل مؤكد خالص

لأن نفس العرض بيحصل في الحالتين:
قبل الدورة ✔️
وفي بداية الحمل ✔️

طب إمتى نعرف الحقيقة؟🤔🥹

🩺👈🏻 بعد تأخر الدورة وعمل اختبار حمل في التوقيت المناسب

لو فيه أي سؤال تاني محيرك، اكتبيه في كومنت وانتظري الإجابة 👇🏻💬

01/05/2026

انطلاق اليوم الأول من ورشة المناظير – Amshaj Knowledge Hub 🩺✨

جدير بالذكر أن ورشة المناظير هي سلسلة علمية برعاية مركز أمشاج وبالتعاون مع شركة نرهادو.

من المقرر أن تمتد لشهر كامل لمناقشة أحدث تقنيات المناظير، بمزيج من التدريب العملي والمحتوى العلمي.

وبدأت الورشة اليوم بمشاركة متميزة للدكتور محمد يحيى، الذي قدم خبراته في جراحات المناظير.

نسأل الله تعالى أن يكلل هذه الجهود بالجناح ويجعلها سببا في شفاء المرضى 🤍

28/04/2026

كنت حاسة بأعراض الحمل
وفجأة اختفت!

دا معناه اني خسرت الجنين؟!

🩺 طبيعي تقلقي لكن الحقيقة مش دايمًا زي ما متخيلة 👇
لأن أعراض الحمل:
🔹 بتختلف من سيدة للتانية
🔹 وممكن تظهر وتختفي
🔹 ومش مقياس ثابت على ثبات الحمل

فـ طول ما 👇🏻
✔️ مفيش نزيف أو ألم شديد
✔️ مفيش أعراض غير معتادة
.. اطمني 🤍

لكن لو اختفاء الأعراض كان … 👇🏻
مصحوب بـ نزيف
أو ألم قوي ومستمر
أو انخفاض في مستوى هرمون الحمل

ساعتها لازم تكشفي ونطمن

🩺 لحجز استشارتك مع استشاري النساء والتوليد وخبير الحقن المجهري دكتور محمد يحيى، تواصل معانا على الأرقام التالية:
📲 مستشفى أمشاج: 01029807060
📲 مستشفى الرحمة: 01002406084 - 01120822498
📲 مستشفى أجيال: 01016700304 - 01126055469
_