Myo clinic for physical therapy

12/07/2025

06/07/2025

19/02/2025

25/03/2024

عارفين يعني ايه "كروديا"🤔
كروديا بنقولها علي الشخص اللي علي نياته أو عبيط
اعتقد و الله أعلم انها مرتبطة ب كلمة crude في الانجليزية و معناها خام 🤨
زي crude oil الزيت الخام
الارتباط ده انا مقرتهوش..بس حسيته 😂
عندي تأملات كتير في أصول و معاني الكلمات
مثلا كلمة " الدحيح "
عندي قناعه انها مرتبطة بكلمة " دحيه" اللي هي "البيضة" في الارياف و بعض البلاد العربيه🥚🥚
فالشخص الدحيح ده بيقعد يرقد علي الكتاب زي ما الفرخه بترقد ع البيض لحد ما يفقس كتاكيت.. 😂هو ممكن يفقس كتب صغيرة
بقالي فترة باتأمل كلمة "عقل"
عقل قريبة من " عقال" اللي هو الحبل اللي بنربط بيه
و قريبه من "اعتقال" اللي هو حبس

و ده معناه أن مهمة العقل الأولي مش التفكير 🤔
مهمة العقل الأولي هي المنع و الحبس ☝️
من وجهة نظري أصعب شيء علي النفس البشرية هو المنع و الحبس
تمنع نفسك من انك تشتم فلان أو تنتقم منه
تمنع نفسك من انك تعمل الغلط
تمنع نفسك من الحرام
تمنع نفسك من الأكل المضر رغم ان نفسك فيه

"أفلا تعقلون" اتقالت في القرآن حوالي ١٤ مرة منها واحدة أفلا يعقلون
اكيد فاكرين انها بمعني يتفكرون أو يتدبرون
لا
هي بمعني الحبس عن الهوي 🙏
اربط نفسك بعقال و لجمها بلجام يمنع انطلاقها و جموحها
و بما اننا في شهر رمضان..و الشياطين محبوسة و معتقله 😈
ف إحنا في مواجهة مباشرة علي انفراد مع النفس
النفس الأمارة بالسوء
النفس دي محتاجه شويه عقل
تهذيب و منع
بيت شعر مازلت حافظه من طفولتي من بردة الإمام البوصيري

" و النفس كالطفل ان تهمله شب علي حب الرضاع و ان تفطمه ينفطم"
فعلا النفس طفل متمرد مدلع فسدان أهله مربهوش
تحتاج العقل و العقال و الاعتقال
هأحاول النهاردة اتأمل مع نفسي ..بلاش نفسي عشان هي المتهم
اتأمل لوحدي ..انا بأمنع نفسي من إيه
لو مش بتمنع نفسك من حاجه ..و كل اللي نفسك فيه بتعمله يبقي انت بتربي جوة نفسك طفل spoiled مدلل هيطلع عينك و هيوديك في داهيه

في تأملك النهاردة حاول تضيف الي قائمة ما تمنع نفسك منه حاجه او اتنين عشانها تربيها اكتر
مثلا .. تلفزيون .. مسلسلات .. رامز .. تنمر.. سف علي الناس .. استعلاء..انتقام و واحدة بواحدة و البادي أظلم .. تدخين
و خلي بالك كل ما منعتها من حاجه انت مش متخيل انها ممكن تمتنع عنها كل ما التربيه هتبقي أحسن و أقوي
ربي" نفسك"
متبقاش "كروديا"
اعمل الهوم ورك ده بجد جد و اجتهاد و كأنك "الدحيح"

08/09/2023

Deltoid repair with augmentation may reduce or avoid the need for prolonged postoperative immobilization and encourage accelerated rehabilitation, preventing stiffness and promoting earlier return to preinjury activity.
https://doi.org/10.1177/03635465231181082