https://www.facebook.com/124471444093698/

Healthy kiddy, Suez (2025)

28/01/2024

سلسلة ⭐️ غذي طفلك صح ⭐️
الحلقة ١٤ ( الدهون Fat )

هنتكلم عن اخر مجموعة ( الدهون ) وبكده نكون خلصنا كل المجموعات وتقدري تصممي بنفسك اكل صحي سليم لطفلك شامل كل العناصر الغذائية المهمة لنموه وصحته 💪🏻💪🏻

🛑 هنا مفيش عدد وحدات معينة بس بنخلي بالنا نستخدم زيوت/دهون ايه ونقلل من ايه

💢 عندنا ٣ انواع من الدهون :
♡ الدهون غير مشبعة ( الصحية )
♡ الدهون المشبعة
♡ الدهون الموجودة في اللحوم والالبان

❄️ امثلة للدهون الغير مشبعة :
معلقة صغيرة من ( زيت الزيتون - زيت السمسم - زيت الكانولا - زيت الذرة - زيت عباد الشمس - زيت الصويا )

❄️ امثلة للدهون المشبعة :
معلقة صغيرة من ( الزبدة - السمن الطبيعي - الدهون الحيوانية - زيت جوز الهند - زيت النخيل - السمن النباتي )

✅️ وبكده قدرنا الحمدالله نتكلم عن التغذية السليمة الصحيحة للاطفال وتقدري بكل سهولة تصممي وجبات طفلك الشاملة خمس مجموعات مهمة وغنية بالفيتامينات والمعادن ( الحبوب / الفاكهة / الخضار / اللحوم / الالبان / الدهون ) ❤️

#د.سلمى سعيد

04/01/2024

سلسلة ⭐️ غذي طفلك صح ⭐️
الحلقة ١٣ ( الاحتياجات اليومية من الالبان Milk )

خامساً : مجموعة الألبان 🥛🍶🧀

💢 من ٢ ل ٣ سنوات : يحتاج ٢ حصة من الألبان يومياً
💢 من ٤ ل ٨ سنوات : يحتاج ٢ ونصف من الالبان يومياً

💢 من ٩ ل ١٣ سنة ( بنات ) : تحتاج ٢ حصص من الالبان يومياً
💢 من ٩ ل ١٣ سنة ( اولاد ) : يحتاج ٣ حصص من الالبان يومياً

💢 من ١٤ ل ١٨ سنة ( بنات ) : تحتاج ٣ حصص من الالبان يومياً
💢 من ١٤ ل ١٨ سنة ( اولاد ) : يحتاج ٣ حصص من الالبان يومياً

🔥 طيب الحصة ( Serving ) من الالبان عبارة عن ايه؟🤔

❄️ كوب لبن بقري او جاموسي ( ٢٤٠ مللي ) 🥛
❄️ كوب زبادي كبير ( ٢٤٠ مللي ) او ٢ علبة وسط او ٣ علب صغيرين
❄️ نصف كوب لبن مكثف او مركز ( ١٠٠ جم )
❄️ لبن جاف ( ٣٠ جم )

❄️ جبنة قريش في حجم البيضة ( ٥٠ جم ) او جبنة قريش مش او جبنة بيضاء نصف دسم ( ٥٠ جم ) 🍙
❄️ معلقة كبيرة من الجبنة البيضاء كاملة الدسم
❄️ شريحة جبنة رومي/ شيدر/ جودة/ ريكفورد(٣٠ جم)🧀
❄️ ٣ قطع جبنة مثلثات
❄️ جبنة موتزيرلا ( ٢٥ جم )

🛑 نقلل من اللبن والزبادي اللي بالنكهات لأن ؛
١ ) السكر اللي فيها عالي وبالتالي بتسد شهية الطفل
٢ ) وكمان فيه مواد حافظة مش صحية للطفل
✅️ البديل نقطع نوع الفاكهة اللي الطفل بيحبها في الزبادي او نضربها مع اللبن ونقدمها للطفل 🍶

🌸 قدرنا نفهم سوا عدد حصص الالبان يومياً لكل فئة عُمرية، ومعانا امثلة ليها، ومهم ننوع بين الحصص، هنتابع سوا اخر مجموعة عشان نقدر نظبط اكل الطفل صح 👍🏻💪🏻

💢 عدد الحصص ده ال average او المتوسط للاطفال السليمة في الفئات العمرية ديه، بعض الأطفال قد تحتاج الي حصص اكثر او اقل بعد التقييم الشامل ليها وحساب السعرات الحرارية زي ما في البوست هنا 🤩
https://m.facebook.com/story.php?story_fbid=122100144914126327&id=61553789815828&mibextid=Nif5oz

#د.سلمى سعيد

28/12/2023

سلسلة ⭐️ غذي طفلك صح ⭐️
الحلقة ١٢ ( الاحتياجات اليومية من البروتين protein )

رابعاً : مجموعة البروتين 🍗🥩🍖🥚🥜🌰

💢 من ٢ ل ٣ سنوات : يحتاج ٢ حصة من البروتين يومياً
💢 من ٤ ل ٨ سنوات : يحتاج ٤ حصص من البروتين يومياً

💢 من ٩ ل ١٣ سنة ( بنات ) : تحتاج ٥ حصص من البروتين يومياً
💢 من ٩ ل ١٣ سنة ( اولاد ) : يحتاج ٥ حصص من البروتين يومياً

💢 من ١٤ ل ١٨ سنة ( بنات ) : تحتاج ٥ حصص من البروتين يومياً
💢 من ١٤ ل ١٨ سنة ( اولاد ) : يحتاج ٦ونص حصة من البروتين يومياً

🔥 طيب الحصة ( Serving ) من البروتين عبارة عن ايه ؟🤔
ممكن يكون من مصدر بروتين حيواني / مصدر نباتي / المكسرات >> كل دول فيهم بروتين 💪🏻💪🏻

❤️ المصدر الحيواني :
❄️ ٢ بيض بلدي او ١ بيضة مزارع 🥚
❄️ قطعة لحم من اي نوع في حجم البيضة البلدي🥩🍖
❄️ دبوس فرخة صغير ( ٣٥ جرام )🍗
❄️ كبدة فراخ
❄️ قطعة سمك فيلية في حجم البيضة البلدي او سمكة بلطي صغيرة او ٣ وحدات جمبري وسط 🍤
❄️ معلقة كبيرة هرمونية تونة
❄️ ٢ شريحة متوسطة لانشون بيتي ( ٣٥ جرام )

❤️ المصدر النباتي :
❄️ نص كوب من البقوليات المطهية ( فول - عدس - لوبيا - فاصوليا - حمص - ترمس )

❤️ المكسرات والبذور :
❄️ معلقة كبيرة من الطحينة
❄️ معلقة كبيرة من الفول السوداني
❄️ المكسرات مثل ( ١٠ حبات من الفول السوداني - ٢ معلقة كبيرة من السمسم - ٦ حبات من اللوز - ٢ حبة من الجوز ) 🥜
❄️ معلقة كبيرة من التسالي ( بذور عباد الشمس / بذور البطيخ وانواع اخرى )

❤️ كوب صغير من الجيلي او المارشيملو 😍 ( ايوة فيه بروتين والاطفال بتحبه، ممكن مرة او مرتين في الاسبوع )

⭐️ مهم جدا ننوع بين مصادر البروتين المختلفة
⭐️ ولازم نعرف ان البروتين الحيواني فيه منه ( خالي الدهن - قليل الدهن - متوسط الدهن - عالي الدهن )
⭐️ نقلل من البروتين العالي الدهن عشان نحافظ على صحة الاوعية الدموية ونتجنب الكوليسترول العالي

🌸 قدرنا نفهم سوا عدد حصص البروتين يومياً لكل فئة عُمرية، ومعانا امثلة للبروتين النباتي والحيواني ومننساش المكسرات ، هنتابع سوا باقي المجموعات الحلقات الجاية عشان نقدر نظبط اكل الطفل صح 👍🏻💪🏻

💢 عدد الحصص ده ال average او المتوسط للاطفال السليمة في الفئات العمرية ديه، بعض الأطفال قد تحتاج الي حصص اكثر او اقل بعد التقييم الشامل ليها وحساب السعرات الحرارية زي ما في البوست هنا 🤩
https://m.facebook.com/story.php?story_fbid=122100144914126327&id=61553789815828&mibextid=Nif5oz

#د.سلمى سعيد

20/12/2023

سلسلة ⭐️ غذي طفلك صح ⭐️
الحلقة ١١ ( الاحتياجات اليومية من الفواكه Fruits )

ثالثاً : مجموعة الفواكه 🍇🍈🍉🍊🍌🍍🥭

💢 من ٢ ل ٣ سنوات : يحتاج ٢ حصة من الفاكهة يومياً
💢 من ٤ ل ٨ سنوات : يحتاج من ٢ ل ٣ حصص من الفاكهة يومياً

💢 من ٩ ل ١٣ سنة ( بنات ) : بتحتاج ٣ حصص من الفاكهة يومياً
💢 من ٩ ل ١٣ سنة ( اولاد ) : بيحتاج ٣ حصص من الفاكهة يومياً

💢 من ١٤ ل ١٨ سنة ( بنات ) : بتحتاج ٣ حصص من الفاكهة يومياً
💢 من ١٤ ل ١٨ سنة ( اولاد ) : بيحتاج ٤ حصص من الفاكهة يومياً

🔥 طيب الحصة ( Serving ) من الفاكهة عبارة عن ايه؟🤔

❄️ ثمرة متوسطة من التفاح / البرتقال / الكمثري / الجوافة 🍎🍏🍐
❄️ ٢ ثمرة صغيرة من اليوسفي / التين الطازج / البرقوق / الخوخ🍑
❄️ ٤ ثمرة من المشمش الطازج
❄️ ثمرة موزة صغيرة او نص ثمرة موزة كبيرة 🍌
❄️ نصف ثمرة من المانجو / الرمان 🥭
❄️ كوب من الفراولة / الكانتلوب 🍓
❄️ ١٥ - ١٧ حبة من العنب / الكريز 🍒🍇
❄️ شريحة كبيرة من البطيخ 🍉
❄️ نصف كوب من الاناناس / التوت / كيوي 🍍🥝
❄️ ٣ ثمرات بلح رطب
❄️ نص كوب من الفواكه المشكلة

🛑 نصف كوب عصير ( اي نوع فاكهة فريش )
🛑 ربع كوب من الفواكه المجففة ( تين / مشمش / قراصيا / تمر / خوخ )
🛑 ٢ معلقة كبيرة من الزبيب

✅️ الأفضل الطفل يأكل الفاكهة بدل من شربها عصير فريش عشان يستفيد بالألياف اللي فيها المهمة لجهازه الهضمي
⛔️ طبعاً العصائر المعلبة ما هي الا ماء بسكر ومش هتفيد الطفل بل بالعكس هتسد شهيته عن الأكل المفيد وهتضعف مناعته

🌸 قدرنا نفهم سوا عدد حصص الفاكهة يومياً لكل فئة عُمرية، ومعانا امثلة ليها، هنتابع سوا باقي المجموعات الحلقات الجاية عشان نقدر نظبط اكل الطفل صح 👍🏻💪🏻
متنساش تقرأ الحلقات اللي فاتت 🤩

💢 عدد الحصص ده ال average او المتوسط للاطفال السليمة في الفئات العمرية ديه، بعض الأطفال قد تحتاج الي حصص اكثر او اقل بعد التقييم الشامل ليها وحساب السعرات الحرارية زي ما في البوست هنا 🤩
https://m.facebook.com/story.php?story_fbid=122100144914126327&id=61553789815828&mibextid=Nif5oz

#د.سلمى سعيد

16/12/2023

سلسلة ⭐️ غذي طفلك صح ⭐️
الحلقة ١٠ ( الاحتياجات اليومية من الخضار Vegetables )

ثانياً : مجموعة الخضار 🥦🥬🫑🥒🍆🥔🥕🌽

💢 من ٢ ل ٣ سنوات : يحتاج ٢ حصة من الخضار يومياً
💢 من ٤ ل ٨ سنوات : يحتاج ٣ حصص من الخضار يومياً

💢 من ٩ ل ١٣ سنة ( بنات ) : تحتاج ٤ حصص من الخضار يومياً
💢 من ٩ ل ١٣ سنة ( اولاد ) : يحتاج ٥ حصص من الخضار يومياً

💢 من ١٤ ل ١٨ سنة ( بنات ) : تحتاج ٥ حصص من الخضار يومياً
💢 من ١٤ ل ١٨ سنة ( اولاد ) : يحتاج ٦ حصص من الخضار يومياً

🔥 طيب الحصة ( Serving ) من الخضار عبارة عن ايه ؟🤔

❄️ ثمرة صغيرة من البطاطس المسلوقة 🥔
❄️ ١٠ اصابع بطاطس محمرة 🍟
❄️ نصف كوب من البطاطس البيوريه / البطاطا 🍠
❄ ️نصف كوب من الذرة المسلوقة / نص كوز ذرة مشوي 🌽❄️ نصف كوب من البسلة الخضراء
❄️ نصف كوب من الباذنجان/الفاصوليا الخضراء/الكوسة🍆
❄️ ٢ ثمرة فلفل اخضر او الوان
❄️ نصف كوب من القرنبيط / البروكلي / المشروم 🥦🍄
❄️ نصف كوب من قرع العسل

🛑 كوب طازج من الخضروات الورقة الطازجة مثل الجرجير / الخس / السبانخ
🛑 نصف كوب من الخضروات المطهية / المجمدة / المعلبة
🛑 نص كوب من عصير الطماطم 🍅

✅️ مهم جدا يكون الخضار على مدار الاسبوع كله مغطي جميع الالوان 🌈 ( بمعني ) يأكل الخضار الاحمر زي الطماطم / البرتقالي زي الجزر وقرع العسل / الاصفر النشوي زي البطاطس / الاخضر الفاتح زي الخس والخيار والكرنب / الاخضر الغامق زي الجرجير والسبانخ / البنفسجي زي الباذنجان / واخرى زي البصل والمشروم والقرنبيط وهكذا

طيب ليه ؟ 🤔
لأن ربنا سبحانه وتعالى وضع في كل لون > فيتامينات ومعادن معينة وكل لون مهم في تكوين وبناء جسم الطفل 💪🏻🧠🫀🫁

🌸 قدرنا نفهم سوا عدد حصص الخضار يومياً لكل فئة عُمرية، ومعانا امثلة ليها، وان ضروري الطفل يأكل خلال الاسبوع جميع الوان الخضار، هنتابع سوا باقي المجموعات الحلقات الجاية عشان نقدر نظبط اكل الطفل صح 👍🏻💪🏻
🌸 متنساش تقرأ الحلقات اللي فاتت 🤩

💢 عدد الحصص ده ال average او المتوسط للاطفال السليمة في الفئات العمرية ديه، بعض الأطفال قد تحتاج الي حصص اكثر او اقل بعد التقييم الشامل ليها وحساب السعرات الحرارية زي ما في البوست هنا 🤩
https://m.facebook.com/story.php?story_fbid=122100144914126327&id=61553789815828&mibextid=Nif5oz

#د.سلمى سعيد

13/12/2023

سلسلة ⭐️ غذي طفلك صح ⭐️
الحلقة ٩ ( الاحتياجات اليومية من الحبوب Grains )

عرفنا من المرة اللي فاتت دور كل مجموعة غذائية واهميتها في تكوين الطفل السليم 💪🏻
دلوقتي نتكلم عن كل مجموعة وامثلة ليها واحتياجات كل فئة عُمرية 😍

اولاً : مجموعة الحبوب 🍞🥐🥖🥨🥯

💢 من ٢ ل ٣ سنوات : بيحتاج ٣ حصص من الحبوب يومياً
💢 من ٤ ل ٨ سنوات : بيحتاج ٥ حصص من الحبوب يومياً

💢 من ٩ ل ١٣ سنة ( بنات ) : بتحتاج ٥ حصص من الحبوب يومياً
💢 من ٩ ل ١٣ سنة ( أولاد ) : بيحتاج ٦ حصص من الحبوب يومياً

💢 من ١٤ ل ١٨ سنة ( بنات ) : بتحتاج ٦ حصص من الحبوب يومياً
💢 من ١٤ ل ١٨ سنة ( أولاد ) : بيحتاج ٧ حصص من الحبوب يومياً

🛑🛑 يكون نصف عدد حصص المذكور فوق من ( الحبوب الكاملة )👆🏻
🥞🥖🥯🥐🍞🥙🌮🥨
🔥 طيب الحصة الواحدة ( Serving ) من الحبوب عبارة عن ايه ؟🤔
❄️ الخبز البلدي : ربع الرغيف لو كبير ( ١٢٠ جرام )
نص الرغيف لو صغير ( ٦٠ جرام )

❄️ الخبز الشامي : واحد لو صغير 🫓
نص الرغيف لو متوسط
ربع الرغيف لو كبير

❄️ رغيف فينو صغير 🥖
❄️ رغيف كيزر صغير 🥯
❄️ شريحة توست ابيض او اسمر 🍞

❄️ نصف كوب شوفان
❄️ ٢ بقسماط
❄️ ٣ / ٤ كوب كورن فليكس او اي نوع منه غير محلى
❄️ تلت كوب ارز ابيض / ارز اسمر
❄️ نصف كوب مكرونة
❄️ نصف كوب قمح مقشور / برغل / شعير / مخلوط حبوب مطهي
❄️ ١ بان كيك / ١ تورتيلا صغير / ٣ معالق كبار كسكسي
❄️ ٢ - ٥ بسكويت ( ٢٨ جرام )
❄️ نصف كوب فريك مطهي
❄️ ٣ اكواب فشار ناضج
❄️ تلت كوب بليلة مطهية
❄️ ٣ معالق كبار دقيق مسح

🛑🛑 مهم جدا ان الطفل ياخد حبوب كاملة في يومه زي الخبز الحبة الكاملة / الفشار / البليلة / البرغل وامثلة كتير، وده:
١ ) لأهميتها للجهاز الهضمي
٢ ) بتحافظ على مستويات السكر في الدم وتمنع مقاومة الانسولين
٣ ) بتحافظ على مستوى الكوليسترول وتمنع امراض القلب🫀
٤ ) بتحافظ على وزن الطفل

🌸 قدرنا نفهم سوا يعني ايه حبوب، وايه الفرق بينها وبين الحبوب الكاملة، ولازم يكون نصف حصص الحبوب يومياً تبقى حبوب كاملة ومتاح امثلة ليها
هنتابع سوا باقي المجموعات الحلقات الجاية عشان نقدر نعمل ونظبط اكل الطفل صح 💪🏻

💢 عدد الحصص ده ال average او المتوسط للاطفال السليمة في الفئات العمرية ديه، بعض الأطفال قد تحتاج الي حصص اكثر او اقل بعد التقييم الشامل ليها وحساب السعرات الحرارية زي ما في البوست هنا 🤩
https://m.facebook.com/story.php?story_fbid=122100144914126327&id=61553789815828&mibextid=Nif5oz

#د.سلمى سعيد

12/12/2023

سلسلة ⭐️ غذي طفلك صح ⭐️
الحلقة ٨ ( الهرم الغذائي Food guide pyramid )

اتكلمنا في الحلقات اللي فاتت عن تغذية الطفل الرضيع وامتى وازاي ادخل الاكل واهم الارشادات والممنوعات وشرب المياه واللي تعتبر فترة مهمة جدا في حياة الطفل 👼

طيب في السن الاكبر نغذي ازاي 🤔
❄️ احنا في تغذيتنا الصحيحة للطفل بنمشي حسب الهرم الغذائي Food Guide Pyramid اللي بيكون شامل جميع العناصر والفيتامينات والمعادن، فالطفل ميدخلش في سوء تغذية ولا يأثر على نموه 💪🏻

لازم الطفل السليم يكون نظامه اليومي شامل :
💢 مجموعة الحبوب Grains ( ويكون نصها على الاقل حبوب كاملة ) 🥖🥐🍞
💢 مجموعة الفواكه Fruits🍓🥭🍊🍌🍒
💢 مجموعة الخضار Vegetables 🥒🍆🥕🥔🥬
💢 مجموعة البروتين Meat 🍗🥚🥜🥩🍖
💢 مجموعة الالبان Milk🥛🧀
💢 مجموعة الدهون Fat🥃

ولاغني عن اي مجموعة لاهمية كل دور فيهم لأن
❄️ مجموعة الحبوب والدهون >> مسئولين عن طاقة الطفل🏃‍♀️🏃
❄️ مجموعة الخضار والفاكهة >> مسئولين عن توفير الفيتامينات والمعادن اللي هتدي الطفل مناعة 💯
❄️ مجموعة الالبان والبروتين >> مسئولين عن بناء الجسم والبروتين اللازم لبناؤه 💪🏻

وان شاءالله مع بعض هنعرف كل فئة عمرية تاخد كام حصة من كل مجموعة وامثلة لكل مجموعة 😍

#د.سلمى سعيد

07/12/2023

سلسلة ⭐️ غذي طفلك صح ⭐️
الحلقة ٧ ( فترة التسنين )

للأسف هي مش فترة واحدة، ديه على عدة فترات 😅
وبتاخد من ٣ ل ٤ ايام وممكن توصل لاسبوع او اسبوعين 🤯

❄ ️الطفل بيبقى : متألم / دافئ / تعبان / مقريف / بيشد في ودنه / بيريل كتير / بيعض في اي حاجة قدامه / بيدعك في عينه وبيدمع / بيعيط كتير 🤕🤒😷😔

❄️ بيبتدي امتى التسنين ؟
بتختلف من طفل للتاني ، وبيختلف كمان بين الاخوات 👨‍👩‍👧‍👧
💢 اعراض التسنين بتظهر غالباً قبل ٦ شهور، واول سِنة بتطلع بين ٦ شهور لسنة
💢 منقلقش لو الطفل اتأخر في التسنين لكن المهم اول سِنة تظهر قبل السنة
لو اتاخر لاقدر الله >> هنروح لطبيب الاطفال يكشف عليه ويعمل فحوصاته 👩🏼‍⚕️🧑‍⚕️

❄️ الطفل في الفترة ديه محتاج اطعمة سهلة البلع زي بيورية الخضار والفاكهة / زبادي
✅️ كمية الاكل نفسها هتقل، فالام تزود رضاعتها للطفل وكمان الرضاعة بتديله امان وحنان بيكون الطفل محتاجهم في الفترة ديه🤱🏻🍼

❄️ طيب نعمل ايه 🤩
💢 اول حاجة مننساش فيتامين د ويتعرض للشمس

💢 تيتنه الفواكه من الصيدلية ( ممكن نحط فيها الفاكهة المهروسة ونضعها في الفريزر ونديها للطفل )
برودة التيتنه هتريح التهاب وتورم اللثة اللي عنده 🧊

💢 عضاضة للبيبي وتتحط في التلاجة تسقع وتديهاله

💢 تزويد عدد الوجبات مع تقليل كميتها

💢 لو الطفل كبير شوية ومستعد وقادر يمسك الاكل بايديه ويأكل ممكن تقطعي خيار وتسقعيه وتدي يعضعض عليها وعينك عليه عشان ميشرقش لاقدر الله

💢 مهلبية البرتقال بالجزر مهمة جدا 🥕🍊

💢 سمسم مطحون على الزبادي من الشهر التاسع مهم جدا لنمو الاسنان والعظام💪🏻

💢 صفار البيض مهم جدا غني بفيتامين د ( ياكله مهروس او يتحط على الزبادي او مع الاكل )

💢 لو الطفل تعبان اووي ممكن نديله سيتال ( بارسيتامول ) مش دايماً بس هنخليه للاوقات الصعبة

❌️ بالنسبة لجيل التخدير من الصيدلية ( فيه دراسات بتحذر من المخدر الموضعي اللي فيه وانه بيمتص في الدم وبيعمل اثار جانبية فبلاش منه )

🦷 هل فيه ترتيب معين للاسنان 🤔
✅️ معظم الاطفال بيطلعوا السنتين اللي تحت الاول ،،، بعد كده الاتنين اللي فوق ويكملوا باقي الاسنان ،،،، بعد كده الانياب ،،، بعد كده الضروس
✅️ عادي جدا الترتيب ممكن يتغير، وزي ما اتفقنا كل طفل بيختلف عن التاني حتى بين الاخوات

🌸 فترة التسنين فترة صعبة ومش سهلة، بس هنأجل كل حاجة وتعدي مع الطفل الفترة ديه ❤️

#د.سلمى سعيد

03/12/2023

سلسلة ⭐️ غذي طفلك صح ⭐️
الحلقة ٦ ( شرب المياه )

كتير مننا بنغفل عن شرب الميه لاطفالنا او نعتقد
انهم مش محتاجين يشربوا ميه

لكن ده غلط تماما❌️ الاطفال محتاجين يشربوا ميه عشان كليتهم وظائفها لسه مش مكتملة فالمياه بتساعدها ، ونموهم السريع وارتفاع معدل التمثيل الغذائي فبيحتاجوا المياه

✅️ كلنا اكيد عارفين فوايد الميه للجسم، شرب الميه 👇🏻
💧 بيساعد على التركيز ويقوي الذاكرة
💧 بيحمي من الجفاف
💧 يحافظ على ترطيب الجسم
💧يحافظ على تنظيم درجة الحرارة
💧 بينضف القولون وبيمنع الامساك

طيب يشربوا قد ايه 🤔
💢 اول ٦ شهور من عُمر الطفل > لبن الام فيه احتياجته اليومية من المياه ( في حدود ٦٨٠ مللي في اليوم ) وبياخدهم كلهم من لبن الام فمش محتاج يشرب مياه خالص، ولا ينسون ولا اي اعشاب خالص بس لبن الام

💢 من ٦ شهور للسنة > بيحتاج يشرب من ٤٠٠ ل ٦٠٠ مللي في اليوم وبتزيد في درجة الحرارة العالية ممكن توصل ل ٨٠٠ ل ١٠٠٠ مللي في اليوم/حوالي ٢ ل ٣ أكواب في اليوم🍼
✅️( مياه معدنية او مياه الحنفية وتكون مغلية قبل كده )

💢 من عُمر سنة لسنتين > بيحتاج يشرب ١١٠٠ ل ١٢٠٠ مللي في اليوم/ حوالي ٤ ل ٥ أكواب في اليوم 💧

💢 من عُمر سنتين ل ٣ سنوات > بيحتاج يشرب ١٣٠٠ مللي في اليوم / حوالي ٥ أكواب في اليوم 🥤

💢 من عُمر ٤ سنوات ل ٨ سنوات > ١٦٠٠ مللي في اليوم/ حوالي ٦ أكواب في اليوم 🍶

💢 من عُمر ٩ ل ١٣ سنة > ١٩٠٠ ل ٢١٠٠ مللي في اليوم/ حوالي ٧ ل ٨ أكواب في اليوم 🧉

💢 اكتر من ١٤ سنة هيشرب ميه زي الكبار > البنات لترين ميه والولاد لترين ونص ميه في اليوم 💦

❄️ ممكن نساعد الاطفال انهم يشربوا عن طريق عمل عصاير فريش ليهم زي عصير جوافة وعصير ليمون او مشروبات دافية زي الينسون والكراوية والنعناع وده كمان هيقلل المغص والانتفاخات عند الأطفال 😊

#د.سلمى سعيد

01/12/2023

سلسلة ⭐️ غذي طفلك صح ⭐️
الحلقة ٥ ( الممنوعات من الأكل قبل السنة )

❌️ الممنوعات قبل السنة ❌️

🚫 ممنوع دخول العسل الابيض قبل السنة🍯
( لاحتوائه على بكتريا تفرز مادة botolinum toxin وده بتؤثر على الجهاز العصبي للطفل لاقدر الله والجسم مش بيعرف يتعامل ولايتخلص من المادة ديه قبل السنة )

🚫 ممنوع دخول اللبن البقري والجاموسي🥛 / اللبن النيدو واللبن البودرة قبل السنة

🚫 ممنوع بياض البيض قبل السنة🥚

🚫 ممنوع دخول القمح بجميع منتجاته قبل السنة

🚫 ممنوع دخول الملح والسكر قبل السنة
طيب ليه 🤔
- الملح >> الكلى لسه مش مكتملة الوظائف فمش بتعرف تتخلص من الزيادة 🧂
- السكر >> بتأذي اسنان الطفل وتسد شهيته وتؤدي لسوء تغذية🍫

🚫 ممنوع اعطاء حبات طعام صغيرة للطفل زي المكسرات دون طحنها وكذلك البذور منعاً لحدوث الاختناق لاقدر الله 🫐🍒🥜

🚫 ممنوع دخول الحلويات والكاندي والمشرويات الغازية والشيكولاته والعصائر المعلبة قبل السنة وبعد السنة بكميات قليلة جدا جدا او الافضل لا >> تؤدي الي سوء تغذية وفقدان شهية وانيميا وامساك🍦🍫🎂🍭🍬

#د.سلمى سعيد

29/11/2023

سلسلة ⭐️ غذي طفلك صح ⭐️
الحلقة ٤ ( دخول الأكل حسب الشهور )

❄️ الشهر السادس من عُمر الطفل :
- الخضار : جميع انواع الخضار مثل الكوسة والبطاطس والجزر / سبانخ ( بدون اي اضافات ) 🥒🥔🥕🥦
- الفاكهة : مثل التفاح / الكمثري / الموز /الكيوي / بطاطا / قرع العسل 🥝🍌🍎🍏🍐🍑
- اخرى مثل : سيرلاك الارز 🍚 ( مُجهز منزلياً )
🍊🥕 مهلبية البرتقال بالجزر مهمة جدا

🚫 بدون اي اضافات ( ممنوع الملح / السكر )

❄️ من الشهر الثامن الي عُمر السنة :
- كبدة الفراخ
- صفار البيض فقط
- ارز 🍚
- مكرونة 🍜
- شوربة لسان العصفور ( ممنوع المرقة / الملح )
- جبن🧈
- اللحوم( مفروم )🥩
-الفراخ ( مضروبة في الخلاط ثم قطع صغيرة جدا ) 🍗
- السمك ( مهروس ثم قطع صغيرة جدا )
- الزبادي 🥣 ( من الشهر التاسع )

🚫 بدون اي اضافات ( ممنوع الملح / السكر )
✅️ مسموح الكمون والليمون

❄️ من عُمر السنة :
✅️ أكل البيت العادي 🍱
✅️ اضافة السكر والملح بكميات قليلة

#د.سلمى سعيد

27/11/2023

سلسلة ⭐️ غذي طفلك صح ⭐️
الحلقة ٣ ( ارشادات هامة جدا قبل دخول الاكل )

💢 اضيف في الاول شوية من لبن الأم على الاكل المطحون عشان الطفل يتقبل الأكل 🤱🏻🍼

💢 بدخل صنف واحد الاول لمدة ٣ - ٤ ايام واراقب حدوث اي حساسية ☺️

💢 بعد دخول اول صنف، ادخل تاني صنف لمدة ٣ - ٤ ايام مع استمرارية اول صنف وايضا براقب حدوث اي حساسية

💢 ابداي بالخضروات مش الفاكهة، علشان يحب طعمهم قبل ما يدوق الفاكهة المسكرة 🥒🥕🍎🍌

💢 الطفل بيبدا يشرب مياه مع دخول الاكل ( مياه معدنية او مياه حنفية سبق غليها ) في درجة حرارة الغرفة العادية

💢 البقوليات ( تُنقع الاول ثم تقشر ثم تهرس جيداً ) مع ملاحظة حدوث اي اصفرار في الطفل ( عشان لو الطفل عنده انيميا فول )

💢 المكسرات في صورة مطحونة على الاكل ، عنب معصور حبات الدرة مهروسة مش في صورتها الاساسية عشان ميحصلش اختناق

💢 سمسم مطحون على الزبادي ( مهم جدا كمصدر للكالسيوم ) من الشهر التاسع

💢 الاكل لا يترك خارج الثلاجة اكتر من ساعتين او اقل في الصيف

💢 عدم استعمال المايكرويف في تسخين الطعام

💢 الاكل لا يُسخن اكتر من مرة

💢 الاكل في التلاجة لا يزيد عن اكتر من يومين ثم يُرمى

هام جدا لكل أم تقرأ وتلتزم بالاراشادات ديه قبل ما تبدا تأكل طفلها عشان تغذية الطفل السليمة مهمة جدا في مناعته وطاقته ومحاربة جسمه للأمراض 💪🏻 العقل السليم في الجسم السليم 💪🏻

#د.سلمى سعيد

Healthy kiddy

28/01/2024

04/01/2024

28/12/2023

20/12/2023

16/12/2023

13/12/2023

12/12/2023

07/12/2023

03/12/2023

01/12/2023

29/11/2023

27/11/2023

Address

Website

Alerts

Shortcuts

Share

Category