19/01/2026
مع تغيّر الجو وكتر الرطوبة والبرد، بنشوف حالات التهاب رئوي (Pneumonia) أكتر من المعتاد، خصوصًا عند الأطفال والرضّع.
حابب أنبّه إن الالتهاب الرئوي مرض خطير لو ما اتلحقش بدري، لكن الخبر الكويس إنه قابل للعلاج جدًا لو الأهل انتبهوا من الأول.
إمتى نقلق؟
الالتهاب الرئوي بيبقى أسوأ لما يتأخر التشخيص، وده ممكن يسبب مضاعفات خطيرة لا قدر الله، خصوصًا في الرضّع وحديثي الولادة.
نحمي ولادنا إزاي؟
غسيل الإيدين كويس وباستمرار 👌
إبعاد الطفل عن أي حد عنده دور برد أو كحة
تهوية البيت كويس وتقليل الرطوبة
عدم تعريض الطفل لهواء بارد مباشر
الالتزام بالتطعيمات في مواعيدها 💉
الرضاعة الطبيعية مهمة جدًا لرفع المناعة
نقوّي مناعة الطفل إزاي؟
أكل صحي ومتوازن (خضار، فاكهة، بروتين)
نوم كفاية
شمس الصبح شوية ☀️
عدم الإفراط في المضادات الحيوية بدون وصفة طبيب
علامات الخطر اللي لازم تروحوا بيها الطبيب فورًا 🚨:
سرعة أو صعوبة في التنفس
كحة شديدة أو مستمرة
حرارة عالية مش راضية تنزل
زرقة في الشفايف أو الوش
خمول، قلة رضاعة، أو بكاء ضعيف عند الرضّع
نهجان أو دخول الصدر لجوه مع النفس
رسالة أخيرة:
ما تستهونوش بدور برد عند طفل صغير، الفحص بدري بيفرق كتير جدًا في العلاج والنتيجة.
ربنا يحفظ ولادكم جميعًا 🤍
دكتور / محمد مصطفى ابوسديرة
د. ماجستير طب الاطفال و حديثي الولادة
📍 العنوان : سوهاج - ميدان الشهيد - برج الأطباء
التليفون : 01016474104 - 01003585040
