06/04/2024
_ماله يا حجة الولد ده مش عارف يمشي ورجليه معووجه كدة ليه ؟
_اصله يا يبنى عنده كساح
_____________________________________________
ابنك او بنتك او حتى ابن او بنت الجيران عنده كساح ،، تعال هنا نعرف اكتر عنه
😊
،،
اولا التسمية العلمية ل لين العظام عند الأطفال rickets ,,,
و كساح ده التسمية القديمة للمرض ،، وتم تعديل التسمية ل الرخد rickets ,,
لان الكساح تعنى في الفصحي المقعد لكن الرخد تعنى تلين العظام بالتالي مناسبة اكتر للتعريف ،،كمان مهم نعرف ان لين العظام مش بس عند الأطفال ،، لا ده كمان الكبار ممكن يصابوا بيه ويسمى عند الكبار ب osteomalacia ،،
و لين العظام عند الأطفال يحدث من 6 شهور ل سنتين لان الطفل في الفترة دى عظمه بيكبر بشكل كبير وبسرعة ، بيطول من 50 سم ل 80 سم يعنى 35 سم بالإضافة لعبئ ظهور الاسنان في الفترة دى ،،
طيب ال rickets عبارة عن ايه وايه اعراضه ؟
عبارة عن خلل ف تكوين العظام ف المراحل الأولي نتيجة خلل ف ترسيب deposition معادن العظام كالكالسيوم والفوسفور وده بيخلي كثافة العظام قليلة فتبقي سهلة الكسر ، كمان الاماكن اللي بيبقي عليها ضغط زى اليد او الرجل بيحصل فيها انعواج مع التحميل عليها سواء كان الطفل بيمشي او بيحبي،،
الأعراض بقي ايه ؟
بص الاول كده ف الصور كويس
بصيت 💩
؟ طيب لاحظت حاجة ؟ ،، تعالي نشووووف ،،
* نبدا من الراس :
عارفين الفتحة اللي ف الراس ، تسمى باليافوخ ، المفروض انها بتتقفل بمعدل معين الفتحة دى بقي بتتاخر ف قفلها وكمان هنلاقي الطفل عنده بروز ف الجمجمة مع زيادة حجم الراس وبروز ف الجبهة ،،
وكمان الطفل بيبقي عنده تأخر ف ظهورالأسنان (التسنين 😆 )
* ثانيا الصدر :
بيبقي بارز ،،الواد تلاقي صدره زى صدر الحمامة كدة ،،وكمان ظهور نتوءات علي شكل المسبحة ف اطراف الأضلاع عند اتصال الغضاريف بالعظام
*ثالثا العمود الفقري :
انحناءات جانبية أو أمامية غير طبيعية
*رابعا الحوض :
تأخر نموه مع حدوث تشوهات
*خامسا الأطراف : ودى أكتر حاجة ملحوظة ،،
تضخم في عظام الأطراف حول الرسغ wrist والكاحل ankle فتلاقي العظم عريض ف المناطق دى ،، مع انعواج في العظام الطويلة long bones ،،
طيب اسبابه ايه عشان نعرف نلحقه بسرعه ؟
* أولا نقص vit D فيتامين د ،، وده أهم سبب ،، سامعه حد بيسأل ليه ؟
قالك يا سيدى لان vit D من اهم وظايفه انه يزود امتصاص املاح الكالسيوم والفوسفور من الامعاء ،، ويقلل افرازها مع البول ،،بالتالي بيحصل deposition و بكدة نقصه يسبب لين العظام
طيب هو بينقص ليه ؟
لان لبن الام الطبيعي نسبة فيتامين د فيه قليلة نسبيا وخصوصا لو الام عندها اصلا نقص في فيتامين د ،،
نلاقي الأم والطفل كمان مش بيتعرضوا للشمس بالتالي تصنيع فيتامين د قليل ،
وهنتكلم شوية عن دور الشمس ف تصنيع فيتامين د ،،
كمان لو حد عنده نقص ف افرازات الغدد جارات الدرقية hypoparathyrodism وده له دور ف تصنيعه ،،
* ثانيا ،،ممكن كمان يكون عنده مشاكل في الكلي و مشاكل في الجهاز الهضمى ،، فالطفل مش قادر يمتص المعادن ويستفيد منها ،،
الطفل لو عنده اسهال زيادة فبيتخلص من المعادن زى الفوسفور ومش بيقدر يستفيد منه
* ثالثا ،، أمراض وراثية بتأثر علي وظايف الكلي وانزيماتها ،، بالتالي نقص vit D ونقص الاحتفاظ بالأملاح
______________________________________________
طيب ايه دور العلاج الطبيعي ف لين العظام ؟
احنا قلنا ان Vit D هو المجرم المسؤول عن كل اللي بيحصل نتيجة نقصه ،،
يعنى عايزين نزوده ،، هنزوده ازاي ؟
*اولا هنعمل للطفل تمارين تعمل علي تقوية العظام وزيادة كثافتها وده مهم جدا ،،
*ثانيا هنعوض النقص في فيتامين د والمعادن زى الكالسيوم والفوسفور بالمكملات الغذائية والدايت ،، ومن أهم الأغذية التى تحتوى علي فيتامين د :
السمك كالسلمون والتونة والسردين،، وزيوت كبد السمك ،،صفار البيض ،، الخضراوات والفواكه ،، اللبن ومشتقاته ،،
*ثالثا هنعرض الطفل ل أشعة uv يعنى الأشعة فوق البنفسجية ،،
ودى من ضمن ال modalities عندنا ،، ولل uv له دور كبير في تصنيع فيتامين د وبالتالي بيزيد امتصاص أملاح الكالسيوم والفوسفور وبالتالي تبدأ الحالة تتحسن ،،
وهنقول للحجة الوالدة تعرض الطفل لأشعة الشمس وخصوصا بدري عالساعة 6 كدة ،، لان زى ما احنا عارفين ان uv من ضمن اشعاعات الشمس ،،
فاهمة يا حجة ☺
😊 وفاهم يا اللي بتقرا ؟
وبكدا انتهت حلقتنا النهاردة 🙂
✨
✨
✨
