14/09/2025
وبعدين معاكي يا تيته ناصحه ؟؟
في إشاعة مشهورة بتقول إن تطعيم السنة ونص بيعمل توحد
✅ الحقيقة:
مفيش أي بحث علمي واحد أثبت إن التطعيمات بتسبب توحد.
الموضوع بدأ من دراسة قديمة اتعملت غلط واتسحبت بعد كده لأنها طلعت غير صحيحة.
لحد النهاردة كل الأبحاث الكبيرة في العالم بتأكد إن التطعيمات آمنة وملهاش علاقة لا بالتوحد ولا بزيادة كهربا المخ.
التطعيمات هدفها إنها تحمي ابنك من أمراض خطيرة جدًا زي الحصبة وشلل الأطفال والدفتيريا.
لو حصل بعد التطعيم حرارة أو مغص أو حتى تشنج حراري (وده نادر)، ده بيكون عارض مؤقت وبيتعالج. لكن ملوش علاقة لا بتوحد ولا بحاجة مزمنة.
نصيحتي كدكتور أطفال:
خدي كل التطعيمات في مواعيدها.
ماتخليش إشاعة أو كلام على الفيسبوك يوقف حاجة بتحمي ابنك.
لو في أي أعراض بعد التطعيم، راجعي الدكتور فورًا.
---
ً
