https://www.facebook.com/110811157190133/

Pharmacy Art, Sohag (2026)

24/12/2025

⬅️ضروري في النزلات المعويه تعويض الطفل بالسوائل والاملاح اللازمه لحمايته من الجفاف

⬅️مؤخراًمحلول معالج الجفاف بقي جاهز واسهل وطعمه حلو بدل ما كان اكياس وطعمها مش حلو ، دا خلي الطفل يتقبله ويساعد معاه في علاج النزله المعويه

⬅️ الطفل بيشرب منه بعد كل مرة اسهال ٥ سم كل ١٠دقايق

⬅️مننساش طبعا انه بيتاخد مع علاجات النزله المعويه الاساسيه يعني مش علاج لوحده

⬅️اعراض الجفاف هي دوخه شديده وارهاق وصداع وضربات قلب سريعه وجلد الطفل بيبقي ناشف والفم ناشف وبيبكي من غير دموع

21/12/2025

Metronidazole مع Warfarin مينفعش تدي
لإن ده ممكن يسبب نزيف حاد ومميت بسبب زيادة تأثير الوارفارين

💊Metronidazole
بعمل على زيادة مستوى Warfarin في الدم من خلال تقليل استقلابه لانه Metronidazole يعتبر CYP450 2C9 Inhibitor والانزيم هو الي بعمل استقلاب او ميتابوليزم ل Warfarin ⬅️ بالتالي بقل استقلابه⬅️ يزيد تأثيره ك مميع ⬅️ بتزيد احتمالية حدوث النزيف

بعض الحلول المتاحه
✅️تجنب استخدامهم مع بعض
✅️متابعة دقيقة لفحص INR
✅️تقليل جرعة Warfarin

20/12/2025

بعض الأخطاء الشائعة اللي الناس بتعملها في علاج الحروق…

🔴 إنك تحط معجون أسنان على الحرق بحجة إنه بيبرد ويقلل الألم دا بيعمل تلوث للحرق وللأنسجة اللي حوالين المكان والصح انك تشطّف الحرق تحت مية جارية لمدة 10 دقايق لو درجة أولى ونص ساعة لو درجة تاني وبعدها تحط مرهم للحروق زي درمازين أو ميبو.

🔴 تغطي الحرق بـ بلاستيك لاصق (مشمع) علشان تحافظ عليه
ده بيعمل احتباس حراري وبيزوّد سخونة الجلد والألم كمان والصح انك تغطي الحرق بـ شاش عليه المرهم بلطف، أو تستخدم شاش فازلين.

🔴 تحط تلج مباشرة على الحرق لتخفيف الألم لان الثلج المباشر ممكن يسبب حاجة اسمها عضّة الصقيع… يعني أنسجة تتحرق بسبب التجميد وتسيب علامة بعد كده وأفضل حل إنك تستخدم مية جارية ولو هتستخدم تلج يبقى تحطه في كيس بلاستيك سميك أو تلفه في قماشة خفيفة علشان مايلمسش الجلد مباشرة.

🔴 تغطي الحرق بـ قطن طبي لان القطن بيلزق في الجلد المحروق وبيصعّب جدًا إنك تغيّر على الجرح بعد كده والإجراء الصح:
استخدم شاش معقّم بدل القطن.

🔴إنك تفقع الفقاقيع اللي بتظهر في حروق الدرجة التانية دا بيقلل من الالتئام والصح اننا نسيبها لحد لما تلتئم او تنشف وبعدها ممكن نشيل الجلد الزيادة دا ونستخدم مضاد حيوي عليه.

09/09/2025

دواء فلاجيل ممكن بيغير لون البول لبني محمر واللون ده بيحصل نتيجة تكسير الدواء ف الجسم ومتقلقش منه هيختفي اول متبطل الدواء.

05/06/2025

🫁 خلي بالك من الاخطاء دي في استخدام أمبولات الاستنشاق بلمكورت Pulmicort

1️⃣ مينفعش تستخدم نص الأمبول وتسيب الباقي
البلمكورت مفيهوش مواد حافظة، يعني أول ما تفتح الأمبول لازم تخلصه كله خلال ١٢ ساعه فقط.

2️⃣ انك ماترجّش الأمبول قبل الاستخدام
ده مش محلول صافٍ، ده مُعلق لازم ترجه كويس عشان الدوا يتوزع صح.

3️⃣ اوعي تسيب الأمبولات معرضة للضوء بعد فتح الكيس
الدوا حساس للضوء وده ممكن يقلل من فعاليته، خليها دايمًا جوه الكيس الفويل المعتم.

4️⃣ انك تستخدم الأمبولات بعد ١٤ يوم من فتح الكيس
بعد ما تفتح الكيس، الأمبولات ليها ١٤ يوم بس تستخدم فيها، وبعدها لازم ترمي الباقي.

20/03/2025

بعض الأدوية اللي بتقلل نسبة فيتامين b12 في الجسم :
⛔️Proton pump Inhibitors
⛔️Metformin
⛔️Methotrexate
⛔️Birth Control Pills
⛔️Colchicine
⛔️Levofloxacin
⛔️Aspirin

03/02/2025

مستحضرات حب الشباب المحتوية على مادة ال Adapalene
او Tretinoin يفضل ان تستخدم قبل النوم في الظلام الدامس مع عدم التعرض للضوء خوفا من حدوث التهابات للبشرة واذا حصل احمرار بسببها في البداية نبقى نمسحها بعد عشر دقائق من الاستخدام .

27/01/2025

الفوار الشهير للتخلص من للكحة والبلغم
استيل سيستاين Acetyl Cystiene ❤️👌

👈 الدوا ده بيشتغل على إذابة البلغم وتخفيفه، علشان يسهل طرده من الجسم بس قبل ما تستخدمه، لازم تعرف المعلومات دي علشان تستفيد منه صح وتتجنب أي مشاكل.

✅️الجرعة المعتادة كيس فوارة واحدة (600 مجم) مرة واحدة الي مرتين في اليوم.
✅️طريقة الاستخدام: حط الفوارة في كوب ماء، واستنى لحد ما تذوب تمامًا، واشربها.
✅️يفضل تناوله بعد الأكل علشان تتجنب أي اضطرابات في المعدة خاصه للناس اللي بتعاني من مشاكل ف المعدة .
✅️الدوا ده بيحتوي على مادة استيل سيستاين اللي بتشتغل على تكسير الروابط الكيميائية في البلغم، فبتخليه أقل لزوجة وأسهل في الإخراج يعني هيخلي الكحة تطلع البلغم بسهولة.
✅️ مش مناسب للأطفال تحت 12 سنة إلا تحت إشراف طبيب.

🚫مين الأشخاص اللي مينفعش يستخدموه؟
• اللي عندهم حساسية من أي مكون في الدوا.
• مرضى الربو الحاد (لأنه ممكن يسبب تشنجات في الشعب الهوائية).
• اللي عندهم قرحة في المعدة أو نزيف معوي.
• الحوامل والمرضعات لازم يستشيروا الدكتور قبل استخدامه.

✅️نصائح لتقليل المخاط والحفاظ على الصحة العامة والمناعة 🌿
• اشرب مية كتير (على الأقل 8 أكواب يوميًا).
• ابتعد عن التدخين والأماكن المليانة دخان.
• كل أكل صحي (خضار، فواكه، أوميجا 3) علشان تقوي مناعتك.
• نام كويس وابتعد عن التوتر.
• خذ فيتامينات زي فيتامين سي والزنك لو محتاج.
• لو عندك كحة مزمنة أو بلغم كتير، روح للدكتور علشان تشوف السبب الأساسي.
استيل سيستاين دوا فعال، لكن دايما خلي بالك: الاستخدام الصحيح هو اللي بيأدي لنتيجة كويسة من غير مشاكل.

✅️إزاي تعرف إنك محتاج استيل سيستاين؟
• لو عندك كحة مصحوبة ببلغم (كحة رطبة)
• لو البلغم لزج وصعب طرده
• لو عندك التهاب في الشعب الهوائية أو مشاكل في الجهاز التنفسي.
نصيحة أخيرة متخلطش بين الأدوية

✅️إيه البدائل لو مش عايز تستخدم استيل سيستاين؟ 🌿
• شرب سوائل دافئة: زيّ الشاي بالليمون أو الزنجبيل.
• استنشاق بخار: بيخفف البلغم ويفتح المجاري التنفسية.
• أدوية طبيعية: زي العسل مع الليمون (لكن مش للأطفال تحت سنة).

❤️

21/01/2025

الأدوية ممتدة المفعول واللي هتلاقي عليها إحدي الكتابات دي
(XL , XR , CR , CRT , ER , LA , TR , SA)
بتكون متصممة إنها تطلق الدواء ببطء ولفترة طويلة
المهم ف الفئات دي من الأدوية انك تعرف المريض انه ممنوع يكسر الحباية او يدوبها ف مايه او يفضي الكبسولة ويشرب وراها ميه لأن دا ممكن يؤدي لتحرر المادة الفعالة كلها ف نفس اللحظه ويسبب مشاكل كتير قد تصل إلي الوفاة في بعض الأدوية .

20/01/2025

بعض الأدوية ممتدة المفعول بتكون متصممة بنظام اسمه
Osmotic Release Oral System [OROS]
ودا علشان تدي تأثير سريع ويدوم لفترات طويلة
Fast delivery and Extended release
ومثال علي كدا دواء كاردورا اكس ال المستخدم ف علاج تضخم البروستاتا وارتفاع ضغط الدم
المهم بقي ان غلاف الكبسولة أو القرص من الأدوية اللي مصممة بالشكل دا ممكن تظهر كامله ف البراز وبيسموها ال
Ghost tablet or Capsule
ولكن متخافش الدواء بيكون تم امتصاصه وأدي مفعوله كمان ولازم نعرف المريض بكدا
اللي بيحصل انه عن طريق الضغط الاسموزي بيزيد الضغط جوا الكبسولة دي ويجبر جزيئات الدواء انها تتحرر من فتحة صغيرة ف الكبسولة ويسيب غشاء الكبسولة زي مهو

مسائكم جميل ❤️

27/12/2024

دواء تيجريتول Tegretol المحتوي علي المادة الفعالة كاربامازبين

يتم وصفة من طبيب المخ والاعصاب لعلاج التشنحات ونوبات الصرع وقد يتم وصفة من قبل طبيب الجلد لعلاج بعض الاصابات مثل الحزام الناري او الهربس وقد يوصفة طبيب الانف والاذن والحنجرة لعلاج الم التهاب العصب اللساني البلعومي ويتم استخدامه أيضاً ف حالات الصداع المزمن وحالات التعافي من إدمان المواد الكحولية 👌
https://www.tiktok.com/?_t=ZS-8sYlaN6cEni&_r=1

26/12/2024

قبل صرف دواء "نت لوك" لحب الشباب حتى لو بوصفه طبيه لازم نسأل على تاريخ عمل "ليزك" للعيون لإن الدواء ببسبب جفاف العين و ممكن يسبب مشاكل شديدة في الإبصار .

Pharmacy Art

24/12/2025

21/12/2025

20/12/2025

09/09/2025

05/06/2025

20/03/2025

03/02/2025

27/01/2025

21/01/2025

20/01/2025

27/12/2024

26/12/2024

Address

Telephone

Website

Alerts

Contact The Practice

Shortcuts

Share

Category