08/07/2025
المرة دي رايحين نحضر فرح في بلدنا ناس جميلة وبسيطة وبشوشة هم الدنيا عندهم سيبها ع الله ...
لابسة اجمل طقم عندي .. ومامتي حبيبتي بتنادي عليا
الحجة نادية : ياسمين ... ياسفيرة عزيزة ياهانم
د.ياسمين : ايوة ياماما كنت بجهز
الحجة نادية : ياااه ع الحلويات اللي مخلفاها دي
تركزي كدا النهاردة وخلي لسانك حلو وسيبي الهس الهس بتاعك دا ع جانب خليني اخلص منك وتتجوزي
د.ياسمين : ياماما انا دكتورة قد الدنيا
الحجة نادية : ما انا عارفة ياخيبتها
ياسمين :يووووه
يلا بينا ..
فرح جميل عائلي الستات جو البيت وبتهيص وتطبل وزغاريط حلوة للعروسة وياخرابي على كمية القبلات اللي كل واحدة من الستات بتديها لبعض ف المرة مش عارفة اعد بس تقريبا كل ناحية ٤ قبلات ياخوانا ... دا كتير يعني انا لما اخد ....
العمة تهاني : بت يا ياسمينة .. يابت ... الله مين بتقول بت ...
ياسمين : اممم عمتي ازيك ياعمتو انا دكتورة ياعمتو مش قدام الناس كدا
العمة تهاني : ضاكتورة ولا غيره انت بت ضاكتورة ع نفسك
ياسمين : ياعمتي
العمة تهاني :جصره سلمي على مرت عمك غالي ياام سالم ايه رأيك في بت خوي شابة زينة واجمل بنات العيلة ..
ياسمين : عممممتي .. ها
هنا انهالت القبلات عليا من مرت عمي ... اهلا ياطنط
ايه ايه طنط دي جولي مرت عمي اتحددتي لغتنا
ح ح حاضر يامرات عمي
ام سالم : ايوة أكده
وفجأة هذه السيدة بدأت تضغط وتتأكد من أماكن... ياسمين : طنط بتعملي ايه حضرتك ..
ام سالم : يووووه رجعت تخوتنا تاني عم بتوكد من الأمانة أصلية ولا مسلوعة كيف ابنتتة اليومين دوول
ياسمين : لا ياطنط بعد اذنك هشوف ماما
العمة تهاني : اتفضلي يابنيتي .. خبر ايه ياام سالم البت عايشة ف البندر مش كيف بناتنا براحة شوي عليها
ام سالم : وه وه غالية عليكي جوي وليه ما اخدتيهاش لولدك ماهو من دور ولدي
العمة تهاني : لاه امها مناخيرها ف السما والبت كذلك وما فيه حرمه تكسر مناخيرها غيرك ياام سالم
ام سالم : اممممم جولتيلي ...
ياسمين : ماما انت فين سيبتيني للعالم دول هياكلوني ياماما
الحجة نادية : يادكتورة عيب دول ناسك
ام فهد : وي وي وي الحجينا ياضاكتورة بطني ليها يومين عم تكركب وماعارفاشي اكل غير طقة واحدة
ياسمين : ياطنط سلامتك بس انا دكتورة ...
ام فهد : ايوة ما انا مرت عمك عاطف قالولي انك بقيتي ضاكتورة كد الدنيا جومي يابت اكشفي عليا
ياسمين : ياطنط مش هينفع
ام فهد : اياه مكسوفة عاد
ياسمين : لا ياطنط انا دكتورة مجانين
ام فهد وباقي الستات : ياجووووري مجانين ...
