What are the opening hours?

Monday 9am - 11pm Tuesday 9am - 11pm Wednesday 9am - 11pm Thursday 9am - 11pm Friday 3am - 7pm Saturday 9am - 11pm Sunday 9am - 11pm

https://www.facebook.com/486251144880842/

El-Magd lab.معمل المجد للتحاليل الطبية بســــــــــوهاج, salam Street at elmahata st, Sohag (2026)

30/11/2025

انا قلت له يروح يصوم ويرجع اسحب له العينه من تاني ، بس بردو العينه بعد الصيام بالمنظر ده severe lipemia !!

: طاب قيمه triglycerides طلعت معاك كام في العينه دي ؟

طلعت معايا 1120 mg/dl ، بعد ما عملت dilution اصلا عشان الجهاز يعرف يقراها!

: سألت صاحب العينه ع تاريخه المرضي او وصلت لاي حاجه عنده ؟

المشكله انه كان عامل من سنه lipid profile والنتائج كلها طبيعيه ! ، يعني حتي يخليك منتش فاهم حالته غير انه اكل قبل التحليل وضحك عليا

: ما هو انت بتقول ان العينه كانت اول مره lipemia قويه ولما قلت له يصوم ويرجع لقيتها تاني lipemia قويه يعني هي مستمره مش موضوع اكل كدا !

لسا عارف دلوقتي انه صاحب العينه ف الطواريء لانه بيشتكي من ألم قوي ف بطنه ومش قادر يستحمل ولما الطبيب كشف عليه طلب مننا نسحب له عينات ونعمل تحاليل
Liver function tests ( Total bilirubin , ALT , AST , ALB )
بس التحاليل طلعت طبيعيه !

بعدها الطبيب بلغنا اننا نضيف تحاليل Amylase , lipase

: يبقي هو شاكك ان ف مشاكل ف عضو البنكرياس كدا ، مادام الراجل معندوش تاريخ مرضي لحاجه

لقيت تحاليل amylase , lipase عالين عن الطبيعي بكتير جدا ! ، كدا يعني ايه !

: كدا الراجل ده عنده مشاكل ف عضو البنكرياس وارد جدا تبقي pancreatitis وبسبب ده حصله الألم القوي ، وانت عارف ان نفس السبب ده هو الي خلي triglycerides معديه 1000 !

ازاي يعني ، ايه علاقه lipid profile بالتهاب البنكرياس

: في علاقه طبعا قويه ، والأبحاث العلميه اثبتت ان في حالات التهاب البنكرياس وتحديدا acute pancreatitis بتلاقي ارتفاع مستمر طول فتره الالتهاب لقيمه triglycerides حتي تلاقيها معديه 500 او توصل لاعلي 1000 كمان في التركيز، وعشان كدا لما انت قلت له يصوم ويجيلك تاني العينه فضلت lipemia متأثرتش بالأكل او الصيام !

lipid profile وتربطها بالحالات المرضيه تقدر

18/11/2025

تحليل الفيدال widal test عملي ونظري باختصار:

أول شيء لازم نعرف ان اسمه فيدال وبيتكتب بال w ويتنطق v عشان ده اسم اللي اخترعه .

ـــــــــــ

تاني حاجة ، التحليل ده بيتعمل ليه ؟
بيتعمل عشان نحدد هل الشخص مصاب بمرض التيفود وللا لأ . وده لما تظهر عليه أعراض المرض زي ارتفاع الحرارة والصداع واللون الأبيض في اللسان وألم البطن والترجيع والطفح الجلدي في بعض الحالات وغيرها من الأعراض اللي ممكن تظهر مجتمعة أو يظهر حاجة واحدة منها أو أكتر.

ـــــــــــ

طيب بيتعمل ازاي ؟

هو اربع فايلات بنعمل لكل واحد تست خاص بيه ونطلع نتيجة خاصة بكل واحد ، وعلى فكرة كل واحد قائم بذاته يعني مش لازم لو نوع طلع بوزيتيف يبقى غيره يطلع بوزيتيف.
الأربعة هم : O - H - A - B

بنستخدم في التحليل انتيجين ميت عشان لو في العينة انتبودي يتفاعل معاه ويرسبه فنشوف التفاعل نعرف ان الانتيبودي موجود.

هنتكلم عن الطريقة المشهورة طريقة الشريحة :

1- حضرتك بتعمل كل نوع كالآتي: بتاخد 20 ميكرولتر من السيرم ( وينفع بلازما بس السيرم أفضل) وتضع عليها نقطة من الكاشف الخاص ، تقلب لمدة دقيقة أو دقيقتين حسب الكت بتاعتك .
النوع اللي يعطي ترسيب يبقى ايجابي نعمل له التتر اللي بعده واللي ميعطيش يبقى نسجله سلبي ونكمل شغلنا.

2- نخفف للتتر اللي بعده ازاي ؟
ناخد 10 سيرم مع 10 محلول ملحي (لازم الحجم يبقى 20 ) ونضع عليهم نقطة من الكاشف.
اللي يعطي نيجاتيف في التتر ده يبقى نسجل نتيجته اللي هي التتر اللي قبله يعني 1/80 ، واللي يعطي بوزيتيف في التتر ده نعمل اللي بعده

3- التتر اللي بعده 5سيرم مع 15 محلول ملحي مع نقطة كاشف .
النيجاتيف في ده يبقى نتيجته 1/160 اللي التتر السابق ، والبوزيتيف نعمل اللي بعده
4- 2.5 سيرم + 17.5 ملحي + نقطة كاشف

اللي يعطي نيجاتيف في ده يبقى 1/320 والبوزيتيف نعمل له التتر اللي بعده لو اعطى في اللي بعده نيجاتيف يبقى تتره 1/640 ولو اعطى بوزيتيف يبقى 1/1280 .

قاعدة عامة : النتيجة هي آخر تتر اعطى ايجابي.

__________

ممكن تعمل سيريال ديليوشن من أول لو عايز ، بيتعمل ازاي ده ؟

تضع عدة نقاط كل واحدة منها 20 ميكرولتر محلول ملحي على الشريحة، وبعدين تاخد 20 سيرم وتقلبهم في الأولى ، وبعدها تاخد منهم 20 وتقلبهم في التانية ، وبعدين تاخد منهم 20 وتقلبهم في الثالثة وهكذا (زي ما بتعمل في البلهارسيا)

يبقى أول نقطة اتخففت للنص والتانية اتخففت للربع والثالثة للتمن وهكذا
وبعدين تستخدم كل نقطة من السيريال اللي عملناه (اللي هي 20) مع نقطة من الرئجنت.
لو أول نقطة متخففة اعطت يبقى اعطت ايجابي في 1/160 ونعمل اللي بعدها.
لو اللي بعدها اعطت يبقى ده تتر 1/320 ونعمل اللي بعدها.
لو الي بعدها اعطت يبقى 1/640 وهكذا.

قاعدة عامة : النتيجة هي آخر تتر اعطى ايجابي
______

رابعا : الأهمية التشخيصية للاختبار ده :

تعتبر النتيجة ذات قيمة تشخيصيةودليل على الإصابة بالسالمونيلا لو O أو H اعطت تتر 1/160 .
زمان كان يعتقد إن الـ O بس هي اللي تدل على ريسنت انفكشن بس دا مش صحيح ، دراسات حديثة قالت إن الـ H أهم ، ودراسات قالت إن الاتنين نفس الدلالة .

ـــــــــــــــ

خامسا : عيوب هذا الاختبار :

صراحة هو له عيوب كتير جدا ، أهمها :
1- إنه مش بيعطي ايجابي الا بعد 6- 8 ايام بالنسبة للـ O و بعدها بأربعة أيام بالنسبة للـ H .
2- إنه بيعطي ايجابي كاذب في حالات كتير جدا ، منها مثلا:
-لو سبق للشخص الاصابة بهذا المرض
- لو سبق وأخذ له تطعيم
- لو منتشر في منطقة ممكن يعطي ايجابي كاذب في الأشخاص الطبيعيين اللي فيها وصلت في بعض الابحاث لـ 65 % ايجابي كاذب في اشخاص طبيعيين .
- في كتير من الاصابات المعوية الاخرى لأنها بتتداخل معاه في الاختبار
- في حالات أمراض الكبد المزمنة
- كل الأمراض المناعية تقريبا ممكن تسبب ايجابي كاذب.

___________

سادسا: توضيح لمسألة احنا بنقيس ايه:

المفروض ان الفيدال 8 حاجات :
2 للتيفي :
O,H for s. typhi

وعندنا 3 subtypes للباراتيفي وهم : Aو Bو C كل واحد منهم له برضه O,H وبالتالي يبقى عندنا لهم :

AH,AO
BH,BO
CH,CO
احنا بنعمل اربعة بس :
O,H
AH
BH
( خد بالك: لـ O أجلوتينين للسوماتيك و الـ H أجلوتينين للفلاجيلار سواء للتايفي او الباراتيفي . )

احنا مش بنعمل AO BO لأنها بتشتبه مع السوماتيك O بتاعت التايفي .

التشخيص في الأساس يعتمد على O,H الاتنين وزي ما في المنشور لو H بس طلعت مثلا 1/320 يبقى ياخد علاج .

الـ A نادرة عندنا دي حقيقة ، بس نادرة مش معناها انها غير موجودة .
أما الـ B فموجودة بس قليلة . C هي بس اللي مش بنعملها ومش بنكتبها.

ولو طلع معانا AH أو BH يبقى معناها ان الـ H بتاعت البارا تيفي موجودة . يعني في H .

ــــــــــــــــــــــــــــــ

ساعات الـ O تطلع عالية أوي مقارنة بالـ H وده له اسباب منها:
1- إنها كده كده بتسبق الـ H بحوالي 4 ايام.
2- إنها ممكن تكون O لكذا حاجة : تايفي + BO أو AO . وفي الحالة دي ممكن نلاحظ نتيجة ايجابية لأحد نوعين الباراتيفي .

ـــــــــــــــــــــــ

في النهاية احنا بنطلع النتيجة صح والتشخيص والعلاج ده يرجع للطبيب المتخصص

منقول عن
د. محمود سعد حجي

14/11/2025

ما هي تحاليل وظائف الكبد ؟

و أي وظيفة من وظائف الكبد أهم في التشخيص والعلاج والمتابعة، وكيف نفهم نتائج تحاليل وظائف الكبد خاصة التحاليل الشائعة ALT - AST - Albumin ؟

قبل أن نجيب على هذا السؤال لابد أن نعرف باختصار بعض الخصائص التي تميز كل واحدة من هذه الوظائف:

الإنزيمات ALT - AST توجد داخل خلايا الكبد ولذلك فإن ظهورها بنسب عالية في الدم دليل على تكسر خلايا الكبد وخروج الانزيمات إلى الدم . أي أنها وظيفة للدلالة على تكسر خلايا الكبد وعلى cirrhosis

إلا أن ALT خاص بالكبد فقط ولا يوجد إلا في خلايا الكبد بينما AST يوجد في الكبد وفي العضلات والقلب وغيرها .

يتميز AST بقصر فترة عمرة النصف أي أنه يظهر فيه التغيرات أسرع كثيرا من ALT .

الألبومين يتم تصنيعه في الكبد والتحكم في مستواه في الدم يكون أساسا من خلال الكبد وإن كانت هناك مؤثرات أخرى تتحكم في مستواه لكن لا يغير هذا من كونه وظيفة تدل على قوة الكبد التخليقية .

ــــــــــــــــــ

الآن ، جاء وقت الإجابة على السؤال :

حينما تبدأ خلايا الكبد بالتكسر فإن أهم وظيفة وقتها هي ALT لأنه الوحيد الخاص بالكبد وهو الأكثر دلالة على حالة خلايا الكبد هل تتكسر أم لا ، لذلك فأول وظيفة يجب أن ينظر إليها الطبيب هي ALT فإن كانت عالية فهذا دليل على وجود تكسر بمعدل أعلى من الطبيعي لخلايا الكبد وإن كان ALT طبيعي فلا تكون نتيجة AST مؤشرا لحدوث تكسير في خلايا الكبد .

إذا بدأ المريض في علاج سبب هذا التكسر ( بعد تشخيص السبب ) فإن الإنزيمات هي المقياس للتحسن وللتأكد من نزول معدل تكسير الخلايا إلى المعدل الطبيعي ، إلا أن مستويات ALT العالية لا تتحسن في الدم بسرعة لطول عمر النصف لهذا الانزيم بينما تتحسن مستويات AST أسرع لأن فترة عمر النصف لهذا الانزيم قصيرة . أي أن متابعة العلاج يكون أهم وظيفة لها هي AST .

مع الوقت في حالة عدم التحسن والسيطرة على سبب تكسر الخلايا ، تبدأ مستويات الانزيمات في الانخفاض ، هذا الانخفاض سببه قلة عدد خلايا الكبد التي تتكسر بعد تكسر جزء كبير من الكبد ، في هذا الوقت تقل قدرة الكبد على التصنيع بسبب قلة خلاياه السليمة فيظهر هذا في انحفاض مستويات الـ Albumin تدريجيا .

بمعنى أنه في الحالات المتأخرة تكون الانزيمات طبيعية أو قريبة من الطبيعي بينما ينخفض الألبومين تدريجيا ويصبح هو الوظيفة الأهم لمتابعة حالة هذا المريض.

__________

الخلاصة :

للتشخيص المبدئي للكبد : ALT

لمتابعة أسرع لتحسن الكبد مع العلاج : AST

عند تأخر الحالة : Albumin

منقول عن
الاخ العزيز د محمود سعد حجي

27/10/2025

....تحذير هام...من المياه الغازية......
"الصين" ، سيتم بيع شركة "كوكا كولا"
كمنظف ل الصرف الصـ,حي ، و سيتم تحويل المشروب الغازي"كوكا كولا" الذي تنتجه شركة كوكا كولا الأمريكية بموجب قرار اللجنة المركزية الصينية لجودة الأغذية إلى فئة السـ,وائل الصحـ,ية الموصى بها ل تنــ,ظيف الأنابـ,يب* ...

*سبب هذا القرار الصارم هو البحث العلمي حول محتوى المشروب وتأثيره على صحة الإنسان*...
*تم إختيار أكثر من 500 سجين في السجون الصينية لإجراء التجارب وتناولوا "كوكا كولا " ثلاث مرات يوميًا لمدة ستة أشهر* ..
*إنتهت التجربة لـ 75 منهم بالــ,وفاة*
*وأصيــ,ب 150 آخرون بالإعــ,اقة*
*وتبين أن الباقين يعانون من تفاقم أمـ,راض مزمنة و تعرضوا للأضرار صحية بدرجات متفاوتة الخــ,طورة*...
*بناء على هذه المعطيات ، توصلت الهيئة إلى إستنتاجات حول خطــ,ورة المشروبات الغازية على حياة وصحة الإنسان .. مما أدى إلى قرار بالسحب الفوري لمشروب "كوكا كولا" من جميع محلات البقالة في الدولة*...
*في الوقت نفسه لوحظت الخصائص الإيجابية للسائل على وجه الخصوص في السباكة كمنظف فعال للأنابيب*...

*في "تركيا" ، و لأول مرة في العالم ، بدأت محــ,اكمة ضد شركة "كوكا كولا" بسبب تركيبة المشروب التي يمكن لها أن تسبب سرطــ,ان الرئة والكبد والغدة الدرقية وســ,رطان الــ,دم*...

*في "الهند" منعت المحكمة العليا توزيع مشروب "الكولا" بسبب مخــ,اطره الصحية*...

*وحظرت "لاتفيا" توزيع "كوكا كولا" و "البيبسي" في المدارس الإبتدائية ، وفي إنجلترا وأوكرانيا ، تم فرض حــ,ظر تناولها على المدارس*...

حقائق حول كوكا كولا

*تعتبر جيدة في إزالة الصدأ والقشور الموجودة في الغلاية واللوحة الموجودة في المرحاض ، بسبب محتوى حمض الأورثوفوسفوريك فيها*...

*وفي بعض الدول الآسيوية يستخدم المزارعون "الكوكا كولا" لقتل الآفات لأنها أرخص من المواد الكيمــ,يائية ويعطي نفس التأثير*...

*في كل ثانية يتم استهلاك 8000 كوب من مشروبات "كوكا كولا" حول العالم*...

*كل ما سبق لا ينطبق فقط على شركة "كوكا كولا" ، بل على جميع المشروبات الغازية الأخرى*...

* [[يجب أن نتذكر أن الشركة المصنعة تهتم فقط بالربح،، أما العناية بصحتك هي بين يديك أنت
فقط* ]]
منقول.....
*دمتم سالمين*

26/10/2025

الخريف .. موسم الاكزيما ..
تعرفو إنه فيه علاقة قوية
بين الأكل اللي بناكله و الاكزيما

العلاقة أساسية!
لان الأكزيما مش بس مشكلة جلدية سطحية، هي نوع من التهابات الجلد وتصنف ضمن أمراض المناعة الذاتية (Autoimmune Diseases). الفكرة إنه جهاز المناعة بيهاجم الجسم نفسه. لكن

المفاجأة إنه المشكلة الرئيسية غالباً بتبدأ من الأمعاء!
الأكزيما مرتبطة جداً بحالة اسمها "الأمعاء المتسربة" (Leaky Gut)، يعني جدار الأمعاء بيكون ضعيف ومنفذ.

طيب ليه بيحصل كده؟
اسباب كتير اهمها كثرة المضادات الحيوية، الأكل الغلط، التوتر الشديد، ونقص الفيتامينات والمعادن...

البكتيريا النافعه في الأمعاء بتضعف، وبتفقد خلايا جدار الأمعاء تماسُكها القوي. فبتتسرب جزيئات الأكل اللي ما اتهضمتش كويس من الأمعاء للدم. جهاز المناعة بيشوفها كـ "أعداء"، وبيهاجمها في أي مكان تتراكم فيه، وإذا تراكمت في الجلد، ممكن تسبب الأكزيما.

عشان كده، المراهم والكورتيزون (العلاجات الموضعية) كتير بتريح مؤقتاً بس، لأنها ما عالجتش أصل المشكلة اللي هو في الأمعاء.

الخطة الطبيعية اللي بتركز على علاج الأكزيما من جذورها:
🥗 ابدأ بالأمعاء والتغذية (الأساس):
(Elimination Diet): شوف إيه الأكل اللي بيسبب لك حساسية أو عدم تحمل. أهم المتهمين هم القمح (الجلوتين) ومنتجات الحليب. حاول تمنعهم.

الأكل اللي لازم توقفه: السكريات السريعة، المعجنات، المقالي، والأطعمة المُصنعة. دي كلها بتزود الالتهابات في الجسم.
صحة الأمعاء:
خد مكملات البروبيوتيك (Probiotics) (البكتيريا الجيدة) مع البريبايوتكس (Prebiotics) (الألياف اللي بتتغذى عليها البكتيريا) لمدة 4-5 شهور.
استخدم الأنزيمات الهاضمة (Digestive Enzymes) عشان الهضم يتحسن. لو مش متوفرة، اشرب عصير ليمون مع ماء دافي قبل الأكل بربع ساعة.

💊 مكملات مهمة عشان تعالج النقص: طبعا بعد استشاره الطبيب
الأوميجا 3 والدهون الكويسة: نقصها مشكلة كبيرة.
خد زيت السمك أو زيت بذر الكتان (3000 ملج يومياً).
زيت زهرة الربيع المسائية (Evening Primrose Oil) (1000 ملج يومياً).
أكثر من زيت الزيتون.
الزنك: خد 20 ملغ منه يومياً. بس خد بالك، الزنك بيقلل النحاس في الجسم، فضروري تاخد معاه النحاس (2-4 ملغ).
فيتامين د3 (Vitamin D3): مهم جداً لتهدئة جهاز المناعة. لازم تفحص مستواه في الدم وتوصله للمعدل المطلوب (60-100 nmol/L).

مضادات الالتهاب الطبيعية:
الكركمين (Curcumin): المادة الفعالة في الكركم، لازم تاخدها مع فلفل أسود عشان جسمك يمتصها كويس.
الخضار: كُل خضار طازج كثير واشرب عصيره عشان تنظف الكبد وتنشط عمله. الخضار بيديك الكاروتينات اللي بتتحول لفيتامين A.
عصير ورق الشعير: يعتبر منظف ومكمل ممتاز.

🧘‍♀️نمط الحياة :
النوم: السهر بيزود الالتهابات وبيخلي الأكزيما تسوء. حاول تنام 8 ساعات متواصلة كل ليلة.
الرياضة: بتساعد في تخفيف الالتهابات وبتقوي جهاز المناعة. استمر عليها بانتظام.
الشدة والتوتر (Stress): التوتر المزمن بيولع الالتهابات في الجسم. اعمل تأمل (meditation)، تنفس عميق (deep breathing)، أو يوجا (yoga) عشان تهدي أعصابك.
للحكة الموضعية: ممكن تستعمل زيت شجرة الشاي (Tea tree oil) وتدهن بيه المنطقة المصابة، بيساعد على تخفيف الحساسية والحكة.

الحقيقه ان علاج الأكزيما الطبيعي محتاج صبر والتزام، بس النتيجة تستحق .. بتيجي من الداخل
مع العلاج الخارجي !

منقول عن الزميله
Dr. Safa Habib 🌹

21/10/2025

لو طلعلك كرش حتي لو صغير وحتى لو وزنك "كويس"..
لازم تقف وتفكر ! .. لأن ده مؤشر خطير

يا جماعه مش دايمًا الكرش بييجي عشان وزنك زاد.
فيه كرش تاني أخطر بكتير، اسمه كرش الكبد الدهني، وده بييجي حتى لو وزنك ظاهريًا "حلو".
الكرش ده مش دهون تحت الجلد، دهون تحت الضلوع حوالين الكبد نفسه..
وده أول نداء استغاثة بيطلعه جسمك قبل ما تحصل مصايب!

---

يعني إيه كبد دهني؟
يعني الكبد بدأ يتحول من "مصنع طاقة" لجراج دهون.
بدل ما يحرق الدهون، بيخزنها جواه.
وبيتحول من عضو نشيط بينضف الجسم وبيصنع إنزيمات وبروتينات وهرمونات،
لكبد "مترهل" مش قادر يقوم بوظايفه.

---

📌 طيب ليه الكبد الدهني خطير؟

لأن دي مش مجرد "دهون ع الكبد" وخلاص.
دي بداية سلسلة من الانهيارات البطيئة، اللي بتبدأ من جوه وممكن تخلص بتليف أو حتى فشل كبدي لا قدر الله.

اسمعني كويس بقى 👇

1️⃣ الكبد أول ما يتشحم، بيبدأ "مقاومة الإنسولين" تزيد.
ودي معناها إن الجسم مش بيعرف يدخل الجلوكوز للخلايا.
فتبدأ الشهية تزيد، والدهون تثبت، والسمنة البطنية تكبر.
يعني الكرش بيغذي الكبد، والكبد بيغذي الكرش.. دايرة مقفولة!

2️⃣ الكبد بيبطل ينضف الدم من السموم والهرمونات الزايدة.
تبدأ هرمونات زي الإستروجين تزيد عند الستات → انتفاخ، كسل، مزاج متقلب، دورة متلخبطة.
وعند الرجالة → ضعف، كرش، خمول، ونقص في التستوستيرون.

3️⃣ الدهون اللي جواه تبدأ تطلع مواد التهابية (inflammatory cytokines).
ودي تسبب التهابات في الجسم كله: مفاصل، قولون، جلد، مخ، أعصاب.
يعني تلاقيك بتتعب من أقل مجهود، صداع، دوخة، نسيان، اكتئاب.

4️⃣ الكبد لما يتشحم أكتر، يبدأ يتليف.
ولما يتليف، مفيش طريق رجعة.
ساعتها بتدخل في مرحلة "تعب مدى الحياة" إلا لو لحقت نفسك بدري.

---

🚨 طب إيه أعراض الكبد الدهني؟

✅ كرش بارز مش متناسب مع باقي الجسم.
✅ تعب وخمول بعد الأكل.
✅ نوم مش مريح وصحيان دايم بالليل.
✅ انتفاخ وغازات وسوء هضم بعد كل وجبة.
✅ كسل في الحرق وصعوبة نزول الوزن.
✅ دهون ثلاثية وكوليسترول عاليين في التحاليل.
✅ صداع، مزاج متقلب، تركيز ضعيف.
✅ عند الستات: دورة متلخبطة، شعر بيقع، تعب قبلها بأيام.
✅ عند الرجالة: ضعف عام، خمول، فقد رغبة، وتعب متكرر.

---

🚩 طيب ولو طنشت ده ؟

لو طنشت الكرش ده، مفيش حاجة اسمها "هيقل مع الوقت".
ده هيزيد ويتحول من "كبد دهني بسيط" لـ "كبد دهني ملتهب"،
ومنها لـ "تليف كبدي"، وساعتها بتخسر أهم عضو بينضف جسمك من السموم.
وجسمك كله يبدأ يقع: مناعة ضعيفة، التهابات مزمنة، وزن مش بينزل، جلد باهت، وهرمونات مضروبة.

---

📌 ملحوظة مهمة جدًا جدا :

❌ مفيش جلسات تنزل دهون الكبد.
❌ مفيش حقن ولا كبسولات سحرية تشيلها.
❌ مفيش دايت قاسي ولا كورسات "ديتوكس" هتصلح اللي حصل.

اللي هيصلحه حاجة واحدة:
✅ تعديل سلوكك الغذائي.
✅ والنظام اللي اسمه "نظام الأكبو" (A.K.B.O) اللي بيصلح مسار الحرق من الجذر.. وهشرحه دلوقتي

---

♦️ يعني نبدأ منين؟

🔹 أولًا: امنع السكر الأبيض والنشويات المكررة فورًا.
هما السبب الأول في مقاومة الإنسولين وتخزين الدهون في الكبد.
🔹 تانيًا: خفف الأكل بعد المغرب، وسيب للكبد فترة صيام 14–16 ساعة عشان ينضف نفسه.
🔹 تالتًا: زود البروتين الطبيعي (بيض – سمك – لحمة بلدي – تونة – جبن قريش).
🔹 رابعًا: خضار كتير جدًا.. يوميًا طبق سلطة + خضار مطبوخ.
🔹 خامسًا: امشي نص ساعة على الأقل يوميًا بعد الأكل.
🔹 سادسًا: نام بدري واصحى بدري، لأن الكبد بيتجدد أثناء النوم العميق.
🔹 سابعًا: اهتم بالماغنسيوم، الزنك، فيتامين D، والسيلينيوم.. دول أساس تنظيف الكبد وتنظيم الهرمونات.

---

💥 خطة إنقاذ الكبد من التشحم.. قبل ما يدمّرك بصمت!

الكبد الدهني مش محتاج علاج خارجي،
هو محتاج تدي له فرصة يشتغل من تاني.
يعني تصححله بيئته، توقف السموم اللي داخله، وتدعمه بالأكل اللي يصلحه.

خلينا نمشي واحدة واحدة:

---

▪️أولاً: التحاليل اللي لازم تتعمل

مش علشان نخوّفك، لكن علشان نعرف "المرحلة اللي انت فيها":

1️⃣ ALT / AST / GGT – إنزيمات الكبد، لو مرتفعة يبقى في التهابات.
2️⃣ إنسولين صايم – أهم تحليل في الكبد الدهني (لو أكتر من 8 غالبًا في مقاومة إنسولين).
3️⃣ دهون ثلاثية + كوليسترول – لأنهم بيتراكموا أولاً في الكبد.
4️⃣ فيتامين D – ماغنسيوم – زنك – سيلينيوم – نقصهم معناه كبد مضغوط مش قادر ينضف نفسه.
5️⃣ CRP أو ESR – لمتابعة مستوى الالتهاب الداخلي في الجسم.

---

▪️ثانيًا: خطة الأكل العلاجية (نظام الأكبو)

النظام ده بيعتمد على أربع ركائز أساسية اسمهم A.K.B.O،
وكل حرف بيمثل مرحلة تصحيح:

---

🅰️ A = Activate الحرق والكبد

ابدأ بإلغاء اللي بيخنقه:
❌ سكر أبيض
❌ نشويات مكررة (عيش، رز، مكرونة، بطاطس)
❌ زيوت نباتية (درة، عباد شمس)
❌ أكل جاهز ومصنّع ومقليات

بدلهم بـ:
✅ بروتين طبيعي (بيض، لحمة، سمك، فراخ بلدي، تونة).
✅ خضار كتير جدًا مطبوخ وسلطة كل يوم.
✅ دهون صحية (زيت زيتون، سمنة بلدي، مكسرات، أفوكادو).

🕐 وجبتين في اليوم كفاية جدًا.
ما بين الوجبتين، مفيش سناك. سيب الكبد يصوم ويشتغل على تنظيف نفسه.

---

🅺 K = Kill الالتهاب

أي التهاب مزمن بيغذي دهون الكبد.
نعالجه بالأكل قبل الدوا:

زود التوابل المضادة للالتهاب: كركم، زنجبيل، قرفة، زعتر.

اشرب كل يوم مشروب كركم + فلفل أسود + ليمون.

نام بدري جدًا، لأن الكبد بينظف نفسه أثناء النوم من 11 مساءً لـ3 فجراً.

---

🅱️ B = Build الدعم الغذائي للكبد

الكبد محتاج مواد خام عشان يبني خلاياه ويجدد نفسه.

🔸أهم العناصر:

ماغنسيوم (قبل النوم – بيريّح الكبد والجهاز العصبي).

زنك (ينشّط إنزيمات إزالة السموم).

سيلينيوم (يحمي الخلايا من التليف).

فيتامين D (ينظّم المناعة ويدعم الحرق).

كولين – Inositol (أساسيين لإذابة دهون الكبد).

فيتامين E وC (كمضادات أكسدة قوية).

🔹 أطعمة تنظف الكبد طبيعي:
ثوم – بصل – بنجر – كركم – رمان – ليمون – جرجير – بقدونس – تفاح – كركم – شوك الجمل.

---

🅾️ O = Optimize نمط حياتك

الكبد مش بس أكل.. الكبد كمان "إيقاع حياة".
نام بدري جدًا. امشي بعد الأكل بنص ساعة. قلل التوتر بأي شكل (صلاة – تنفس – تأمل). ابعد عن المسكنات والكورتيزون والمشروبات الغازية والطاقة. اشرب مية كفاية (2.5 لتر في اليوم على الأقل).

---

⚡ ثالثًا: إشارات التحسن اللي لازم تلاحظها

بعد 3 أسابيع من الالتزام:
✅ الكرش يبدأ يقل.
✅ الهضم يتحسن.
✅ النوم أهدى.
✅ الطاقة تعلى.
✅ التحاليل تبدأ تتحسن.
✅ الجلد والمزاج والمناعة أحسن بوضوح.

---

🔁 رابعًا: لو الالتهاب عالي جدًا

(تحليل ALT أو GGT مرتفع)
يبقى لازم نضيف خطة تنظيف خفيفة للكبد:

كوب مياه دافئة + عصير نصف ليمونة + نقطة خل تفاح عضوي على الريق (يوم ويوم).

شوربة خضار يومية + خضار مطهو بالبخار.

مشروب بنجر + تفاح + جزر طبيعي مرة يوميًا.

وكبسولة Milk Thistle (شوكة الجمل) بعد الغداء يوميًا لشهر.

---------
💬 الخلاصة:
مفيش كبد بيتصلح بالعافية،
ولا بجلسة، ولا بحقنة، ولا بكورس سريع.
الكبد بيتصلح لما ترجعله احترامه،
ولما توقف تظلمه كل يوم بالأكل الغلط والنوم المتأخر والتوتر المستمر.

ابدأ النهارده بخطوة بسيطة بس حقيقية.
سيب الكبد يتنفس..
هتتفاجئ قد إيه جسمك بيرجع يشتغل زي زمان،
من غير مجهود، من غير حرمان،
بس لما تفهمه وتتعامل معاه صح.
#منقول

22/09/2025

تحاليل الكلى

من أهم التحاليل اللي الدكتور بيطلبها
: Urea – Creatinine – eGFR …

الـ Urea - Blood Urea Nitrogen – BUN
ناتج من تكسير البروتين في الكبد والكلى هي اللي بتتخلص منه في البول.
ارتفاعه ممكن يدل على فشل كلوي، جفاف، نزيف معدي أو زيادة بروتين في الأكل.
لكن مش محدد للكلى بس ممكن يعلى لأسباب تانية غير الكلى.

الـ Creatinine:ناتج من تكسير الكرياتين في العضلات.
بيتخلص منه الجسم عن طريق الكلى فقط تقريبًا.
عشان كده هو أدق من اليوريا في تقييم وظيفة الكُلى.
الطبيعي بيختلف حسب العضلات (الرجالة أعلى من الستات).
ارتفاعه غالبًا معناه إن الكلى مش بتفلتر كويس.

ـ eGFR (Estimated Glomerular Filtration Rate):
معادلة بتتحسب من الكرياتينين + العمر + الجنس
بتقولنا الكلى بتفلتر قد إيه في الدقيقة.
لو أقل من 60 فيه Chronic Kidney Disease (CKD).
ولو أقل من 15 الحالة دخلت في فشل كلوي شديد (Kidney failure).

أوقات الدكتور بيطلب Urine Albumin/Creatinine ratio … ده مهم جدًا للكشف المبكر عن مرض الكلى خصوصًا في مرضى السكر والضغط.

التحاليل دي لازم تتفسر مع بعض، لأن ممكن الكرياتينين يكون طبيعي لكن الـ eGFR منخفض (خصوصًا في كبار السن).

تخيل إن الكُليتين حجمهم صغير (حوالي قبضة اليد) …
لكن كل يوم بيفلتروا حوالي 180 لتر دم!
وبيطلع منهم حوالي 1.5 لتر بول بس … يعني بيحتفظوا بالمفيد ويرموا الضار.
وكمان ربنا مديك كليتين … ولو واحدة بس اشتغلت بكفاءة 30-40% تقدر تعيش طبيعي!

سبحان الخالق .. مين غير الله يقدر يصمم جهاز تنقية طبيعي، شغال 24/7، من غير بطارية ولا شاحن … ومع كده دقيق لدرجة إنه يفرز السموم ويرجع لك الأملاح والسوائل اللي محتاجها بالظبط؟

29/08/2025

ينادي المخ : أريد مسكن لهذا الصداع فقد أتعبني !!

= ترد عليه المعدة : أرجوك سيدي المخ بلاش المسكنات فإنها ترهقني ..
يرد المخ عليها بتهكم : وهل أقدر ان أتحمل الألم لكي لا تتعبي أيتها الأرملة ! " بيشتمها يعني "
- تتدخل الكلى : المعدة معها حق .

- يرد المخ على الكلى : لم يبقَ إلا أن نأخذ رأي مؤسسة الصرف الصحي . " مشاكس اووي المخ دا "

- الكلى غاضبة : خذ مسكن إذاً و ابحث لك عن تصريف وتنظيف لسموم الدم و البول لأن حبة المسكن ستوقف عملي 4 ساعات و سأدخل في فشل كلوي رويداً رويداً .. " عندها حق طبعاً بس مين يفهم "
يستقيظ العجوز ( الكبد ) و يقول : توقفوا عن الصراخ ، أيتها الكلى لا تتوقفي عن العمل فيكفيني السموم التي تأتيني من المعدة فقد أنهكتني وتباً لهذا الجسم الذي لا يعرف كيف ينظم غذائه ! " كدا وقعوا في بعض "

- يعاود المخ : أرجوكم ارحموني أريد مسكناً فأنا أعمل منذ الصباح !

= يرد عليه القلب : أنت تعمل منذ الصباح !!! أنا أعمل منذ خلق هذا الجسم ولم أشتكي لحظة ، أرجوك خفف من أفلام الدراما التي تشاهدها يا ابن أمي ، أنا الآن في جلسة أُنس مع الغدة الدرقية أظن أنها تحبني " فلا تفسدوا علي جلستي و إلا سأتوقف عن الضخ وسنرى من سيوصل الغذاء و الأكسجين لكم ؟

- الغدة الدرقية : من أزعج قلبي ؟ " يعيني اعيني عايزين 2 لمون هنا "

= يتدخل البنكرياس متسائلاً ؟ جدالكم له علاقة بالسكر ؟ " لا ء اسفين جدا لو صحيناك من نومك "

- ترد عليه الغدة الدرقية : لا عد لنومك فأنا ضابطة عمليات الأيض و السكر .

- المخ : ما شاء الله عليكم ! كل واحد فيكم همه نفسه وبس ! إذاً سأفصل الكهرباء ( البوتاسيوم ) عن العضلات و أطفئ العين و سأنام لم يتبق لي حل آخر . " كدا الموضوع كبر "

- الرئتين : نم عزيزي نم لكن لاتغطي وجهك كالعادة أريد أكسجين نقي وعندما تغطي كامل وجهك لايصلني أكسجين كافي وأرجوك ثم أرجوك لا تشغل المكيف
- المخ : حاضر جدتي . " بيستهون بيهم اوي المخ دا "

- المخ مكملاً : سأوقف الجسم عن العمل و أعط أمري للنوم و سأبقي وضع اللاوعي تعمل إذا أراد أحدكم شيئاً ... " عايز يعمل من بنها يعني "

-- بعد ساعة من النوم يُوقظ الجلد المخ قائلاً : ارتفعت درجة حرارتي قم وشغل لي التكييف !!!
- المخ غاضباً : لم يكن ينقصني إلا أنت يا " ملهي الرعيان ! نم وتوقف عن الحك.

لو اعجبكم إبداع الخالق صلِّ على الحبيب المصطفى .ﷺ

01/08/2025

كله فاكر إن بذور الشيا بتخسس
اه بتخسس
بس هي كمان بتعمل حاجات محدش بيقولها :
الشيا مش بس للبطن والوزن
بتنضف القولون حرفياً .. الألياف اللي فيها بتشتغل زي فرشة بتنضف جدار المعدة والقولون
يعني مشاكل الإمساك، الغازات، النفخة .. بتروح كأنك عملت ديتوكس طبيعي

بترفع التركيز والمود .. عارف إن فيها أوميجا 3 أكتر من السلمون؟
يعني دماغك هتروق، والمود هيهدى، والتركيز هيعلى .. من غير لا قهوة ولا منبهات

بتحافظ على السكر في الدم .. بتبطأ امتصاص الجلوكوز
يعني اللي بيجوع بسرعة أو بيجيله دروب سكر .. الشيا هتثبّت له الطاقة طول اليوم

وبتحسسك بالشبع؟ حقيقي
بس الشبع ده جاي من تنظيم الهضم، مش من “سد النفس”

بس خلي بالك أنت وهي .. مابتتسفش ويتشرب وراها مايه
بتتنقع على الأقل ساعتين .. أو أقولك سيبها ليله
لو دخلت جسمك بحالتها كدة تسحب كل المايه اللي في جسمك وبدل ما تنفش في الكوباية تنفش في جسمك . منقول عن
دكتور أحمد أبو النصر

15/07/2025

قال ابن قيم الجوزية عن اليقطين : ( ماؤه يقطع العطش و يُذهب الصداع الحار إذا شُرب أو غُسل به الرأس , و هو ملين للبطن , و بالجملة هو من ألطف الأغذية و أسرعها نفعا , و بذور الدباء (القرع) تطرد الدودة الوحيدة من الأمعاء و يُعد مدرراً للبول , و مزيلاً للإمساك و صالحاً لمرضى الكليتين و الأمعاء و ألتهاب المفاصل و الروماتيزم ).
من الاستعمالات المهمة لبذور حب القرع هو أنه معروف منذ القدم بقدرته على المساعدة في علاج تضخم البروستات الحميد حيث يتعرض المريض إلى أعراض جدية وهي عدم انتظام الإدرار و احتباسه , و قد أعطى تناول القرع المسلوق مع السكر و الحليب نتائج عظيمة في معالجة تضخم البروستات عند الشيوخ و كبار السن ( بعد سن 55 ). لقد أثبتت الأبحاث أن تناول منتجات القرع يُرجع غدة البروستات إلى حجمها الطبيعي و تختفي كافة الأعراض و تنتظم عملية التبول . و كذلك فأن استعمال منتجات القرع يقلل من كمية دليل سرطان البروستات إلى الحد الطبيعي

إن قرع العسل يحتوى على مجموعة كبيرة من الفيتامينات أهمها فيتامين «أ» الذى يعتبر من أهم الفيتامينات المسئولة عن صحة خلايا البشرة والأظافر، بالإضافة إلى أنه يحتوى على 83% من وزنه ماء وعلى نسبة أقل من 1% من الأحماض الذهنية المفيدة للقلب والأحماض الدهنية غير المشبعة، كما تعمل كمضادات للأكسدة، وتدعم تقوية المناعة وتقلل من الإصابة بالأمراض المزمنة وتعمل على تقليل الكولسترول فضلاً عن احتوائه على 6% من الألياف و5% فيتامينات وأملاح معدنية أخرى كالكالسيوم، والفسفور، والحديد، والصوديوم، والبوتاسيوم، والمغنيسيوم، وفيتامين أ، فيتامين ب1، فيتامين ب2، وفيتامين ج.

يجب الحرص عند استخدام القرع بعدم تناول كميات كبيرة منه، خاصة إذا كان محضرا بإضافة السكر، حتى لا يعود علينا استخدامه بزيادة فى الوزن، وتضيف، بشكل عام فإن ثمرة القرع بالبذور التى تحتويها هى غذاء غنى بالعناصر الغذائية المهمة و تعتبر بذور القرع من المطهرات القوية للأمعاء، والتى تستخدم لطرد الدودة الشريطية من جسم المصاب.

استعمالات و فوائد اليقطين الطبية :
1. ملين للمعدة يمنع الإكتام .
2. ينشط الكبد ، يمنع الريقان .
3. يزيل الصداع و الشقيقة خصوصا ً النوع النفسي ، أكلاً و وضعه موضعياً .
4. مهدئ للاعصاب و امراض النفس .
5. مدر للبول يفتت الحصى و الرمل ، يزيل التهابات الكلى ، ينشط الكلى ويقوي وظائفها .
6. يكسر العطش و يزيل الحرارة و الحمى .
7. ينفع امراض الصدر و السعال .
8. ينشط اللثة و يكافح اوجاع الاسنان .
9. يستعمله اصحاب معامل المربيات لغش المربى ، لأنه لا لون له و لا طعم فيمكن إضافته مع اي فاكهة فيعطي نفس الطعم و الرائحة .
10. هو ملين للطبيعة وفي كميات كبيرة يساعد على القيء و الاستفراغ بسبب مادة تسمى Melonie .
11. يعالج امراض الجهاز البولي و مشاكل غدة البروستات
12. شرب عصير القرع على الريق ممتاز في مكافحة الامساك الحاد - تساعد بذور القرع في اخراج الدودة الوحيدة من الامعاء

اللهم علمنا ما ينفعنا و انفعنا بما علمتنا وزدنا علما .

13/07/2025

Ascaris lumbricoides 🪱

الأسكارس هي ديدان أسطوانية طفيلية تصيب الإنسان، وتُعد من أكبر الديدان المعوية من حيث الحجم، حيث يمكن أن تصل أنثى الأسكارس إلى 30–35 سنتيمترًا، بينما الذكر يكون أقصر بطول حوالي 15–20 سنتيمترًا وذيله منحني للخلف وتعتبر علامة مميزة لتحديد الجنس.

طريقة العدوى:

تنتقل العدوى عن طريق ابتلاع بويضات الأسكارس، والتي توجد في:
• الماء أو الطعام الملوث ببراز الإنسان المصاب.
• الأيدي الملوثة.

دورة الحياة:
1. تبتلع البويضات وتصل إلى الأمعاء الدقيقة، حيث تفقس وتُطلق اليرقات.
2. تخترق اليرقات جدار الأمعاء وتنتقل عبر الدم إلى الكبد، ثم إلى الرئتين.
3. تهاجر من الرئتين إلى البلعوم، حيث تُبتلع مرة أخرى.
4. تصل إلى الأمعاء الدقيقة وتنمو لتصبح ديدانًا بالغة تتكاثر وتنتج بويضات تُطرح مع البراز.

الأعراض والمضاعفات:

• نقص التغذية نتيجة امتصاص المواد الغذائية من الأمعاء.
• نقص فيتامين A مما قد يؤدي إلى مشاكل في الرؤية .
• انسداد الأمعاء نتيجة التكاثر الكبير للديدان.
• التهاب البنكرياس أو انسداد القنوات الصفراوية.
• سعال وضيق تنفس أثناء مرور اليرقات عبر الرئتين.
• آلام في البطن، غثيان، فقدان شهية.

التشخيص:

• تحليل البراز للكشف عن بويضات الأسكارس تحت المجهر

12/07/2025

فرط نشاط الغدة الدرقية هو حالة تحدث عندما تنتج الغدة كمية مفرطة من هرمون الثيروكسين، مما يسرّع من عملية الأيض في الجسم بشكل كبير. ورغم أن الأعراض قد تظهر نهارًا، إلا أن الليل يحمل علامات مميزة يجب الانتباه لها جيدًا.

أهم الأعراض الليلية لفرط نشاط الغدة الدرقية

1. الأرق وصعوبة النوم من أبرز علامات فرط نشاط الغدة، أن الشخص يعاني من صعوبة في الدخول في النوم أو الاستمرار فيه، حتى وإن شعر بالإرهاق.

2. التعرق الليلي المفرط الاستيقاظ في منتصف الليل وأغطيتك مبللة بالعرق؟ قد لا يكون السبب مجرد حرارة الجو، بل اضطراب هرموني.

3. تسارع ضربات القلب عند الاستلقاء الإحساس بالخفقان أثناء محاولة النوم قد يكون ناتجًا عن تأثير الهرمونات الزائدة على القلب.

4. القلق الليلي أو نوبات الذعر الشعور بالخوف غير المبرر، التوتر، أو نوبات الذعر المفاجئة خلال الليل قد ترتبط بفرط نشاط الغدة.

5. فقدان الوزن رغم الشهية الجيدة إذا كنت تستيقظ جائعًا، وتأكل جيدًا طوال اليوم، ومع ذلك ينخفض وزنك، فقد تكون الغدة مسؤولة.

6. التعب الصباحي رغم النوم الكافي رغم عدد ساعات النوم الطويلة، يستيقظ البعض منهكين وكأنهم لم يناموا، بسبب اضطراب دورة النوم الطبيعية.

7. تشنجات عضلية أو رجفان أثناء الليل زيادة الهرمونات قد تؤثر على العضلات وتسبب تشنجات أو اهتزاز لا إرادي أثناء النوم.

ما الذي يجب فعله؟

1. التشخيص المبكر إجراء فحص دم بسيط لقياس مستويات هرمونات الغدة الدرقية (TSH، T3، T4) هو الخطوة الأولى والأهم.

إذا ظهرت أعراض ليلية مقلقة تتكرر، لا تؤجل زيارة الطبيب المختص في الغدد الصماء.

2. العلاج الطبي قد يصف الطبيب أدوية مضادة لهرمون الغدة مثل كاربيمازول أو ميثيمازول.

في بعض الحالات، يتم استخدام اليود المشع أو حتى التدخل الجراحي.

3. تحسين نمط الحياة تجنب الكافيين والوجبات الثقيلة قبل النوم. مارس تمارين التنفس والتأمل لمقاومة القلق الليلي. حافظ على بيئة نوم مريحة وباردة للتقليل من التعرق.

4. المكملات والتغذية أطعمة غنية بالمغنيسيوم والكالسيوم تساعد على تهدئة العضلات وتحسين النوم.

تجنب الأغذية التي تحفز الغدة مثل الصويا والكافيين بكثرة.

كلمة أخيرة النوم هو مرآة لصحة الجسد، وأي اضطراب ليلي متكرر قد يكون مفتاحًا لفهم ما يدور في أعماقك. فرط نشاط الغدة الدرقية ليس مرضًا صامتًا، بل يترك بصماته على جسدك كل ليلة. لذلك، استمع جيدًا لهمسات جسدك في ظلمة الليل، فقد تخبرك بما عجز النهار عن قوله.

El-Magd lab.معمل المجد للتحاليل الطبية بســــــــــوهاج

30/11/2025

18/11/2025

14/11/2025

27/10/2025

26/10/2025

21/10/2025

22/09/2025

29/08/2025

01/08/2025

15/07/2025

13/07/2025

12/07/2025

Address

Opening Hours

Telephone

Website

Alerts

Shortcuts

Share

Category

Monday	9am - 11pm
Tuesday	9am - 11pm
Wednesday	9am - 11pm
Thursday	9am - 11pm
Friday	3am - 7pm
Saturday	9am - 11pm
Sunday	9am - 11pm