دكتور محمد فوزي - جراح ومدرس النساء والتوليد بكلية الطب, عيادة دكتور محمد فوزي, Suez (2026)

28/11/2025

انت اللي بتتحكمي في حياتك قراراتك مش بنسمح للخرافات تتحكم في حياتنا
دكتور
الحجز بالتليفون 👌 01020070798

12/11/2025

اغلب عمليات مناظير تأخر الانجاب بتتعمل لدواعي تجارية مش طبية
المنظار التشخيصي (بطن او رحم) مالوش دور في علاج تأخر الانجاب
ارحمي نفسك من مضاعفات العمليات وتكاليفها
الفيديو عالجروب في اول كومنت

12/10/2025

🙀كل دي اورام ليفية شيلناها من رحم واحد 🙀
تلاتتشر ورم ليفي علي الرحم
الصور في الكومنتات

دي اورام ليفية متعددة أكبرهم كان عشرين سنتي ضعف حجم رأس البيبي في الشهر التاسع
والتاني خمستاشر
حافظنا علي الرحم عشان مانأثرش عالحمل
الحمد لله قدرنا نخرجهم من جرح قيصرية مش جرح استكشاف طولي وربنا كرمنا
الاحجام دي كانت مسببة ألم شديد رغم ان مفيش نزيف وطبعا عاملة ضغط علي كل الأعضاء حوالين الرحم
بيبقي مهم جدا استئصال الاورام الليفية الصغيرة
بنفضل ندور عليهم نخرجهم كلهم وده لأن الرحم بيكون واصله دم كتير جدا لتغذية الاورام الكبيرة ولما بنشيلها لوحدها ونهمل الاورام الليفية الصغيرة للاسف الدم الكتير ده بيتوجهلها وبتكبر بعد العملية بشكل سريع

استئصال كل الاورام الليفية بيأخر تكوين اورام ليفية جديدة بعد العملية بيقلل فرصة رجوعها

_____________________________________________
دكتور
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 01020070798
الاربعين بجوار مركز براعم للحضانات شارع الفرز

10/10/2025

نيجي للي بيزعل مني ناس كتير
ييجي يتقالي انا ماستفدتش منك بحاجة ومكتبتليش علاج
وابقي متهم
واحاول اشرح بس القناعات ثابتة مابتتغيرش

لو الدورة منتظمة يبقي التبويض كويس ومش محتاجين منشط او علاج اصلا

يعني مش محتاجة متابعة تبويض
التحاليل اللي باطلبها باطلبها بس عشان اطمنك وانا عارف انها غالبا كويسة

انا بس بحاول اوضحلك ان المشكلة مش هنا

"لا تستوحشو طريق الحق لقلة سالكيه"

دي مقولة للإمام علي
مش معني ان اغلب الناس ماشية كدة يبقي الطريق بتاعهم صح
المنشط مابيعالجش تأخر الحمل المنشط بيعالج ضعف التبويض
لو التبويض كويس المنشط مش هيفرق في اي حاجة ان ماكانش هيقلل فرص الحمل اصلا لان في منشطات بتأثر بالسلب علي بطانة الرحم
لما الدورة تبقي منتظمة تأكدي ان المنشط مكتوب عشان مانسيبش الروشتة فاضية

طب انا دورتي منتظمة وبرضه مابيحصلش حمل؟

هندور في حتة تانية
العلاقة الزوجية غير منتظمة والزوج بيسافر كتير
تحليل الزوج اصلا في مشاكل
في مشاكل في الرحم او الانابيب
طيب لقينا كل ده كويس والدورة منتظمة وبرضه مابيحصلش حمل يبقي تأخر انجاب غير مفسر
يعني المنشط ومتابعة التبويض مالهمش علاقة بالعلاج
يعني من عند ربنا
يعني علاجه حاجة من اتنين
انتظار الكرم من ربنا
او الاخصاب المساعد بالتلقيح الصناعي او الحقن المجهري

مهو عادي اكتبلك قائمة فيتامينات وادوية مالهاش ريحة اللازمة
ولما تحملي بعدها بكام شهر ابقي انا الدكتور الشاطر اللي عالجتك
ده غير السفريات والمؤتمرات اللي هاطلعها من شركات الادوية والفيتامينات اللي هابيعلهم العيانين

او امشورك رايح جاي في منشطات ومتابعة تبويض وكشف في استشارة في استشارة في كشف ونملي العيادة حالات

مش هاعرف اعمل كدة معلش
وبعدها يلا يا ماما نعمل منظار تشخيصي اهو نستنفع برضه

ده رغم ان المنظار التشخيصي اتلغي من اي بروتوكول لعلاج تأخر الحمل في العالم

مش هاعرف اعملها برضه
احنا بنعمل المنظار عشان نعالج حاجة معينة
نسلك الانابيب المسودة مثلا نفك التصاقات البطن جايز نشيل ورم عالمبيض او نعالج بطانة رحم مهاجرة محتاجة فعلا منظار

انما ندخل بالمنظار نطمن نشوف ايه الدنيا ده مش موجود في اي بروتوكول علمي
ده هيتعمل عشان تدفعي فلوس العملية او الدكتور يدرب نفسه عالمناظير

__________________________________________
دكتور
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 📞 01020070798
📍 الاربعين بجوار مركز براعم للحضانات شارع الفرز

30/09/2025

الصور واضحة في الكومنتات
استئصال كلي للرحم والمبيضين
ورم ليفي كبير خارج من الجدار الخلفي السفلي للرحم
يمكن اكتر مشاكل الورم في المكان ده الضغط علي الأعضاء الداخلية للحوض
الحوض حجمه محدود مقارنة بالبطن عشان كدة ورم ليفي خارج من عنق الرحم بيسبب اعراض ضغط كتيرة علي المثانة و الحالب والمستقيم
الم واحساس بالضغط التهابات مجري البول متكرره و امساك مزمن
بنشيل الرحم كله لان مفيش رغبة او إمكانية للانجاب
بنشيل الورم بس لو محتاجين أطفال
_____________________________________________
دكتور
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 📞 01020070798
الاربعين بجوار مركز براعم للحضانات شارع الفرز 📍

29/09/2025

الصور في اول تعليق
عشان قبل ما فتحي الكومنتات 😊

استئصال اورام ليفية كبيرة علي الرحم مع الحفاظ علي الرحم

شيلنا الاورام الليفية عشان كانت مسببة
❗️ألم شديد
❗️نزيف متكرر وانيميا شديدة
❗️كمان الحمل كان متأخر

💡لو مفيش الاعراض دي مكناش هنعمل العملية اصلا

__________________________________________

دكتور
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 📞 01020070798
📍 الاربعين بجوار مركز براعم للحضانات شارع

23/09/2025

ده انهاردة تعليق الجمعية الأمريكية لأمراض النساء والتوليد وهيئة الرعاية الصحية البريطانية
بيردو علي تصريحات ترامب انهاردة إللي قال فيها البنادول بيعمل توحد لو اتاخد اثناء الحمل
ترامب ايام الكورونا كان بيقترح يحقن المصابين بكلور ومطهرات للقضاء علي الفايروس
مفيش اي رابط بين البنادول اثناء الحمل والتوحد عند الاطفال

22/08/2025

من غير زعل بس الأهالي إللي بتعمل كدة حرام عليهم والله
ونصيحة للبنات لما تبقي متجوزة وسنك صغير اقل من 32 حتي مش هنقول 35 بلاش تتسرعي عالخلفة اول الجواز وخصوصا لو مش عارفاه كويس لإنه فعلا ممكن يكون أهبل وجوزوه عشان يعقل
والله العظيم برشام منع الحمل اول سنة جواز مش هيعمل عقم
يا عم نعمل تحليل مخزون مبيض نطمن انه كويس ومفيش مشكلة لو أجلنا الخلفة اول سنة جواز
يعني تاني يوم الدورة نعمل تحليل
FSH يطلع اقل من عشرة
ونعمل تحليل
AMH يطلع آكتر من واحد
كدة اطمنا إن المخزون حلو
ياعم كمان نعمل بعد الجواز سونار مهبلي نطمن ان الرحم كويس
وبعدها نأجل الحمل اول سنة نتعود علي طباع بعض ونستقر ماديا شوية ونستمتع شوية من غير تعب الحمل
و مسؤولية العيال وبعدها نبطل البرشام ونستني الحمل
دكتور

19/08/2025

يعني خلاص مفيش تعب تاني مفيش ترجيع تاني مفيش حزق تاني 😅

الروبوت ده لو جه مصر برضه هنديله كليكسان عالفاضي وهنولده قيصري عشان الحوض ضيق 😁

هي الصين عاوزة مننا إيه 😇

للتوضيح بس:
انا لسة شايف الخبر يعني زيي زيك بالضبط مش عارف أي تفاصيل علمية عن الموضوع ولا أصلا بجد ولا اشتغالة صينية
😁

18/08/2025

كومبو اتنين في واحد
شد البطن مع الولادة القيصرية
السؤال إللي دايما بنسمعه من اغلب الحالات
حاولنا نحط النقط علي الحروف في الفيديو عالجروب
ونوضح الفرق بين الحقيقة والاوهام
هاتلاقي اللينك في اول كومنت
الصورة فيها شكل جرح شد البطن لو طلع كويس من غير مضاعفات والصورة التانية لما بتحصل مضاعفات
شوفي الفيديو في الكومنت وقوليلنا رأيك
_____________________________________________
دكتور
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 📞01020070798
السويس الاربعين بجوار مركز براعم للحضانات شارع الفرز

02/08/2025

عشان أفلام الرعب إللي بتحصل كل شوية
مفيش حاجة اسمها سرقة اعضاء
وتريند التيكتوك بيتكلم عن تجارة الأعضاء مش سرقة الاعضاء
مصر فيها زراعة أعضاء
لو الزراعة دي حصلت بمقابل مادي يعني لو المتبرع اخد فلوس بقي اسمها جريمة تجارة اعضاء

فاكر لما نزلت انت بوست تريقة وقلت ابيع كليتي واجيب ايفون
ده هو تجارة الأعضاء المجرم في مصر

انما شغل ابنك يتخطف عشان يسرقو أعضاؤه ده عمليا غير قابل للتطبيق

المشكلة ان أي قضية حصلت قبل كدة في مصر كان مقصود بيها تجارة والناس افتكرتها سرقة والصحفيين والاعلام عشان يجيبو ترافيك ومشاهدات ماهتموش يوضحو الفرق

بالمناسبة في دول زي الصين تجارة الأعضاء مش مجرمة في القانون

شغل الافلام بتاع التلاجة اللي مليانة اعضاء بشرية ده هبل مطلق
مفيش قلب هيعيش في التلاجة ست ساعات أصلا
زراعة الأعضاء محتاجة تتنقل بين اتنين نفص فصيلة الدم واختبارات توافق معقدة ومكلفة جدا
بيتاخد بعدها الكلي او فص الكبد من المتبرع وبيتنقل علي طول للمريض

للاسف في مصر مفيش نقل اعضاء من ميت لحي
يارب يتحط تشريع محترم للموضوع ده بدل ثقافة أكرام الميت دفنه
انا لو ميت افضل إن قلبي و كليتي يتنقلو لمريض محتاج بدل ما ياكلهم الدود

وبرضه انا مش هاعلق علي ابراهيم شيكا ووفاء عامر وام مكة ولا الكلام ده بجد ولا ترافيك عشان يلموا اسود وحيتان من اللايفات مش قصتنا اصلا انا باوضح ان فكرة السرقة والخطف من أجل سرقة الأعضاء مستحيل تطبيقيا
اخر حاجة ده لا شغلي ولا تخصصي بس حاولي تنشريه عشان الرعب اللي شغال
عاوزة تاخدي الكلام كوبي تنشريه عادي مفيش مشكلة

22/07/2025

برشام منع الحمل مش هيعمل سرطان في الثدي
ايوة زي ما سمعتي كدة سواء احادي او ثنائي الهرمون
الدراسات اثبتت فعلا انها بتزود احتمالية الاصابة بسرطان الثدي بنسبة بسيطة جدا لو اتاخدت بعد سن الخمسة واربعين سنة لفترة طويلة اكتر من خمس سنين
بس الدراسات كمان أظهرت انها بتقلل خطر الإصابة باورام القولون واورام المبيض وكمان بتحمي من اورام بطانة الرحم (بتقلل بتحمي مش بتزود)

دي زيها زي الهرمونات اللي ربنا خلقها اللي المبيض بيطلعها بالظبط
اصل الفكرة ان لما بناخد الهرمونات من البرشام اصلا هرمونات المبيض بتقف يعني ده بدل ده
بالعكس بقي الجرعة اللي في البرشام اقل من اللي بيطلعها المبيض

المشكلة تيجي امتي بقي؟
المشكلة لما بتتاخد بعد سن اليأس
في الستينات والسبعينات انتشر استخدام الهرمونات التعويضية لكبار السن والترويج ليها باعتبارها اكسير الشباب الدائم
تخيلي تاخدي علاج يمنع ضمور وترهل الثدي وجفاف المهبل وهشاشة العظام اللي بيحصل بعد سن انقطاع الدورة

لكن للأسف ربنا خلق الثدي لوظيفة معينة بتقف بعد سن اليأس و مخلقش الثدي يستحمل الهرمونات بعد السن ده والهرمونات اللي كانت زمان بتكبر الثدي وتحافظ علي شكله وتجهزه للرضاعة دلوقتي ممكن تخليه ينمو نمو سرطاني
ورغم ان ده حصل عند نسبة بسيطة جدا من الستات لكن اتمنع استخدام الهرمونات التعويضية الا بتحذيرات قوية ومتابعة طبية دقيقة
بعد ما الهرمونات التعويضية في الستينات كانت بتتباع في الاكشاك زي الريفو و الأسبرين كدة بقي ممنوع بتتباع الا بوصفة طبية واشتراطات معقدة

انتشر مؤخرًا منشور لطبيبة تدّعي أن حبوب منع الحمل ثنائية الهرمون التي تحتوي على الإستروجين والبروجسترون هي من المسببات الأولى للسرطان

وللاسف الرعب انتشر بسبب البوست المعتمد علي تفسير خاطيء جدا ومضلل (غالبا بشكل متعمد) للدراسات العلمية المنشورة
ملايين المصريات بنستخدم اقراص منع الحمل المركبة كاريح وسيلة منع حمل لأنها اكتر حاجة بتظبط الدورة وتقلل النزيف وتعالج اعراض تكيسات المبايض

ومئات الآلاف من البنات بتستخدمها قبل الجواز لعلاج اعراض تكيسات المبايض بأمان تام
تجارة الرعب للاسف بتجيب شير ولايك كتير ماتساعديش تجار الرعب
وياريت تساعدينا نوصل البوست لكل الناس إللي اترعبت
لايك 👍 للبوست وتعليق تحت 📝 ومنشن 🔖 لصاحبتك اللي نشرت بوست الرعب
لو عندك اي استفسار ممكن تشاركي علي الجروب بتاعنا من اللينك

https://www.facebook.com/groups/312845576271776/?ref=share&mibextid=NSMWBT

______________________________________
دكتور
دكتوراه التوليد وأمراض النساء
استشاري مناظير النساء والحقن
مدرس بكلية الطب
للحجز والاستفسار 📞 01020070798
📍 الاربعين بجوار مركز براعم للحضانات شارع الفرز

دكتور محمد فوزي - جراح ومدرس النساء والتوليد بكلية الطب

28/11/2025

12/11/2025

12/10/2025

10/10/2025

30/09/2025

29/09/2025

23/09/2025

22/08/2025

19/08/2025

18/08/2025

02/08/2025

22/07/2025

Address

Telephone

Website

Alerts

Contact The Practice

Shortcuts

Share

Category