عيادة دكتور أيمن عبد الكريم لعلاج الألم, sohag, Sohag (2026)

24/04/2020

كل عام وانتم بخير
ورمضان .....كريم
تقبل الله منا ومنكم صالح الأعمال
ورفع عنا وعنكم الوباء والبلاء

11/08/2019

كل عام و أنتم بألف خير💜
نسأل الله لنا ولكم .. ذنباً مَغفوراً وعملاً مقبولاً ودعاء مُجاباً 🤲
عيد أضحى مبارك 🐑🎉

15/07/2019

صعب تمنع الإصابة خصوصاً لو كبير فى السن 👴
ولكن تقدر تساعد نفسك بنفسك وتسيطر عليها لو خليت النصائح دى جزء من روتين يومك ,فبالتالى الألم والتورم هيخف. 💪
د.أيمن بيقولك :👇👨‍⚕
- تجنب الوقوف لفترات طويلة و تكرار صعود و نزول السلالم لأنه هيزود الضغط على المفصل و الخشونة وآلامها هيضاعف.
- عند صعود السلم استند بيدك دائماً علي سور السلم وأصعد درجة درجةو بالساق السليمة أولا.
- خلى بالك من السقوط على الدرج.
- تجنب بعض أنواع الجلوس الخاطئ زى التربيعة و وضع القرفصاء و ثنى الرجل أسفل الجسم والقعدة على الأرض.
- تخفيض الوزن وبالتالى انخفاض الحمل على مفصل الركبة، عن طريق تقليل الكربوهيدرات والدهون وأكل فاكهة وخضار كتير وممارسة الرياضة.
- فى مبدأ مهم لمرضى الخشونة "هو تحرك وكن نشيط ولكن تجنب الأجهاد "زى المشي بانتظام يؤدي إلى تحسين الدورة الدموية لغضاريف وأنسجة الركبة وتقوية عضلاتها ولكن بدون إجهاد للركبة وفي غير أوقات الألم الشديد ويفضل ارتداء حذاء رياضي مريح

رزقكم الله بدوام الصحة والعافية ❤
شير البوست وساعد غيرك يعرف إزاى يخفف ألم الخشونة 😊
للتواصل☎ : 01003474900
ونورونا فى #العيادة سوهاج، ش.المحطة، برج المدينة، الدور الثالث
أعلى معمل الاسراء

08/07/2019

حصل فى مرة إنك نمت بعد يوم طويل ومرهق فى الشغل
و صحيت لقيت جسمك تعبان ومكسر عالرغم إنك نمت كويس وعدد ساعات كتير 🤨
السبب الرئيسى للألم ده هو طريقة نومك الغلط اللى بتسبب ألم فى الكتف والرقبة والظهر
👈 لكن لوعايز تحمى نفسك من الألم ده تعالى نعرف إيه الوضعيات الصح للنوم :
1⃣ النوم على الجانبين هو الأفضل لكن يُفضل النوم على الجانب الأيمن كما وصانا الرسول (صلى الله عليه وسلم )لتجنب الضغط على الرئتين والمعدة ,لكن لو عندك ألم فى الكتف بلاش تنام على المنطقة اللى فيها ألم ونام على ظهرك
2⃣ النوم على الظهر مع وضع وسادة تحت الركبتين لتخفيف الضغط على الظهر السفلى لكن لو بتعانى من الشخير وانقطاع النفس أثناء النوم بلاش تنام على ظهرك
3⃣ من أسوء الوضعيات هو النوم على البطن لأنه بيضغط على الجهاز التنفسى وفقرات العنق وتسبب خلل فى الأكتاف

نصيحة لما تنام تكون الرقبة فى مستوى موازى للعمود الفقرى مش أعلى منه أو أقل منه 😊

نام صح هترتاح ❤
شير البوست وساعد غيرك يعرف طريقة النوم الصح 😊
ونورونا فى #العيادة سوهاج، ش.المحطة، برج المدينة، الدور الثالث
أعلى معمل الاسراء

من الساعه 3 إلى 5 مساءاً
للتواصل☎ : 01003474900
او واتس اب 01003474900

30/06/2019

ألم الكتف ده طبيعى لو بتعمل عادات غلط ,ولو عايز تتجنب الألم وتعرف إيه هى العادات الغلط كمل البوست معانا 😊
من العادات الغلط للكتف هى شيل وزن تقيل على كتف أو فى أيد واحدة - النوم على الذراع - استخدام المحمول والكتابة على الكمبيوتر أو حتى الورق لفترة طويلة و بوضعية خاطئة - تعرض الكتف لتيارات هواء باردة
👈عايز تتجنب ألم الكتف ؟ بننصحك بــ :
- تريح الكتف بشكل تام وارتداء حمالة الكتف لمدة يومين لحمل الكتف المصاب.
- عمل كمدات من الثلج يومياُ
- بعد ما يخف الألم شوية , حرك كتفك يميناً ويساراً، لأعلى ولأسفل ودائرياً وتكرارها على طول
- عدم اجهاد الرقبة أو الظهر لأنهم بيأثروا على الكتف وتجنب إجهادهم من خلال الوضعيات الخاطئة أو الثابتة لفترات طويلة

رزقكم الله بدوام الصحة والعافية ❤
شير البوست وساعد غيرك علشان يتخلص من ألم الكتف 😊
ونورونا فى #العيادة سوهاج، ش.المحطة، برج المدينة، الدور الثالث
أعلى معمل الاسراء
للتواصل☎ : 01003474900

24/06/2019

خلى بالك.....من الموبايل
أول ما تحس بشوية ألم فى رقبتك ... تلاقى والدتك بتقولك " ما كله ده من الموبايل " 🤦‍♀
و علمياً هى كلامها صح 😊
لأن الايام دى ظهرت متلازمة اسمها "
وهى ضرر يصيب الرقبة بسبب استخدام الموبايلات و أجهزة الكمبيوتر بشكل مفرط
حيث إن وزن رأس الأنسان حوالى 5 كيلو, وعند ميل الرأس للأمام أو الأسفل و النظر للموبايل يزاد وزن الرأس خمس أضعاف و يضغط على الفقرات العنقية.
و ده بيسبب انزلاق غضروفى فى الرقبة وتشنج عضلات الرقبة والكتف والظهر و التهاب المفاصل و هشاشة العظام المبكرة ده غير العاهات التى تصيب العمود الفقرى⚠
👈 طيب إيه الحل؟!
طبعاُ إنك تسيب التليفون نهائى مش حل واقعى و لا عملى... لكن علشان تتجنب الآلام دى ننصحك بـــ : 👇
1 - وضع الموبايل وشاشات الكمبيوتر فى مستوى العين ولاتضطر لثنى رأسك
2- خد فترات راحة متكررة من الموبايل و الكمبيوتر طوال اليوم
3- المحافظة على الرقبة فى خط مستقيم مع العمود الفقرى

صحتك أهم ❤
شارك فى الخير وشير البوست علشان غيرك يستفيد و يعرف عن ضرر استخدام الموبايلات بشكل مستمر 👌

28/04/2019

كل سنة وأنتم طيبين بمناسبة أعياد الربيع 🌸
وأكيد ناس كتير حابة تأكل فسيخ ورنجة.
بس بنفكركوا حاولوا متكتروش من الأملاح لأنها بتسبب التهابات في القدم و الشوكة العظمية.
و بعد الأكل بننصحكوا بشرب ماية طوال اليوم و عصائر طبيعية و شاي أخضر ونعناع لطرد الأملاح من الجسم
وأكل خضار زي الجرجير و الخيار والبطل والبقدونس. 😊

عيد ربيع سعيد ♥️

26/04/2019

حصلك قبل كده إنك حسيت مرة واحدة بتنميل في اليدين؟! 🤨
غالباً بيحصل التنميل نتيجة وجود عصب تالفٍ، أو مُتهيج، أو وجود ما يضغط على الأعصاب, بسبب وضعية جلوس غلط لكن فيه حالات بيكون تنميل الأطراف ناتج عن مشاكل صحية.✋
فى البوست ده هنقولك إيه أسباب تنميل و إزاى تتجنب التميل بشكل مستمر 😊
⏪أسبابه :
1- التهاب الأعصاب خصوصاً لمرضى السكر.
2- التدخين
3- نقص الفيتامين B12.
4 -انحناء الرقبة للأمام عند استخدام الموبايل و بالتالى تنميل الأطراف بسبب تلف الأعصاب
5- نقص الكالسيوم والأنيميا.
6- عرق النسا.
7- مشكلةٍ في فقرات الظهر .
- ولو التنميل ده استمر يومياً ومعاه مشاكل في الرؤية أو ضعف في الأطراف ضرورى تزور الدكتور
⏪ طيب إزاى تتجنب تنميل الأطراف ؟
- أطعمة فيها فيتامين B خاصة B6 , B12 لأنها مهمة لصحة الأعصاب.
- ابعد عن الأماكن اللى فيها تدخين
- عمل مساج للمنطقة المصابة بالتنميل
- تجنب الجلوس والوقوف لوقت طويل أو بشكل خاطئ
- لبس أحذية مُريحة.
- التخفيف من الوزن الزائد.

رزقكم الله دوام الصحة و العافية ❤

17/04/2019

أنت عارف إن الصلاة مش بس فريضة يومية, لكن بتحافظ علي صحة العمود الفقرى 💪
لأن أثناء الصلاة المفاصل والعضلات بتتحرك و بالتالى تتجنب الإصابة بضمور العضلات وتيبس المفاصل، كمان بتقوى العضلات وتحافظ على شكل العمود الفقرى الطبيعى.
▪الحركات والتمرينات اللي بنعملها أثناء أداء فريضة الصلاة هى أفضل أنواع التمرينات للإنسان وخاصة للعمود الفقرى.
▪فالتمارين دي بتعالج مشاكل الظهر والعمود الفقرى، خاصة وضع السجود اللى يعتبر أفضل وضع ممكن يعمله الإنسان للتخفيف من آلام الظهر الناتجة عن الضغط على الأعصاب وتخفيف آلام الانزلاق الغضروفى وغيرها.😫
لان فى السجود شكل العمود الفقرى بيكون فى وضعه الطبيعى ومفيش أى ضغط على الأعصاب الخارجية من بين كل فقرة والفقرة اللى بعدها.
▪بالإضافة كمان إننا بننصح اللى بيعانوا من مشاكل وآلام فى الظهر زى انزلاق وعرق النسا، وغيرها من حالات الضغط على الأعصاب أن يتخذ وضع السجود عند اشتداد حدة الحالة عليه للتخلص من الأوجاع 👌.

رزقكم الله دوام الصحة و العافية 🙏
شير البوست وساعد غيرك يعرف عن تاثير الصلاة على العمود الفقرى 😊

14/04/2019

الكاحل أكتر مفصل قوى فى الجسم علشان يتحمل وزن الجسم 👌
لكن نتيجة لحركة مفاجئة أو التواء و اجهاد الكاحل
هتحس بألم مزمن مع ظهور تورم و صعوبة فى الحركة 🙁
فى البوست ده هتعرفوا إيه أسباب ألم الكاحل و علاج الألم؟
⏪أسبابه :
- كأى مفصل ممكن يحصله خشونة و ضمور
- الالتواءات المتكررة فى الكاحل
- التهابات و كسر فى العرقوب
- كسر الكاحل بسبب حادثة سقوط و تعثُر أثناء المشى
- التهابات فى الكاحل
- النقرص
- خشونة فى المفصل
⏪ طيب إزاى توقف الألم ده بسرعة ؟
▪وضع كمادات ثلج على المنطقة لتقليل التورم ، من خلال وضع الثلج في قطعة من القماش ، و لفها حول الكاحل مدة 10- 20 دقيقة.
▪ متحركش المفصل قدر الإمكان و حاول وضع رباط ضغط على المنطقة المُصابة
▪رفع الكاحل أعلى من مستوى قلبك لتقليل التورم
▪ضع وسادة تحت الكاحل
لكن لو الألم مش بيخف و التورم بيزيد يوم بعد يوم لازم استشارة الدكتور ليتم وصف مسكنات للألم 👌

دمتم بصحة وعافية ❤
شير البوست و ساعد غيرك يعرف هيعمل إيه فى الحالات دى 😊

11/04/2019

كتير بيحصل إنك بتحس بألم فى مفصل ايدك كأنه مفكوك و بتلف رباط ضاغط عليه 👌
⏪ طيب الألم ده بيحصل ليه ؟
1- الإصابات فى مفصل اليد زى السقوط عليها و الالتواءات .
2- الاجهاد المتكرر زى السواقة لفترة و طويلة و رياضة التنس و الكتابة على الكمبيوتر باستمرار
3- التهاب المفاصل و الأوتار
أكيد الرباط الضاغط مفيد فى حالة الاجهاد أو الالتواءات ... لكن مش دايما حل لأن الألم بيرجع تانى 😕
فــ أحسن حاجة تعملها علشان تتجنب الألم ده ... تحاول تمشى على النصائح دى : 😊👇
- تناول الأكل اللى فيه كالسيوم و فيتامين " د " لتقوية عظامك 💪
- تجنب السقوط إلى الأمام على يد ممدودة , ارتداء أحذية مريحة
- ارتداء الملابس الواقية في الأنشطة الرياضية زى واقي الرسغ فى كرة القدم.
- أخذ فترات راحة لو كنت بتستخدم لوحة المفاتيح كتير , وعند الكتابة احتفظ برسغك في وضعية مريحة ومحايدة.

رزقكم الله دوام الصحة و العافية ❤️

عيادة دكتور أيمن عبد الكريم لعلاج الألم

24/04/2020

11/08/2019

15/07/2019

08/07/2019

30/06/2019

24/06/2019

28/04/2019

26/04/2019

17/04/2019

14/04/2019

11/04/2019

Address

Website

Alerts

Shortcuts

Share

Category