Healthy pet _tahta د. خالد حافظ

27/01/2026

🐾 البطل "غزال" نوّرنا في العيادة! 🐾
الجميل غزال زارنا عشان ياخد التطعيم الثماني الدوري بتاعه. غزال مش بس شاطر، ده كمان صاحب مسؤول، لأنه عارف إن الحماية بتبدأ بـ "شكّة" صغيرة بتحميه من مخاطر كبيرة.
⚠️ ليه التطعيم الثماني مهم جداً؟
التطعيم ده هو حائط الصد الأول ضد أمراض فيروسية خطيرة، وعلى رأسها فيروس البارفو (Parvo).
• البارفو: فيروس شرس جداً، بينتشر بسرعة، وممكن يهدد حياة أليفك في وقت قصير جداً.
• الوقاية خير من العلاج: تكلفة وبذل مجهود في التطعيم لا تقارن أبداً بمعاناة الكلب وقت التعب أو تكاليف العلاج الصعبة.
💡
متأجلش ميعاد تطعيم أليفك. صحة كلبك أمانة، والتزامك بالجدول الزمني للتطعيمات هو اللي بيضمن له حياة طويلة وسعيدة بعيداً عن الأوجاع.
شكراً لغزال وصاحبه على الثقة، وعقبال كل الأبطال ما يطمنونا عليهم! ❤️
العنوان طهطا شارع ٢٨ بجوار مستشفي نور الحياه
للتواصل 010 64945270

22/01/2026

18/01/2026

🐾 حالة إنقاذ جديدة في العيادة 🐾

قطّة صغيرة عمرها شهرين بس، جاتلنا حالتها صعبة جدًا
كانت أطرافها الخلفية بتترعش، تعبانه وخاملة، ومانعة الأكل تمامًا 💔

بعد الفحص وتحديد السبب، بدأنا كورس العلاج المناسب داخل العيادة، مع متابعة دقيقة لحالتها يوم ورا يوم ✨

والحمد لله 🙏
استجابت للعلاج بشكل ممتاز،
الارتعاش اختفى، شهيتها رجعت، وبقت نشيطة وبصحة كويسة 🥰🐱

📌 الحالة دي بتفكرنا قد إيه الاكتشاف بدري والتدخل السريع ممكن يفرقوا في حياة حيوان صغير.
لو لاحظت أي أعراض غير طبيعية على قطتك، ما تتأخرش في
الكشف
للتواصل 010 64945270

11/01/2026

https://www.tiktok.com/@.healthy.pet1?_r=1&_t=ZS-92zG9IDA424
اكونت التيك توك الجديد الخاص بالعياده ♥️🥰

@.healthy.pet1 7 متابع، تتابع 0، 4 تسجيلات إعجاب - شاهد مقاطع فيديو رائعة تم إنشاؤها بواسطة عيادة healthy pet بطهطا

11/01/2026

🐶 حالة شفاء الحمد لله 🐾

كلب جرو صغير جالنا العيادة وهو عنده نزلة معوية (قيء وإسهال وإرهاق واضح).
بعد الكشف بدأنا كورس علاج منتظم لمدة 3 أيام .

✔️ الحمد لله استجاب بسرعة
✔️ الأكل رجع
✔️ النشاط اتحسن
✔️ الحالة مستقرة وبقى كويس خالص

📌 رسالة مهمة لكل أصحاب الحيوانات:
أي قيء أو إسهال عند الجِراوي الصغيرين ما يتسابش، لأن الجفاف بيحصل بسرعة وممكن يهدد حياتهم. الكشف بدري بيفرق كتير جدًا
العنوان طهطا شارع ٢٨ بجوار مستشفي نور الحياه
للتواصل 010 64945270

06/01/2026

🎉 عروض خاصة على عمليات تعقيم القطط – لمده اسبوع فقط🎉
لو لسه محتار تعقم قطتك ولا لأ، خليني أقولك إن التعقيم مش رفاهية… ده خطوة أساسية لصحتها الجسدية والنفسية!

✅ إيه فوايد التعقيم؟
🔹 بيحافظ على صحة القطة:
• بيمنع أمراض خطيرة زي التهابات الرحم وأورام الثدي والمبيض.
• بيقلل احتمال الإصابة بالأورام السرطانية المرتبطة بالهرمونات.

🔹 راحة نفسية وسلوك أهدى:
• القطة بتبقى أهدى ومفيش صريخ أو طلب تزاوج مستمر.
• مفيش هروب أو سلوك عدواني أو تبول في كل مكان.
• قطك هيكون مرتاح نفسيًا وأكتر ارتباطًا بيك.

🔹 تجنب الحمل المتكرر:
• الحمل المتكرر بيأثر على جسم القطة وبيستهلك طاقتها.
• بتمنعي ولادة أعداد كبيرة من القطط اللي صعب تلاقي لها بيوت، وبالتالي بتحميها من التشرد.

🔹 أمان ليك ولبيتك:
• مفيش سلوك مزعج أو تجميع لقطط ذكور حوالين البيت وقت الشبق.
• بتحمي البيت من الروائح والسلوكيات الغير مرغوب
فيها.

العنوان شارع ٢٨ بجوار مشتشفي نور الحياه
رقم العياده 01064945270.
🐾 خلي قطتك تعيش بصحة وراحة… لأنها تستاهل ❤️

27/12/2025

حالات العيون بعد العلاج والمتابعه من غير تدخل جراحي
العنوان شارع ٢٨ بجوار مستشفي نور الحياه
للتواصل 010 64945270

24/12/2025

حمديّة جاتلنا العيادة وهي في حالة إعياء شديدة،
وبعد الكشف اتأكدنا إنها مصابة بفيروس البانليكوبينيا — واحد من أخطر الفيروسات اللي بتصيب القطط 😔

بدأنا معاها بروتوكول العلاج المكثف والمتابعة الدقيقة،
ومع الصبر والالتزام… ربنا كرمنا 💚
حمديّة استجابت للعلاج وخفّت الحمد لله وبقت أحسن 🙏🐾

⚠️ أعراض فيروس البانليكوبينيا اللي لازم تاخد بالك منها:
• خمول شديد وعدم حركة
• فقدان الشهية تمامًا
• قيء مستمر
• إسهال شديد (أحيانًا مصحوب بدم)
• ارتفاع أو انخفاض مفاجئ في درجة الحرارة
• جفاف سريع
• ضعف عام وقد يصل لهبوط حاد

📌 ملحوظة مهمة:
الفيروس سريع الانتشار وخطير،
والوقاية الحقيقية منه هي التطعيم الرباعي في ميعاده 💉

لو لاحظت أي عرض من دول على قطتك،
انك تلحقها بدري بيفرق في فرص النجاة.
للتواصل 010 64945270
العنوان طهطا شارع ٢٨ بجوار مستشفي نور الحياه

12/12/2025

📢 تنبيه مهم لمربي القطط في الشتاء!
🐱❄️ فيروس البانليكوبينيا (Feline Panleukopenia) منتشر جدًا اليومين دول… وده واحد من أخطر الفيروسات اللي بتصيب القطط، خصوصًا الصغار.

⚠️ المرض سريع الانتشار وممكن يسبب نسب نفوق عالية لو القط مش مُطعم.
وبيظهر بأعراض زي:
• ترجيع مستمر
• إسهال ممكن يكون مدمم
• فقدان شهية
• خمول شديد
• ارتفاع حرارة
• جفاف سريع

💉 الحل الوحيد للوقاية هو التطعيم الرباعي!
التطعيم الرباعي بيحمي قطك من:
✔️ البانليكوبينيا
✔️ الكاليسي
✔️ الهربس
✔️ الكلاميديا

🕒 دلوقتي هو الوقت المناسب جدًا للتطعيم قبل ما تنتشر العدوى أكتر في الجو البارد.
لو قطك عمره فوق 6–8 أسابيع ولسه ما أخدش التطعيم… لازم تيجي فورًا.

🏥 احجز دلوقتي واحمي قطك قبل ما تتعرض للفيروس. الوقاية أهم وأرخص بكتير من العلاج.

30/11/2025

من كام سنة…
كنت من أكتر الناس اللي شايفة إن التعقيم حرام ومينفعش ومش هفكّر فيه حتى.
كنت مقتنعة إن “الطبيعي أحسن”… وإن الحيوان “بيعيش حياته”.

لحد ما بقى يجيلنا في العيادة كل يوم تقريبًا:
قطط عندها صديد في الرحم…
حمل كاذب…
ولادة متعسّرة…
ذكور بعَنّفوا بعض…
صراخ يومي…
رش…
هروب…
وإجهاد مش طبيعي عليهم.

بقيت أشوف حيوانات بتتوجع بجد…
وقتها بدأت أفهم إن الموضوع مش رفاهية… ومش ظلم… ومش ضد الرحمة.
الموضوع بالعكس…
هو قرار بيحمي روح وبيمنع وجع كتير.

دلوقتي… بعد الشغل والسّنين والمواقف…
أقدر أقول بثقة:

التعقيم مش قسوة…
القسوة إنّي أسيب حيوان يتألم بشيء أنا أقدر أمنعه.

التعقيم:
• بيمنع الصديد بنسبة عالية جدًا
• بيقلل الأورام
• بيمنع الهروب والمشاكل السلوكية
•

الفكرة اتغيرت…
لأن اللي شوفته بعيني غيّرني.

ربنا يحفظ كل روح بين إيدينا 🐾🤍
العنوان طهطا شارع ٢٨ بجوار مستشفي نور الحياه
للتواصل 010 64945270

29/11/2025

حالة قطة كانت بترجع كل ما بتاكل وكانت سخنة – وتم علاجها والحمدلله 🐾

جت لنا قطة تعبانة جدًا…
❗ كانت بترجع أول ما تاكل أي حاجة
❗ وعندها سخونة عالية ورفض تام للأكل

بعد الفحص تبين إن القطة عندها التهاب بالمعدة مع بداية عدوى فيروسية بسيطة مسببة السخونة والترجيع.

✨ والحمدلله من أول يوم القطة استجابت للعلاج ووقفت ترجع وبدأت تتقبل الأكل تاني وبقت أحسن بكتير.