Hussam Radwan pharmacy صيدلية دكتور حسام رضوان

11/04/2026

الاستخدام الامثل والصحيح للمضادات الحيويه ودي مشكله بيعاني منها الكثير مع الدكتور ايهاب السمان 💯

11/04/2026

"القولون العصبي 🌪côlon nerveux"

🔵 هو عبارة عن اضطراب شائع يؤثر على الأمعاء الغليظة و تكون أعراضه متقطعة و متفاوتة بين فترة وأخرى.
يصيب النساء أكثر من الرجال ومن الممكن أيضا أن يصيب الأطفال أيضا و بنفس الأعراض.

🔵أهم الأسباب:
♦الاصابه بالتهابات فيروسية 25% من الحالات.
♦التوتر و عدم الاستقرار و العصبية.
♦بعض المركبات الغذائية مثل : ◽اللاكتوز بعد تناول الحليب و منتجات الألبان.
♦ الفركتوز بعد تناول التفاح، البطيخ، المانجو، شراب أو عصير عالي السكر.
♦الأدوية كالمضادات الحيوية ومانعات الحموضة و المسكنات.
♦النظام الغذائي الغير متوازن كالاطعمة الدهنية و التوابل و الأغذية المسببة للغازات.

🔵 الاعراض:
آلام في البطن ، إسهال أو إمساك ، وجود مخاط في البراز ، معاناة مع الغازات و التجشؤ ، حرقان في المعدة و غثيان بالإضافة إلى أعراض أخرى كالصداع و الخمول و عدم انتظام ضربات القلب.

🔵 أهم المشروبات لعلاج القولون العصبي:

♦الينسون(حبة حلاوة) : مهدئ طبيعي يهدئ الأعصاب و يقلل من التوتر ويقلل من التهابات المعدة و الامعاء.
♦الشمر(زريعة البسباس) : مشروب يسكن الألم و يساعد على التخلص من عسر الهضم.
♦الزنجبيل : من أفضل المشروبات لعلاج مشاكل المعدة.
♦الكراويا : مضاد للانتفاخ و الغازات و مضاد للتشنج.
♦الحلبة : تخلص القولون من المخاط الزائد.

🔵 أهم النصائح:

♦شرب كميات كبيرة من الماء في اليوم.
♦ابتعد عن الكسل و الخمول ومارس الرياضة.
♦تهدئة الأعصاب و البعد عن المشاكل و القلق و التوتر.
♦قلل كميات الطعام في الوجبات و قسمها الى وجبات صغيرة.
♦عدم إدمان أدوية الإسهال و الإمساك.
♦تقليل تناول الشاي و القهوة و الامتناع عن المشروبات الغازية.
♦تجنب الاطعمة المسببة للانتفاخ مثل :الحمص و الفول وغيرها.
♦تناول الالياف للتخلص من الإمساك مثل : الخس و البقدونس.

دمتم سالمين

20/02/2026

متواجد اليوم الدكتور أشرف إسحاق من الساعه ٥ بعد العصر 🌹 🌹 ❤️
جمعه مباركه

اهالي النغاميش الكرام
كل عام وانتم بخير
بدءا من يو الاربعاء ١٨ / ٢
يتواجد د / اشرف اسحاق بالعيادة امام دوار الغزازوة
يوم الاحد
والاربعاء
والجمعة
من كل اسبوع
من المغرب الي الساعة ٩ مساء

18/02/2026

اهالي النغاميش الكرام
كل عام وانتم بخير
بدءا من يو الاربعاء ١٨ / ٢
يتواجد د / اشرف اسحاق بالعيادة امام دوار الغزازوة
يوم الاحد
والاربعاء
والجمعة
من كل اسبوع
من المغرب الي الساعة ٩ مساء

03/01/2026

📌 ملخص مهم جداً (الخُناق أو الكحة الحنجرية) - عشان نكون فاهمين ونتصرف صح 👇
النوع ده من الكحة اللي صوته مميز (زي "نبيح الكلب" أكرمكم الله) بيحصل بسبب تورم في الحنجرة والقصبة الهوائية، وغالباً سببه فيروسي.
1️⃣ أيه هي المضاعفات المتوقعة؟
الخوف مش من الصوت بس، الخوف لو الحالة تطورت لـ:
• صعوبة شديدة في التنفس: (الطفل بينهج وعضلات صدره بتتشد لجوة).
• صوت صرير (Stridor): صوت تزييق مسموع من الحنجرة والطفل هادي (مش بس وهو بيعيط).
• نقص الأكسجين: وده بيظهر في لون الشفايف أو زرقان الجسم (حالة طارئة 🚨).
• الجفاف: لإن الطفل بيرفض يرضع أو يشرب بسبب صعوبة النفس والبلع.
2️⃣ العلاج في البيت (للحالات البسيطة):
• الهدوء ثم الهدوء: عياط الطفل بيزود تورم الحنجرة وبيخلي النفس أصعب، لازم نطمنه ونحضنه.
• التهوية: استنشاق هواء رطب (بخار ميه في الحمام) أو هواء بارد (من الشباك) بيساعد جداً في فك الأزمة مؤقتاً.
• السوائل: شرب سوائل دافئة لترطيب الحلق.
• خوافض الحرارة: لو فيه سخونية (باراسيتامول).
3️⃣ إمتى نطلع على المستشفى؟ وهيعملوا إيه هناك؟ 🏥
لو النفس مكتوم، أو صوت "الصرير" مسموع والطفل نايم أو هادي، لازم طوارئ فوراً.
في المستشفى التدخل بيكون لإنقاذ الموقف وتقليل التورم بسرعة:
• جلسات الأدرينالين (Nebulized Adrenaline): دي بتعمل انقباض للأوعية الدموية فبتقلل التورم فوراً وتوسع النفس (مفعولها سريع جداً).
• الكورتيزون (Corticosteroids): (سواء حقن ديكساميثازون أو شرب) وده "حجر الزاوية" في العلاج، بيمنع التورم يرجع تاني وبيعالج الالتهاب بقوة.
⚠️ تحذير هام: بلاش أدوية كحة ومضادات حيوية عمال على بطال في الحالات دي، العلاج الأساسي هو اللي ذكرناه فوق.
شفا الله أطفالكم جميعاً ❤️

31/12/2025

حرارة الطفل: إمتى أدي خافض وإمتى أجري على الطوارئ؟ 🔥
السخونية أكتر حاجة بتخض أي أم…
بس الحقيقة إن مش كل سخونية خطر، ومش كل سخونية ينفع نستهين بيها.
خلينا نجاوب على كل الأسئلة واحدة واحدة 👇

❓ حرارة 38… أدي خافض ولا أستنى؟
✔️ آه، 38 تعتبر سخونية
بس القرار مش بالرقم بس ❌
🔹 لو الطفل:
بيلعب
بيرضع أو بياكل
حالته كويسة
➡️ ممكن ندي خافض ونتابع.
🔹 لو الطفل:
تعبان
نايم زيادة
مش راضي يشرب
شكله مجهد
➡️ الخافض هنا ضروري + متابعة السبب.

❓ حرارة 39… خطر ولا عادي؟
⚠️ 39 سخونية عالية
مش شرط تكون خطر… بس مينفعش تتساب.
✔️ لازم:
خافض حرارة مظبوط بجرعة صحيحة
متابعة استجابة الطفل
لو مفيش تحسن → نكشف
🚨 الخطر مش في الرقم نفسه…
الخطر في الطفل شكله إيه مع الرقم ده

❓ أكسر الحرارة وخلاص؟ ولا لازم أعرف السبب؟
❌ كسر الحرارة لوحده مش علاج
✔️ الخافض = مسكّن للعرض مش للمرض
📌 لازم نعرف:
عدوى؟
دور برد؟
التهاب أذن؟
التهاب بول؟
لأن السخونية إنذار مش مرض.

❓ إمتى السخونية تبقى طوارئ حقيقية؟
🚑 جري فورًا على الطوارئ لو حصل أي من دول:
🚨 طفل أقل من 3 شهور وحرارته ≥ 38
🚨 سخونية + تشنج
🚨 سخونية مش بتنزل بالخافض
🚨 خمول شديد أو الطفل مش صاحي
🚨 صعوبة تنفس
🚨 قيء متكرر أو رفض تام للشرب
🚨 طفح جلدي غريب مع سخونية
🚨 بكاء مستمر بنبرة غير طبيعية

👶 أطفال الحرارة عندهم إنذار
⚠️ لازم نكون حذرين جدًا مع:
حديثي الولادة
أصحاب أمراض مزمنة
ضعف مناعة
تاريخ تشنجات حرارية
دول أي سخونية عندهم تتاخد بجد

👶 وفي أطفال تانيين الحرارة عندهم جزء من مرض بسيط
✔️ دور برد
✔️ تطعيم
✔️ فيروس بسيط
الطفل بيبقى:
نشيط نسبيًا
بيشرب
بيستجيب للخافض
➡️ دول غالبًا بيتحسنوا مع المتابعة.

⛔️أخطاء شائعة كل الأمهات بتقع فيها:
❌ خلط خافضين مع بعض
❌ جرعة أقل من اللازم
❌ كمادات تلج
❌ الاعتماد على اللبوس او التحاميل فقط
❌ تجاهل أعراض خطيرة عشان "الحرارة نزلت"

✔️ الخلاصة
🔹 رقم الحراره مهم
🔹 بس حالة الطفل أهم
🔹 الخافض يريح الطفل
🔹 والطبيب يعالج السبب

30/12/2025

في الصورة دي مش هقول spot diagnosis
لأنها سهلة جدا . فخلينا نقول مع بعض
كلنا ...
طبعا في الصورة وجود تضخم والتهاب صديدي في اللوز
لكن المتهم الرئيسي هنا مش اللوز نفسها ❗
المتهم الحقيقي واضح متصور في نفس الصورة
الأ وهو
(Post-nasal drip)
ده يا فندم باختصار سبب نص مشاكل طفلك
بدون مبالغة ..
البلغم اللي لونه اخضر ده بيكون محمل بالڤيروسات والبكتريا..
و بيتوصاش بقي... بيوزع علي اللي في سكته
ويوزع علي جيرانه بدأ من
الأذن 👂 يسبب لك إلتهاب في الأذن الوسطى
اللوزتين . يسبب لك إلتهاب صديدي زي ده
الرئتين .. يسببلك نزله شعبية أو التهاب رئوي
لا قدر الله ..
او حتي يكمل طريقة للمعدة يسبب نزلة معوية
حادة ... .. #الكحة اللي مش بتروح تقدر تعتبر الكحة
هي وسيلة التخلص الوحيدة من البلغم اللي نزل
الرئة علشان كده بنقول عليها .. productive cough...

وأي طريقة لإيقاف الكحة دون اعتبار لعلاج
الارتشاح الخلفي الأنف
بكل بساطة هي مثل اللي عنده حنفيه بتنقط
في قلب بيته وهوا كل همه أنه يسمح المية
وينشف البيت .. ومجاش يم الحنفية ولا وقف
التنقيط ...
لذلك هيفضل يمسح دوما وعمره ما هيخلص
وهوا مستغرب ليه البيت مش بينشف ؟؟.
#استغبيته صح 😃😃..
كل اللي بيعالج الكحة و سايب مناخيره بالشكل
ده شبهه بالظبط 👌👌👌👌🤝🤝

...

10/09/2025

بشرتك دهنية 🥺
لمعان مزعج طول اليوم 😓

حبوب ورؤوس سوداء 😖

إحساس إن بشرتك مش نضيفة مهما غسلتها 😔

الحل الأمثل والأفضل للبشرة الدهنية 😃😃
✨🧴 بشرتك الدهنية مش هتتعبك تاني!

الحل عندك دلوقتي 💚
غسول REPAIR للبشرة الدهنية

🌿 تركيبة مميزة:

Salicylic acid ➡️ ينظف المسام بعمق ويمنع الحبوب.

Tea tree oil ➡️ يحارب البكتيريا المسببة للحبوب.

Aloe vera ➡️ يرطب ويهدي الاحمرار.

Peppermint oil ➡️ إحساس منعش ونضارة طول اليوم.
Lactic acid:.... بيقشر بلطف ويجدد خلايا البشرة.

✨ النتيجة: بشرة صافية – نضارة – ثقة في نفسك.

📍 متوفر الآن 😃🥰
⏳

09/08/2025

عندك كرش مش راضي يروح رغم إنك بتاكل قليل؟ 😖
بتصحى تعبان ودايمًا عايز حاجة حلوة؟ 🍩
بتجوع بسرعة بعد الأكل؟ 🍚➡️🍔
بتلاحظ إنك بتتعب بسرعة ومودك مش ثابت؟ 😩🧠
وممكن تحس إنك مش قادر تخس، حتى لو بتقلل أكلك؟

📌 كل دي علامات على إن جسمك دخل في حالة “مقاومة الإنسولين” – Insulin Resistance ⚠️

يعني إيه الكلام ده؟
يعني الإنسولين، الهرمون المسؤول عن إدخال السكر للخلايا، بقي بيشتغل بكفاءة أقل، والخلايا مش بتستجيب له كويس 😔

النتيجة؟
السكر يفضل في الدم، البنكرياس يفرز إنسولين أكتر، فتتحول الطاقة لدهون… وخصوصًا حوالين البطن والكبد 🍺🍩

والمصيبة؟
إن كتير من الناس عندهم مقاومة إنسولين من غير ما يعرفوا، وده بيؤثر على:

🔻 شكل الجسم (كرش، دهون بطن)
🔻 الطاقة (خمول دائم)
🔻 النوم (تعب الصبح وصحيان بالليل)
🔻 المزاج (قلق، نرفزة، توتر بدون سبب واضح)
🔻 الشهية (اشتهاء السكريات والمقرمشات)

طيب، نعمل إيه؟ 💡

1️⃣ نظام غذائي ذكي
– قلل الكربوهيدرات البسيطة (عيش أبيض، مكرونة، سكر)
– ركّز على البروتين، الدهون الصحية، والخضار
– جرب الصيام المتقطع (8-10 ساعات أكل في اليوم والباقي صيام)

2️⃣ امشي يوميًا 20-30 دقيقة 🚶
الحركة بتخلي الخلايا تستجيب للإنسولين تاني

3️⃣ مشروبات ومكملات مفيدة:
– القرفة: بتحسّن حساسية الإنسولين
– خل التفاح قبل الأكل
– الماغنيسيوم، فيتامين D، وأوميجا 3 🧪

4️⃣ قلل التوتر
– لأن الكورتيزول العالي بيزود مقاومة الإنسولين
– نام كويس، اقرأ قرآن، خليك مع ناس إيجابية

5️⃣ ابعد عن العادات اللي بتدمّر كل ده:
– السهر الكتير
– القهوة والسكر طول اليوم
– الوجبات الجاهزة

💬 جسمك بيبعتلك إشارات، متتجاهلهاش
ابدأ خطوة بخطوة، وهتشوف فرق في شكل جسمك وطاقة يومك 🧠🔥

31/07/2025

💊 عالج معدته... وبوظ أعصابه!

👨‍🦱 "شاب داخل الصيدلية، مش كبير في السن… بيقولي:
حاسس بتنميل غريب في رجلي، وكسل فظيع بأستمرار، مع إني باكل عادي وكل حاجة تمام!"

سألته:
– طيب غيرت حاجة في أكلك؟ في دواء جديد بدأت عليه؟
رد:
"لأ انا تمام هي بس معدتي كانت تعبانة وماشي على Controloc من فترة… مبقدرش اعدي يوم من غيره!"

قولتله: "حمدالله عالسلامه ياراجل كدا احنا وصلنا ⚠️
---
📌 اللي حصل؟
ان الـ Controloc (اللي هو PPI) بيقلل حمض المعدة
ودي حاجة بتأثر على امتصاص عناصر مهمة جدًا لأعصابك وصحتك عمومًا!
---
📉فدا مع استمرارك عليه عملك نقص إيه بقى؟
🔸 فيتامين B12
⬅️ مهم للأعصاب والتركيز… ونقصه يسبب تنميل وخمول

🔸 الحديد
⬅️ نقصه = أنيميا وتعب مستمر حتى لو بتاكل كويس

🔸 الكالسيوم
⬅️ نقصه = هشاشة، وتقلصات في العضلات

🔸 الماغنيسيوم
⬅️ نقصه = تشنجات، رعشة، اضطراب في ضربات القلب
---
💡طب ليه ده بيحصل؟

علشان العناصر دي محتاجة وسط حمضي علشان تتكسر وتتمص
والـ PPI بيخلي المعدة شبه "Neutral" ➜ الامتصاص يضعف ➜ الجسم يبدأ يتأثر وحدة وحدة لحد ماتحس باللي حاسه دلوقتي دا 😐
---
✅ طب إيه الصح؟

📌 لو ماشي على PPI لفترة طويلة (Controloc – Omeprazole – Nexium): – تابع مستوى B12، الحديد، الكالسيوم، والماغنسيوم
– لو في نقص ➜ عوّضه بمكملات
– متعالجش المعدة وتدمّر جسمك كله يعني!

31/07/2025

نهاية جرثومة المعدة...📛📛

أدوية زي Helicure بتنتهي خلاص!
النتائج ضعيفة، المقاومة زادت، وكفاءته قلت جدًا…
لكن دلوقتي ظهر حل جديد 💪
كورس 10 أيام بس يقدر وبيخلصك من جرثومة المعدة بنسبة شفاء بتوصل لـ 90% 🔬

ودا مش كلام وخلاص دا انا نفسي اتاخرت علي مانزلتلك البوست دا علي ما اتأكدت من النتائج دي علي ارض الواقع فعلا...
---
💊 العلاج الجديد في السوق المصري:

✅ Bispyller® من Hikma
✅ Trigastcare® من Multicare
بنفس تركيبة Pylera الأمريكي المعتمد من FDA
---
💊 اللي بتكون مكوناتها:

1. Bismuth subcitrate potassium
2. Tetracycline 500mg
3. Metronidazole 500mg
🔹 ومعاهم لازم تاخد PPI
---
🕐 جرعتة ايه بقا؟:

3 كبسولات × 4 مرات يوميًا
(بعد الفطار – بعد الغدا – بعد العشا – قبل النوم) وخدهم مع كوباية ماية كبيرة.

قرص PPI مرتين يوميًا (قبل الفطار وقبل العشا)

⏳ لمدة 10 أيام
📦 مجموع الكورس = 120 كبسولة + 20 قرص PPI ( اللي مش هفرض عليك منها نوع معين عايز Omez عايز Controloc عايز Nexium اللي يريحك

---
⚠️ بس مهم برضه نعرف ان الكورس ماينفعش في :

-الحمل أو الرضاعة

-الأطفال أقل من 12 سنة

-مرضى الكبد أو الكلى الشديدة
---

✅ بس برضه متخلصش العلبة وخلاص :

لازم تعمل تحليل تأكيدي (Urea Breath Test أو Stool Antigen) بعد 4 أسابيع
ويُفضّل توقف الـPPI قبل التحليل بأسبوعين عشان تأثيرهم علي حمض المعده ممكن يأثر علي نتيجة التحليل
---

🎯أخيرًا علاج علمي، قوي، وسريع كورس 10 أيام بس يقدر يقضي على جرثومة المعدة حسب الاراء العالمية وحسب ال feedback اللي تابعتها انا كمان....

متنساش تشير البوست عشان تعرف غيرك لو لسه الجرثومه تعباه ومعتمد عالعلاج القديم..