01/09/2025
إمبارح زارني (حسام ياسر) اللي حضراتكم شايفينه في الصورة معايا واخواته ليهم حكاية جميلة معايا ..
من ٨ سنين بالظبط الأم كانت تعاني من تأخر إنجاب ٣ سنين وفضلت متابعة معايا بتاع ١٠ شهور، بعد ٦ شهور قلت ليها ممكن تشوفي حد تاني من زمايلنا تتابعي معاه عشان تحملي ، قالتلي مش هتابع مع حد تاني غيرك يا دكتور وان شاء الله ربنا يكرمني علي ايديك
في الشهر العاشر من المتابعة ربنا كرمها وحملت معايا في ثلاثة توائم ذكور (أحمد ومحمد وياسين )
وولدتها ومحدش فيهم دخل الحضانة
طب إيه دخل حسام اللي في الصورة بإخواته ؟
الام بعد ما ولدت جات تاخد وسيلة منه حمل ، قلت وسيلة إيه وبتاع ايه يا مدام دا انت حملتي معايا بالعافيه بعد ١٠ شهور متابعة و ٣ سنين تأخر حمل ، روحي روحي مفيش وسايل منع حمل
ويشاء القدير إنه بعد كام شهر تحمل الأم لوحدها 😀😀😀 بدون اي متابعة في ابنها الرابع وهو حسام اللي حضراتكم شايفين صورته معايا دا واللي برضو اتولد علي ايدي .. ساعتها الأم كانت هتجنن وتقولي هقدر عليهم ازاي اعمل ايه حضرتك السبب يا دكتور مخلتنيش اخد وسيلة وانا بصراحة من جوايا فرحان وسعيد
ومامته دلوقتي حامل وجاتلي امبارح وفيها ولد إن شاء الله
ودا رابط عليه بوست التؤائم التلاتة لما اتولدوا سنة ٢٠١٧
https://www.facebook.com/share/p/1CRUcaCCC9/
