د. أحمد رفعت عدلى - Dr. Ahmed Refaat Adly

31/03/2026

لقاء معي في المؤتمر الدولي للحقن المجهري UEARS بفندق هيلتون جراند نايل بالقاهرة، موضوع اللقاء عن دور الذكاء الاصطناعي في الحقن المجهري.

29/03/2026

27/03/2026

تتشرف المؤسسة العربية للتعليم والتدريب بالتعاون مع شركة سيرفيال بدولة ليبيا بتقديم لقاء علمي اليوم الساعة ٩ م مع أ.د/ محمد خيري (استاذ النساء والتوليد واستشاري طب الجنين) عن تشخيص أشهر التشوهات الجنينية بالسونار . والله الموفق

26/03/2026

دي الحالات اللي حلال يتعملها منظار رحمي قبل الحقن المجهري، عملنا اشعة ثلاثية الأبعاد لقينا فيه لحمية في بطانة الرحم ودي بتسبب فشل في الحقن المجهري، وعملت منظار رحمي لاستئصال اللحمية دي ، وبعدين عملنا الحقن المجهري وربنا كرمنا والحالة حملت.

عاوز اقول المنظار الرحمي ما يتعملش روتين عمال علي بطال لأي حالة حقن مجهري طبقا للطب والعلم المبني علي الدليل ودا مش كلامي دا كلام أكبر الهيئات العلمية في العالم يعني ما تقوليش الاستاذ فلان ولا الدكتور علان قال.

طب أومال بعض الدكاترة بيعملوه روتين لأي حالة حقن مجهري ليه يا د. أحمد ؟
الإجابة: الحقن مثلا عند فلان ب ١٠٠ جنيه وعند علان ب ٥٠ جنيه، حضرتك هتروح للأرخص أبو ٥٠ جنيه يروح ياخد منك بطريقة غير مباشرة مش ال ١٠٠ جنيه لأ وحياتك هياخد فوق ال ١٥٠ جنيه لأنه لسه فيه طرق تانية غير مباشرة لحلبك واستنزافك .. مكنتش عاوز أقول كده علي العام بس بصراحة اللي بيحصل مع بعض المرضى بقي حاجة مستفزة والناس اساسا ظروفها المادية اليومين دول مش مستحملة وبتجمع فلوس الحقن بالعافية، وأي طبيب بيستغل مرضاه يستاهل اننا ننبه الناس من الاستنزاف ده ، ما هو لو شغال بما يرضي الله مكناش اتكلمنا وكنا احترمناه.

ونصيحة لكل حالة لازم تسألي الدكتور بتاعك عن كل كل التفاصيل المادية الدقيقة الشاملة لحالتك من اول يوم لحد آخر يوم وأكدي علي كل كبيرة وصغيرة .. ما تسبيش الباب مفتوح وربنا يكرمكم جميعا

23/03/2026

😍😍

23/03/2026

أولا : اللي ناوي يعمل حقن مجهري يحاول يسرع في عمله لأنه المراكز بتاعة الحقن المجهري عندها مخزون مستلزمات العمليات دي لمدة ٣ شهور بالأسعار القديمة وأول ما بتخلص هيضطروا غصب عنهم يزودوا الاسعار لأنه كل المستلزمات دي مستوردة وحاليا فيه مشكلة في الشحن الدولي بسبب الحرب ، دا غير ارتفاع سعر الدولار وغلاء البنزين
وفيه مراكز بالفعل بدأت تغلي رسوم التجميد وفك التجميد وشويه قدام كل الخطوات بتاعة العملية هتغلي.

ثانيا: بالنسبة للأدوية بتاعة الحقن حاليا موجود في السوق أدوية بسعرها الطبيعي، شويه قدام لما تخلص ممكن ما تلاقيش الادوية أو لو لقيتها هتلاقي أسعارها فوق فوق خالص .

ثالثا: اعمل حقن مجهري في اي مكان يعجبك ومع اي دكتور مريحك وخلي بالك من كلمة (عروض) لأنه معظمها عروض وهمية وبتلاقي نفسك في الآخر دفعت مبلغ محترم بالتدريج ويا ريت تعملك شغل صح.

وربنا يكرم كل الناس ، دي والله نصيحة لا ابتغى بيها غير مصلحتكم

22/03/2026

حلويات العيد مع (لين محمد حمام الجبالي) 🔥🔥🔥

21/03/2026

السلام عليكم: دي بعض الإجراءات اللي هتسهل عليكم وعليا وعلشان ما تقعدوش أيام كتيرة منتظرين يوم للكشف لأنه فيه مرضى كتير بيشتكوا من الموضوع ده

🔹 أولاً:
ابتداءً من الأسبوع القادم إن شاء الله مواعيد العمل كالآتي:
📍 عيادة طما: السبت - الأحد - الثلاثاء - الأربعاء
⏰ من الساعة ٣ مساءً إلى ٧ مساءً

📍 عيادة سوهاج : يوم الخميس
⏰ من الساعة ٣ عصرا إلى ٥ مساءً

🔹 ثانياً:
الكشف أو الإعادة يكون بموعد مسبق ويجب الاتصال للحجز وتسجيل الاسم لأني بكشف علي عدد محدد في اليوم لأني مش بحب الزحمة ولا أعرف أكشف بسرعة.

🚨 حالات الطوارئ يتم استقبالها بدون حجز

🔹 ثالثاً:
الدخول للكشف يكون بأولوية الحضور للعيادة

🔹 رابعاً:
- حالات تأخر الإنجاب: من أول يوم في الدورة حتى اليوم الخامس

- حالات الحقن المجهري: حسب الميعاد المحدد من الطبيب

📞 للاستفسار أو الحجز:
📍 عيادة طما:
01002551819
01111303397
📍 عيادة سوهاج:
01005742452
01129202049

20/03/2026

أوت فيت العيد 😀.. وكل سنة وانتو طيبين

13/03/2026

زيارة كريمة من د/ فايزة محمد محسن (مدير مستشفى الامومة والطفولة باليمن واستشاري النساء والتوليد ومدير مستشفي زينة الحياة الدولي للحقن المجهري باليمن) لاستعراض الخبرات المصرية والعالمية في مجال العقم والحقن المجهري.

وتم توقيع بروتوكول تعاون علمي بيني وبين مستشفي زينة الحياة الدولي باليمن، انتظروا الفيديو

08/03/2026

حالاتنا بتيجي من مسافات بعيدة… والثقة هي السبب 🌍

استقبلنا في العيادة قبل شهر رمضان بأيام قليلة حالة قادمة من الجزائر خصيصًا إلى محافظة سوهاج – مدينة طما لإجراء الحقن المجهري مع تحديد نوع الجنين.

بفضل الله تم سحب البويضات وتكوين 12 جنينًا داخل معمل الأجنة.

تم فحص خمس أجنة لمعرفة النوع
والحمد لله كانت النتيجة:
✔ وجود جنينين ذكور سليمين.
تم تجميد الجنينين الذكور استعدادًا لنقلهم في الوقت المناسب بإذن الله

كما تم حفظ أنبوبة أخرى تحتوي على 6 أجنة مجمدة لاستخدامها لاحقًا.

رحلة طويلة من الجزائر إلى سوهاج – طما، لكنها كانت خطوة نحو تحقيق حلم كبير بإذن الله.
نسأل الله أن يتم لها الحمل على خير